Арсенал игра многу солидна сезона, но на крајот нема да има нов трофеј во својата витрина.

Што се однесува до Премиер лигата, работите веќе оддамна се јасни – Ливерпул и математички го обезбеди својот 20-ти трофеј како шампион на Англија.

Фокусот на „Топчиите“ оваа сезона не беше на домашните купови, а во Лигата на шампионите имаа респектабилен пат.

И на тој начин оваа сезона „Топчиите“ останаа без трофеј, а Declan Рајс ги отвори чувствата пред англиските медиуми поради таа тема.

„Многу ме боли и мачно ми е. Многу, многу ми е важен трофејот од Премиер лигата. Ова е спортот кој го сакам и во кој сакам да успеам. Да се освои трофеј со Арсенал би било одлично, но имам уште 4-5 години договор да го оствариме тоа. Верувам дека ќе успееме.

Ако имаш победнички менталитет, многу тешко е тоа да се прифати. Од друга страна, Ливерпул оваа година го заслужи сето тоа и не сум тип кој бара оправдувања“, додаде тој.

Арсенал сака да ангажира талентиран фудбалер во нападот, а изборот паднал на фантастичниот Бенџамин Шешко од Лајпциг.

Овој 21-годишен напаѓач привлече големо внимание на неколку гиганти, а на Островот го нарекуваат „новиот Халанд“.

Минатото лето Шешко реши да остане во Лајпциг, но сега е спремен за чекор напред во кариерата и сака трансфер во Премиер лигата.

Арсенал веќе почнал преговори со неговиот агент, но проблем може да биде Лајпциг кој бара 70 милиони евра за неговиот потпис.

Голманот Војчех Шчесни, кој се реактивираше на теренот во дресот на Барселона, може да остане и понатаму во шпанскиот фудбалски состав иако има договор само за една сезона.

Тој беше ангажиран како замена за повредениот Марк Тер Штеген но, очигледно ги доби симпатиите на тренерот, Ханси Флик.

„Тој е одличен голман и тоа е причината зошто е наш број еден во моментов. Клубот го знае мојот став. Јас сум среќен со него, секогаш е позитивен и мирен и тоа значи многу за екипата“, рече Флик.

Екипата на Наполи планира да обезбеди квалитетни засилувања за новата сезона во која ќе настапува во Лигата на шампионите.

Деновиве се појави информација дека италијанскиот тим ќе се обиде да дојде до потписот на Кевин Де Брујне, кој дефинитивно во текот на летото ќе го напушти Манчестер Сити. Денеска пак, медиумите најавуваат дека Наполи сака да го купи и играчот на Ливерпул, Дарвин Нуњес.

Се очекува Уругваецот да го напушти стадионот – „Енфилд“ бидејќи не е задоволен од минутажата што ја добива.

Хамбург го слави враќањето на ХСВ во најсилната лига на германскиот фудбал. Седум години по елиминацијата славниот клуб повторно е дел од елитата во која се внедри во голем стил – победа од 6:1 против Улм пред околу 60.000 луѓе на “Фолксарк” стадион.

Тимот од најголемото германско пристаниште остана на прво место, но не го обезбеди. Тоа ќе може да го направи во последното коло против Гројтер Фирт.

Близу до пласман во највисокиот ранг е и Келн, кому му е потребен бод во последните деветдесет минути фудбал за математички да ја обезбеди таа цел.

Десетина илјади навивачи извршија инвазија на теренот во Хамбург откако судијата свирна крај на мечот со Улм.

Фудбалерите на Барселона го победија Реал Мадрид четврти пат во тековната сезона. На натпреварот паднаа спектакуларни седум гола, а резултатот е 4-3.

Со оваа победа Ханси Флик се доближи со нова шампинска титула односно “триплет” по веќе освоените Суперкуп на Шпанија и Куп на кралот.

Во секој од натпреварите Барселона го победи Реал, а вкупно оваа сезона ги доби сите четири пресметки против “кралскиот клуб”.

Публиката го оцени тукушто завршениот натпревар како еден од најдобрите меѓу ривалите.

Почетокот најавуваше целосно спротивен исход, откако Реал по 14 минути водеше со високи 2-0, со два гола на Килијан Мбапе.

Во 3. минута беше досуден пенал над Французинот, кој сам го реализираше за водство на гостите. Веќе во 14. минута нов шок за Барса и целосна тишина на стадионот, кога Мбапе избега зад грбот на високо поставената одбрана на ривалот и лесно го совлада Шчењи.

Веќе во 19. минута Ерик Гарсија после корнерот од левата страна го намали водството на 1-2. Се чекаше изеднадување до 32. минута кога Ламин Јамал за три минути донесе пресврт со два маестрални гола. Посебно извонредна беше мајсторијата на Јамал, во негов стил, но и онаа на Рафња кој од својата позиција после пресингот доведе до 3:2.

Истиот играч во 45. минута изврши притисок на Лукас Васкес, му ја зњсњ топката, одигра дупли пас со Феран Торе, и ефектно ја смести топката во мрежата за 4-2. Нокаутот на Реал, не го спаси ни Мбапе кој во второто полувреме, во 70. минута ја намали разликата на 4-3.

Имаше поништени голови на двете страни, но и промашени зицери, пред сè на Реал во 89. и 90. минута.

Во еден момент беше отпишан. Кога на почетокот на февруари против Лацио врза три последователни порази во Серија А, постоеше прашање дали Сержо Консеисао воопшто ќе го дочека крајот на сезоната на клупата на Милан.

Сепак, како што се ближи крајот на натпреварувачката година, така и шпекулациите за кандидатите кои би можеле да го наследат се потивни, додека можноста Португалецот да остане на Сан Сиро, изгледа дека се зголемува.

„Имаме целосна доверба во него, концентрирани сме да видиме како ќе се одвива оваа сезона, тој добро работи со тимот и веруваме во него“, изјави извршниот директор на „Росонерите“, Џорџо Фурлани по победата над Болоња.

Милан во среда против Болоња во финалето на Купот на Италија ќе има можност да обезбеди пласман во Лигата на Европа. Меѓутоа, извршниот директор на италијанскиот клуб не крие дека и во случај на освојување на втор трофеј сезоната би била неуспешна бидејќи „Росонерите“ нема да играат во Лигата на шампионите следната сезона.

Со заминувањето на Чаби Алонсо се очекува да си заминат и најголемите ѕвезди на Баер Леверкузен.

Вчера се шпекулираше за договорот на Флоријан Вирц со Баерн Минхен, а Баварците истовремено решија со сите сили да тргнат и по Џонатан Тах.

Договорот на дефанзивецот истекува на 30 јуни и ќе биде слободен во изборот на нова средина, а иако зимоска договори сè со Барселона, Каталонците се повлекоа од преговорите.

Откако Роналд Араухо остана, а Ерик Гарсија значително ја подигна формата и го доби довербата на Ханси Флик, и поради бројни финансиски проблеми, Каталонците ги стопираа преговорите со германскиот дефанзивец.

Баерн со сите сили се обидува да го убеди да дојде во Минхен, особено откако Ерик Дајер договори трансфер во Монако.

Во Минхен сметаат дека Вирц и Тах се совршени засилувања и главни цели за сезоната 2025/26 и во голема мера работат на потписот на двајцата.

Голманот на италијанската фудбалска репрезентација и на Пари Сен-Жермен Џанлуиџи Донарума (26) е на радарот на Манчестер Јунајтед, пренесуваат англиските и италијанските медиуми. Донарума оваа сезона е еден од клучните играчи на парискиот состав, кој веќе го обезбеди новиот трофеј во Ле Шампионат, како и пласман во финалето на Лигата на шампионите.

Италијанскиот голман особено блесна против англиските клубови Ливерпул, Астон Вила и Арсенал во осминафиналето, четвртфиналето и полуфиналето на Лигата на шампионите. Неговиот договор со клубот истекува во јуни 2026 година, меѓутоа се шпекулира дека би можел да си замине ова лето.

„Островските“ медиуми сè погласно го споменуваат интересот на Манчестер Јунајтед. Се наведува дека менаџерот на Јунајтед, Рубен Аморим, побарал понуда за Донарума, незадоволен од изведбите на Андре Онана. Донарума во Паркот на принцовите пристигна во јуни 2021 година како слободен играч од Милан, а се шпекулира дека ПСЖ ќе бара најмалку 50 милиони евра за него.

Хајдук беше блиску, а сега е далеку од титулата во Хрватска.

Има три бода помалку од Риека, два од Динамо и само чудо во последните три кола може да ги одведе до титулата. Ѓенаро Гатузо го водеше овој тим цела сезона, а поради слабите резултати на крајот, титулата е далеку.

“Можеби се повторувам, но… Дојдов во овој прекрасен град со насмевка и така ќе биде и кога ќе заминам”, рече Гатузо.

“Овие 11 месеци беа тешки и во моментот кога ќе заминам многу ќе ми биде жал. Сретнав луѓе кои ми обележаа живот”, истакна италијанскиот тренер кој на овој начин го најави своето заминување.