Корпулентниот напаѓач на Барселона, Роберт Левандовски, потврди дека на крајот на сезоната ќе го напушти новиот фудбалски шампион на Шпанија.
„По четири години предизвици и напорна работа, време е да продолжам понатаму. Си заминувам со чувство дека мисијата е исполнета. Четири сезони, три шампионски титули. Каталонија е моето место. Ви благодарам на сите што ги запознав на ова прекрасно патување во текот на овие четири години“ – објави Полјакот.
„Посебна благодарност до претседателот Лапорта што ми даде можност да го доживеам најневеројатното поглавје од мојата кариера. Барса се врати таму каде што припаѓа“, напиша Левандовски на социјалните мрежи.
ФФМ го осуди однесувањето на присутните на прославата на ФК Вардар
Фудбалската Федерација на Македонија предмалку со официјално соопштение ги осуди последните настани по повод прославата на титулата на ФК Вардар и недоличното однесување на целокупниот екипаж. Содржината на социјалните мрежи преку кои целата јавност беше сведок на недоличното однесување и скандалозните пароли пренесени од ФК Вардар се за секаква осуда, на кои што секако се приклучува и Фудбалската Федерација на Македонија.
Фудбалската федерација на Македонија (ФФМ) изразува осуда за навредливото и недолично однесување на ФК Вардар при прославата на победата и обезбедувањето на титулата шампион на Македонија.
ФФМ отсекогаш апелирала и повикувала на достоинствен начин на однесување при победите и на понизност при поразите.
Особено е неприфатлива потребата да се повикуваат навредливи содржини и да се пее вулгарни и навредливи текстови при прославувањето на победата. Ваквото однесување е недолично без разлика кон кого е насочено, без разлика дали станува збор за јавни личности, за навивачи на другиот тим, за фудбалери или за кој било друг.Ривалитетот меѓу екипите е посакуван и здрав само кога е достоинствен и исполнет со меѓусебна почит, а секаква форма на говор на омраза, навреди и неспортско однесување нема место во фудбалот.
ФФМ, како и во претходните ситуации кога беа казнувани екипите на ФК Тиквеш, ФК Осогово, ФК Вардар и други, ќе постапува согласно своите пропозиции и дисциплинските правилници. По овој повод, Дисциплинскиот инспектор при ФФМ веднаш ќе отвори постапка против клубот во врска со последните случувања. Фудбалската федерација на Македонија останува посветена на промоција на фер-плејот и нема да дозволи ничие однесување да го наруши интегритетот на натпреварувањата.
Номинирани кандидатите за фудбалер на сезоната во Премиер лигата
Премиер лигата ги објави номинираните за наградата за играч на годината во Премиер лигата за сезоната 2025/26. Осум играчи се најдоа во потесниот список.
Меѓу номинираните се 31-годишниот португалски играч од средниот ред на Манчестер Јунајтед, Бруно Фернандеш, 28-годишниот бразилски дефанзивец на Арсенал, Габриел Магаљаес, 26-годишниот англиски играч од средниот ред на Нотингем Форест, Морган Гибс-Вајт, и 25-годишниот норвешки напаѓач на Манчестер Сити, Ерлинг Халанд.
На списокот се и 27-годишниот англиски играч од средниот ред на Арсенал, Деклан Рајс, 26-годишниот напаѓач од Гана на Борнмут, Антоан Семењо, 24-годишниот бразилски напаѓач на Ливерпул, Игор Тијаго, и 30-годишниот шпански голман на Арсенал, Давид Раја.
Арсенал е лидер на табелата во Премиер лигата (79 бода по 36 натпревари), Манчестер сити е втор (77 бода), а Манчестер јунајтед е трет (65). Ливерпул е четврти (59), Борнмут е шести (55), а Нотингем Форест (43) е на 16. место.
Мурињо на крстопат: Бенфика му понуди нов договор
Португалскиот стратег Жозе Мурињо потврди денеска дека има понуда за продолжување на договорот со Бенфика и оти не знае дали има понуда и да се врати на клупата на Реал Мадрид, каде што беше тренер од 2010 до 2013 година.
„Во средата добив понуда од Бенфика за продолжување на договорот. Мојот агент ја прими понудата, но не сакав да ја видам, да знам за неа или да ја анализирам. Тоа ќе го направам дури од недела“, изјави 63-годишниот Мурињо денеска на прес-конференција во Лисабон.
Бенфика е третопласирана на табелата во португалското првенство пред дуелот од последното коло, в сабота против Есторил.
„Што се однесува до Реал Мадрид, мојот агент не ми кажа дека има понуда. Но, дури и ако ми кажеше дека има, ќе му го кажев истото дека не сакам да ја видам. Немам никаков контакт со Реал Мадрид, ниту со претседателот, ниту со која било друга личност од раководната структура“, додаде Мурињо.
Македонија закажа пријателски натпревар со Турција на 1 јуни
Македонската фудбалска репрезентација на 1 јуни ќе одигра пријателски натпревар против Турција во Истанбул.
Натпреварот ќе се одигра на стадионот „Шукру Сараџоглу / Чобани“ со почеток во 19:30 часот по македонско време.
Репрезентацијата на Турција е учесник на Светското првенство 2026 и ќе биде сериозен тест за избраниците на селекторот Гоце Седлоски.
Претходно, најдобрата македонската репрезентација на 29. мај ќе одигра контролен натпревар против Босна и Херцеговина во Сараево.
Форест ќе му понуди нов договор на Неко Вилијамс
Нотингем Форест отвори преговори за продолжување на договорот со дефанзивецот Неко Вилијамс поради зголемениот интерес од други клубови од Премиер лигата.
Според „Би-би-си“, Њукасл, Астон вила, Манчестер јунајтед и Евертон се заинтересирани за 25-годишниот Велшанец. Тие веќе направиле прелиминарни распрашувања. Нотингем Форест е решен да го задржи играчот.
Вилијамс е во Форест од јули 2022 година. Неговиот договор важи до 30 јуни 2029 година. Во сезоната 2025/26, дефанзивецот постигна два гола и имаше четири асистенции во 51 натпревар.
„Трансфермаркт“ ја проценува неговата трансферна вредност на 25 милиони евра.
Дејвид Бекам стана прв британски милијардер
Поранешниот англиски фудбалер Дејвид Бекам стана првиот британски спортски милијардер, објави денеска „Сандеј Тајмс“ во најновата листа најбогати луѓе во Велика Британија за 2026 година. Заедничкото богатство на Дејвид Бекам и неговата сопруга Викторија се проценува на 1,185 милијарди фунти.
Поранешниот капитен на англиската фудбалска репрезентација денес е косопственик на Интер Мајами, кој се смета за највредна франшиза во американската МЛС лига со проценета вредност од 1,45 милијарди долари. Бекам, кој беше прогласен за витез минатата година, исто така, има големи примања и како амбасадор за брендови како „Адидас“ и „Хуго Бос“.
Голем дел од богатството на Викторија Бекам доаѓа од модната компанија што ја изгради по нејзината светска слава со групата „Спајс Грлс“.
Гарсија го одреди списокот за Мундијалот на „црвените ѓаволи“
Селекторот на Белгија, Руди Гарсија ја објави листата со 26 фудбалери за мундијалот во САД, повик доби и Ромелу Лукаку, кој оваа сезона има одиграно едвај 69 минути фудбал.
Популарните „црни-ѓаволи“ ги открија адутите за Светското првенство, тимто ќе го предводат ветераните Кевин Де Брујне, Ромелу Лукаку и Тибо Куртоа.
Ромелу Лукаку, и покрај тоа што оваа сезона одигра едвај 69 минути фудбал, и во моментов се опоравува од повреда, се најде на конечниот список.
Повик доби и Матијас Фернандез Падро, кој реши да го замени националниот дрес на Шпанија со тој на Белгија.
Помеѓу оние кои не се најдоа на списокот се Луис Опенда од Јувентус, Ромео Лавија од Челси, како и 17 годишниот Натан Де Кат.
Дали Жоао Педро ќе извиси за Нејмар да игра на Мундијалот?
Нејмар би можел сензационално да се врати во репрезентацијата на Бразил за Светското првенство, пренесува ESPN Brasil.
Според информациите, новиот селектор Карло Анчелоти сериозно размислува повторно да му даде шанса на искусниот напаѓач, а неговото враќање во составот сега се смета за реална можност.
Доколку Нејмар биде повикан, најголем кандидат да отпадне од списокот е Жоао Педро.
Нејмар долго време беше надвор од националниот тим поради повреди и проблеми со формата, но очигледно Анчелоти верува
Карик доби перманентен договор, ќе го води Јунајтед и догодина
Манчестер Јунајтед е блиску до официјална потврда дека Мајкл Керик ќе остане постојан менаџер на тимот.
Според „Дејли Мејл“, раководството на клубот се откажало од идејата за ангажман на Андони Ираола и веќе преговара со Керик за двегодишен договор со можност за продолжување на уште една сезона.
Се очекува Манчестер Јунајтед официјално да ја објави одлуката пред последниот домашен натпревар сезонава против Нотингем Форест, по кој Керик ќе им се обрати на навивачите на „Олд Трафорд“.
„Горд сум што повторно сум дел од овој клуб. За мене како поранешен играч и навивач, ова има посебно значење“, изјави Керик.
Нов договор ќе добие и помошникот Стив Холанд, кого Керик го пофали за големото искуство и влијание во тимот.
