Наполи е заинтересиран за напаѓачот на Рома, Тами Абрахам.

Минатата сезона  Абрахам во дресот на Рома постигна 24 гола и 5 асистенции во сите натпреварувања и со тоа веднаш го привлече интересот на бројни клубови. Оваа сезона игра нешто послабо, а медиумите откриваат дека влегол во конфликт со тренерот Мурињо, па Рома е спремна да го продаде на лето.

Наполи будно ја следи ситуацијата и во него гледа идеална замена за Осимен, кој игра фантастична сезона, па Наполитанците тешко ќе можат да го задржат.

Европските гиганти се спремни да понудат повеќе од 100 милиони евра за Осимен, па доколку замине, Наполи ќе се насочи кон Абрахам.

Се поизвесно е дека Маурисио Почетино на лето ќе седне на кормилото на Челзи.

Почетино веќе почнал да прави летна селекција и му посочил на раководството дека главна трансфер желба е Хари Кејн од Тотенхем. Кејн веќе донесе одлука на лето да ја промени средината, а и Тотенхем е спремен да го продаде бидејќи напаѓачот влезе во последната година од договорот.

„Спарси“ за неговата слобода бараат најмалку 100 милиони евра, а најсилен интерес за Кејн покажува Манчестер Јунајтед.

Челзи е спремен да се бори за потписот на Кејн и сака да ја победи конкуренцијата.

Џејдон Санчо пред две години се пресели во Манчестер Јунајтед и се очекуваше да биде големо засилување.

Санчо блескаше во Борусија Дортмунд, но имаше лоша прва сезона на „Олд Трафорд“, а оваа сезона имаше прихолошки проблеми, па пропушти многу натпревари.

Англиските медиуми пренесуваат дека 23-годишниот Англичанец сака да се врати во Борусија Дортмунд и настојува Јунајтед да му дозволи да замине на позајмица.

Тој верува дека ќе може да ја „оживее“ својата кариера токму во Дортмунд, но „црвените ѓаволи“ потрошија многу пари за неговиоот трансфер и тешко дека ќе му дозволат лесно да замине.

Алехандро Гарначо го продолжи договорот со Манчестер Јунајтед. Новиот договор е со важност до 30 јуни 2028 година. Ова го објави официјалниот сајт на Манчестер Јунајтед.

„Кога му се приклучив на овој неверојатен клуб, мојот сон беше да дебитирам на „Олд Трафорд“, да го постигнам мојот прв гол и да освојам трофеи со овој амблем на моите гради. Чувствувам голема гордост и емоција што веќе ги доживеав овие моменти со моето семејство, кое ме поддржуваше на секој чекор од патот. На сите ни е чест да го продолжиме нашето патување во Манчестер Јунајтед и јас веќе почнав да работам на мојот следен сет на цели и амбиции. Тренерот и неговиот персонал ми помогнаа да се подобрам на секој начин и со нивна поддршка секојдневно се развивам за да му помогнам на тимот да успее. Се радувам на иднината и едвај чекам да создадам уште попосебни спомени со овој тим пред нашите неверојатни навивачи“, изјави Гарначо.

Гарначо оваа сезона има 29 настапи за Манчестер Јунајтед во сите натпреварувања, постигнувајќи четири гола и четири асистенции.

Интер не ја прифати понудата на Челзи да го замени голманот Андре Онана за голманот на Челзи, Кепа Аризабалага, пренесува „Газета Дело Спорт“.

Претходно беше објавено дека лондончани ги понудиле правата на Аризабалага и паричен надоместок за 27-годишниот камерунски голман. 

Сепак, Интер не е заинтересиран за потписот на Кепа, за возврат го сакаат дефанзивецот Чалоба или играчот од средниот ред Рубен Лофтус-Чик.

28-годишниот Кепа дојде во Челзи летото 2018 година, лондончани за него платија 80 милиони евра. Оваа сезона Шпанецот одигра 23 натпревари во Премиер лигата и прими 21 гол. Онана, кој минатото лето му се приклучи на Интер со слободен трансфер, одигра 20 натпревари во Серија А и прими 18 гола.

Според уредникот на шпанскиот весник „Мундо Депортиво“, Санти Нола, Барселона ќе добие зелено светло да игра во Лигата на шампионите следната сезона без оглед на истражната постапка која што ја спроведува Етичката и дисциплинската комисија на УЕФА.

Комитетот мора да даде лиценци за играње во Европа пред 15 мај, што ќе и овозможи на Барселона да игра во европските натпреварувања и покрај истрагата за случајот Негреира.

Мундо Депортиво известува дека Етичката и дисциплинската комисија нема „информации што би можеле да ја поддржат теоријата за забрана на клубот да се натпреварува“ бидејќи не докажала, во согласност со теоријата на ФЕФ, јасна некомпатибилност меѓу позицијата на Комитетот за судии и компанијата на Енрикез Негреира. Нола во својот напис додава:

„За да дојде доа кривично-правниот канал, потребно е да се докаже дека има купени судии или дека имало намера да се стори тоа. Не е доволна само изјава за можноста“.

Шпанскиот прволигаш Хетафе вчера го отпушти Кике Санчез Флорес од местото главен тренер на клубот по долгата серија на разочарувачки резултати. Денеска од клубот соопштија дека на негово местос еднува спортскиот директор Рубен Рејес.

44-годишниот Рејес има тренерско искуство, а претходно беше на чело на Алкобендас и Рајо Мајадахонда, кои беа во пониските лиги во Шпанија. Рејес го презема тимот кој моментално е во зоната за испаѓање во Ла Лига.

Брајтон се договори за рекордна сума од околу 30 милиони фунти да го купи напаѓачот на Ватфорд, Жоао Педро.

Педро формално ќе го заврши трансферот откако ќе се отвори трансфер прозорецот во јуни. Бразилецот има 11 гола и четири асистенции во 35 натпревари во првенството оваа сезона.

21-годишниот играч беше намета на повеќе клубови од Европа меѓу кои Брајтон и Њукасл беа најголеми фаворити за неговиот потпис.

Доколку Интер обезбеди место во Лигата на шампионите за наредната сезона, тогаш ќе го купи младиот фудбалер на Бриж, Тајон Букенан.

Трансферот за сума од 15 милиони евра е условен со пласманот во елитата, најавија денеска дел од медиумите. 24-годишниот фудбалер игра по страничните позиции но, може да се користи и на двете страни од теренот.

Репрезентативецот на Канада со одличните партии на Светското првенство во Катар го привлече вниманието на италијанскиот тим.

Барселона, донесе одлука да го затвори клупскиот телевизиски канал и да остави на улица 150 лица.

Официјално „Барса ТВ’ ќе престане да постои на 30 јуни кога истекува договорот за емитување на „Movistar Television“. Тешката одлука е донесена со цел да се намалат трошоците.

Клубот е заглавен во долгови и до лето мора да ја намали сумата што ја издвојува за плати на сите вработени, вклучувајќи ги и играчите. Барса ТВ постои од 1996 година и се емитува на каталонски, шпански и англиски јазик.