Фабиан Руиз минатото лето беше еден од најбараните фудбалери на трансфер пазарот, а тој одлучи кариерата да ја продолжи во ПСЖ.

Шпанецот немаше добра сезона во Париз, но блескаше на Европското првенство, па го привлече вниманието на Арсенал.

Артета бара засилување за средниот ред и верува дека Фабиан Руиз би бил идеално решение.

„Топџиите“ веќе почнале преговори со ПСЖ, кој е спремен да го пушти Шпанецот доколку пристигне добра понуда.

Јувентус е во напредни преговори за францускиот дефанзивец, Жан Клер Тобидо, пренесуваат медиумите на Италија.

24-годишниот Тобидо во 2019 година се пресели во Барселона како слободен играч, но никогаш не доби шанса на „Камп Ноу“ и беше испраќан на позајмици.

24-годишниот Тобидо игра одлично во дресот на Ница и е на мета на многу европски гиганти, а Јувентус ја победил конкуренцијата.

„Старата дама“ постигнала комплетен договор со Французинот, а сега е блиску до договор со Ница.

Јувентус сака да го доведе Тобидо на едногодишна позајмица со задолжителен откуп следното лето за 35 милиони евра.

Манчестер Јунајтед сака да го засили тимот во летниот предоден рок, а приоритет е квалитетен играч за врска.

Англиските медиуми пренесуваат дека најголема желба на „црвените ѓаволи“ е Мартин Зубименди од Реал Сосиедад.

Зубименди е голема желба уште на Арсенал, но Манчестер Јунајтед е спремен да ја победи конкуренцијата и работи на трансферот.

Реал Сосиедад досега одбиваше понуди за 24-годишниот фудбалер, но сега е спремен да прифати понуда од 60 милиони евра, бидејќи самиот играч сака да направи чекор напред во кариерата.

Борусија Дортмунд е спремна да го продаде напаѓачот Карим Адејеми ова лето, а неколку европски гиганти се заинтересирани.

Најсилен интерес покажува Јувентус кој веќе почнал да работи на трансферот и имал средба со менаџерот.

Пред две години Адејеми пристигна од РБ Салцбург за 30 милиони евра, но не може да се каже дека во целост ги оправда очекувањата.

Наводно „милионерите“ се спремни да го продадат за сума од 35 милиони евра, а Јувентус ќе се обиде со преговори додатно да ја намали таа сума.

Како што пренесува „Скај Спортс Њуз“, Еспањол покажува интерес за македонскиот репрезентативец Бојан Миовски.

Шпанскиот фудбалски клуб кој успеа да се врати во елитата сака да го ангажира напаѓачот на шкотскиот Абердин.

Изворот вели дека Миовски е една од главните цели на Еспањол ова лето.

Нашиот 25-годишен играч го привлече вниманието на европските клубови, а од претходно е познато дека во трката за Миовски се и италијанските екипи Болоња и Џенова. Британските медиуми воедно информираат дека интерес за Македонецот има и од Англија, Германија и Холандија.

Инвазија од навивачи, прекин до два часа, поништен гол и победа на Мароко против Аргентина од 2:1 се дел од хаотичното отворање на олимпискиот фудбалски турнир во Париз.

Аргентина од клупата ја предводеше Хавиер Маскерано, поранешен играч на Барселона, Ливерпул и Вест Хем, како и на аргентинската репрезентација.

„Тоа беше најголемиот циркус што некогаш сум го доживеал. Тоа што се случи на теренот беше скандал. Тоа не е градски турнир, тоа се Олимписки игри. Играта беше прекината седум пати, треба да донесете одлука кога ќе се случи третиот прекин. Ни кажаа дека „Натпреварот е прекинат од безбедносни причини. Поминавме повеќе од час и половина во соблекувалната и никој не ни кажа што ќе се случи“, изјави Маскерано по натпреварот.

Напаѓачот на Манчестер Сити и аргентинската репрезентација Хулијан Алварез би можел да го напушти „Етихад“ ова лето.

Алварез го известил раководството дека не е задоволен од својот статус во тимот и порабал трансфер во летниот преоден рок.

Аргентинецот не сака да седи на клупата за резервни играчи и да биде во сенка на норвешкиот напаѓач Ерлинг Халанд.

Алварез е член на Манчестер Сити од 2022 година, а има договор со англискиот клуб до 30 јуни 2028 година, а инетрес за него покажуваат неколку европски гиганти. Сити нема да му стои на патот и е спремен да го продаде ова лето, но за неговата слобода бара 90 милиони евра.

Катарскиот клуб Ал-Саад испрати богата понуда за фудбалерот од средниот ред на Барселона, Илкај Гундоган. 

Гундоган минатото лето пристигна во Барселона како слободен агент и одлично се вклопи во тимот, но може да го напушти клубот после само една година.

Гундоган во моментов нема дадено конечен одговор, но се поголеми се шансите да ја прифати понудата.

Тој има уште една година договор со Барселона, а катарскиот клуб му нуди богат тригодишен договор.

Актуелниот шампион на Шпанија и на Европа, Реал Мадрид, објави дека за сезоната 2023/24 има приход од преку една милијарда евра што претставува рекорд.

Вкупната сума без трансферите на играчите достигнаа 1,073 милијарди евра, што е драстично зголемување за 27 проценти во однос на претходната сезона.

Шпанците тврдат дека се првиот фудбалски клуб кој успеал да надмине приход од една милијарда евра.

Во обидот да го задржат Трент Александер-Арнолд што подолго во своите редови, првите луѓе на Ливерпул веќе започнале преговори со агентите на 25-годишниот дефанзивец за нов договор.

Актуелниот договор на Трент со Ливерпул трае до јуни 2025 година, а приоритет на играчот е да остане на „Енфилд“, и покрај интересот од Реал Мадрид. Доколку Трент одбие да го продолжи договорот, тогаш „црвените“, според информациите, ќе размислат за трансфер на еден од фудбалерите на холандски Феенорд, Гертруда.

Според информациите, „црвените“ ми понудиле на Трент продолжување на договорот заклучно со 2029 година.