Европската фудбалска асоцијација (УЕФА) објави вечерва дека постигнала договор со Реал Мадрид за прекин на тековната битка околу формирање Суперлига, откако мадридскиот клуб остана единствен поборник за ова натпреварување.

Главниот ривал на Реал Мадрид, Барселона, минатата недела објави дека се откажува од проектот Суперлига, а сега и Кралскиот клуб одлучи да го стори истото.

„По повеќемесечни разговори водени во најдобар интерес на европскиот фудбал, УЕФА, фудбалските клубови и Реал Мадрид објавуваат дека постигнаа договор околу начелата во корист на европскиот клупски фудбал, почитувајќи ги принципите на спортска заслуга, со акцент на долгорочната одржливост на клубовите и подобрување на искуството на навивачите преку користење на технологијата. Овој договор за начелата ќе послужи и за решавање на нивните правни спорови поврзани со Европската Суперлига, откако овие принципи ќе бидат имплементирани и применети“, објави УЕФА на својата официјална веб-страница.

Идејата за формирање на Суперлигата беше наменета да им користи на најбогатите европски клубови, а беше иницирана во 2021 година од Манчестер Сити, Манчестер Јунајтед, Арсенал, Челзи, Ливерпул, Тотенхем, Барселона, Атлетико Мадрид, Реал Мадрид, Интер, Јувентус и Милан.

Повлекувањето на Реал означи дефинитивен крај на Суперлигата уште пред проектот воопшто да започне.

Само неколку дена пред дербито со Јувентус, Дензел Дaмфрис се врати на тренинзите на Интер.

Холандскиот репрезентативец нема настап од 9 ноември, кога заработи повреда на зглобот поради која мораше да биде опериран.

Поради тоа тој ги пропушти последните 13 натпревари на „нероаѕурите“ во Серија А.

Сè уште не е познато дали Киву ќе го вклучи во составот за дуелот со Јувентус, но се чини дека е малку веројатно да започне како стартер.

Претходно оваа недела на тренинзите им се приклучија и Николо Барела и Хакан Чалханоглу.

Турскиот репрезентативец беше надвор од терените од 11 јануари, додека италијанскиот играч за врска паузираше од 28 јануари.

Тотенхем започна преговори за потпишување на германскиот дефанзивец Антонио Рудигер, кој треба да го напушти Реал Мадрид на крајот од тековната сезона. Англискиот клуб размислува да го привлече играчот во претстојниот летен преоден рок.

Тотенхем се надева дека ќе го убеди Рудигер да не потпишува нов договор со Реал Мадрид. Дефанзивецот претходно се согласи на значително намалување на платата за да остане во Реал Мадрид.

Рудигер не брза да донесе конечна одлука за својата иднина, но изрази желба повторно да игра во Англија. Вест Хем и Кристал Палас исто така се во трка за да потпишат со него.

Дефанзивецот има можност да ја продолжи кариерата во Саудиска Арабија, каде што се соочува со значајни финансиски понуди. Тековниот договор на Рудигер со Реал Мадрид истекува ова лето, а неговата вредност се проценува на 12 милиони евра.

Раководството на Нотингем Форест размислува да го отпушти главниот тренер Шон Дајч . Претседателот на клубот, Евангелос Маринакис, е незадоволен од резултатите на тимот оваа сезона и сериозно размислува да го замени 54-годишниот менаџер.

Дајч го презеде тимот во октомври 2025 година, но не успеа да ги подобри нивните резултати. Нотингем Форест моментално е само едно место над зоната за испаѓање. Сфаќајќи дека Дајч не е добар избор, Маринакис реши да се обиде да го привлече менаџерот Марко Силва од Фулам за време на летната пауза.

Договорот на Силва со Фулам истекува ова лето, а Маринакис сака да го ангажира менаџерот како слободен агент. Сепак, Нотингем не е единствениот клуб заинтересиран за Силва. Кристал Палас исто така внимателно го следи и се подготвува да се раздели со Оливер Гласнер.

Марко Силва е на чело на Фулам од 2021 година. Оваа сезона, тимот одигра 30 натпревари, победи на 14, одигра четири нерешени и загуби на 12. Фулам е на 12-то место на табелата во лигата со 34 бода.

Репрезентацијата на Македонија утре ќе ги добие противниците за претстојното издание на Лигата на нации во кое нашата селекција за прв пат во историјата ќе биде дел од Б сегментот на ова натпреварување.

Токму овие дуели ќе бидат нов предизвик за оваа генерација на играчи, но и одлична можност за селекторот Гоце Седлоски да ја подготви репрезентацијата за квалификациите за Европското првенство кои почнуваат во 2027 година.

“Репрезентациите од првиот и вториот шешир објективно влегуваат како фаворити, со оглед на нивниот рејтинг, искуство и континуитет на големи натпреварувања. Но, тоа не значи дека однапред се знае исходот. Нашата цел е да бидеме конкурентни на секој натпревар, да го наметнеме нашиот стил и да покажеме дека Македонија со право е дел од Лига Б.

Ќе ги почитуваме сите противници, но најмногу ќе веруваме во себе. Ако бидеме организирани и фокусирани од првата до последната минута, можеме да бидеме незгоден противник за секого. Овој циклус го гледаме како нов чекор за напредок на репрезентацијата и шанса дополнително да го потврдиме нашиот квалитет.

Верувам дека репрезентацијата ќе расте низ циклусот натпревари во Лига Б и дека имаме стабилна основа за позитивни резултати”, рече пред жрепката предводникот на националниот тим.

Жрепката ќе се одржи утре во Брисел со почеток во 18 часот, Македонија е дел од четвртиот сад во кој се наоѓаат уште селекциите на Шведска, Северна Ирска и Косово.

Статус на носители имаат Шкотска, Унгарија, Полска и Израел, во вториот сад сместени се Швајцарија, Босна и Херцеговина, Австрија и Украина, а во третиот се наоѓаат Словенија, Грузија, Република Ирска и Романија.

Роберто Де Зерби, веќе не е тренер на Олимпик Марсеј, разделбата следува по тешкиот пораз од ПСЖ.

Наводно, односите меѓу Италијанецот и клубот и фудбалерите се добри, но и покрај тоа двете страни сметале дека најдобро во овој момент е да се разделат.

Де Зерби верувал дека најдобро е да замине во овој момент, со неговата одлука се сложил и клубот.

Во моментов се средуваат формалностите и начинот на кој Италијанецот ќе замине, по што разделбата ќе се официјализира.

Шпанска „Марка“ објави дека Реал Мадрид донел конечна одлука за иднината на капитенот Дани Карвахал, чиј договор завршува идното лето.

„Кралевите“ го прифатиле фактот дека искусниот десен бек ќе го напушти „Сантијаго Бернабеу“ на лето и веќе бараат негова замена.

Искусниот дефанзивец со години беше незаменлив во шпанскиот гигант, но во последните денови покажа незадоволство затоа што добива мала минутажа на теренот.

Управата на „кралскиот клуб“ сака да го подмлади тимот, а засега не е познато кој ќе пристигне како замена за Карвахал.

Како што пренесува Билд, Нико Шлотербек размислува за две опции, останување во Борусија Дортмунд или трансфер во Реал Мадрид.

Нико Шлотербек е под договор со „милионерите“ до 2027 година, летоска може да замине за сума пониска од пазарната, па се најде во бележникот на клубови како Барселона, Баерн Минхен и Реал Мадрид.

Но како што пренесува Билд, дефанзивецот има само две опции, или ќе стави потпис на нов договор со Борусија Дортмунд, или ќе направи трансфер во Реал Мадрид.

Се очекува конечната одлука да биде донесена во март месец, а доколку замине, неговата цена ќе биде околу 40-50 милиони евра.

Челниците на фудбалскиот клуб Тотенхем му врачија отказ на менаџерот Томас Франк. Откакзот доаѓа како последица на лошите резултати во Премиер лигата, синиќа неговиот тим загуби дома од Њукасл (1-2), со што ја продолжи серијата на осум натпревари без триумф.

По серија лоши резултати, фудбалерите на Тотенхем се 16-ти на табелата во Премиер лигата, пет бода од зоната за испаѓање.

Данецот беше донесен во Лондон со големи очекувања, бидејќи Тотенхем му плати 7.000.000 евра отштета на Брентфорд.

Од 38 натпревари, во кои го водеше тимот, тој победи само на 13, со 11 нерешени резултати и 14 порази. Френк помина само осум месеци во Тотенхем.

Вардар со победа стартуваше во вториот дел од сезоната во Првата македонска фудбалска лига (ПМФЛ), откако попладнево во Скопје триумфираше убедливо над Арсими со 5-1 (4-0) во рамки на 17. коло.

Воведните три голови за домашниот тим ги постигнаа новите зимски засилувања во редовите на „црвено – црните“. Стефан Цветковиќ го отвори резултатот во 5. минута, а Бобан Николов (18 минута) и Дарко Велковски (35) беа прецизни во продолжението на натпреварот. Немања Босанчиќ до крајот на полувремето зголеми на 4-0 во 42. минута, а Азар Омерагиќ во 70. минута му донесе на Вардар предност од 5-0.

Почесниот гол за Арсими го постигна Цуцули од пенал во судиското продолжение.

Избраниците на Гоце Седлоски го искористија вчерашниот пораз на Струга на гостувањето во Тетово од Шкендија и со денешниот триумф ја зголемија предноста на врвот на табелата. Вардар е лидер со 45 бодови, четири повеќе од второпласираната Струга и шест повеќе од Шкендија на третото место.