Фулам ќе ги засили своите редови со бразилскиот фудбалер Кевин, кој ќе се пресели во лондонскиот клуб за рекордни 40 милиони евра, објавија денеска англиските медиуми.

Дваесетидвегодишниот бразилски играч од средниот ред доаѓа во Фулам од украински Шахтјор за кој настапуваше од 2024 година.

Својот претходен трансфер рекорд Фулам го постави минатата година, кога плати околу 31 милиони евра за офанзивниот играч од средниот ред на Арсенал, Емил Смит Роу.

По три одиграни натпревари, Фулам е на 16 место во Премиер лигата со два бода, а следниот натпревар ќе го игра на 13 септември дома против Лидс.

Ливерпул го доби дербито против Арсенал во третото коло од Премиер лигата. Дуелот на „Енфилд“ го реши Доминик Собослаи со спектакуларен гол во 82. минута.

Дербито на „Енфилд“ донесе натпревар со многу темпо, но со малку квалитетна игра. Мечот лошо започна за Арсенал, Вилијам Салиба, клучниот деганзивец во четврртата минута поради повреда го напушти теренот.

Ливерпул беа премногу резервирани во првиот дел, Арсенал ја контролираше играта, но дојде до само една шансна, кога Алисон го одбрани ударот на Мадуеке.

Во вториот дел „црвените“ беа поактивни, повеќе притискаа, но без вистинска гол шанса.

Клучниот момент се случи во 82.минута, кога од 25 метри, од слободен удар совршено погоди Собослаи.

Ливерпул по три кола има три победи, Арсенал остана на две победи, го забележа првиот пораз во сезоната.

Јувентус, во финишот на преодниот рок обезбеди важно засилување. Поранешниот фудбалер на Лил, Едон Жегрова доаѓа во Јувентус. Во исто време клубот ќе го напушти Нико Гонзалес.

Косовскиот репрезентативец пристигнува од француски Лил, каде што играше претходните три сезони и се профилираше како еден од најдобрите играчи во Лига 1 на позицијата офанзивен играч за врска.

Жегрова ќе му се придружи на својот поранешен соиграч од Лил во Јувентус, Канаѓанецот Џонатан Давид, кој исто така им се придружи на Бјанконерите ова лето, но како слободен играч.

Италијанските медиуми објавуваат дека Јувентус ќе му плати 15 милиони евра на ЛилЗа репрезентацијата на Косово досега одигра 42 натпревари и постигна пет гола.. Исто така, на претпоследниот ден од преодниот рок, раководството на „старата дама“ ја прифати понудат од Атлетико за Аргентинецот, Нико Гонзалез.

Сезонава, Нико ќе настапува како позајмен играч во Атлетико. Клубот од Мадрид ќе плати еден милион евра за позајмицата.

На крајот од сезоната, во завосност од настапите, Атлетико ќе може да го откупи договорот на Аргентинецот за за сума помеѓу 20 и 30 милиони евра.

Фудбалерите на Македонија ЃП дојдоа до првиот триумф во сезоната 2025/26, откако на домашен терен денесго совладаа составот на Пелистер со 2-1. Со пресврт домашниот тим на крајот успеа да дојде до првите три бода во сезоната, по стартот во кој имаше три порази по ред во шампионатот.

Гостите од Битола поведоа уште во 2. минута поведоа. Ристиќ го проигра Булатовиќ, кој излезе сам пред Јанков и со лоб удар успеа да го совлада. Македонија ЃП во 22. минута се закани преку Талаков кој со глава ја погоди стативата, а тоа како да беше предвесник за она што ќе се случува неколку минути подоцна. Гереро влезе во шеснаесетникот на Пелистер, Спировски стартуваше врз него, направи прекршок, и беше покажан пенал. Христов го реализираше успешно по средината на голот.

Вториот дел почна со уште една добра шанса на Македонија ЃП. Шутираше Ристиќ, Јанков одби до Ристевски, кој од добра позиција шутира само крај голот. Казната стигна во 66. минута. По една мешаница пред голот на Јовчевски, најпрво се обиде Елмас, голманот на Пелистер кратко одби до Гереро, а овој успеа да постигне гол.

До крајот на мечот Пелистер се обиде да извлече бод, но Македонија ЃП успеа да се одбрани и така да ги освои бодовите од овој меч.

Фудбалерот на Ливерпул, Коди Гакпо, стави потпис на нов „повеќе годинешен“ договор со англискиот клуб.

Ливерпул не ја прецизираше временската рамка на новиот договор на 26-годишниот холандски напаѓач во своето соопштение.

„Неверојатно чувство е да го продолжам мојот договор тука во овој прекрасен клуб. Многу сум благодарен и се надевам дека ќе можам да возвратам уште многу добри моменти. Се чувствувам како дома, моето семејство се чувствува како дома и тоа е секогаш голема одлука. Тие се чувствуваат добро. Многу сум среќен во клубот, тоа е добра група, добри соиграчи, па животот околу самиот фудбал е многу добар и уживам во секој момент. Многу сум благодарен што можам да го продолжам мојот договор“, рече Гакпо за веб-страницата на Ливерпул.

Гакпо се приклучи на Ливерпул во јануари 2023 година од ПСВ, и оттогаш одигра вкупно 131 натпревари и постигна 42 голови за актуелниот шампион на Премиер лигата.

Ако по утрото денот се познава, фудбалскиот клуб Вест Хем ќе има тешка сезона, нема да биде изненадување доколку клубот се бори за опстанок во Премиер лигата. Вест Хем стартуваше во новата сезона со два убедливи порази, а во последните часови од преодниот рок ќе остане без најдобриот играч, Лукас Пакета (28).

Астон Вила е блиску да го потпише Бразилецот. Како што објави Фабрицио Романо, понуден е пакет вреден околу 55 милиони евра. Вест Хем би сакал да го задржи Пакета, но тој сака да оди во Вила и се очекува трансферот да се реализира.

Бразилецот прво би заминал на позајмица, но Астон Вила би имал обврска да го откупи неговиот договор.

Фиорентина останува активна на трансфер пазарот неколку дена пред неговото затворање во понеделник. Според „Фудбал Италија“, клубот добил понуда преку посредници да го потпише играчот од средниот ред на Реал Мадрид, Дани Себаљос.

29-годишниот Шпанец не се смета за клучна фигура во плановите на Реал Мадрид, а според „АС“, Јувентус се обидел да го земе на позајмица претходно во текот на летото.

Во меѓувреме, Фиорентина веќе влегла во директни преговори за евентуален трансфер. Италијанскиот клуб е подготвен да дејствува за договор за Себаљос, но најверојатно ќе направи потег само ако направи неколку продажби до крајот на преодниот рок.

Иднината на Ерик тен Хаг во Баер Леверкузен е веќе неизвесна само две кола од почетокот на новата сезона во Бундеслигата. Холандскиот тренер е критикуван по нестабилниот почеток во првенството, а клубот одби јавно да застане зад него. Поранешниот менаџер на Манчестер Јунајтед би можел повторно да остане без работа следната недела.

Стартот на Баер Леверкузен под негово водство беше хаотичен, а ремито 3:3 со Вердер Бремен во саботата, во кое тимот прими два гола во последните минути од натпреварот, дополнително ги зголеми тензиите. Според „Кикер“, раководството на Леверкузен веќе има сомнежи во врска со работата на Тен Хаг, а расположението на „БајАрена“ е опишано како критично. И покрај шпекулациите, ниту спортскиот директор Симон Ролфес ниту раководството на клубот јавно не изразија поддршка за Тен Хаг.

Вест Хем Јунајтед се вклучи во трката за потпишување на договорот со играчот од средниот ред на Арсенал, Фабио Виеира, пред затворањето на преодниот рок во понеделник, 1 септември, објави Флоријан Плетенберг од „Скај Спортс“ од Германија.

25-годишниот португалски плејмејкер, кој веројатно нема да добие многу време за игра ако остане во тимот на Микел Артета, привлече интерес и од Штутгарт.

Сепак, „швабите“ веруваат дека цената што ја бара Арсенал од 30-35 милиони евра е превисока и не се подготвени да платат повеќе од 20 милиони за Виеира.

Португалецот им се придружи на „Топџиите“ од Порто во 2022 година за 35 милиони евра плус 5 милиони во бонуси, но никогаш не успеа да импресионира на „Емирати“.

Ал Итихад е подготвен да плати 70 милиони евра и да ја активира откупната клаузула на Родриго Мора, 18 годишното момче важи за еден од најголемите таленти во Португалија и Европа.

Се подготвува трансфер кој ќе ја разбранува фудбалската јавност, Ал Итихад сака да го ангажира Родриго Мора.

18 годишното момче важи за еден од најголемите таленти во Португалија и Европа и се наоѓа во бележникот на многу клубови ширум „стариот континент“.

Со оглед на тоа дека парите не се проблем во Саудиска Арабија, Ал Итихад сега ќе тропне на вратата на Порто со предлог од 70 милиони евра, и ќе ја активира откупната клаузула на офанзивниот фудбалер.

Останува да се види дали младото момче ќе го прифати предлогот, но со оглед на тоа какви пари се нудат во Саудиска Арабија, сигурно ќе биде ставен во големо искушение.

Пред две години, големиот талент на Селта, Габри Веига ги одби европските гиганти и се пресели во Саудиска Арабија, со што навлече многу критики и обвинувања дека ги брка парите.

Шпанецот по две години поминати во Саудиска Арабија реши да се врти во Европа, и тоа токму во редовите на Порто.