Англискиот шампион Ливерпул поминува низ тежок период. Покрај тоа што го претрпеа вториот последователен пораз во сезоната синоќа, во Ливерпул го загубија и својот стартен голман Алисон Бекер. Во поразот од Галатасарај со 0:1 во Лигата на шампионите, бразилскиот голман се повреди на почетокот на второто полувреме и мораше да биде заменет од Ѓорѓи Мамардашвили. Повредата сигурно ќе го оддалечи за претстојниот натпревар со Челзи, а може да пропушти и повеќе натпревари. Состојбата на Уго Екитике го загрижува и менаџерот Арне Слот, кој беше принуден да го замени и него.

„Не можам точно да ви кажам што се случи со Алисон бидејќи не сум доктор, но обично кога играчот ќе се врати со спринтање, ќе почувствува нешто и ќе падне на земја, тој не се враќа. Ќе мора да почекаме и да видиме колку е сериозна повредата, но дефинитивно нема да може да игра против Челзи оваа сабота. За Екитике, не мислев дека е повреда, но тој рече дека не може да продолжи, па мораше да го извадиме. Да видиме како ќе биде во текот на викендот“, загрижено објасни менаџерот на Ливерпул.

Фудбалерите на Пари Сен Жермен ја победија Барселона со 1-2 (1-1) во дербито на втората рунда во Лигата на шампионите. ПСЖ победи и покрај тоа што против Барселона Луис Енрике играше без петмина од првиот тим.

На стадионот „Монжуик“ видовме „само“ три гола, иако двата тима имаа неколку изгледни шанси, да постигнат уште некој гол.

Натпреварот отвори Ламин Јамал кога со убав потег се ослободи од двајца играчи, подготви шанса за Феран Торес во втората минута.

Во 19-та минута, Витиња ја загуби топката на својата половина, а потоа Маркус Рашфорд со прекрасна асистенција му овозможи на Торес да го совлада Шевалие.

По 25-та минута ПСЖ ја презеде контролата врз играта. Во 38-та минута, Нуно Мендеш ја претрча одбраната на Барселона, а тинејџерот Мајулу го изедначи резултатот.

Во второто полувреме Хакими спаси сигурен гол по обидот на Олмо и тоа беше најдобрата и единствена шанса на Барселона во овој период од играта.

Како што доминуваше натпреварот ПСЖ се повеќе го засилуваше темпото. Играчите на барселона не може да да се спротивстават. Баркола имаше два обиди, Ли ја погоди стативата, а во 90-та минута изворедна акција на Хакими која Рамош ја претвори во гол за победа.

ПСЖ ја забележа втората победа, а Барселона го запиша првиот пораз во сезоната во сите натпреварувања.

Јувентус и Манчестер сити во последната минута испуштија победи на гостувањата во Виљареал, односно Монако. Благодарение на „врската од Манчестер“ и голманот Вања Милинковиќ Савиќ, Наполи славеше против Спортинг. Арсенал се мачеше против Олимпијакос, но забележа сигурна победа. Борусија Дортмунд беше убедлива, додека на Баерл Леверкузен и ПСВ одиграа без победник.

Вечерашните натпревари во Лигата на шампионите, покрај победата на ПСЖ во Барселона (2:1), со голот на Рамош во 90-та минута, ја обележаа дефанзивецот на Јувентус, Федерико Гати со спектакуларен гол против Виљареал во 49-та минута, и Скандинавците Расмус Хојлунд и Ерлинг Халанд, кои постигнаа по два гола за Наполи, односно Манчестер сити.

Култниот стадион „Ла Ромареда“ во Сарагоса, дом на истоимениот фудбалски клуб, е срушен за да се направи место за модерна арена пред Светското првенство во 2030 година.

На овој начин во историјата замина стадионот изграден пред 68 години. Капацитетот на „Ла Ромаледа“ изесуваше 33.000 седишта.

Сите четири трибини се срамнети со земја, а изградбата на новиот објект се очекува да започне во наредните месеци. Планирано е реновираниот стадион да има капацитет од 42.500 гледачи, што ќе ги исполни сите критериуми за големи натпреварувања. Шпанските медиуми објавија дека изградбата ќе чини 140 милиони евра.

Проектот е поддржан од компанијата „ИДОМ“, а директорот за спорт и настани, Сезар Аскарате, ја откри визијата зад новиот дизајн.

„Фокусирајќи се на неговите текови, го обликувавме стадионот и покривот, моделирајќи ги како флуидни и динамични елементи“, рече Аскарате.

„Ла Ромареда“ се наоѓа во срцето на Сарагоса и е дом на Реал Сарагоса, клуб кој се натпреварува во втората лига на шпанскиот фудбал. Додека работите се во тек, тимот ќе ги игра своите домашни натпревари на стадионот „Иберкаха“.

Стариот стадион останува запишан во историјата како домаќин на три натпревари на Светското првенство во 1982 година, каде што играа репрезентациите на Шпанија, Југославија, Северна Ирска и Хондурас.

Фудбалерот на Галатасарај, Виктор Осимен, го коментираше триумфот од 1-0 над Ливерпул синоќа во второто коло од Лигата на шампионите.

„Победивме многу силен тим, давајќи се од себе. Како играч на натпреварот, многу сум среќен, но ова е успех за целиот тим, вклучувајќи го и нашиот тренер, Окан Бурук“, изјави Осимен за сајтот на УЕФА.

Галатасарај е 18. на табелата со три бода. Ливерпул е 16-ти исто така со три освоени бода.

Во третото коло, Галатасарај ќе игра против Боде-Глимт, додека Ливерпул ќе се соочи со Ајнтрахт Франкфурт. Двата натпревари ќе се играат на 22 октомври.

Долгогодишниот ас на Реал Мадрид, Лука Модрич, ја донесе својата шампионска тежина во Серија А со преселбата во Милан, потег што ретко се гледа денес во италијанскиот фудбал. Во време кога лигата се бори да привлече врвни ѕвезди, доаѓањето на играч со негово искуство и квалитет е вистинска реткост. 

Неговото присуство без сомнение го подигнува квалитетот на натпреварувањето, но во исто време ја открива реалноста со која се соочува Серија А. Генералниот директор на Интер, Џузепе Марота, отворено призна дека доведувањето на имиња како Килијан Мбапе е надвор од дофат, поради финансиските ограничувања и се поголемата конкуренција од другите европски лиги. 

Сепак, Модрич со леснотија се прилагоди на тактички барањата на италијанскиот фудбал, покажувајќи дека и на 40 години може да направи разлика. Неговото влијание се чувствува не само на теренот, туку и во соблекувалната, каде што служи како пример за помладите. 

И покрај тоа, неговиот трансфер повеќе изгледа како исклучок отколку како почеток на нов тренд. Серија А мора да пронајде нов баланс, помеѓу реалноста на финансиските услови и амбициите да ја врати загубената слава. 

Доаѓањето на Модрич можеби нема да ги реши длабоките проблеми на лигата, но дава надеж и потсетување на тоа што некогаш беше Серија А, и можеби што повторно може да биде. 

Мајкл Олисе брзо се етаблира како еден од најбараните млади играчи во Европа. Францускиот репрезентативец, кој има 23 години, блеска откако во 2024 година се пресели од Кристал Палас во Баерн Минхен. Минатата сезона постигна 17 гола и 18 асистенции, а и оваа продолжува со одлична форма, со 8 гола и 6 асистенции во Бундеслигата и Лигата на Шампионите. 

Неговите настапи не поминаа незабележани. Ливерпул, Манчестер Сити и Челси внимателно ја следат ситуацијата, а Ливерпул подготвува понуда која може да ја надмине цифрата од 100 милиони евра, гледајќи го Олисе како идеален наследник на Мохамед Салах. 

Но, Баерн останува спокоен. Олисе има договор до 2029 година, и германскиот шампион нема намера да го пушти. Наместо тоа, клубот работи на продолжување на договорот со подобрени услови, со цел да го задржи како клучен играч во визијата на Компани. 

Раководството на клубот верува дека Олисе има потенцијал да стигне до највисоките индивидуални признанија во фудбалот и го гледа како столб на иднината. Иако знаат дека премиерлигашите располагаат со големи финансиски ресурси, пораката од Минхен е јасна: само неверојатна понуда би можела да ги натера да размислат. 

Алехандро Балде се врати во составот на Барселона токму пред клучниот натпревар од Лигата на Шампионите против Пари Сен Жермен. Младиот лев бек ја надмина повредата и повторно е на располагање, носејќи важна поддршка во дефанзивата. 

Познат по својата брзина и енергија по левата страна, Балде носи дополнителна длабочина и флексибилност во тимот. Неговото враќање не само што ја зацврстува одбраната, туку нуди и офанзивна закана со неговите карактеристични пробиви. 

Тренерскиот штаб внимателно го следеше неговото заздравување, враќајќи го постепено во тренажен процес за да биде целосно подготвен. Со оглед на тежината на натпреварот што претстои, Балде претставува дополнителна опција што може да направи разлика против повредениот, но сеуште моќен ПСЖ. 

Манчестер Сити сериозно се обиде да го доведе Жил Кунде летово, гледајќи го како идеално засилување за одбраната по заминувањето на Кајл Вокер и серијата повреди кај клучни дефанзивци. Кунде, познат по својата тактичка интелигенција и флексибилност во одбраната, беше високо на листата на желби на Пеп Гардиола. 

Сепак, и покрај интересот, конкретна понуда никогаш не беше испратена. Барселона од самиот почеток јасно стави до знаење дека Кунде не е на продажба. Под водство на Ханси Флик, францускиот репрезентативец се смета за клучен дел од одбранбената линија на клубот. 

За да ја прекине секоја шпекулација, Барса брзо реагираше и му понуди нов договор, кој Кунде го прифати пред крајот на трансфер периодот. Со тоа тој уште еднаш ја потврди својата посветеност на клубот по одличната сезона во која Барселона освои домашен требл. 

Обидот на Сити само ја потврдува сè поголемата вредност на Кунде во европскиот фудбал. Но Барса остана цврста, а играчот одлучи да остане, барем засега. 

17-годишниот Франческо Камарда, кој моментално настапува за Лече како позајмен играч од Милан, го постигна својот прв гол во Серија А во драматично реми против Болоња, гол кој може да биде пресвртница во неговата кариера. 

Веднаш по натпреварот, легендата на Милан и сегашен советник на клубот, Златан Ибрахимович, сподели топла објава на социјалните мрежи. Тој сподели Инстаграм порака стара 6 години, во која тогаш 11-годишниот Камарда му се обраќа срамежливо, велејќи дека му е идол. Одговорот на Ибрахимович беше полн со гордост: „Сега сите го знаат твоето име.“ 

Камарда веќе го привлече вниманието минатата година кога дебитираше во Серија А како најмлад играч досега, на само 15 години. Сега, со својот прв гол во елитата, уште еднаш докажа дека е играч за иднината. 

Јавната поддршка од Ибрахимович му дава уште поголемо значење на овој момент, симболично предавање на штафетата од еден милански ас до можниот наследник. За Милан, ова е и потврда дека нивниот фокус на млади таленти носи резултати и надеж за иднината.