Германската фудбалска репрезентација остана без еден од најталентираните играчи за Светското првенство. Вундеркиндот на Баерн Минхен, Ленарт Карл се повреди на последниот тренинг, пред последниот контролен натпревар.

Селекторот Јулијан Нагелсман потврди дека ситуацијата воопшто не е наивна.

„Карл се повреди на денешниот тренинг. Не изгледа добро. Мора да почекаме дијагноза и да видиме дали ќе може да игра на Светското првенство или ќе мора да повикаме замена“, рече Нагелсман.

Повредата доаѓа во најлошиот можен момент за младиот фудбалер, кој зад себе имаше сезона од соништата во Баерн Минхен. Карл постигна 17 гола на 40 натпревари и со тоа се етаблираше како еден од најперспективните германски играчи.

„Ќе видиме во текот на следната недела. Многу размислував за него во последните месеци“, рече селекторот кога го прашаа дали Карл заслужува место меѓу стартерите.

Потоа го пофали начинот на кој младиот фудбалер се справува со високите очекувања.

„Справувањето со сè што му се случува на таа возраст е еден од најголемите предизвици. Досега, тој се снаоѓа одлично, создава шанси и отвора простор за своите соиграчи.“

Германија со нетрпение ќе ги чека резултатите од прегледот, бидејќи евентуалното отсуство на Карл би било сериозен удар пред почетокот на Светското првенство.

На Светското првенство, Германците ќе играат во група со Курасао, Брегот на Слоновата Коска и Еквадор.

Фудбалската репрезентација на Парагвај ги заврши подготовките за Светското првенство со убедлива победа, но прославата беше засенета од загриженоста за повреда на клучениот играч, Хулио Енсисо.

На последниот тест пред Мундијалот, Парагвај ја победи Никарагва со 4:0 во пријателски натпревар, а навивачите им приредија спектакуларно збогување.

Парагвај доминираше во натпреварот од самиот почеток и поведе во 17-та минута, кога Каку беше прецизен од пенал. Кон крајот на првото полувреме, во 42-та минута, Алмирон, на асистенција на Гомез, го зголеми резултатот на 2-0. Галарза постигна гол во 62-та, а конечниот резултат го постави Маидана пет минути подоцна, во 67-та минута, по додавање од Маурисио.

Сепак, големата победа беше засенета од повредата на првата ѕвезда на тимот, Хулио Енсисо.

Младиот напаѓач мораше да го напушти натпреварот и го напушти теренот во солзи на носилки. Сериозноста на неговата повреда предизвика голема загриженост пред почетокот на Светското првенство. По овој натпревар, репрезентацијата на Парагвај патува на Светското првенство. Првиот настап ќе го има на 13 јуни против Соединетите Американски Држави. Во групната фаза, Парагвај ќе се сретне и со репрезентациите на Турција и Австралија.

Македонскиот фудбалски интернационалец, Дарко Чурлинов, по само една сезона ќе го напушти составот на Коџаелиспор, најавија медиумите во Турција.

Неговиот тим го освои 10-то место на табелата а Чурлинов се појави на 26 средби и имаше три асистенции.

Напаѓачот кој претходно беше дел од англискиот Барнли, има настапувано и за Јаглелонија, Шалке, Штутгарт, Келн, Магдебург, Ханза Рошток, Вардар и Работнички.

Енрике Рикелме кој води жестока трка со Флорентино Перез за прв човек на фудбалскиот состав Реал Мадрид, вели дека клубот е пред финансики колапс.

„За многу кратко време, Реал Мадрид уништи повеќе од 770 милиони евра ликвидност а готовината се намали за 99%. Паричните резерви се спуштија на само неколку милиони.

Исто така, знаеме дека долгот поврзан со реконструкцијата на стадионот „Бернабе“ и другите финансиски операции достигна невидени нивоа и го загрозија буџетот“, нагласи Рикелме пред утрешните избори.

Женската репрезентација на Македонија оствари важна победа на гостувањето кај Андора, триумфирајќи со 1-0 во натпреварот од 5. коло во квалификациите за Светското првенство.

Избраничките на селекторот Александар Андов до победата во Ла Вела стигнаа со погодокот на Николовска во 86. минута од средбата, кога ја крунисаа подобрата игра и освоија значајни три бода.

Ова е втора победа за Македонија во квалификацискиот циклус, откако претходно во Скопје беше совладана истата селекција на Андора.

Македонија настапи во состав: Панчурова, Ѓорѓиева, Николовска, Петкова, Коловска, Галабовска, Максути, Цветкоска, Грозданова, Величковска и Сулејмани. Во текот на натпреварот шанса добија и Павловска, Карпузовска, Цветковиќ и Емини.

По пет одиграни натпревари, Македонија се наоѓа на третата позиција во групата со шест освоени бода. На врвот е Унгарија со 13 бодови, пред Азербејџан кој има девет.

Последниот натпревар од квалификациите, македонската репрезентација ќе го одигра на 9 јуни во Битола против селекцијата на Азербејџан. Почетокот на средбата е закажан за 19:00 часот.

Барселона продолжува активно да работи на засилувања за новата сезона, а по ангажманот на Ентони Гордон, раководството на каталонскиот гигант е фокусирано на доведување нов напаѓач. Прва желба на клубот е Хулијан Алварез, но неговиот трансфер во моментов изгледа како тешко остварлива мисија.

Поради тоа, на Барселона ѝ била понудена друга атрактивна опција за засилување на офанзивната линија.

Според светските медиуми, агентите на Виктор Осимен го понудиле нигерискиот голгетер на каталонскиот клуб. Напаѓачот, кој настапува за Галатасарај, би можел да биде достапен за сума од околу 75 милиони евра.

Осимен зад себе има одлична сезона во турскиот шампионат. На 33 натпревари во дресот на Галатасарај постигна 22 гола и додаде седум асистенции, бројки кои повторно го вметнуваат меѓу најбараните напаѓачи на европскиот пазар.

Големата неизвесност околу настапот на Брил Емболо на Светското првенство во 2026 година конечно заврши.

Напаѓачот на швајцарската репрезентација доби дозвола за влез во Соединетите Американски Држави и наскоро ќе им се придружи на своите соиграчи во кампот на репрезентацијата во Сан Диего.

Фудбалерот на Монако, не замина со сиграчите на почетокот на неделата, бидејќи американските власти одлучија дополнително да ги проверат неговите патни документи непосредно пред патувањето.

Додека неговите соиграчи патуваа во Калифорнија за да продолжат со подготовките за Светското првенство, Емболо остана во Швајцарија чекајќи ја конечната одлука.

Швајцарската фудбалска асоцијација потврди дека 29-годишниот напаѓач добил виза и дека ќе во текот на денот ќе отпатува САД.

Проблемот се појави поради дополнителни проверки спроведени од американските власти во врска со претходни судски постапки против фудбалери. Емболо беше интервјуиран во американската амбасада во Берн во средата, каде што властите разгледаа документи поврзани со инцидентот од 2018 година во Базел.

Дополнително, американските власти побараа судски документи поврзани со пресудата за повеќекратни закани од 2023 година, за која Емболо доби условна казна. Иако случајот конечно беше решен претходно оваа година, американските службеници за имиграција одлучија да спроведат дополнителни проверки пред да го одобрат неговиот влез во земјата.

На крајот, сè заврши со позитивен исход за швајцарскиот репрезентативец, кој сега ќе може да му се стави на располагање на селекторот пред почетокот на Светското првенство.

Емболо е еден од најискусните играчи во Швајцарија и се очекува да игра важна улога во нападот на националниот тим за време на претстојното Светско првенство.

Баерн Минхен направи голем чекор кон потпишувањето на ѕвездата на Ајнтрахт Франкфурт, Натаниел Браун. Баварците постигнале вербален договор со дефанзивецот. Германскиот репрезентативец стана приоритет за Баерн, кој под водство на тренерот Винсент Компани составува тим за следната сезона, пишува „Goal.com“.

Тренерот на Баерн, Компани, лично инсистира на трансферот на 22-годишниот лев бек, кој зад себе има извонредна сезона.

Баварците реагираа брзо за да го обезбедат неговиот договор за преселба на „Алијанц Арена“. Браун, кој моментално е со германската репрезентација во Чикаго, каде се подготвува за Светското првенство и пријателскиот натпревар против САД, наводно се согласил на долгорочен договор до 2031 година.

Во Минхен го гледаат како модерен и разновиден играч кој може да игра на позициите лев и десен бек, но и како лево крило.

Иако Браун се согласил да се пресели во Минхен, договорот меѓу клубовите сè уште не е постигнат. Спортскиот директор на Ајнтрахт, Маркус Кроше, бара обештетување од околу 60 милиони евра за својот талентиран дефанзивец. Цената би можела да претставува пречка и да доведе до застој во преговорите доколку Баерн не е подготвен да ги исполни барањата.

Недостатокот на формален договор меѓу Баерн и Франкфурт ги зголемува надежите кај другите европски гиганти. Арсенал, Манчестер Сити и Реал Мадрид претходно покажаа интерес за Браун.

Ситуацијата во Минхен е дополнително комплицирана од фактот дека, Баерн прво мора да продаде некои играчи пред да се впушти во толку голема финансиска операција.
Спортскиот директор Макс Еберл би морал да најде купувач за Хироки Ито или Алфонсо Дејвис за да ослободи средства за трансфер.

Без реализиција на еден од овие трансфери, Баерн нема да може да го реализира трансферот.

Браун пристигна во Ајнтрахт од Нирнберг во јануари 2024 година за само три милиони евра, што значи дека неговата продажба би им донела извонреден профит.

22-годишникот има одлична сезона зад себе, со четири гола и шест асистенции во 42 настапи за тимот од Франкфурт.

Крилниот напаѓач на Барселона, Ламин Јамал, е прогласен за фудбалер на сезоната во Ла Лига, објави денеска шпанската фудбалска лига.

Осумнаесетгодишниот Јамал ѝ помогна изминатата сезона на Барселона да ја одбрани шпанската титула, стана првиот фудбалер кој ја освои наградата за играч на месецот во лигата три пати во една сезона и заврши како најдобар стрелец на клубот во Ла Лига со 16 голови, а додаде и 11 асистенции.

Поради повреда на тетивата, Јамал ги пропушти последните шест натпревари од сезоната за Барселона, но се очекува да биде подготвен во шпанскиот состав за Светското првенство, кое започнува идната недела во Канада, Мексико и САД.

Јамал го имаше своето деби на 16-годишна возраст и беше составен дел од рекордниот четврти триумф на Шпанија на Евро 2024.

Српскиот фудбалер Александар Станковиќ е нов играч на Интер Милано, објави денеска италијанскиот клуб.

Станковиќ со тоа се врати во Интер, од каде што се пресели во Клуб Бриж во јули минатата година.

Италијанскиот првак одлучи да ја активира откупна клаузула во договорот на 20-годишниот српски фудбалер за врска со Клуб Бриж и го донесе Станковиќ од актуелниот шампион на Белгија за сума од 23 милиони евра.

Изминатата сезона, Станковиќ одигра вкупно 55 натпревари, со ефект од пет голови и пет асистенции за Клуб Бриж.

Станковиќ дебитираше за сениорската репрезентација на Србија во октомври лани и оттогаш одигра вкупно осум натпревари за националниот тим.