Македонската фудбалска репрезентација се искачи на 62. место на ФИФА листата за март. Денеска беше објавен најновиот ранкинг на Светската куќа на фудбалот на кој Македонија бележи скок од пет места.

Овој скок се должи пред се на победата над Италија од 0-1 во Палермо во полуфиналето од плеј-офот за пласман на СП во Катар.

Тренерот на фудбалерите на Севиља, Лопетеги, не е заинтересиран да работи во екипата на Манчестер Јунајтед.

Тој е еден од кандидатите кои ги планира раководството на „црвените ѓаволи“ кои сакале да го поканат на интервју. Сепак, Лопетеги сака да ја продолжи работата во Шпанија.

Андалузијците имаат силна сезона и дури извесен период се бореа за титулата со Реал Мадрид.

Според пишувањето во „Газета дело Спорт“, раководството на Рома планира голема реконструкција на играчкиот кадар во претстојниот летен период.

Тренерот на „Волчицата“ Жозе Морињо, со сигурност ќе може да рачуна на седум фудбалери од постоечкиот тим, додека сите останати можат да одат на продажба.

Играчи кои ќе бидат сигурни и за наредната сезона се голманот Руи Патрисио, Леонардо Спинацола, Крис Смолинг, Лоренцо Пелегрини, Оливеира, Михтарјан и Абрахам.

Екипата на Рома се наоѓа на петтата позиција од табелата во Серија А со 51 бод, додека лидер е Милан со 66 бода.

Федерико Бернардески готово сигурно ќе го напушти Јувентус на крајот на сезоната.

Бернардески беше доведен како еден од играчите на кои може да се темели иднината на Јувентус и „старата дама“ за него пред четири години плати 40 милиони евра.

Меѓутоа, Италијанецот не ги оправда во целост очекувањата, особено оваа сезона кога не добива голема минутажа кај Алегри. Неговиот договор истекува на крајот на сезоната и нема најави дека двете страни ќе ја продолжат соработката, па Бернардески на лето ќе биде слободен агент.

Таквата ситуација сака да ја искористи Милан, бидејќи Пиоли во него гледа одлично засилување за десната крилна позиција.

Поранешниот легендарен холандски напаѓач Руд ван Нистелрој ќе биде нов тренер на ПСВ Ајндховен. 

Договорот е со важност до 2025 година и ќе стапи на сила на почетокот од следната сезона, соопштуваат на официјалниот сајт на холандскиот клуб.

Актуелниот тренер Роџер Шмит ќе си замине од екипата на крајот од тековната сезона.

Ван Нистелрој  е дел од ПСВ од 2016 година. За ова време тој беше тренер на неколку младински и јуниорски тимови од Ајндховен. Тој во еден период беше и дел од стручниот штаб на репрезентацијата на Холандија.

Разговорите на Барселона за напаѓачот на Лидс Јунајтед Рафиња би можеле да пропаднат доколку шпанскиот клуб се согласи на продолжување на договорот со напаѓачот Осман Дембеле.

Доколку Французинот остане, шансите за преселба на Бразилецот значително ќе се намалат. Претходно се дозна дека Рафиња се договорил за условите на личниот договор со Барселона. Рафиња планира да ги игнорира понудите од другите клубови за трансфер во Барселона во летото 2022 година.

Да потсетиме, Рафиња игра за Лидс од октомври 2020 година, се пресели од француски Рен за 18,6 милиони евра. Претходно 25-годишниот бразилски фудбалер играше за португалските клубови Спортинг и Виторија Гимареш, како и за Аваи од Бразил. Рафиња оваа сезона постигна девет гола и имаше три асистенции на 27 натпревари во Премиер лигата. Договорот на бразилскиот фудбалер истекува во 2024 година.

Напаѓачот на Манчестер Јунајтед и Уругвај, Единсон Кавани се повреди на натпреварот од 18. коло од јужноамериканските квалификации за СП во 2022 година со Чиле (2-0).

Кавани се повреди во првото полувреме и беше заменет во 29. минута од средбата. Наместо 35-годишен фудбалер, на теренот влезе напаѓачот Луис Суарез. При заминувањето кон клупата, Кавани се држеше за десната потколеница. Кавани одигра 12 натпревари во Премиер лигата оваа сезона, постигнувајќи 2 гола и 1 асистенција.

Актуелниот договор на уругвајскиот фудбалер со Манчестер Јунајтед истекува на крајот од сезоната 2021/2022. Да потсетиме дека репрезентацијата на Уругвај го зазеде третото место во јужноамериканската селекција на Светското првенство 2022 година и стигна до пласман на завршниот турнир.

Челниците на Лидс се во преговори со РБ Салцбург за американскиот интернационалец, Брендон Аронсон.

Англичаните во јануарскиот трансфер период понудија 18 милиони евра за 21-годишниот талент, но, австрискиот состав не прифати бидејќи инсистира да добие сума од 25-30 милиони.

Двете страни деновиве се во постојан контакт за да најдат начин како да се реализира трансферот во текот на летото.

Крилниот фудбалер на Лацио, Педро Родригез, призна дека планира да ја заврши кариерата во родната Шпанија. Поранешниот фудбалер на Барселона, Челзи и Рома, планира да се врати во Ла Лига.

„Имам договор за уште една година со Лацио и ќе одлучам што да правам откако ќе истече. Мислам дека можам да играм на високо ниво уште една или две години. Мојата желба е да се вратам во Шпанија и да бидам со моите синови во Барселона. Фудбалот го ограничува вашиот личен живот“, вели играчот на лацијалите.

Според најавите во англиските медиуми, клубовите од Премиер лигата би можеле да изгласаат промена на правилото за бројот на измени.

Доколку предлогот добие потребен број гласови, тогаш од сезоната 2022/23, премиерлигашите ќе имаат право на пет измени на играчи во еден натпревар.

Претходно, Премиер лигата на почетокот од оваа сезона изгласа правило со кое тимовите добиваат дополнителна измена доколку во текот на натпреварот еден од играчите добие повреда на главата поради која е приморан да го напушти истиот.