Џанпјеро Гасперини, актуелниот тренер на Аталанта, се уште сонува еден ден да ја преземе клупата на Јувентус, клубот во кој започна и освои трофеи на јуниорско ниво.

„Враќањето во Јувентус по 20 години би било круна на мојата кариера“, изјави Гасперини за италијанските медиуми. 63-годишниот стручњак помина девет години во Јувентус како играч и тренер на младинците, од 1994 до 2003 година. Во овој период, Гасперини го предводеше младинскиот тим на Јувентус до неколку трофеи.

Интересно, Кристијано Џунтоли, актуелниот спортски директор на Јувентус, сакаше да го донесе Гасперини во Наполи уште во 2019 година. Сепак, тоа не се случи.

Гасперини изгради репутација на еден од најценетите тренери во Италија благодарение на неговите извонредни резултати со Аталанта, која ја трансформираше во редовен учесник на европските натпреварувања.

Гасперини е познат по својот напаѓачки стил на игра и тактички иновации, често користејќи формација 3-4-1-2. Неговата способност да развива играчи и да постигнува успеси со ограничени ресурси му донесе признание во фудбалскиот свет, вклучително и две награди за најдобар тренер во Италија (2019 и 2020 година).

Правата самостојна работа ја доби во 2003 година во Кротоне. Успеа со овој тим да избори промоција во Серија Б. Потоа следеше успешен период во Џенова од 2006 до 2010 година, при што го предводеше клубот до петтото место во Серија А. По кратки и помалку успешни епизоди во Интер и Палермо, Гасперини ја презеде 2016 Аталанта.

Душан Влаховиќ ќе го напушти Јувентус по завршувањето на сезоната. Неговиот договор истекува во јуни 2026 година, а откако одби да му биде намалена платата за да ја продолжи соработката, клубот јасно му стави на знаење дека ги брои последните денови во клубот. Математиката на Јувентус е јасна, летово мора до го продаде Влаховиќ за да заработи од неговиот трансфер.

Душан Влаховиќ, како што тврдат италијанските медиуми ќе го напушти Јувентус, но ќе остане во Серија А. За да се реализира ова сценарио во игра треба да влезе и ПСЖ.

Имено, во потенцијално еден од најневеројатните трансфери, Влаховиќ би се преселил во Интер. Од овој трансфер Јувентус би заработил помеѓу 25 и 30 милиони евра што е далеку под пазарната вредност на напаѓачот.

Во зелката треба да се вклучи и ПСЖ. Домино ефектото би го задржал Рандал Коло Муани во Јувентус, а Маркус Тирам од Интер би се преселил во ПСЖ.

Интер чека понуда за Тирам за да може да влезе во траката за потписот на Влаховиќ, тврди„ Тутомеркато“. Јувентус парите од трансферот на Влаховиќ би ги искористил да го откупи договорот на Коло Муани од ПСЖ.

Живата легенда на Баерн Минхен, Томас Милер, за германските медиуми ја коментираше моменталната позиција со преговорите со клубот за нова соработка. 35-годишниот ветеран има договор само до крајот на актуелната сезона и се уште е нејасно дали ќе остане и следната сезона.

„Ние сме во преговори. Зборуваме и за спортски и за финансиски аспекти“, изјави Милер за весникот „Шпигел“.

„Сè уште многу се забавувам играјќи фудбал. Сакам да продолжам“, додаде офанзивниот играч за врска на Баварците.

Милер е младински играч на Баерн, кој влезе во првиот тим во 2009 година.

Хрватскиот фудбалски репрезентативец и фудбалер Матео Ковачиќ оваа лето би можел да го напушти Манчестер сити и да потпише за Атлетико Мадрид.

Искусниот Ковачиќ од 2015 до 2019 година играше за Реал Мадрид, кум му е капитенот на Кралскиот клуб, Лука Модриќ, а од следната сезона може да го облече дресот на лутиот градски ривал на најтрофејниот клуб.

Во Атлетико сметаат дека Ковачиќ би можел да биде одлично пополнување по најавеното заминување на Родриго Де Пол.

Договорот на Ковачиќ со Сити е до јуни 2027, па Атлетико ако сака да го купи, ќе мора да плати и отштета од 30-тина милиони евра. Интерес за Матео има и од Фенербахче, но Хрватот преферира да остане во топ 5 лигите.

Јорганџиите се заинтересирани за уште еден играч од Премиер лигата, тоа е напаѓачот Дарвин Нуњез од Ливерпул.

Менаџерот на фудбалерите на Арсенал, Микел Артета, беше разочаран по вчерашното реми без голови на теренот на Нотингем Форест во меч од Премиер-лигата.

„Доминиравме во играта и се обидовме да дојдеме до победа на секој начин. Требаше да упатиме повеќе шутеви и да имаме добра завршница.

Гледаме напред и работиме со тоа што го имаме. Ситуацијата е иста како пред една недела или пред три месеци”, рече Артета.

Тренерот на Фенербахче, Жозе Мурињо доби жестока казна поради инцидентот по крајот на турското дерби против Галатасарај.

Во понеделникот, по ремито 0-0 во големата пресметка во Истанбул, португалскиот стручњак имитираше мајмунски движења по реакциите на клупата на Галатасарај.

Потоа отиде во судиската соблекувална каде сакаше да разговара со главниот судија Славко Винчиќ од Словенија.

Поради сето ова ќе биде суспендиран на четири натпревари и ќе мора да плати парична казна од 35.194 фунти.

Однесувањето на Мурињо беше окарактеризирано како „чин против „спортскиот дух“ и „спротивно на етиката на спортот и концептот на фер-плеј“.

Фенербахче и официјално потврди дека ќе се жали на казната која му е изречена на Мурињо.

Фудбалерите на Болоња го совладаа Милан со 2-1 во одложениот натпревар од деветтото коло во Серија А. Болоња ја прекина црната серија, немаше победа над Милан, на домашен терен во последните 22 години.

Рафаел Леао ги доведе гостите во водство на крајот од првиот дел, но Сантијаго Кастро и Ден Ендоје донесоа пресврт за домаќините во вториот дел.

Ова е втор последователен пораз за Милан. Сега се осми со 41 бод, додека Болоња има три бода повеќе и се наоѓа на шестата позиција.

Во следното коло тимот од Милано на домашен терен игра против Лацио, додека Болоња ќе му гостува на Каљари.

Милан е блиску до потпишување нов договор со Тијани Рејндерс.

Еден од најдобрите, ако не и најдобри играчи на „росонерите“ оваа година е блиску до договор со италијанскиот клуб за продолжување на договорот.

Се шпекулираше дека холандскиот интернационалец би можел да го напушти Милан на крајот на сезоната, но како што сега стојат работите, тоа нема да се случи.

Милан му понуди на Рејндерс подобри услови. Договорот би бил со важност до 2030 година, а неговата плата би скокнала од милион и пол на три и пол милиони евра. На Рејндерс очигледно му се допаѓа таквата понуда и остануваат само последните детали до официјален договор.

Рејндерс дојде во Милан од АЗ Алкмар во трансфер вреден 20,5 милиони евра, а неговата пазарна вредност сега се проценува на околу 50 милиони евра.

Фудбалерот на Порто, Пепе, има скинати мускулни влакна на десната бутина и ќе ги пропушти следните натпревари. Неговото враќање на теренот се очекува за еден месец.

Бразилскиот интернационалец вчера бил на лекарски прегледи откако принудно го напушти мечот со Виторија Гимараеш. Бекот ќе ги пропушти мечевите против Арука, Брага и Авеш.

Луѓето од Порто се надеваат дека Пепе ќе биде подготвен за настап на дербито со Бенфика закажано за првата недела во април.

Во однос на последното соопштение на ФК Силекс, Фудбалската федерација на Македонија (ФФМ) и Одборот на судии во рамки на ФФМ на чело со претседателот Александар Ставрев, најостро ги осудуваат непрофесионалните, неетичките, неоснованите и злонамерни напади насочени кон претседателот на ФФМ, Масар Омерагиќ и комесарот Јосип Бартон, како претседавач со Комисијата за делегирање на судии.

Овие обиди за дискредитација претставуваат неприфатлив притисок врз стручните тела во ФФМ што работат исклучиво во интерес на македонскиот фудбал. Како водечка институција во македонскиот фудбал, ФФМ ќе продолжи со професионално и одговорно управување, без да подлегне на надворешни притисоци или било какви други влијанија а ќе ги искористиме сите расположливи механизми за заштита на интегритетот и нема да дозволиме било каков обид за манипулација и нарушување на угледот на ФФМ и нејзините официјални претставници, стои во дел од објавата на официјалната веб-страна на ФФМ.

Впрочем, за контрадикторноста и злонамерата во испратеното соопштение е токму фактот што претседателот на ФФМ многу децидно, уште по преземањето на функцијата, јасно кажа дека прв и основен приоритет на ФФМ е воведувањето на ВАР технологијата за што и се започнати активности. Притоа, неколкупати посочи дека дејствувањето и работата на Судиската организација е оставена на стручните лица, членови на истата и во ниту еден сегмент ниту некој може да влијае, ниту обидите за влијание на било кој член на судиската организација ќе минат без последици, се наведува во соопштението на ФФМ.