Завршниот турнир од фубалската Лига на нации ќе биде одржан од 14.до18.јуни наредната година во холандските градови Ротердам и Еншеде.

Пласман на завршниот турнир обезбедија репрезентациите на Холандија, Хрватска, Италија и Шпанија.

Европската фудбалска асоцијација-УЕФА, уште не соопштува кога ќе биде одржана жрепката за полуфиналните парови.

38-годишниот, Арјен Робен, кој имаше блескава фудбалска кариера во повеќе европски екипи, проговори за неговите планови.

„Мојата сопруга работи два дена во неделата, па морам два дена да бидам куќна помошничка. Што се однесува до работата со младинскиот тим, убаво е да се вклучиш во играта на тој начин. Можеби за пет години ќе бидам главен тренер или технички директор или можеби ќе бидам менаџер во Маркет“ – вели Робен.

Холанѓанецот кој потекнува од школата на Гронинген, имаше можност да настапува и за ПСВ, Челзи, Реал Мадрид и Баерн Минхен.

Дејан Кулушевски не го крие задоволството од своите настапи во Тотенхем каде игра како позајмен играч на Јувентус. Тој се надева дека клубот од Лондон на крајот од сезоната ќе го откупи неговиот договор.

Не бев среќен во Јувентус, па трансферот во Тотенхем беше најдобра одлука за мене. Пресреќен сум од соработката со Конте. Никогаш претходно не сум видел поголем мотиватор од него. Неговите зборови доаѓаат право во вашето срце“, истакнува Кулушевски во интервју за Газета дело Спорт.

Оваа сезона во Тотенхем, Кулушевски одигра седум натпревари во Премиер лигата, при што постигна еден гол и забележа три асистенции.

Фудбалерот, Леандро Паредес, кој го напушти ПСЖ во текот на летото и се пресели во Јувентус,  проговори за неговиот однос со Килијан Мбапе.

Аргентинецот вели дека не изградил никаков однос со Французинот и дека главно се дружел со фудбалерите од Јужна Америка.

„Мбапе? Јас едноставно не сум човекот кој може да каже било што за него. Јас едноставно немав никаков однос со Мбапе“ – вели Паредес.

Португалскиот фудбалски репрезентативец, Диого Далот, ќе добие понуда да ја продолжи соработката со Манчестер Јунајтед, најавија медиумите во Британија.

Неговиот договро истекува на крајот на сезоната но, „црвените ѓаволи“ сакаат да го задржат најмалку до 2024 година.

23-годишниот фудбалер сакаше во текот на летото да си замине од – „Олд Трафорд“ но, доаѓањето на Тен Хаг значително ја промени неговата улога во тимот.

Меѓународната кошаркарска федерација-ФИБА, после завршувањето на Евробаскетот, Купот на Азија и Купот на Америка ја објави најновата ранг листа.

Кошаркарската селекција на Македонија на најновата листа има пад од едно место и сега се наоѓа на 53.позиција во светот, односно 28.позиција во Европа. Босна и Херцеговина и Црна Гора имаат најголем напредок од репрезентациите во регионот. 

На првото место од ФИБА ранг листата останува репрезентацијата на САД, потоа следува Шпанија, а третото место му припаѓа на Австралија.

Пари Сен Жермен сака да го врати Адриен Рабио на кого наредното лето му истекува договорот со Јувентус, пренесуваат италијанските медиуми.

Играчот за врска ја помина младинската школа на ПСЖ и влезе во првиот тим во 2013 година и во наредните шест сезони го носеше дресот на „светците“. Следуваше трансфер во Јувентус, но 27-годишникот не се прослави во Торино.

Во неодамна завршниот преоден рок Рабио беше желба на Манчестер Јунајтед, меѓутоа играчот не се договори со „црвените ѓаволи“. Сега полека влегува во последните шест месеци од договорот со „бјанконерите“ и ќе биде слободен во изборот на новата средина.

Јувентус не беше спремен да му понуди нов договор поради неговите високи барања. Платата на Рабио изнесува 7.5 милиони евра годишно и таа сума „бјанконерите“ повеќе не сакаа да ја плаќаат затоа што Французинот не ги исполни очекувањата. Токму затоа негово враќање во ПСЖ во овој момент изгледа сосема реално.

Британскиот весник Телеграф пренесува дека за поранешниот германски фудбалски репрезентативец Лотар Матеус, Англија е еден од фаворитите за освојување на Светското првенство во Катар.

„Англија е еден од фаворитите на претстојното СП. Само погледнете, Англија и Франција можат да состават три први постави на играчи“ изјавил Матеус.

Германецот потсетува дека Англија на последното СП во Русија 2018 година го освои четвртото место, а во финалето на ЕП минатата година беше поразена од Италија. Тоа јасно докажува дека Англија е блиску до освојување на трофејот после 1966.година, меѓутоа според Матеус главен проблем на оваа селекција е тоа што немаат квалитетен голман како што има на пример Германија.

Англија на СП во Катар е заедно во група со Иран, Велс и САД.

Уругвајскиот фудбалер и играч на Барселона Роналд Араухо во среда заминува на операција поради повредата на бутниот мускул, соопштуваат од каталонскиот клуб.

Араухо повредата ја заработи во петокот, за време на пријателскиот натпревар помеѓу Уругвај и Иран. Тој се согласи на операција која ќе му биде извршена во Финска, и со тоа ги намали своите шанси за учество на Светското првенство во Катар.

Ново соопштение за јавноста од Барселона ќе биде објавено после операцијата, кога ќе се прецизира и колку долго Араухо ќе отсусвува од теренот.

Дефанзивецот на англиската репрезентација, Хари Мегваер ги повика навивачите да продолжат да ги бодрат и на последниот натпревар од Лигата на нации против Германија, иако тимот одигра разочарувачки досега и испадна од А-лигата во ова натпреварување.

„Психички сме силни и на луѓето им дадовме прекрасни пет години. Сепак, во моментов сме во ситуација да мораме да бидеме обединети, веројатно навивачите не се задоволни од резултатите во последно време, но се надевам дека нема да престанат да не поддржуваат бидејќи ни претстои голем и многу важен турнир. На Светското првенство не можеме да победиме без нив, па ќе се обидеме да поправиме се што се случуваше во последните месеци. Сакаме да се вратиме на вистинскиот пат за да бидеме подготвени за Светското првенство. И ние ќе бидеме подготвени“, изјави дефанзивецот на Јунајтед.