Тотенхем доби уште еден сериозен удар, откако Чави Симонс заработи тешка повреда на натпреварот од Премиер лигата против Вулверхемптон.

Се работи за повреда на коленото и остана да лежи на тревата во болка. Иако накратко се обиде да се врати во игра, брзо стана јасно дека не може да продолжи и беше изнесен на носилки.

Првичните проценки не се оптимистички – постои сомнеж за повреда на предните вкрстени лигаменти, што би значело пауза и до една година.

Дополнителна грижа оваа ситуација носи и за селекторот на Холандија, Роналд Куман, кој веќе има проблеми со повеќе повредени клучни фудбалери пред претстојното Светско првенство.

Лидерот во италијанското првенство Интер ќе го откупи договорот на дефанзивецот на Манчестер Сити, Мануел Аканџи, кој сезонава настапува како позајмен фудбалер, објави денеска новинарот Фабрицио Романо.

Откупната клаузула на 30-годишниот Аканџи ќе изнесува 15 милиони евра. Аканџи дојде во Интер во минатата година. Оттогаш има 42 настапи за италијанскиот клуб, постигнувајќи два гола.

Интер води на табелата во Серија А со девет бодови предност пред второпласираниот Наполи и натпревар помалку на четири кола до крајот на сезоната.

Напаѓачот на Атлетико Мадрид, Александар Сорлот, и играчот од средниот ред на Баерн Минхен, Леон Горецка, се согласија да ja продолжат кариерата во Милан, објави денеска весникот „Ла Газета дело Спорт“.

Италијанскиот клуб му понуди на Горецка тригодишен договор со опција за дополнителна сезона. Триесетиедногодишниот германски репрезентативец навести дека сака да одлучи за својата иднина пред Светското првенство, но побара дополнително време до крајот на сезоната во Бундеслигата и финалето во Лигата на шампиони доколку Баерн го мине полуфиналето.

Сорлот е, исто така, заинтересиран да се приклучи на Милан, но мора да се договори за евентуалниот трансфер со Атлетико Мадрид. Се очекува почетната понуда на Милан да изнесува 20 милиони евра плус бонуси.

Сорлот му се приклучи на Атлетико во 2024 година и договорот на 30-годишниот норвешки напаѓач со мадридскиот клуб важи до лето 2028 година.

Португалскиот стратег Жозе Мурињо ќе одлучи по завршувањето на сезоната дали ќе остане тренер на Бенфика.

„Не сакам да кажам ништо повеќе за ова прашање. Веќе кажав што имав да кажам во врска со Бенфика и нема да давам други коментари. Сите ја знаат ситуацијата многу добро. Кога ќе заврши сезоната, ќе имаме 10 денови да одлучиме дали ќе продолжиме или ќе се разделиме“, изјави Мурињо за ЕСПН.

Дел од шпанските медиуми претходно навестија дека 63-годишниот Мурињо би можел да се врати во Реал Мадрид на лето. Сегашниот предводник на Кралскиот клуб, ќе остане на клупата до крајот на сезоната по што ќе се повлече од должноста. Мурињо беше на чело на Реал од 2010 до 2013 година, освојувајќи ја титулата во Ла Лига, Купот на Кралот и шпанскиот Суперкуп.

Италијанската фудбалска асоцијација наскоро треба да добие ново раководство, а со тоа и нов тренер. Иако звучи малку нереално, нивниот прв избор ќе биде Пеп Гвардиола.

Колку долго Пеп Гвардиола ќе остане на клупата на Манчестер Сити зависи само од него.

Шпанскиот стратег има важечки договор до летото 2027 година, но и принципиелен договор со раководството на клубот дека никој нема да му прави проблем ако сака да го напушти „Етихад“ на крајот од тековната сезона.

Сигурно е дека кога ќе го напушти синиот дел од Манчестер, нема да го видиме на аут-линијата уште некое време, бидејќи многу пати во текот на последните десет месеци посочи дека му е потребна пауза од работата.

Тој ќе има време да размислува за иднината дури кога ќе заврши тековната сезона.

По уште еден кошмарен циклус и 12 години без квалификации за Светското првенство, Италијанската фудбалска асоцијација е подготвена за чистка.

Една од главните задачи на новата „управа“ ќе биде изборот на нов селектор , а „Чизма“ верува дека би можеле да постигнат договор со Гвардиола, кој многу пати во својата кариера изјавил дека би сакал да се испроба во улогата на селектор.

Манчестер Сити го победи Саутемптон со 2-1 по пресврт и се пласираше во финалето на ФА Купот.

По водството на второлигашот од „Сент Мерис“ во 79-та минута, кое им го донесе мајсторски потег на Фин Азаз, и делириумот на навивачите од југот на Англија, следеше експресна реакција на фаворитот, прво соло акција и гол со многу среќа на Џереми Доку, а потоа и „торпедо“ на Нико Гонзалез.

Во финалето, Сити ќе игра со подобриот од дуелот Челзи-Лидс, натпреварот се игра утре на „Вембли“.

Во последниот натпревар од 34-то коло од Премиер лигата, играчите на Арсенал успеаја да го победат Њукасл со 1-0 на домашен терен.

Единствениот стрелец и херој на победата на Арсенал беше Еберечи Езе, кој на брлијантен начин ја погоди мрежата на Њукасл во девттата минута од натпреварот. Арсенал сега е три бода пред Манчестер Сити на врвот на табелата во Премиер лигата со натпревар повеќе. Њукасл ја продолжи својата серија порази, нема освоено бод во последните три натпревари. За среќа, тие се уште се далеку од зоната за испаѓање и се чини дека ќе обезбедат опстанок.

Ова беше многу важен натпревар за тимот на Арсенал, особено по поразот од Сити во минатото коло.

Од моментот кога постигнаа гол, Арсенал, како што се очекуваше, ја контролираше играта и не создаде ниту една сериозна шанса до крајот на натпреварот.

Од дрга страна Њукасл сериозно се закани во неколку наврати.

Најблиску Њукасл до постигнување гол беше во 80-та минута, кога Виза го промаши целиот гол од околу десет метри по одлично додавање од Волтемаде.

„Топџиите“ одиграа уште еден не толку добар натпревар, но победија што е најважно за сите нивни навивачи во овој момент.

Арсенал ќе игра против Фулам во следното коло, исто така дома, додека тимот на Еди Хау ќе се сретне со Брајтон.

Фудбалерот на Манчестер Јунајтед, Бруно Фернандеш, откри зошто не си замина од Англија во претходното лето кога доби богата понуда од Саудиска Арабија.

„Останав затоа што мислев дека сè уште можам да му дадам нешто на клубот. Ми понудија многу. Добро е што со сопругата не се стремиме да бидеме најбогатите луѓе на светот.

Само сакаме да ги оствариме нашите соништа, да живееме добар живот со нашите деца и да се стремиме да постигнеме што е можно повеќе успех“, потенцираше Фернандеш.

Фудбалерот од средниот ред на Џирона, Азедин Унаи, може да добие понуда да го облече дресот на Манчестер Сити, наведуваат медиумите во Европа.

26-годишниот интернационалец од Мароко има договор до 2030 година со откупна клаузула од 20 милиони евра.

Тој во сезонава одигра 18 средби со ефект од пет голови и две асистенции. За неговиот потпис се заинтересирани уште неколку екипи од Шпанија и Италија.

Македонија Ѓ.П. го совлада Работнички со 2-1 во денешниот натпревар од 29. коло во Прва МФЛ. „Лавовите“ освоија многу важни три бода и остануваат во трката за опстанок во елитата.

Тимот на Македонија Ѓ.П. поведе по првата опасна акциja во втората минута. По нафрлувањето, Кабаркас погоди со глава и ја затресе мрежата на Работнички. Во 14. минута, Сухељ Мухарем имаше одлична шанса за израмнување, но шутираше непрецизно. Лазаревиќ во 22.минута од корнер ја погоди гредата од голот на Работнички.

Една минута подоцна и Софијаноски со удар со глава го погоди дирекот. Шансите продолжија и на двете страни, се до 63. минута, кога Џангаровски, по одличен соло пробив успеа да постигне втор гол за Македонија Ѓ.П.

Пет минути подоцна, Сухељ Мухарем успеа да намали на 2-1 со прецизен удар од непосредна близина. Манојлов во 78.минута имаше шанса за израмнување, но не успеа.

Македонија ЃП останува претпоследна, но сега со 27 бодови, односно само еден бод помалку од Работнички, а два од Пелистер, кој е прв над линијата за место во баражот. До крајот има уште четири кола, а во следната рунда тимот од Ѓорче ќе гостува кај испаднатиот Шкупи, додека Работнички го очекува директен дуел против Пелистер.