Рекордни 655 милиони долари ќе изнесува наградниот фонд за Светското првенство 2026, што е зголемување од 50 проценти во однос на претходниот Мундијал 2022 во Катар, објави попладнево Меѓународната фудбалска федерација (ФИФА).

Секоја репрезентација што ќе се квалификува за Светското првенство ќе добие и 1,5 милиони долари за трошоци за подготовки, што значи дека ФИФА ќе им исплати вкупно 727 милиони долари на учесниците на Светското првенство кое идната година ќе се одржи во САД, Канада и Мексико.

Светскиот шампион ќе инкасира 50 милиони долари, а вицешампионот 33 милиони долари. Третопласираната репрезентација ќе добие 29 милиони долари, а четвртопласираната 27 милиони долари.

Репрезентациите од петто до осмо место ќе заработат 19 милиони долари, додека од деветто до 16 место ќе добијат 15 милиони долари.

Наградниот фонд за пласман од 17 до 32 место ќе изнесува 11 милиони долари, а за пласман од 33 до 48 место девет милиони долари.

Претседателот на ФИФА, Џани Инфантино, изјави дека Светското првенство во 2026 година ќе биде пресвртница во однос на финансиските придонеси кон глобалната фудбалска заедница.

Десниот бек на Интер, Дензел Демфрис, го оперираше левиот глужд и ќе биде надвор од теренот два до три месеци, јавија денеска италијанските медиуми. Холандскиот репрезентативец веќе некое време има проблем со повреда на глуждот и, по консултација со специјалисти, одлучи да се подложи на операција. Демфрис бил опериран во вторникот во лондонската клиника „Фортиус“.

Својот последен натпревар Демфрис го одигра на 9 ноември во италијанското првенство против Лацио.

Според италијанските медиуми, Интер ќе се обиде да ангажира дефанзивец во зимскиот преоден рок кој ќе го покрива десното крило додека Демфрис не се врати на теренот

Претседателот на Селтик од Глазгов, Питер Ловел,, објави дека неговиот мандат како прв човек на клубот ќе заврши на последниот ден од годината.

Причината за таквата одлука, како што рече, се заканите што ги добива во последно време од различни страни.

„Верувам дека покажав способност да се справам и да надминам многу предизвици на повеќе фронтови, но навредите и заканите од одредени извори се интензивираа и станаа неприфатливи. Тие го ужаснаа и вознемирија моето семејство“, изјави Лавел за веб-страницата на клубот.

„Во оваа фаза од мојот живот, не ми треба ова. Не можам да го прифатам ова и затоа го напуштам клубот што го сакав целиот свој живот. Мотивациите и целите на овие критичари можат да ги истражат други. Претпочитам да се осврнам на мојата кариера во Селтик со длабока благодарност и задоволство“, додаде тој на крајот.

Ловел ја извршуваше таа позиција во последните три години.

Тој е во клубот 18 години, а пред да стане претседател, ја извршуваше функцијата извршен директор.

Заедно со членовите на Управниот одбор, тој со месеци е на удар од навивачите поради лошите резултати на тимот, кој не успеа да се квалификува за Лигата на шампионите, додека во домашната лига заостанува шест бода зад лидерот Хартс.

Тимот неодамна го презеде Вилфред Ненси, меѓутоа, тој ги загуби првите три натпревари што ги водеше, па се постави прашањето дали има потреба да се замени привремената опција во лицето на Мартин О’Нил.

Брендан Роџерс ја започна сезоната на клупата, но поради неостварени цели, поднесе оставка во октомври.

Францускиот напаѓач Килијан Мбапе го постигна својот 58-ми гол за Реал Мадрид во 2025 година. Фудбалерот постигна два гола во натпреварот од Купот на Кралот против Талавера де ла Реина (2-3).

Со тоа Килијан Мбапе го намали заостанувањето со рекордот на Кристијано Роналдо за голови постигнати за Реал Мадрид во една календарска година на само еден гол. Португалецот постигна 59 гола во 2013 година.

Реал Мадрид ќе има уште еден натпревар да одигра пред крајот на 2025 година – против Севиља во шпанското првенство и тоа ќе биде можност Мбапе да го израмни рекордот на Роналдо.

Оваа сезона, Французинот одигра 26 натпревари во сите натпреварувања, постигнувајќи 29 гола и имајќи четири асистенции.

Милан ќе го доведе Никлас Филкруг од Вест Хем во јануарскиот преоден рок, пишува Фабрицио Романо. Трансферот е многу блиску до реализација, а германскиот централен напаѓач е приоритет на „росонерите“.

Поради Милан, Филкруг одби две понуди од Бундеслигата и сега останува клубовите да се договорат за трансферот.

На Милан итно му е потребен централен напаѓач откако Мексиканецот Сантијаго Хименез беше опериран, поради што ќе паузира неколку месеци. Филкруг не игра во лондонскиот клуб и оваа сезона има девет регистрирани настапи, од кои два од првата минута.

За Вест Хем, тој постигна три гола и асистираше двапати во 29 натпревари досега. Во својата кариера, тој играше и за Вердер, Хановер, Нирнберг, Борусија Дортмунд и Гројтер Фирт. Тој има 24 настапи и 14 гола за германската репрезентација.

Според „Трансфермаркт“, тој вреди осум милиони евра.

Фудбалерите на ПСЖ го освоија Интерконтинеталниот куп. Во Ал Рајан, европскиот првак го победи шампионот на Јуѓна Америка, Фламенго, по избедувањето пенали. Натпреварот по 120 минути заврши 1-1, а пенал серијата ја добија „светците“ со 2-1.

Рускиот голман Матвеј Сафонов, му го донесе на ПСЖ трофејот. По пенал серијата одбрани четири од петте обиди на играчите на Фламенго.

Откако Де ла Круз погоди во првата серија, Сафонов потоа ги одбрани ударите на Саул Нигез, Педро и Лео Переира, Луис Араухо.

Не блескаа ниту играчите на ПСЖ, Витња и Нуно Мендеш погодија во првата и третата серија, а Роси ги одбрани пеналите на Дембеле и Баркола.

Во регуларниот дел стрелци беа Кварацхелија во 38-та минута за ПСЖ и Њоргињо во 62-та од пенал за Фламенго.

Фудбалерите на Атлетико и Реал Мадрид се провлекоа во осминафиналето на Купот на Кралот, додека од ова натпреварување испаднаа Виљареал и Селта.

Атлетико, победи со 3-2 кај членот на Четвртата лига, Атлетико Балеари, а Реал со ист резултат победи кај Талавера. Виљареал загуби во Снатандер, од Расин со 2-1, а Селта доживеа елиминација од Албасете, по изведувањето пенали.

Атлетико Мадрид во првите 20 минути постигна два гола, преку Гризман и Распадори и тука застана. Домаќинот намали во првиот дел, а потоа имаше и неколку добри шанси за 2-2. Кога Гризман постигна гол се чинеше дека е се решено, но екипата од Балерати доби пенал во 80-та минута, Мусо успеа да одбрани, потоа Аргентинецот имеше една брилијантна интервенција. Во 90-та минута, Балеарите добија уште еден пенал, а Kејта ги постави кончните 2:3.

Сличен меч одгра и Реал, Мбапе погоди за 0-1, а потоа Фарандо постигна автогол за 0-2. Аројо намали на 10 минути до крајот, Мбапе постигна гол во 88-та минута. Во следниот напад Талавера не доби пенал, а Ди Ренцо во 91-та минута намали на 2-3. Продолженија спречи голманот Луни со брилијанта интервенција во 93-та минута.

Расинг во целост го надигра Виљареал, тим кој се наоѓа на третото место во Примера. Арана влезе во натпреварот „наоштрен“ и практично му донесе победа на својот тим со два гола во шестата и 28-та минута.

Виљареал го постигна единствениот гол во 86-та минута кога Перез постигна гол.

Селта доживеа ѓок во Албасете во 93-та минута кога домашниот тим изедначи на 2-2. Во прдолженијата немаше голови, а во пенал серијата, Албасете постигна три, а Селта ниту еден гол. Пеналите не ги реализираа Мингеса, Алварез и Јаго Аспас.

Ракометарите на Еурофарм Пелистер издвојуваа победа над Тиквеш од 29-21 во последниот меч во оваа календарска година во Суперлигата. Клубот од Битола имаше јасно поставена цел за овој меч, па иако во првиот дел противникот даде силен отпор (12:10) по паузата „зелено-белите“ ја потврдија фаворитската улога, разликата во квалитет и дојдоа до резултатот што го посакуваа.

Ова за актуелниот првак беше четиринаесетти триумф во осумнаесеттиот сезонски натпревар. Најпрецизен играч кај шампионот беше Хакбарт со седум погодоци.

Еурофарм Пелистер ќе презими на второто место, а тролетниот дел ќе го започне во првиот викенд од февруари и градскиот дуел со Еурофарм Пелистер 2.

Овиедо го назначи Гилермо Алмада за свој нов тренер, објави клубот на социјалните мрежи.

Алмада е третиот тренер на Овиедо од почетокот на сезоната, по Вељко Пауновиќ и Луис Карион.

Клубот се врати во Примера по 24 години, моментално е на 19-то место на табелата со само десет освоени бода. По отпуштањето на Пауновиќ, беше доведен Карион, кој не успеа да забележи ниту една победа.

Алмада до оваа недела тој го водеше Ваљадолид, а на име на надомест, неговиот поранешен тим ќе добие 400.000 евра од Овиедо.

Алмада е Уругваец, а претходно успешно работеше во Мексико каде што ги водеше Пачука и Сантос Лагуна.

Демократска Република Конго би можела да биде исфрлена од плејофот за пласман на Светското првенство. Нигерија поднесе жалба против ДР Конго. Нигеријците тврдат дека за ДР Конго насташиле фудбалери кои немале право да играат.

ДР Конго неодамна ја елиминираше Нигерија во квалификациите за пласман во интернационалниот. Конгоанците, до дуелот со победникот од Јамајка и Нова Каледонија, дојдоа по подоброто изведување пенали.

Нигеријците тврдат дека дури девет фудбалери на ДР Конго го промениле своето спортско државјанство пред натпреварот со Нигерија. Постапката тогаш не била завршена, па затоа бараат дисквалификација на ДР Конго.

Уставот на ДР Конго не дозволува двојно државјанство, а Нигеријците имаат информации дека некои формално не го отфрлиле претходнто. Доколку тоа се покаже како вистина, ФИФА би можела да ги поништи резултатите…

Аксел Туанзебе, Артур Масуаку, Арон Ван-Бисака итн. се во конкуренција.