“На сите кои во овој момент раководат со клубот, на стручниот штаб, како и на фудбалерите, јасно им се даде до знаење кои се целите и црвените линии кои не смеат да бидат поминати! Приказната за клубот на народот, крваво ја градеа илјадници луѓе и затоа нема да дозволиме никој да си поигрува со идентитетот на нашата борба. Воедно, упативме целосна поддршка до новиот шеф на стручниот штаб, Срѓан Захариевски и до целиот негов тим.

Бараме само едно: БОРБА И САМО БОРБА! За крај, упатуваме апел до сите навивачи на клубот, паузата да ја искористиме за најголема комитска МОБИЛИЗАЦИЈА! Нека пркоси црвено-црното, нека доминира“, се вели во соопштението на „Комити“.

Капитенот Вирџил ван Дијк ќе игра за репрезентацијата на Холандија најмалку до Светското првенство во 2026 година, изјави селекторот Роналд Куман на прес-конференција пред натпреварот од Лигата на нации против Босна и Херцеговина.

Холандија се пласираше во полуфиналето на Европското првенство, каде што беше елиминирана од Англија.

„Беше важно да го видам и да разговараме. Сакав да знам дали има намера да игра за националниот тим со полн интензитет во следните две години и тој позитивно одговори на моето прашање. Го сакам и во тимот. Ако некогаш имаш било какви сомнежи за Вирџил, тие сега треба да бидат во историјата“, рече Куман во изјава за „Скај Спортс“.

Њукасл добро ја започна новата сезона во Премиер лигата. 7 бода од 3 натпревари дефинитивно е добар почеток за Њукасл, кој и покрај недостатокот од сериозни трансфери летово, повторно се снаоѓаат на не така лош начин и релативно мирно ја дочекуваат репрезентативната пауза.

Според англиските медиуми, во Њукасл се решени да задржат една од своите големи ѕвезди. Станува збор за Ентони Гордон, кој е исклучително важен дел од тимот на Еди Хау, а од Њукасл се подготвени да му понудат на поранешниот играч на Евертон нов договор со значително подобри финансиски параметри.

Наскоро се очекува да започнат разговорите меѓу двете страни, а навивачите се надеваат дека Ентони Гордон уште долго ќе остане во клубот од „Ст.Џејмс Парк“.

Раководството на Ливерпул планира интензивни разговори со големата ѕвезда на тимот Мохамед Салах. Секако, станува збор за можно обновување на договорот на египетскиот репрезентативец со „црвените“.

Актуелниот договор на играчот истекува на крајот на сезоната, што значи дека Салах веќе во јануари ќе може да преговара со сите заинтересирани клубови. Токму поради оваа причина Ливерпул има намера да започне разговори со напаѓачите пред крајот на годината.

Салах ги загрижи навивачите на „црвените“ по уште еден силен настап за Ливерпул против Манчестер Јунајтед, изјавувајќи дека ова е негова „последна година“ за клубот. Сепак, според многумина, зборовите на Салах биле погрешно протолкувани.

32-годишниот одбранбен играч за врска на Манчестер Јунајтед, Касемиро би можел да му се приклучи на турскиот гигант Галатасарај, објави турскиот инсајдер Гала Хабер на социјалната мрежа Х.

Турскиот клуб добил понуда за Касемиро преку менаџери и веќе ја разгледува можноста за негов трансфер. Манчестер Јунајтед од своја страна бара што поскоро да го продаде бразилскиот фудбалер. Главната причина за тоа е што клубот планира да го засили својот тим со играчот од средниот ред Адриен Рабиот, кој моментално е слободен играч.

Касемиро потпиша за Манчестер Јунајтед во летото 2022 година и има одиграно 87 натпревари за клубот во сите натпреварувања, постигнувајќи 12 гола и 9 асистенции. Неговиот договор со клубот трае до летото 2026 година.

Најавата доаѓа во контекст на неодамнешниот трансфер на Виктор Осимен, кој пристигна во Турција да потпише со шампионите. Според извештаите, тренерот на Манчестер Јунајтед, Ерик тен Хаг, се предомислил за Каземиро, а со тоа се зголемува можноста за евентуален трансфер.

Арсенал ќе остане без летното засилување Микел Мерино околу два месеца. Шпанскиот интернационалец се повреди на првиот тренинг со „топчиите“.

Последните лекарски прегледи потврдија дека Мерино нема да игра до средината на октомври.

Тоа значи дека менаџерот, Микел Артета, ќе има одредени проблеми за претстојното лондонско дерби со Тотенхем закажано на 15 септември.

Квича Кварацхелија ќе го продолжи договорот со Наполи. Грузискиот крилен напаѓач ја прифати понудата на наполитанскиот клуб да склучи договор до 2029 година.

Тоа го пренесоа италијанските медиуми, повикувајќи се на доверливи извори од клубот.  

Според условите на новиот договор, играчот ќе може да заработува до 5 милиони евра годишно вклучувајќи ги и бонусите.

Фудбалерот од средниот ред на Реал Мадрид, Дани Себаљос, се приклучи на листата повредени играчи на Кралскиот клуб. Себаљос, како што денес објави весникот АС, ќе отсуствува од теренот шест до осум недели, поради истегнување на скочниот зглоб на десната нога.

Себаљос се повреди на неделниот натпревар против Бетис (2-0) во Ла Лига, на кој беше стартер. Шпанецот беше заменет во 65. минута.

Тренерот на Реал, Карло Анчелоти, поради повреди не може да смета ниту на услугите на Џуд Белингем и Едуардо Камавинга.

Милан ова лето се раздели со Стефано Пиоли и за нов тренер го назначи Паоло Фонсека, но работите не тргнаа на добро.

Фонсека во првите три кола освои само два бода, Милан игра лошо, па португалскиот тренер е под голем притсок.

„Калчомеркато“ открива дека „росонерите“ можат да го вратат Пиоли, кој се уште е на платен список на клубот и има договор до јуни 2025 година.

Милан и Пиоли спогодбено се разделија, но неговиот договор не беше раскинат и тој не доби ангажман во нов клуб. Фонсека ќе добие доверба и неговата иднина ќе зависи од резултатите во следните три меча.

Матс Хумелс е подготвен да потпише со Рома, најавуваат италијанските медиуми според кои германскиот ветеран вечерва ќе пристигне во Рим, каде утре по деталните лекарски прегледи ќе го стави својот потпис на договорот со „римската волчица“.

Челниците на Рома имале позитивни разговори со дефанзивецот, кому му е понудена годишна плата од 2,5 милиони евра, но и клаузула за автоматско продолжување за уште една година ако сезонава одигра одреден број натпревари за Рома.