Турската фудбалска Федерација денеска ја преполови суспензијата на два натпревари на тренерот на Фенербахче, Жозе Мурињо и воедно му ја намали и паричната казна, откако беше уважена жалбата на клубот од Истанбул.

Мурињо е суспендиран на два натпревари, а откако го пропушти Куп натпреварот против Газиантеп, нема да го води тимот в недела во против Анталијаспор во турската Суперлига. Намалена е и казната, па наместо 44.000 долари, ќе треба да плати нешто повеќе од 15.000 долари, објави Би-Би-Си.

Турската фудбалска федерација првично го суспендираше Мурињо на четири натпревари и го казни со 44.000 долари за неговите коментари за судењето по ремито 0-0 со големиот ривал Галатасарај во турската лига во понеделникот.

Федерацијата потоа објасни дека го казнила Мурињо за погрдни и навредливи изјави кон турскиот судија и обвинувања за хаос и неред во турскиот фудбал преку навредливи изјави, како кон турската фудбалска заедница, така и кон сите турски фудбалски судии.

Главен судија на натпреварот беше Словенецот Славко Винчиќ, откако двата клуба побараа странски судија.

Галатасарај го обвини Мурињо за расизам по натпреварот, додека Фенербахче рече дека изјавите на 62-годишниот португалски тренер се извадени од контекст.

Меѓународниот одбор на фудбалските асоцијации (ИФАБ), тело кое е задолжено за фудбалските правила, и официјално потврди дека од следната сезона се воведува ново правило кога се работи за голманите.

Тие ќе смее да ја држат топката најмногу осум секунди, во спротивно екипата ќе се казнува со корнер. И до сега постоеше слично правило, но (речиси) никогаш не беше судено, па на голманите им беше дозволувано да ја држат топката во раце и по 30 секунди.

Сега судијата ќе чека три секунди, а тоа ќе ја крене раката во воздух и ќе одбројува до пет, а доколку голманот не ја исфрли топката, ќе биде досуден корнер за противникот.

Поврзани теми

Милан дури по завршувањето на сезоната ќе решава дали ќе му го продолжи престојот на тренерот Серж Консеисао, откако гласни се шпекулациите дека тој и пред завршувањето на првенството може да добие отказ.

Консеисао има клаузула во договорот според која Милан може да го раскине договорот на крајот од оваа сезона доколку не ги исполни амбициите и не ги постигне посакуваните резултати.

Милан испадна од Лигата на шампионите, во Серија А се маоѓа на осмото место со осум поени помалку од четвртата позиција. Клубот се уште е во трка за трофејот во Копа Италија, во полуфиналето ќе игра против Интер.

Во случај Милан да не обезбеди пласман во Лигата на шампионите, извесно е дека клубот повторно ќе бара нов тренер, а прв пик е Сеск Фабрегас, додека алтернативи се Роберто Де Зерби и Маурицио Сари.

Фабрегас одлично си ја врши работата на клупата на Комо. Бидејќи е косопственик на Комо, тој практично сам ќе ја решава својата судбина.

Роберто Де Зерби го води Олимпик Марсеј, а беше поврзуван со Милан минатото лето кога дојде Пауло Фонсека, додека Сари очајно сака да и се врати на тренерската работа, откако минатата сезона се раздели со Лацио. Сепак, Сари е мета и на Аталанта, која во него гледа идеална замена за Џан Пјеро Гасперини.

Вардар, по големата победа во Струга минатиот викнед, во 21. коло не успеа да ја победи Беса на домашен терен. Дуелот на националната арена „Тодор Проески“ заврши 0-0.

Вардар апсолутната доминација на теренот не успеа да ја материјализира барем со еден гол.

Вардар по некомплетното 21.коло се наоѓа на деветтото место со 17 бодови, додека Беса е претпоследна со два бода помалку.

Гави може да стане нова главоболка за Барселона. ПСЖ силно се стреми да го привлече во своите редови.

Гави претставуваше клучна фигура во клубот, но моментално се рехабилитира поради повреда.

Во случај да не добие доволно време на теренот во вториот дел од сезоната, тој е подготвен да разгледа други опции.

ПСЖ планира да извлече корист од оваа ситуација и планира да понуди примамлива понуда за Шпанецот, кој е под договор со Барселона до 2030 година.

Барселона ја потврди продажбата на Витор Роке во редовите на бразилски Палмеирас.

20-годишниот Бразилец се враќа во родната земја откако не се снајде во Шпанија и немаше многу простор за напредок во Барселона. Каталонскиот гигант го купи Роке од Атлетико Паранаенсе во јануари минатата година за 30 милиони евра, а сега го продаде во Палмеирас за 25,5 што е одлична сума ако се земе в предвид колку одигра. Исто така постои опција за уште пет милиони евра низ бонуси.

За Барса бразилскиот напаѓач постигна само два погодоци, минатата полусезона ја мина на позајмица во Бетис која беше прекината за да биде продаден.

Витор Роке инаку преку Америка МГ стигна во младинските тимови на Крузеиро за кој дебитираше во сениорскиот фудбал. Потоа за 4,7 милиони во 2022 беше продаден во Атлетико, па следеше трансферот на кариерата. Откако не се снајде сега се враќа во родната земја да ја враќа формата играјќи за Палмеирас со кој потпиша до 2029 година.

Саудискиот фудбалски клуб Ал-Наср сака да го игра својот натпревар против ирански Естеглал во азиската Лига на шампиони на неутрален терен поради загриженоста за безбедноста на својата суперѕвезда Кристијано Роналдо, јавио денеска ДПА.

„Поради лошот искуство на Роналдо во Техеран минатата година, натпреварот мора да се игра на неутрален терен“, напиша Ал-Наср во писмото до Естеглал.

Засега, сепак, натпреварот останува закажан за в понеделник во главниот град на Иран.

Ал-Наср играше против друг тим од Техеран, Персеполис, во септември 2023 година и илјадници фудбалски навивачи го нападнаа хотелот на саудискиот клуб за да ја видат португалската суперѕвезда. Полицијата мораше да ја растера толпата.

Според локалните медиуми, првиот човек на иранскиот фудбал Мехди Тадш, како и раководството на Естеглал, го одбиле барањето. Од клубот изразиле уверување дека се преземени мерки за Ал Наср и Роналдо да поминат пријатно во Техеран.

Македонсиот прволигаш Струга Трим Љум и официјално има тренер на својата клупа. Поранешниот прв човек на ФФМ, Илчо Ѓорѓиоски е наследникот на Ќатип Османи.

Ѓорѓиоски последниот тренерски ангажман го имаше во 2023 година во грчка Каламата, додека претходно беше тренер на Брегалница. Пред мандатот во Фудбалската федерација на Македонија ги водеше Вардар, Македонија Ѓорче Петров и беше селектор на репрезентацијата на Македонија до 19 години.

Со двата скопски клуба има шампионски титули во ПМФЛ.

Струга Трим Љум ги загуби првите два пролетни натпревари во Првата лига од Гостивар и Вардар и се наоѓа на петтото место на табелата со 32 бода.

Во меѓувреме Струга Трим Љум се пласираше во полуфиналето на Купот на Македонија.

Барселона сака летово да доведе напаѓач кој ќе биде наследник на Роберт Левандовски и веќе има неколку имиња на листата на желби. Сепак, таквата одлука на клубот најмногу ќе го „оштети“ Феран Торес за кого Каталонците веќе одлучиле што ќе прават.

Каталонците оваа сезона имаат во составот само еден класичен напаѓач, а тоа е Роберт Левандовски кој е во одлична форма за давање голови, но јасно е дека на Ханси Флик би му користел уште еден играч на таа позиција.

Тоj и порано истакнуваше дека би сакал клубот да доведе напаѓач, но не некој кој ќе биде резерва на Левандовски, туку фудбалер кој ќе биде негов наследник во иднина.

Шпанските медиуми пишуваат дека Барселона веќе има неколку имиња на листата на желби, а првиот на истата е Хулијан Алварез од Атлетико Мадрид. Исто така, покрај него, со Барселона се поврзува и напаѓачот на Ливерпул, Дарвин Нуњез.

Сепак, одлуката на Барселона е најголем удар за Феран Торес бидејќи тој е тој што игра на местото на напаѓач кога Левандовски е надвор од стартната постава, но Шпанецот не се прослави многу.

Доаѓањето на нов напаѓач значи дека позицијата на Феран е загрозена, а шпанскиот „Фихајес“ пренесува дека во Барселона веќе одлучиле дека ќе го продадат доколку успеат да ги исполнат летнјите цели.

„Фихајес“ пишува дека интерес за играчот на Барселона веќе покажале Наполи, Милан, Арсенал и Тотенхам и дека Каталонците нема да имаат проблем да го продадат овој фудбалер летово.

Марчело Липи кој на времето седеше на клупата на Јувентус, вели дека очекувал многу повеќе од сегашниот тренер на „бјанконерите“, Тиаго Мота.

„Старата дама“ заостанува во трката за титулата во Италија и изненадувачки испадна во елиминациите во Лигата на фудбалските шампиони.

„Очекував повеќе во однос на неговиот карактер. Не сакам да го критикувам за сè но, клупата на Јувентус е како дресот, тежи повеќе”, изјави Липи.