Тренерот на Реал Мадрид, Карло Анчелоти, смета дека адаптацијата на напаѓачот Килијан Мбапе во Кралскиот клуб е завршена.

„Периодот на адаптација на Мбапе заврши. Тој покажува добра форма, но сепак може да се подобри. Килијан се опорави од повредата и гледам дека е помотивиран и уште поголем ентузијаст. На Мбапе му требаше да го помине овој пат, како и секој друг, но веќе му дојде крајот“, изјави Анчелоти за весникот „АС“.

Францускиот фудбалер минатото лето дојде во мадридскиот клуб како слободен играч. Во овој период на сите турнири учествуваше на 23 натпревари на кои постигна 13 гола и три асистенции.

Арсенал скапо ја плати убедливата победа над Кристал Палас (5:1). Еден од најдобрите фудбалери на „топџиите“ на патерици го напушти „Селхурст Парк“.

Во првото полувреме по една акција Сака остана да лежи на теренот, каде му беше укажана лекарска помош, по што не можеше да ја продолжи играта.

Според тренерот на Арсенал, Микел Артета, Сака речиси сигурно нема да биде достапен за претстојните натпревари на тимот од северен Лондон, додека сериозноста на повредата и должината на отсуството на Англичанецот од теренот се уште не се познати.

Имено, Сака по натпреварот мораше да го напушти Селхурст Парк со штаки, што доволно говори дека повредата на фудбалерот на Арсенал е сериозна.

Со оваа победа Арсенал се доближи на три бода до Ливерпул, но „црвените“ имаат два натпревари помалку.

Менаџерот на Манчестер Сити, Пеп Гвардиола, по последниот пораз на неговиот тим изјави дека повредите на клучните играчи не се единствената причина за најлошата серија резултати на тимот откако тој ги води „граѓаните“.

Сити доживеа нов кикс во саботата во дуелот со Астон Вила на гости (1-2) и сега е уште подалеку од тимовите на врвот на табелата. Титулата, од сегашна перспектива, изгледа како невозможена мисија за Гвардиола и неговите играчи.

Поразот во Бирмингем беше осми за Сити во последните 11 натпревари во сите натпреварувања.

„Игравме многу добро во првото полувреме, во второто паднавме, не бевме добри. Темпото на игра не ни одговараше потоа, беше тешко. И честитам на Астон Вила за победата“, изјави Гвардиола. .

На прашањето кога тимот ќе се врати на победничките патеки, тој одговори:

„Да, тоа ќе дојде или нема да дојде. Зависи само од нас. Ни треба играч позади, имаме само еден здрав централен дефанзивец и тешко е кога ситуацијата е таква. Ќе се обидеме да победиме во следниот натпревар, тоа е нова можност за нас и не гледаме понатаму од тој натпревар“.

Логично се поставува прашањето дали повредите на играчите се единствената причина за неверојатната серија на лоши резултати.

„Секако дека има и други причини. Примаме голови кои претходно не ги примавме, не даваме голови како што тоа го правевме порано. Фудбалот не е единствената причина. Има многу други фактори“, рече Пепе и додаде:

„Астон Вила е тим кој игра одлично и во Лигата на шампионите и во Премиер лигата. Тешко е да се игра и да се победи овде. Минатата сезона ја освоивме Премиер лигата, но сега доаѓаме тука и загубиме. Мораме да мислиме позитивно и имам неверојатна верба во моите играчи. Некои од нив имаат огромна гордост и желба за победа. Мораме да најдеме начин, чекор по чекор, порано или подоцна ќе се вратиме“.

Eкипата на Наполи го договори првото зимско засилување, станува збор за младиот италијански репрезентативец, Луис Хаса.

Станува збор за фудбалер кој сезонава го носи дресот на Лече и во Напол пристигнува на местото на Рафа Марин кој заминува.

Пристигна Марин за 12 милиони евра од Реал Мадрид, но сега оди на позајмица бидејќи не успеа да се избори за минутажа кај Антонио Конте. Според најавите негов нов клуб би требало биде Комо.

Најтрофејниот македонски фудбалски клуб Вардар промовира трето ново име за зимската пауза.

Вардарци се пофалија со потписот на Михаил Маневски. 25-годишниот бек пристигна во Вардар по една полусезона која ја мина во Тиквеш, а сега ќе се бори за минутажа во скопскиот клуб.

Во својата кариера Маневски настапуваше Академија Пандев, Силекс, Шкендија, Гостивар и Брегалница.

Во претходните денови Вардар се пофали со потписите на Георгије Јанкулов и Михал Пинтер кои пристигнаа од Брера, односно Шкупи.

Саутемптон го официјализира новото тренерско име, а тоа ќе биде Иван Јуриќ.

Хрватскиот стратег кој доби отказ од Рома ја презеде клупата на премиерлигашот откако минатата недела отказ доби Расел Мартин. Саутемптон е последен на табелата, има само пет бода и борбата за опстанок ќе биде пеколно тешка.

Јуриќ доаѓа на „Сент Мери“ со солидно портфолио од калчото. Тој досега работеше само во Италија, најдобро се покажа во Торино и Џенова, а ги водеше уште Верона, Рома, Мантова и Кротоне.

Светската фудбалска федерација (ФИФА) потпиша договор со американската компанија Нетфликс за емитување на светските првенства за жени во 2027 и 2031 година на територијата на САД.

Договорот е најзначајниот потпишан од ФИФА за стриминг услуга за голем турнир. Вредноста не е официјално објавена.

Светските првенства вообичаено се емитуваат на бесплатни јавни мрежи за да допрат до најголемата публика.

Претседателот на ФИФА, Џани Инфантино, јавно ги критикуваше јавните радиодифузери, особено во Европа, за намалувањето на понудите за пренос на турнирот во 2023 година, кој се одржа во Австралија и Нов Зеланд. Овој Мундијал го пренесуваше Фокс во САД.

„Овој договор испраќа силна порака за вистинската вредност на Светското првенство за жени на ФИФА и за глобалниот женски фудбал“, порача Инфантино.

ФИФА најверојатно ќе го искористи договорот со Нетфликс за да започне преговори со европските радиодифузери, што ќе биде значително потешко.

Турнирот со 32 екипи и 64 натпревари во 2027 година ќе се игра во Бразил од 24 јуни до 25 јули. Домаќинот во 2031 година не е познат, но се очекува САД да се пријават за домаќин на женскиот Мундијал.

Фудбалерите на Астон Вила го победија Манчестер Сити со 2-1 во натпреварот од 17. коло на Премиер лигата.

Агонијата на Манчестер Сити не престанува. Само една победа во последните 12 натпревари и тоа против Нотингем Форест, а во Бирмингем го претрпеа вториот последователен пораз.

Очигледно е дека се во голема неволја, а сега Астон Вила без поголеми проблеми ги казни и ги прескокна на табелата, со што Манчестер Сити беше исфрлен од Топ 5, а може дополнително да падне на табелата доколку нивните резултати го сторат тоа. не се совпаѓаат.

Головите за Вила ги постигна Дуран во 16 и Роџерс во 65. минута. Стрелец за Сити беше Фодњн во 93.минута

Раководството на ПСЖ е подготвено да даде понуда за напаѓачот на Наполи, Виктор Осимен во јануари, тврди РМЦ Спорт. Францускиот шампион веќе стапил во контакт со претставници на играчот, кој моментално е на позајмица во Галатасарај, за да започнат разговори на оваа тема.

Изминатото лето и ПСЖ го сакаше Осимен, но потоа не беше постигнат договор откако одбија да ги платат 100-те милиони евра што ги бараше Наполи. Осимен одбил да игра за италијанскиот клуб и инсистирал да се пресели во друг клуб, поради што беше префрлен во Турција.

Сепак, сега ПСЖ планира да направи нов обид да го земе Нигериецот во своите редови. Ова ќе се случи доколку клубот се раздели со Рандал Коло Муани.

Сепак, трансфер на Осимен во зима нема да биде лесен. Францускиот клуб мора да подготви доволно добра понуда за да ги убеди и Наполи и Галатасарај да се разделат со Нигериецот.

Селекторот на шпанската Џирона, Мичел, го поздрави враќањето на неговата екипа на победничките патеки со победата од 3:0 на домашен терен над Ваљадолид во Ла Лига и повика на постојаност во вториот дел од сезоната.

„Видов многу добар тим, особено во работите што ни требаа – поголема агресивност со и без топка. Одигравме многу добро.

На претходните натпревари доминиравме со топката, но не бевме силни во шеснаесетникот, особено во нашиот. Не бевме тим што притискаше откако ќе ја загубиме топката. Денес агресивноста, притисокот беа неверојатни – за мене најдобар на сезоната.

„Мојата цел е тимот да биде меѓу седумте најдобри во првенството. Ќе видиме дали сме способни, се потпираме на нашата константност“, објасни Мичел.