ПСЖ постигна четири гола во мрежата на Лил во едно полувреме и уште во раната фаза ја обезбеди победата, што дефинитивно беше најдобра увертира за тоа што следи, односно осминафиналето во Лигата на шампиони.

Тимот на Луис Енрике изгледа навистина сериозно во последно време и сега ќе го добие најголемиот тест во двете пресметки со Ливерпул, екипа која според Лучо е најдобра во Европа во овој момент.

„Против Лил го одигравме најдоброто полувреме оваа сезона, постигнавме четири гола против тим кој игра во Лигата на шампиони. Задоволен сум од изгледот на тимот, ова беше најдобра подготовка за Ливерпул.

Сега ни следат два меча со Ливерпул и почнуваме да се фокусираме на тоа. Мора да се опоравиме брзо и да бидеме амбициозни. Ливерпул е тимот кој е во најдобра форма во Европа, не само поради резултатите, туку и поради начинот на кој играат. ПСЖ против Ливерпул слободно можеше да биде финале во Лигата на шампиони.

Целта е да го покажеме нашете најдобро лице и да се прикажеме во најдобро светло. Нема да менуваме многу за Ливерпул, сметам дека пресингот на Лил и Ливерпул е доста сличен, но има и доста разлики. Не чека многу комплицирана работа, но ние сме во најдобриот период од сезоната и нема да тактизираме. Не се плашиме и нема да се браниме, ќе нападнеме и ќе се обидеме да ги свртиме работите во наша корист“, најави Лучо.

Елиф Елмас експресно брзо се адаптираше во новата средина, нешто што можеше и да се очекува со оглед на искуството кое веќе го имаше доживеано во Серија А.

Македонскиот репрезентативец беше најавен како огромно засилување во Торино, а првите три натпревари во дресот на „биковите“ и ги оправдуваат таквите епитети.

По деби голот на првиот меч со Болоња, Елмас одигра 60 минути на натпреварот против Милан кој Торино го доби со 2-1, а офанзивниот фудбалер ова попладне го постигна и вториот гол во новиот клуб.

Неделната програмата во Серија А е отворена со натпреварот меѓу Монца и Торино на „Бриантео“ стадионот, средба која беше отворена пред крајот на првиот дел токму од Елмас.

Торино ја искористи теренската иницијатива за да стекне предност пред паузата, а човек на одлука беше Елмас кој изреагира како одличен голгетер во 41-та минута.

Илчо Ѓорѓиоски ја прифати улогата и ја презеде клупата на Струга за продолжението од сезоната. Македонскиот првак е далеку во трката за трофејот, а тоа ја натера управата да ја прифати оставката на Ќатип Османи.

По доаѓањето на клупата, дебито Ѓорѓиоски ќе го има против Силекс в недела, а сега ја даде првата изјава по потписот со стружани.

„Задоволство е да се води овој клуб. Дојдов во шампионска средина, клубот има високи амбиции секоја сезона. Верувам во овој проект и мислам дека можеме да бидеме успешни. Мислам дека Струга има можеби најквалитетен тим, но мора да работиме на компактноста и очекувам сите играчи да го дадат својот максимум. Ако успееме во нашата намера, мислам дека би можеле на крајот да освоиме барем еден од трофеите, а зошто не и двата. Ја познавам екипата, го следев секој натпревар. Знам каков квалитет поседува тимот, но сега јас имам задача да го извлечам максимумот од сите поединци.

Целта е да создадеме колективен квалитет кој ќе ни донесе позитивни резултати. Пријатно сум изненаден од пречекот, од управата и од организацијата во клубот. Струга напредува изминативе години, сега ми е појасно зошто е тоа така. Ќе се подобруваме во сите сегменти, се надевам дека ќе имаме и европско лето. Имаме големо заостанување од позициите кои водат во еврокуповите, но мислам дека можеме да ги достигнеме. Ако освоиме најмалку еден трофеј сезонава, тоа ќе биде одличен успех за нас“, изјави Ѓорѓиоски.

Во моментов Струга е петтопласирана со 32 бода. Натпреварот во Кратово се игра в недела во 14:00 часот.

Брегалница Штип денеска загуби на гостувањето кај Каменица Саса со 4-0 и падна од втората позиција на табелата во Втората македонска фудбалска лига, тоа беше доволно за промена на тренерот.

Штипскиот клуб информираше дека Трајче Сенев веќе не е нивни тренер, а тимот засега ќе го води помошникот Ристе Наумов.

„Денеска Трајче Сенев и ФК Брегалница спогодбено ја раскинаа соработката. На следиот меч, екипата ќе ја води помошникот Ристе Наумов“, се вели во соопштението на Брегалница.

Штипјани имаат амбиции да се вратат во Првата лига, но не започнаа најдобро во пролетниот дел од сезоната.

Реал на „Бенито Виљамарин“ одигра добро само во првите дваесет минути. Без Белингем и Валверде, впечаток е дека тоа и беше максимумот на Реал.

Во 10.минута најубавиот момент на натпреварот и единствената вистинска акција на Реал. Мбапе за Менди, а овој во во простор ја остави топката за Брахим Дијаз.

Бетис заигра многу подобро кон крајот на првото полувреме и по еден корнер, одбраната на Реал беше лошо поставена, Кардосо остана сам пред Куртоа на пет метри и успеа да изедначи.

Моментумот од финишот на првиот дел Бетис го пренесе и во вториот. Судијата Хернадез досуди пенал за Бетис во 54. минута. Го реализираше Иско, кој го постигна првиот гол прптив Реал откако си замина од Мадрид.

Манчестер сити се пласираше во четвртфиналето на ФА Купот, откако по многу борба и пресврт ја потврди улогата на фаворит во петтото коло, победувајќи го пред своите навивачи еден од најслабите англиски второлигаши, Плимут Аргил.

Натпреварот на стадионот „Етихад“ во Манчестер заврши со резултат 3-1 (1-1) Плимут е претпоследен на табелата во Чемпионшип дивизијата, но одлично играше во ФА купот, забележа две сензационални победи над екипи од Премиер лигата. Во претходното коло Плимут го победи Ливерпул.

Тимот на Пеп Гвардиола беше апсолутен фаворит, а тоа го потврди и статистиката на натпреварот.

Антонио Конте не е задоволен со освоениот бод против Интер во дерби мечот во Серија А. По дербито Интер ја задржа предноста од еден бод во однос на Наполи.

Италијанскиот стручњак на овој натпревар гледаше можност Наполи да се врати на врвот на табелата, но наместо победа неговиот тим освои бод во финишот на натпреварот.

„Одигравме одличен натпревар, дефинитивно заслуживме повеќе од бод, но овој натпревар ни дава надеж. По седум месеци работа, можеме да се погледнеме и да кажеме дека можеме да му направиме проблеми на секој што ќе игра против нас“.

Интер и оваа година е главен кандидат за титулата, но Наполи во текот на сезоната покажа дека има потенцијал.

„Постои мало незадоволство од бодот бидејќи одигравме одличен натпревар против навистина силен противник. Интер е граден со години за да се бори за Скудетото, тие се тимот што треба да го победиме оваа година за титулата“.

Турската фудбалска Федерација денеска ја преполови суспензијата на два натпревари на тренерот на Фенербахче, Жозе Мурињо и воедно му ја намали и паричната казна, откако беше уважена жалбата на клубот од Истанбул.

Мурињо е суспендиран на два натпревари, а откако го пропушти Куп натпреварот против Газиантеп, нема да го води тимот в недела во против Анталијаспор во турската Суперлига. Намалена е и казната, па наместо 44.000 долари, ќе треба да плати нешто повеќе од 15.000 долари, објави Би-Би-Си.

Турската фудбалска федерација првично го суспендираше Мурињо на четири натпревари и го казни со 44.000 долари за неговите коментари за судењето по ремито 0-0 со големиот ривал Галатасарај во турската лига во понеделникот.

Федерацијата потоа објасни дека го казнила Мурињо за погрдни и навредливи изјави кон турскиот судија и обвинувања за хаос и неред во турскиот фудбал преку навредливи изјави, како кон турската фудбалска заедница, така и кон сите турски фудбалски судии.

Главен судија на натпреварот беше Словенецот Славко Винчиќ, откако двата клуба побараа странски судија.

Галатасарај го обвини Мурињо за расизам по натпреварот, додека Фенербахче рече дека изјавите на 62-годишниот португалски тренер се извадени од контекст.

Меѓународниот одбор на фудбалските асоцијации (ИФАБ), тело кое е задолжено за фудбалските правила, и официјално потврди дека од следната сезона се воведува ново правило кога се работи за голманите.

Тие ќе смее да ја држат топката најмногу осум секунди, во спротивно екипата ќе се казнува со корнер. И до сега постоеше слично правило, но (речиси) никогаш не беше судено, па на голманите им беше дозволувано да ја држат топката во раце и по 30 секунди.

Сега судијата ќе чека три секунди, а тоа ќе ја крене раката во воздух и ќе одбројува до пет, а доколку голманот не ја исфрли топката, ќе биде досуден корнер за противникот.

Поврзани теми