По елиминацијата на Холандија во шеснаесетфиналето на Светското првенство од репрезентацијата на Мароко, Роналд Куман поднесе оставка, со што се отвори нова страница за холандскиот фудбал. Во сценарио што речиси целосно ја пресликува ситуацијата со Барса од ноември 2021 година, Фудбалската федерација на Холандија го именуваше Чави Ернандез за нов селектор.

Поранешниот предводник на Барселона уште еднаш застанува на местото на Куман, овојпат потпишувајќи четиригодишен договор кој го обврзува да го предводи националниот тим сè до завршувањето на Мундијалот во 2030 година. Со овој потег, холандските фудбалски власти испратија јасен сигнал за дефинитивен почеток на нова ера во градењето на репрезентативниот идентитет.

Именувањето на Чави претставува историски момент, со оглед на тоа што тој е првиот странски стручњак на клупата на Холандија по речиси пет децении, односно по Ернст Хапел во 1978 година. И покрај тоа што доаѓа од Шпанија, неговата фудбалска филозофија идеално се вклопува во холандската традиција. Потпрен на концептите на позициска игра изградени под влијание на Јохан Кројф, Ринус Михелс и Пеп Гвардиола, самиот Чави истакна дека се чувствува како „син на холандското фудбалско училиште“.

Техничкиот директор Најџел де Јонг потврди дека изборот паднал на Чави токму поради неговата посветеност кон атрактивен, контролативен и офанзивен фудбал со висок пресинг, со што федерацијата сака трајно да се оддалечи од прагматичните системски решенија.

По двегодишната пауза која ја зеде по заминувањето од Барселона каде ја освои титулата во Шпанија, 46-годишниот стратег се соочува со огромен притисок и високи очекувања. Неговото официјално деби ќе биде на 24 септември во дерби-пресметката од Лигата на нации против Германија на „Јохан Кројф Арена“.

Главниот фокус на Чави ќе биде ставен на квалификациите и настапот на Европското првенство 2028, како и градење на шампионски состав за Светското првенство во 2030 година. Со оглед на неговото докажано искуство во промоција на млади таленти, холандската јавност верува дека Чави го поседува вистинскиот рецепт конечно да ја одведе оваа репрезентација до долгоочекуваниот светски трон.

Атлетико Мадрид и Тотенхем постигнаа целосен договор за трансферот на аргентинскиот репрезентативец Кристијан „Кути“ Ромеро. Целокупниот пакет за 28-годишниот централен дефанзивец изнесува 40 милиони евра, сума во која се вклучени и дополнителн бонуси.

Откако клубовите ги усогласија ги сите детали, преостануваат само уште формалностите. Ромеро веќе се подготвува за пат кон Мадрид, каде што го чекаат медицинските прегледи пред официјално да стави потпис на договорот.

Овој трансфер претставува голема победа за предводникот на мадриѓаните, Диего Симеоне, кој во својот сонародник гледаше апсолутен приоритет за зацврстување на дефанзивната линија. Менаџерот на Атлетико го цени агресивниот стил на игра, доминацијата во воздухот и меѓународното искуство на Ромеро.

Аргентинскиот дефанзивец уште пред неколку дена му даде зелено светло на проектот. Привлечен од тактичката визија на Симеоне и можноста за нов предизвик во Ла Лига, Светскиот шампион брзо ги договори личните услови, што го забрза процесот меѓу клубовите.

Со месеци раководството на Пари Сен Жермен преку европските медиуми испраќаше јасна порака дека Бредли Баркола е апсолутно недопирлив. Францускиот репрезентативец беше третиран како еден од основните столбови на тимот за иднината, а можноста за негова продажба се сматраше за затворена тема.

Сепак, по триумфот во Суперкупот против Астон Вила, претседателот на ПСЖ, Насер Ал-Келаифи, изненади со значителна промена во реториката. Изјавувајќи дека работите ги вршат смирено и без премногу помпезност, тој одби експлицитно да гарантира останување на младиот крилен напаѓач. Со констатацијата дека Баркола денес е фудбалер на ПСЖ, но дека до крајот на преодниот рок сè е можно, првиот човек на парижаните го даде досега најсилниот сигнал дека европскиот првак е подготвен за преговори.

Зад кулисите, желбата на Ливерпул да го доведе Баркола на „Енфилд“ веќе влезе во напредна фаза. Претставниците на англискиот гигант и таборот на фудбалерот постигнаа целосна согласност околу личните услови и структурата на договорот, а самиот играч веќе дал зелено светло за преселба во Премиер лигата.

Во меѓувреме, раководствата на двата клуба се во постојан директен контакт со цел да се пронајде заеднички јазик за модалитетот на овој висок трансфер. Дополнителен индикатор дека ситуацијата се менува е и фактот што Баркола го изгледа целиот меч од Суперкупот од клупата како резерва, што во фудбалските кругови се толкува како знак дека Луис Енрике веќе се подготвува за ротации во офанзивната линија.

Иако сите детали меѓу Ливерпул и фудбалерот се дефинирани, главниот предизвик за реализација на зделката останува премостувањето на финансиската разлика меѓу барањата на ПСЖ и понудата на Црвените. Парижаните во моментов го проценуваат Баркола на сума помеѓу 140 и 145 милиони фунти, додека британскиот клуб подготвува пакети кои се движат околу 120 милиони фунти.

Паралелно со овие преговори, францускиот шампион веќе интензивно работи на пазарот за да обезбеди соодветни замени, насочувајќи го своето внимание кон Феран Торес. Со отворена врата од страна на Ал-Келаифи и активни регрутации во Париз, претстојните денови ќе покажат дали Ливерпул ќе успее да го финализира овој рекорден трансфер.

Маркус Рашфорд официјално им се приклучи на подготовките на Манчестер Јунајтед по завршувањето на летниот одмор. По едногодишниот престој во Барселона, каде што каталонскиот гигант одлучи да не ја активира откупната клаузула од 24 милиони фунти, 28-годишниот напаѓач се наоѓа на важна пресвртница во кариерата. По солидните настапи во Ла Лига и освојувањето на бронзениот медал со Англија на Светското првенство, неговото враќање донесе нова динамика во преодниот рок.

Атмосферата околу неговиот статус е значително променета под водство на новиот стручен штаб. По пријателскиот натпревар во Даблин против Лидс, менаџерот Мајкл Карик испрати јасна и позитивна порака до јавноста: „Маркус е наш фудбалер и се врати во одлична форма. Го познавам долго време и тој му носи нешто поинакво на нашиот тим. Откако се врати, расположен е и работи со одлична енергија.“

И покрај бројните шпекулации, приоритетите на Рашфорд остануваат јасни. Англискиот репрезентативец нема намера да разгледува финансиски привлечни понуди од Саудиска Арабија, Турција или други лиги надвор од европскиот крем. Рашфорд верува дека ги минува најдобрите години од кариерата и е одлучен да продолжи да се натпреварува на највисоко ниво во Европа.

Шансите тој да остане на „Олд Трафорд“ се сè поголеми, особено поради инсистирањето на Карик. Доколку во следните неколку недели не пристигне сериозна понуда од некој европски гигант, англискиот напаѓач најверојатно повторно ќе го носи црвениот дрес. Со договор кој важи до летото 2028 година, и клубот и фудбалерот имаат цврста позиција, па трансфер ќе зависи исклучиво од евентуална понуда од европската елита.

Барселона и Пари Сен Жермен постигнаа принципиелен договор за трансферот на Феран Торес. Еден од хероите на Светското првенство на Шпанија сега е на еден чекор од заминување во Париз, а договорот вреди вкупно 55 милиони евра. Двата европски гиганти се согласија за клучните услови по интензивните преговори, пишува Catalan Sport.

Преговорите не беа лесни. ПСЖ прво ѝ понуди на Барселона 40 милиони евра плус десет милиони бонуси, но каталонскиот клуб го отфрли таквиот предлог. Барселона јасно постави услов да бара најмалку 50 милиони евра загарантирана отштета.

Парижаните потоа го зголемија фиксниот дел од понудата. Според последните информации, договорената сума е 50 милиони евра веднаш, со уште пет милиони можни бонуси, што беше границата под која Барселона не сакаше да падне. Преговорите ги водеа спортските директори Деко и Луис Кампос, а заминувањето на Торес сега се смета за прашање на време. Се очекува напаѓачот да се збогува со своите поранешни соиграчи во тренинг кампот во среда.

Еден од клучните луѓе во целиот договор е тренерот на ПСЖ, Луис Енрике. Тој има големо почитување кон Торес, кого го познава многу добро од шпанската репрезентација, и токму тој му го претстави проектот и му објасни каква улога има намера да му даде во Париз. Иако ПСЖ веќе ги има Усман Дембеле, Хвича Кваратскели и Десире Дуе во напаѓачката линија, Луис Енрике сакаше дополнителна ширина и играч кој би можел да ги покрие сите три позиции во нападот.

Поранешниот македонски репрезентативец, Стефан Ристовски се раздели со Сараево, босанскиот тим потврди и официјално.

Сараево преку социјалните мрежи ја соопшти веста и му посакa среќа во иднина.

„Фудбалскиот клуб Сараево и Стефан Ристовски постигнаа договор за прекин на соработката. Во текот на престојот во бордо дресот, Стефан впиша 36 настапи и постигна три гола. Риле, среќно понатаму“, стои во соопштението на Сараево.

Засега не е познато која ќе биде следната дестинација на Ристовски.

Кралската холандска фудбалска асоцијација (KNVB) е во преговори со шпанскиот тренер Роберт Мартинез за негово назначување за главен тренер на репрезентацијата, објави „De Telegraaf“.

Педесет и тригодишниот Шпанец е невработен откако ја напушти репрезентацијата на Португалија по Светското првенство во 2026 година. Тој ја тренираше португалската репрезентација од јануари 2023 година.

Селекторската позиција на холандската репрезентација остана празна по Светското првенство во 2026 година, по отпуштањето на Роналд Куман.

Следниот натпревар на холандската репрезентација е на 24 септември.

Милански Интер е на чекор до комплетирање на трансферот на дефанзивецот на Тотенхем, Џед Спенс. Преговорите меѓу актуелниот италијански шампион и премиерлигашот од Лондон значително се забрзаа во последните часови, при што двата клуба интензивно работат за да ги допрецизираат деталите пред почетокот на новата сезона.

Вкупниот финансиски пакет се очекува да надмине 30 милиони евра со сите вклучени бонуси. Тотенхем е подготвен да го даде зеленото светло за продажба по летната реконструкција на тимот под раководство на Роберто де Зерби.

Што се однесува до самиот фудбалер, личните услови се веќе целосно усогласени. Спенс јасно ја изрази својата желба да се пресели во редовите на „нероаѕурите“, гледајќи на овој трансфер како идеална можност за редовна минутажа и настап во Лигата на шампионите.

Англискиот репрезентативец веќе има искуство во Серија А по претходната позајмица во Џенова. По настапите на Светското првенство, 26-годишниот бек е подготвен да ги завери сите договорни обврски и да замине на лекарски прегледи во Милано штом клубовите ќе го утврдат конечниот распоред на исплати.

Ангажманот на Спенс доаѓа како директна реакција на заминувањето на Дензел Думфрис во Реал Мадрид. По неколкуте разгледани алтернативи на пазарот, раководството на Интер се одлучи за Спенс како примарно решение.

Неговата брзина и стабилност идеално се вклопуваат во формацијата 3-5-2 на италијанскиот клуб. Со оглед на конкуренцијата во Тотенхем, преминот во Милано му нуди на Спенс клучна улога на десната страна во тимот кој подготвува одбрана на шампионската титула во Италија.

Феран Торес нема да им се приклучи на соиграчите на закажаниот тренинг на Барселона. Овој потег означува пресвртен момент во преодниот рок за 26-годишниот шпански репрезентативец. По интензивните преговори меѓу раководството на Барселона, застапниците на фудбалерот и Пари Сен Жермен, постигната е заедничка согласност.

Наместо да ги започне подготовките за новата сезона со Барса, Торес доби официјална дозвола да остане надвор од тимот за да го комплетира својот трансфер во редовите на францускиот шампион.

Причината за отсуството на Торес е напредокот во преговорите меѓу ПСЖ и Барселона. Вербалниот договор е речиси во целосно постигнат, а вкупната вредност на трансферот се проценува меѓу 50 и 55 милиони евра.

Иако во наредните денови треба да се усогласат уште некои административни детали и структурата на бонусите, клучните услови се веќе поставени. Торес веќе ги договори личните услови за петгодишен договор со ПСЖ и го очекува конечното одобрение за медицинските прегледи и официјалната промоција во Париз.

Официјализирањето на трансферот е усогласено со натпреварувачкиот календар на Пари Сен Жермен. Со оглед на тоа што парижаните се фокусирани на настапот во Суперкупот против Астон Вила, раководството одлучи да ги затвори сите преостанати формалности веднаш по завршувањето на тој натпревар.

За Торес, преминот во Париз значи и повторна соработка со Луис Енрике, кој претходно го предводеше во шпанската репрезентација. Одличното познавање на неговите квалитети од страна на Енрике беше еден од клучните фактори за ПСЖ да го постави како приоритетно офанзивно засилување во овој преоден рок.

Новиот менаџер на Манчестер Сити, Енцо Мареска, го посочи Енцо Фернандез од Челси како клучно засилување околу кое треба да се гради средниот ред на манчестерскиот клуб. Италијанскиот стратег, кој веќе соработуваше со аргентинскиот репрезентативец на „Стемфорд Бриџ“, гледа во него совршен диригент за својата тактичка замисла.

Формацијата на Мареска се потпира на длабок плејмејкер кој може не само да го контролира темпото и поседот, туку и со прецизни вертикални додавања да ги пробива противничките линии. Добриот однос меѓу менаџерот и фудбалерот е дополнителен ветер во грбот за повторна соработка, додека управата на Сити веќе ги мери опциите за освежување на тимот.

Агресивниот пристап на Сити кон Фернандез е директно поврзан со иднината на Родри. Барселона е во напредни преговори за шпанскиот репрезентативец кој влегува во последната година од договорот, па „граѓаните“ мора да дејствуваат брзо и да обезбедат соодветна замена. Иако Сити ја одби првичната понуда од Каталонците како недоволна, подготовките за евентуално заминување на нивниот главен мотор се веќе во тек.

Челси постави цена од 120 милиони фунти за поранешниот светски шампион, јасно ставајќи до знаење дека ги нема потребните финансиски притисоци за продажба. Раководството на сините е подготвено да го задржи Аргентинецот како клучен играч за следната сезона, што го става Сити пред сериозна дилема: дали да ја плате оваа огромна сума?

Оваа потенцијална инвестиција дополнително го оптоварува буџетот на Манчестер Сити, особено кога ќе се земе во предвид дека клубот веќе потроши огромни суми ова лето за играчи како Елиот Андерсон (116 милиони фунти).

Како што преодниот рок влегува во финалната фаза, преговорите меѓу двата премиерлигашки ривали стануваат сè посложени. Иако Сити ги разгледува и алтернативните опции, меѓу кои и младата надеж на Лил: Ајуб Буади, желбата на Мареска го држи Фернандез на самиот врв од листата.