Тренерот на Астон Вила, планира ангажман на неговиот поранешен соиграч од Ливерпул, Луис Суарез. 

35-годишниот Уругваец е слободен играч откако заврши неговиот договор со Атлетико Мадрид. Тој беше блиску до премин во Астон Вила во јануари, но проблем за трансферот беше високата плата која ја побарува играчот.

Суарез беше соиграч на Џерард во Ливерпул, од каде премина во екипата на Барселона, а подоцна стана и член на Атлетико Мадрид.

Манчестер Јунајтед започнува со голема реконструкција на тимот. Холандскиот менаџер Ерик тен Хаг и официјално го презеде кормилото на „Олд Трафорд“, а веќе со недели се шпекулира кој би можел да ги засили „црвените ѓаволи“ ова лето.

Според англиските медиуми, Јунајтед покажал сериозен интерес за играчот од средниот ред на Волвс, Рубен Невес.

Португалскиот репрезентативец ги исполнил критериуми на Ерик тен Хаг и според наводите раководството на клубот започна со реализација на трансферот.

Рубен Невес има одиграно преку 200 натпревари за Вулверхемптон и е еден од најважните играчи на тимот откако дојде од Порто во 2017 година.

Еден од најискусните фудбалери на Баерн Минхен, Томас Милер даде своја прогноза за исходот на финалниот дуел од ЛШ помеѓу Ливерпул и Реал Мадрид.

Според Милер, освојувач на трофејот ќе биде тимот на Ливерпул после изведувањето на пенали, а резултатот во регуларниот дел на натпреварот ќе биде 2:2.

„Мојот впечаток е дека Ливерпул е подобар, но после се она што Реал го направи оваа сезона во ЛШ, неможе да се отпишат. Мојата прогноза е дека во регуларниот дел резултатот ќе биде 2:2, а победник ќе биде Ливерпул после изведување на пеналите“, изјави Милер.

Офанзивниот фудбалер на милански Интер , Иван Перишиќ наскоро ќе потпише договор со Тотенхем.

Според објавите во некои од англиските медиуми, хрватскиот репрезентативец договорил двегодишен договор со клубот од Лондон чиј тренер е Антонио Конте.

33-годишниот фудбалер имал понуди и од Јувентус и Челзи, меѓутоа како победник во трката за негов потпис најверојатно ќе излезе Тотенхем. Големи заслуги за договорот иако не е финализиран има тренерот Конте кој имаше одлична соработка со Перишиќ во Интер.

Договорот на Хрватот со Интер истекува на крајот од јуни и во Лондон би се преселил како слободен играч.

Завршен е првиот трансфер на звучно име во англиската Премиер лига за следната сезона. Бразилецот Диего Крлос е нов играч на Астон Вила,

Диего Карлос доаѓа од редовите на Севилја. За неговите услуги беа заинтересирани и посилни клубови како Тотенхем и Арсенал, но на крајот тимот од Бирмингем беше најбрз и најконкретен.

Претходно се пишуваше дека Карлос се договорил со Њукасл, но таа информација се покажа како шпекулација. Трансферот е вреден околу 45 милиони евра.

Лоренцо Пелегрини е избран за најдобар играч во Конференциската лига во оваа дебитантска сезона на овој турнир на УЕФА. „Волчицата“ од Рим дојде до првиот трофеј на европските турнири по победата од 1-0 во финалето одиграно во Тирана против Феенорд.

25-годишниот офанзивен играч за врска има постигнато 5 гола во Лигата на конференциите (вклучувајќи ги и квалификациите). Пелегрини се истакна и со 2 асистенции во 12-те натпревари оваа сезона, објави официјалниот сајт на УЕФА.

Во идеалниот тим на сезоната во Лигата на конференциите се уште тројца играчи на Рома – голманот Руи Патрисио, дефанзивецот Крис Смолинг и напаѓачот Теми Абрахам. Во единаесетмината се и пет играчи на финалистот Феенорд. Станува збор за дефанзивците Геертруида и Маласија, централниот бек Гернот Траунер и напаѓачите Луис Синистера и Сирил Десерс. Идеалниот тим го надополнуваат Димитри Паје од Олимпик Марсеј и Киернон Дјузбери Хал Сити.

Талентот на Манчестер Сити, Џерард Брааф наскоро ќе потпише договор со Борусија Дортмунд, пренесува новинарот Фабрицио Романо. 19-годишниот крилен напаѓач веќе ги договорил личните услови со „милионерите“, а двата клуба ги договараат последните детали.

Брааф минатата сезона играше со младинскиот тим на Сити, а претходно беше на позајмица во Удинезе каде постигна 4 гола во Серија А.

Како што е познато претходно Дортмунд го донесе Џејдон Санчо како талент од Сити, кој блесна во дресот на „милионерите“.

Алваро Мората би можел да ја продолжи кариерата во Арсенал, пренесуваат шпанските медиуми.

Фудбалерот на Атлетико Мадрид, кој е на позајмица во Јувентус, мора, а торинскиот клуб има можност до 35 јуни да го купи напаѓачот од Атлетико за 35 милиони евра. Шпанскиот спортски весник „Ас“ наведува дека Јувентус не сака да ја продолжи соработката со Мората, кој во тој случај би морал да се врати во Мадрид.

Сепак, тренерот на Атлетико, Диего Симеоне не смета на шпанскиот репрезентативец кој ќе мора да бара нов клуб. Шпанските медиуми истакнуваат дека Мората има понуда од Арсенал, кој подготвува понуда до мадридскиот клуб за искусен напаѓач.

Мората (29) порано играше за Челси и доколку се договори со Арсенал, ќе влези во историјата како фудбалер кој ги носел дресовите на два мадридски и два лондонски клуба.

Хари Кејн не крие дека е презадоволен од работата на тренерот, Антонио Конте и дека размислува да остане кај популарните – „спарси“.

Репрезентативецот на Англија во претходното лето инсистираше да го напушти клубот, но, челниците не му дозволија да направи трансфер во Манчестер Сити.

Откако „граѓаните“ неодамна го купија Ерлинг Халан, јасно е дека Кејн не може да се пресели на „Етихад“ и затоа ќе остане на – „Вајт Харт Лејн“ да го одработи договорот кој му истекува во 2024 година.

Спортскиот директор на Милан, Паоло Малдини, за Газета дело Спорт изјави дека Рафаел Леао ќе остане во клубот и нема да биде продаден, а истакна и дека трансферот на Дивок Ориги од Ливерпул е речиси договорен.

„Рафа Леао не е на продажба. Тој има откупна клаузула од 150 милиони евра, но немаме намера да се разделиме со него“, изјави Малдини.

Се очекува Милан наскоро да го објави ангажманот на напаѓачот Дивок Ориги кој ќе пристигне како слободен играч. „Преговараме со Ориги и разговорите се одвиваат добро“, истакна Малдини.