Фабио Капело се осврна на информацијата дека Роберто Де Зерби може да го преземе кормилото на Милан.

„За него многу се зборува како еден од најдобрите тренери бидејќи Гвардиола го поддржува. Што освои во кариерата? Досега никој не му испрати понуда а во неговиот договор со Брајтон има клаузула од 15 милиони. Тоа премногу е да се плати“, вели Капело.

Легендарниот напаѓач, Алан Ширер, упати критики за „црвените ѓаволи“ кои имаат разочарувачка сезона.

„Мислам дека ова е најлошиот тим на Манчестер Јунајтед што сум го видел во мојот живот. Ќе им треба долго време да се приближат до врвот. Дури и да се опорават сите играчи, ќе им треба многу време да го достигнат нивото на Сити, Ливерпул и Арсенал“, нагласи Ширер.

Манчестер Јунајтед се вклучи во трката за услугите на Тосин
Адарабиојо од Фулам, кој има договор до крајот на сезоната.
Манчестер Јунајтед има големи проблеми во одбраната оваа сезона и
приоритет на лето ќе биде доведување на врвен дефанзивец.
Англиските медиуми пренесуваат дека Челзи ја победил
конкуренцијата за услугите на Тосин Адарабиојо од Фулам, кој има
договор до крајот на сезоната.

Се очекува на лето од Олд Трафорд да си заминат Варан и Линделоф,
па Јунајтед ќе доведе уште еден дефанзивец покрај Адарабиојо.

Челзи влезе во добар ритам во финишот на оваа сезона и е на добар
пат да обезбеди место во европските купови во наредната сезона.
Секако желбата, целта на „сините“ за актуелнава кампања беа да
бидат конкурентни за самиот врв, меѓутоа тоа не се случи, реализира,
но овие последни резултати како и учинокот во Лига и ФА Купот
може да биде основа за натпреварувачката 2024/2025.
Според поранешниот англиски репрезентативец, Овен Харгрејвс
„сините“ не треба да прават нова револуција кога се во прашање
трансферите во летниот преоден рок, односно најважно е да најдат
квалитетен голман и екстра напаѓач.
„Веројатно се воодушевени што се враќа Рис Џејмс. Тој е толку
талентиран играч, веројатно би можел да биде еден од најдобрите
десни бекови во светот, но мора да најдат начин да го одржат во
форма, да биде фит.
Мислам дека ако можат да најдат центарфор на лето, да ја средат
голманската позиција, тие имаат неколку неверојатни млади таленти
таму, би било навистина интересно да се види што ќе направи Челси
следната сезона, бидејќи искрено не знам како ќе играат.
Не трошете пари – само донесете голман, земете напаѓач. Најдете
неколку лидери во групата, тие речиси сите се на иста возраст, во ист
момент во нивната кариера, мислам дека тоа не е добра работа.
Мислам дека кога сте тим, сте млади и се мачите, ви требаат примери.
Ви требаат лидери и мислам дека го немаат тоа надвор од Тиаго
Силва. Во моментов тие се во одлична форма, тоа е добро, но мислам
дека би можеле да имаат уште една незгодна сезона ако не се осврнат
на клучните позиции“, порача Харгрејвс.

Флоријан Вирц е еден од најдобрите играчи во Европа оваа сезона.
Офанзивниот играч за врска на Баер Леверкузен зад своето име има
18 гола и 19 асистенции на 46 настапи, а според „Трансфермаркт“
вреди 110 милиони евра.
Вирц со години е еден од најголемите германски таленти, а оваа
сезона експлодираше под водство на Чаби Алонсо. Вирц и Баер се
непоразени оваа сезона и ја освоија Бундеслигата. На Баер му
остануваат уште финалињата во Лига Европа и домашниот куп.
Следната сезона Вирц најверојатно ќе игра за Баер и покрај бројните
понуди од најголемите европски клубови. Реал Мадрид и Манчестер
Сити се во првиот ред, но Германецот има план да остане летово.
„Марка“ пишува дека негово заминување може да очекуваме во 2025
година и дека Реал веќе работи на тој трансфер, исто како и на
трансферите на Џуд Белингем и Килијан Мбапе.
Мбапе ќе му се приклучи на Реал ова лето откако ќе му истече
договорот со ПСЖ, додека Виртц треба да пристигне во мадридскиот
клуб една година подоцна. Реал ќе мора скапо да го плати Вирц
бидејќи неговиот договор со германскиот клуб е до 30 јуни 2027
година. „Марка“ тврди дека тоа ќе биде тешка операција, но Реал е
решен да го обезбеди потписот на брилијантниот играч од средниот
ред.

Тренерот на Челзи, Маурисио Покетино може да го смени клубот на
лето. Милан е заинтересиран за 52-годишниот Аргентинец.
Забележано е дека „росонерите“ го вклучиле фудбалскиот стручњак
во листата на кандидати, бидејќи актуелниот тренер Стефано Пиоли
најверојатно ќе поднесе оставка.
Покетино е на чело на Челзи од летото 2023 година. Неговиот договор
е до крајот на сезоната 2024/25.
„Сините“ од Лондон по 36 кола имаат освоено 57 бодови и се на 7.
место на табелата во Премиер лигата.

Софијан Амрабат минатото лето беше на мета на многу европски
гиганти, а тој избра кариерата да ја продолжи во Манчестер Јунајтед.

Тен Хаг по секоја цена го сакаше Амрабат во својот тим, но
Мароканецот не се снајде најдобро на „Олд Трафорд“.
Манчестер Јунајтед плати за едногодишна позајмица, но веќе донесе
одлука да не го откупи неговиот договор и ќе го врати во Фиорентина.
Таквата ситуација сака да ја искористат Милан и Јувентус и веќе
стапиле во контакт со неговиот агент, па ја почнале трката за неговиот потпис.

Италијанските медиуми пренесуваат дека Дејан Кулушевски на лето
може да го напушти Тотенхем и да се врати во Серија А.
Македонецот роден во Шведска оваа сезона во Премиер лигата
запиша 34 настапи на кои постигна шест гола и само трипати
асистираше. Кулушевски не е задоволен во Тотенхем и сака да се
врати во Серија А, а силен интерес за него покажува Наполи.
Се очекува клубот да заработи од продажбата на Виктор Осимен и дел
од парите ќе ги инвестира во крилниот напаѓач.
Кулушевски во Тотенхем пристигна пред две и пол години од
Јувентус за 35 милиони евра.

Милан ќе се обиде да го купи дефанзивецот на Тотенхем, Емерсон
Ројал. 25-годишниот дефанзивец е една од главните трансфер цели на
„росонерите“ ова лето.
Емерсон одамна е во плановите на италијанскиот гигант, а надежите
на управата се дека овојпат ќе успеат да го донесат во Милано. Милан
веќе започна преговори со Тотенхем за потенцијален трансфер.
Лондончани бараат 30 милиони фунти за Бразилецот, но „росонерите“
не сакаат да платат таква сума, па се очекува преговорите да
продолжат.

Поранешниот европски и шесткратен германски шампион, Хамбургер
ги загуби шансите за пласман во Бундеслигата откако беше поразен
од Падерборн со 1-0 во рамките од 33. коло во Втората лига.
Така ХСВ остана на четвртото место на табелата со 55 бода и на едно
коло пред крајот заостанува четири бода од третопласираната
Фортуна што значи дека немаат шанси за место во повисок ранг.
Не успеа Хамбургер да дојде барем и до третата позиција која ќе
обезбедеше борба во плеј-офот.
Во претходните две сезони Хамбургер пропушташе да се врати во
Бундеслигата така што губеше во плеј-офот од Херта и од Штутгарт.
На табелата во Цвајт прв е Кил со 64 бода, потоа следи Ст.Паули со 63
и Фортуна со 59…