Некогашниот фудбалски напаѓач на Холандија, Марко Ван Бастен, проценува дека англсикиот Манчестер Јунајтед ќе плати преголема сума за голгетерот на Ајакс, Ентони. Бразилецот според сите информации набрзо ќе се пресели на „Олд Трафорд“.
„Тој дефинитивно не вреди 100 милиони евра. Прави многу грешки и често ја губи топката. Треба допрва да се докаже“ – вели Ван Бастен.
Ентони за „копјаниците“ има 134 мечеви со ефект од 31 гол и 27 асистенции.
Рома ќе се засили со уште еден нов играч. „Џалоросите“ ќе го привлечат играчот од средниот ред на Олимпијакос, Мади Камара. Тој доаѓа на „Олимпико“ да го замени повредениот Жоржињо Вајналдум.
Камара (25) денеска ќе биде подложен на медицински прегледи. Рома ќе го земе на позајмица за 1,2 милиони евра и има опција да го купи за 12 милиони евра по крајот на сезоната.
Гвинеецот се очекува да биде најновото засилување на „волците“. Пред два дена потпишаа со Андреа Белоти, а претходно Жозе Мурињо го засили својот тим со Пауло Дибала, Немања Матиќ, Зеки Челик и Миле Свилар, трошејќи само 7 милиони евра за нив.
Фудбалскиот клуб Челзи го потврди ангажманот на дефанзивецот на Лестер, Весли Фофана, со кого потпиша договор на седум години.
Според сајтот за фудбалски трансфери, Трансфермаркт, Челзи за потписот на Фофана плати 82,5 милиони евра.
21 годишниот француски играч е роден во Марсеј, а во кариерата има настапувано за екипите на Сент Етјен и Лестер.
Фудбалерот, Карлос Солер, ја напушти Валенсија за да се пресели во францускиот шампион, ПСЖ.
Неговиот трансфер е 18 милиони евра со дополнителни три како бонуси. „Светците“ во текот на летово ги купија и Витиња, Ренато Санчез и Фабијан Руиз.
Од „Паркот на принцовите“ си замина: Андер Ерера и Џорџињо Вајналдум додека Паредес и Идриса Гeј се на излезната врата.
Поранешниот италијански репрезентативец Марио Балотели нема да остане во Адана Демирспор. Напаѓачот одлучи да се пресели во швајцарскиот Сион. Сè меѓу двете страни е решено. Денеска Балотели се чека на лекарски прегледи и до крајот на денот зделката ќе биде официјално објавена.
Балотели одигра вкупно 34 натпревари и постигна 19 гола за Адана Демирспор откако минатото лето се приклучи на тимот од Монца. Пред само една недела, СуперМарио се скара со главниот тренер Винченцо Монтела по натпреварот против Јумраниеспор и двајцата за малку ќе се степаа.
Балотели во досегашната кариера настапуваше за Лумеџане, Интер, Манчестер Сити, Милан, Ливерпул, Ница, Марсеј, Бреша, Монца и Адана Демирспор. 32-годишниот напаѓач има 36 настапи и 14 голови за Италија.
Баерн го продолжи договорот со спортскиот директор Хасан Салихамиџиќ, објави официјалниот сајт на германскиот клуб. Новиот договор е со важност до 30 јуни 2026 година.
„Би сакал да му се заблагодарам на Надзорниот одбор на клубот за укажаната доверба во мене. Отсекогаш сум велел дека го сакам Баерн. Минхен е мојот дом. Многу ми е драго што можеме да ја продолжиме нашата силна соработка. Мојата цел е да им овозможам на навивачите конкурентен и успешен тим кој победува на национално и на меѓународно ниво секоја сезона. Ќе продолжам да правам се за ова. На добар пат сме“, изјави Салихамиџиќ.
Да потсетиме, Салихамиџиќ ја презеде функцијата спортски директор на Минхен во август 2017 година, а во јули 2020 година влезе во бордот на директори на Баерн Минхен.
Досегашниот фудбалер на Штутгарт, Саша Калајџиќ, потпиша петгодишен договор со премиерлигашот Вулверхемптон.
Според информациите објавени на клупскиот сајт на популарните Волци, 25-годишниот австриски фудбалер успешно ги помина лекарските прегледи и стана нов играч на екипата.
Калајџиќ две сезони играше за Штутгарт и одигра 60 натпревари со постигнати 24 гола. Во двете сезони тој беше најдобар стрелец во германскиот клуб.
Бразилскиот играч за врска Вилијан ќе се врати во Премиер лигата. Откако претходно играше за Челзи и Арсенал, 34-годишниот сега ќе потпише со трет лондонски клуб, Фулам.
Вилијан денеска ќе ги помине медицинските прегледи пред да потпише договор со екипата на Фулам. Искусниот играч за врска тренира со тимот во последните две недели и го убеди Марко Силва дека може да помогне.
Бразилецот е слободен играч откако на почетокот на месецот го раскина договорот со Коринтијанс. Најверојатно неговиот договор со Фулам првично ќе биде на една сезона. Вилијан имаше многу успешен 7-годишен период во Челзи, освојувајќи две првенствени титули, ФА Купот, Лига Купот и Лига Европа. Во Арсенал, Бразилецот не ги оправда очекувањата и постигна само еден гол на 37 натпревари, по што договорот му беше раскинат две години пред истекот.
Белгискиот фудбалер, Кристијан Бентеке, утре за прв пат ќе го облече дресот на ДЦ Јунајтед на дуелот со Њујорк Сити откако се завршени сите процедури со работната виза.
Некогашниот играч на Ливерпул и на селекцијата на Белгија, потпиша договор со екипата од МЛС лигата на две години со опција за уште една.
31- годишниот напаѓач кој ги носеше дресовите на Астон Вила, Ливерпул и Кристал Палас, има одиграно 280 мечеви во Премиер-лигата. Тој постигна 86 голови и направи 23 асистенции.
Шпанските медиуми пренесуваат дека сите фудбалери на Реал Мадрид ќе добијат парична награда од по 450 илјади евра за освојување на трите трофеи во минатата сезона.
Реал во минатата сезона ги освои Лигата на шампионите, шпанското првенство како и шпанскиот Суперкуп.
Кралскиот клуб во новата сезона влезе со освојување на европскиот Суперкуп, а во Ла Лига забележа три победи против екипите на Алмерија, Селта и Еспањол.
