Барселона покажува силен интерес за ѕвездата на ПСЖ и шпански репрезентативец Фабиан Руиз, пренесуваат каталонските медиуми.

Шпанецот немаше добра сезона во Париз, но блескаше на Европското првенство, па го привлече вниманието на Барселона.

Флик бара засилување за средниот ред и верува дека Фабиан Руиз би бил идеално решение.

Барселона сака како дел од договорот да го вклучи Френки де Јонг, од кого сака да се ослободи, а ПСЖ ова лето покажуваше интерес за Холанѓанецот.

Чилеанскиот ветеран, Артуро Видал изнесе жестоки навреди кон селекторот Гарека откако не доби повик во националниот тим за квалификациите во септември.

Во квалификациите за Светското првенство Чиле беше поразен од Аргентина и Боливија, па така остана на само пет бода со што ги загуби шансите за пласман на Мундијалот.

Видал кој игра во редовите на Коло Коло смета дека требало да биде повикан и не штедеше критики кон Гарека.

„Играм во најдобрата екипа во Чиле и една од најдобрите 16 во Јужна Америка. Секако дека сум лут што не добив повик. Селекторот Гарека очигледно гледа само една лига и тоа е аргентинската, иако е селектор на Чиле. Тој е еден идот кој не гледа ниту натпревари од Копа Либертадорес. Поради тоа играат само истите фудбалери и нема никакви резултати“, изјави Видал.

Лондонски Челзи и официјално го објави продолжувањето на договорот со 23-годишниот напаѓач Николас Џексон до 2033 година. Претходниот договор важеше до летото 2031 година.

„Ова е само почеток. Челзи со задоволство објавува дека Николас Џексон потпиша нов договор до 2033 година“, се вели во соопштението на прес-службата на клубот на социјалната мрежа Х .

Сенегалскиот фудбалер минатото лето се пресели во лондонскиот клуб од Виљареал. Во овој период во сите турнири учествуваше на 47 натпревари на кои постигна 18 гола и седум асистенции.

Според информациите објавени на порталот Трансфермаркт, пазарната вредност на 23-годишниот фудбалер е 35 милиони евра.

Сенегалецот, Садио Мане би можел да се врати во Европа и тоа во турски Бешикташ пренесуваат медиумите во оваа земја.

Мане го носи дресот на Ал Наср во Саудиска Арабија, меѓутоа во клубот не се најзадоволни од неговите настапи. Тоа сака да го искористи Бешикташ кој наводно е во напредни преговори, меѓутоа се треба да биде завршено до вечер кога завршува преодниот рок во Турција.

Со заминувањето на Мане, иако тој е критикуван, веројатно ќе се намалат и шансите за титулата во Саудиска Арабија, а тоа сигурно нема да му се допадне на Кристијано Роналдо.

Португалецот веќе е скоро две години во Ал Наср, меѓутоа се уште неговиот клуб е без трофеј.

Капитенот на француската репрезентација бара од клубот 55 милиони евра за неисплатени плати и бонуси

ПСЖ не му ги исплати последните три плати на францускиот голгетер, како и одредени бонуси, по што Мбапе најави тужба.

ПСЖ како клуб имал право да го одбие барањето од правната Комисија на Франција, потенцирајќи дека и фудбалерот не исполнил дел од барањата кои ги имале од него во изминатите седум години.

„Ги слушнавме аргументите на комитетот која постојано инсистираше на договор меѓу ПСЖ и фудбалерот. Комитетот имаше лимитиран поглед на работите и затоа правдата ќе ја бараме на суд каде што ќе ги презентираме нашите докази“, соопштија од ПСЖ.

Реал Мадрид ја следи ситуацијата со голманот на Милан и француски репрезентативец Мајк Мењан, пренесуваат шпанските медиуми.

Мењан е еден од најважните карики во Милан и се етаблираше во еден од најдобрите голмани во Европа.

Милан му понудил нов договор до 2028 година со зачително зголемување на платата, но двете страни се уште не постигнале договор, а Реал е спемен да ја искористи ситуацијата.

Доколку Мењан не го продолжи договорот во Реал се спремни да му понудат да биде прв голман на „кралевите“.

Кошаркарскиот тренер Светислав Пешиќ нема повеќе да ја води селекцијата на Србија со која се збогуваше со бронзен медал на Летните Олимписки Игри во Париз.

Популарниот Кари реши да се повлече, а наследникот на Пешиќ ќе се бара меѓу две имиња, Александар Ѓорѓевиќ и Саша Обрадовиќ.

На Ѓорѓевиќ не му е непозната оваа позиција затоа што истата веќе ја извршуваше и е слободен откако ја заврши приказната со Кина.

Обрадовиќ пак го води Монако, клуб со големи амбиции и останува да се види дали ќе може да се дојде до договор.

Екипата на Милан доживеа шок за време на репрезентативната пауза, бидејќи посериозна повреда на листот на десната нога доживеа Исмаел Бенасер.

Алжирскиот репрезентативец одново се повреди играјќи за својот национален тим. Тој се врати во Милано на дополнителни прегледи, а вестите не беа добри.

Повредата е посериозна од тоа што се очекуваше, Бенасер го скинал мускулот на листот и го очекува пауза од три-четири месеци.

Франческо Тоти ја коментираше актуелната ситуација во клубот и не е импресиониран од засилувањата кои пристигнаа ова лето.

Тоти верува дека неговиот пријател Де Роси може да ја има судбината на Мурињо доколку „волчицата“ не успее да избори пласман во Лигата на шампиони.

„Со оглед на лудите летни вложувања, тие мора да се пласираат во Лигата на шампионите. Ако инвестирате 100 милиони евра и не стигнете таму, тоа е тотален неуспех. Без Лигата на шампионите, Де Роси ќе си замине порано, нема да го дочека крајот. Тој е единствениот кој може да биде тренер на Рома во моментов. Меѓутоа, ако работите не одат добро, целата вина ќе биде на Даниеле. Токму тоа му се случи на Мурињо. Застана пред проектот, но никој не му помогна и не разговараше со него. Ако не

Реал Мадрид е силно заинтересиран за дефанзивецот на Арсенал и француски репрезентативец Вилијам Салиба, пренесува „Марка“.

Приоритет на „кралевиет“ следното лето ќе биде да доведат врвен дефанзивец, а прво име на списокот на Перез е токму Салиба.

Салиба веќе две сезони игра фантастично во дресот на Арсенал и се етаблираше во еден од најдобрите дефанзивци во Премиер лигата.

Французинот неодамна стави потпис на договор до 2027 година, но е отворен за преселба во Реал Мадрид.