Ѕвездата на Болоња и холандски репрезентативец Џошуа Зиркзе е на
мета на многу клубови, а во моментов најсилен интерес покажува
Милан.
22-годишиот Зиркезе поникна во академијата на Баерн Минхен, а оваа сезона блеска во дресот на Болоња и го привлече вниманието на
многу европски клубови.
Милан покажува најсериозен интерес за Холанѓанецот и го посочил
како главна трансфер цел за летниот преоден рок, бидејќи во Зиркзе
гледа идеален наследник на Жиру.
„Газета дело Спорт“ пренесува дека Зиркзе веќе му кажал ДА на
Милан, кој за неговиот потпис е спремен да ја плати откупната
клаузула од 40 милиони евра.

Италијанскиот фудбалски стручњак Џенаро Гатузо најверојатно ќе
биде нов тренер на саудискиот прволигаш Ал Тавун.
Според италијанскиот печат, 46-годишниот Гатузо ги договорил сите
детали околу неговата преселба во Саудиска Арабија, а официјалното
соопштение се уште се чека.
Поранешниот италијански фудбалски репрезентативец својата
последна работа ја имаше во Марсеј, со кој раководеше од септември
2023 година до февруари оваа година.
На две кола до крајот на саудиското првенство, Ал Тавун, кој
моментално го води Бразилецот Перикле Шамуска, е на четвртото
место.

Французинот Флорен Гизолфи ќе стане нов спортски директор на
Рома, објави неговиот досегашен тим Ница.
Оваа вест во интервју ја потврди и претседателот на Ница, Жан-Пјер
Ривер.
„Флорен Гизолфи си заминува, се сели во Рома и ние сме среќни
поради него. Поминавме неколку добри месеци заедно, тој е добра
личност и многу го цениме тоа. Му посакуваме се најдобро. Негово
беше барањето да замине, а ние не сакавме да му стоиме на патот“,
рече Ривер.
Гизолфи ќе го раскине договорот со Ница и на тој начин ќе и олесни на Рома која нема да мора да плаќа оштета.
Местото спортски директор на Рома е испразнето откако Тијаго Пинто поднесе оставка на крајот од јануарскиот преоден рок.

Правилата на УЕФА се јасни, но за сите љубители на фудбалот беше
големо прашање дали Италија следната сезона ќе има осум или девет
претставници во Европа.
Џорџо Маркети зборуваше по тој повод и истакна дека доколку
Фиорентина заврши под седмото место на табелата во Серија А (што
е сигурно и го победи Олимпијакос во финалето на Конференциската
лига, следната сезона ќе игра во Лига Европа.
Тоа значи и дека во Европа ќе играат дури девет екипи од Италија.
На деветтото место во Серија А во зависност од развојот на настаните
во последното коло може да се најдат Наполи или Фиорентина.
Доколку Фиорентина и Аталанта слават во финалето на европските
купови, во тој случај шест италијански екипи ќе играат во Лигата на
шампионите, седмата, осмата и Фиорентина ќе играат во Лига
Европа, а деветтата во Конференциската лига.

По суспензијата на ФА поради обложување на Aјван Тони не му
беше лесно да се врати во натпреварувачкиот ритам, но
фудбалерот на Брентфорд успеа да заработи повик во
репрезентацијата на Англија, за која постигна и гол.
Сè уште не е познато дали 28-годишниот напаѓач ќе влезе во
конечниот список на Саутгејт за Европското првенство, но
Англичанецот летово би можел да ја промени средината.
Медиумите од Островите повторно пишуваат за потенцијалниот
трансфер во Тотенхем за кој се шпекулираше минатата сезона
кога Хари Кејн го напушти лондонскиот тим.
Анже Постекоглу се обиде да игра без класичен напаѓач, но се
случуваше да има проблеми. Тимо Вернер пристигна на
позајмица, меѓутоа тој не импресионираше. Сега Тони повторно е
актуелен како некој кој би донел освежување во редовите на
Спарс и би бил долгорочно решение. Меѓутоа, Брентфорд
исклучително го цени својот напаѓач и не сака да го пушти под
100 милиони евра.
Тони сезонава постигна четири гола на 17 натпревари во Премиер
лигата, откако ја одработи суспензијата.

Манчестер Сити ја затвори сезоната со победа против Вест Хем
од 3-1, а тоа за овој тим значеше и четврта титула во низа во
Премиер лигата.
Освен освоениот трофеј, посебен момент во овој натпревар
имаше и Родри стрелецот на еден од погодоците. Играчот за
врска успеа да дојде до бројката од 74 натпревари во низа без
пораз.
Шпанецот на тој начин ја оствари најдолгата низа на еден
фудбалер во историјата. Пред вчерашниот натпревар, Родри го
делеше второто место со тандемот на Милан од 1993 години,
Малдини и Албертини. Од вчера тој е самостоен рекордер.

Родри следната сезона може да го стигне рекордот на
непоразеност само во Премиер лигата. Имено, во најсилната
англиска конкуренција тој е во низа од 50 натпревари на кои не
знае за пораз. Тука рекордер е Сол Кемпбел со 56, па така не е
многу далеку од Шпанецот.

Бараж мечот за опстанок и промоција во ПМФЛ меѓу Вардар и
Детонит Јуниор ќе се одигра во Струмица и тоа во недела со
почеток во 17 часот. Во опција беа и Штип и Битола, но сепак
надлежните во Фудбалската федерација на Македонија одлучиле
овој меч да се игра во Струмица на стадионот “Благој Истатов“.
Познато е дека победникот од дуелот меѓу Вардар и Детонит
следната сезона ќе игра во ПМФЛ и ќе им се придружи на Беса и
Пелистер кои дојдоа од второлигашката конкуренција.
Денеска со ждрепка беа извлечени и двојките за баражите за
пополнување на ВМФЛ. Прилепска Победа во битката за опстанок
за ривал го доби тимот на Куманово, а Вардарски ќе игра со
Кораб, додека последната бараж-двојка ја сочинуваат Влазерими
и велешки Борец. Овие баражи се на програмата в сабота.

Неодамна се појави веста дека еден од кандидатите за нов тренер на
Манчестер Јунајтед е тренерот од Северна Ирска, Киеран Мекена.
Стратегот на Ипсвич направи голем подвиг со „тракторите“ кои по
повеќе од две децении ги врати во Премиер лигата и со тоа го
привлече вниманието на Јунајтед каде своевремено работешe како
помошник и како тренер во младинските категории. Но, според
последните информации „црвените ѓаволи“ добиле сериозна
конкуренција.
Англиските медиуми пренесуваат дека Челзи е заинтересиран за
Мекен, како и Брајтон, кои будно ја следат ситуацијата со 38-
годишниот стратег.
Се погласни се шпекулациите дека Челзи е подготвен да го замени
Маурицио Почетино кој со тимот се пласираше во Конференциската
лига, а во клубот сметаат дека тоа не е доволно добро.
Од друга страна, Роберто де Зерби веќе го напушти Брајтон, па така
тие се веќе во потрага по нов тренер. Раководството на Брајтон сака
млади и преспективни тренери, а нема дилеми дека Мекен е токму таков, па тој сериозно влегол во нивните опции.
Останува да видиме како ќе се развива ситуацијата, а засега не се
исклучува можноста Мекен и да остане во Ипсвич за да го води овој
тим и во Премиер лигата.

Мејсон Гринвуд го направи потегот на кариерата кога по
обвинувањата за силување и насилство врз неговата девојка одлучи да се пресели во Гетафе.
Гринвуд за Гетафе игра како позајмен фудбалер и се уште е член на
Манчестер Јунајтед, а во Шпанија ја пронајде вистинската форма
бидејќи на 35 натпревари постигна десет гола и подели шест
асистенции. Со таквата форма тој привлече внимание од други
клубови.

Последен во низата се споменува е Наполи, под услов Виктор Осимен
да го напушти Неапол во претстојното лето, што не е нереално
сценарио.
Нигериецот го бараат многу клубови од Островот, еден од нив е
Манчестер Јунајтед, па италијанскиот тим би можел да направи
поволен договор со кој под поволни услови би го добил Гринвуд,
бидејќи во Манчестер не се расположени да го вратат без разлика што
обвинувањата кон него беа отфрлени.
Постои опција и во наредната сезона да остане во Гетафе исто така
како позајмен фудбалер, меѓутоа во Јунајтед повеќе сакаат да
заработат на него.

Арсенал мораше да прави пресврт, но на крајот го победи Евертон,
што се покажа како недоволно за освојување на толку посакуваната
титула во Премиер лигата.
На крајот, „топчиите“ повторно останаа зад Манчестер Сити на
конечната табела, а менаџерот Микел Артета ќе мора да сочека барем уште една сезона пред да го прекине долгиот пост на Арсенал во домашното првенство.
Во денешното обраќање кон фановите, шпанскиот стручњак ветил
фокусиранот на остварување на главната амбиција и нејзина
реализација.
„Сега е време да одмориме и да размислуваме, а вие продолжете да не притискате и инспирирате. Не треба да бидете задоволни од ова,
бидејќи сакаме многу повеќе и ќе дојдеме до тоа. Ако правиме тоа
што треба да правиме, ќе бидеме уште поблиску и на крајот ќе ја
освоиме титулата. Не знам кога ќе се случи тоа, но сигурен сум дека
ќе успееме.
Во минатото со 89 поени би ја освоиле лигата, но денеска тоа не е
доволно“, рекол Артета.