Бразилецот, Силва, го советува неговиот сонародник од ПСЖ, Нејмар, да прифати понуда и да си замине од францускиот фудбалски состав.

„Нејмар мора да оди во Челзи. Ако навистина се случи тоа што се пишува, за него ќе биде најдобро да дојде во Челзи“ – изјавил искусниот стопер .

Неговата реакција доаѓа откако медиумите објавија дека ПСЖ сака да го продаде Нејмар иако пред само една година го продолжи договорот.

Според најновите информации српскиот интернационалец Сергеј Милинковиќ-Савиќ може да стане нов играч на Челзи.

Клубот од Лондон веќе започнал преговори со Лацио околу реализацијата на овој трансфер, а првата понуда за фудбалерот изнесува 80 милиони евра.

Најдобриот играч на Лацио е подготвен да заигра во Премиер лигата и клубот за кој во минатото настапуваше неговиот менаџер, Матеја Кежман.

Македонскиот фудбалски репрезентативец, Бојан Миовски и официјално е нов играч на Абердин. Тој му се приклучи на тимот кој е на подготовки во Шпанија и веќе се запозна со своите нови соиграчи.

Сега останува само да се обезбеди работна дозвола со која Миовски ќе има право на настап во шкотското првенство. 

Македонскиот интернационалец во Абердин пристигна после престојот во МТК од Унгарија, и потпиша четиригодишен договор.

Манчестер Јунајтед постигна договор со раководството на Фејенорд за трансфер на фудбалерот Тирел Маласија.

Понудата на Јунајтед за 22 годишниот дефанзивец изнесува 15 милиони евра плус 2 милиони во потенцијални бонуси.

Клубот од Олд Трафорд во последен момент понуди подобри финансиски услови од Лион кој веќе имал постигнат усмен договор со Фејенорд.

Французите за холандскиот дефанзивец понудиле 12 милиони евра и дополнителни 3 милиони евра низ бонуси.

Маласија минатата сезона во првенството на Холандија постигна еден гол и четири асистенции на 32 натпревари.

Челзи подготвува неколку трансфер изненадувања во овај преоден рок. Голем број англиски медиуми објавуваат дека клубот од Стенфорд Бриџ доставил понуда до Лидс за бразилското крило Рафиња.

Челниците на двата клуба начелно се договориле околу висината на обештетувањето. Челзи понудил 55 милиони фунти, сума која е прифатлива за Лидс Јунајтед.

Бразилецот Рафиња се споменуваше во бројни трансфер комбинации ова лето, а како најсериозни кандидати за негов ангажман беа Арсенал и Барселона. Меѓутоа изгледа дека на крајот најконкретен е Челзи кој се чини дека ќе ја добие битката за потпис со фудбалерот.

Јапонскиот фудбалски репрезентативец Такуми Минамино и официјално е промовиран како нов играч на Монако.

Минамино во Монако пристигна од редовите на Ливерпул за сума од 18 милиони евра, а потпиша договор со важност од четири години.

Победничката култура и способноста да игра на повеќе позиции го убеди раководството на Монако да го ангажира Минамино кој се очекува да даде голем придонес во развојот на тимот.

Британскиот „Скај Спорт“ објавува дека фудбалерот на Барселона и холандски репрезентативец, Френки де Јонг, се наоѓа на чекор до премин во Манчестер Јунајтед.

Според информациите двата клуба се пред конечен договор околу висината на обештетувањето кое Јунајтед ќе го плати на Барселона а ќе изнесува 65 милиони евра.

Де Јонг има договор со Барселона до јуни 2026 година, а минатата сезона тој одига 47 натпревари за тимот од Камп Ноу. Се очекува Де Јонг многу брзо да се снајде во новиот тим каде тренер ќе му биде Ерик тен Хаг со кого соработуваше во Ајакс.

Реал Мадрид го избра англискиот репрезентативец Џад Белингам како замена за ветеранот Лука Модриќ и ќе се обиде да го привлече во летото 2023 година, тврди весникот Диарио АС.

Мадридските гиганти се амбициозни да го привлечат 18-годишниот играч на германска Борусија Дортмунд за околу 90 милиони евра, но за играчот од средниот ред се заинтересирани и неколку англиски клубови од Премиер лигата, што може да му ја зголеми цената. Меѓу тимовите кои ги следат настапите на Белингем се и Челси и Ливерпул.

Сериозен проблем за оние кои сакаат да го обезбедат потписот на надежниот Англичанец би било немањето ослободителна клаузула во неговиот договор со Борусија Дортмунд, кој трае до 2025 година.

ПСЖ сака да го вклучи 28-годишниот германски играч за врска Јулијан Дракслер во договорот за потпис на дефанзивецот Милан Шкрињар од Интер, објави „Газета дело Спорт“.

Според оваа информација, Дракслер не е заинтересиран за Интер, па клубот ја бара од ПСЖ целата сума на трансферот – околу 70 милиони евра. Новата понуда на ПСЖ вклучуваше 60 милиони евра и трансфер на Дракслер во таборот на Интер.

Главната причина за одбивањето на Интер од Дракслер е целта на извршниот директор на клубот Џузепе Марота да го намали платниот список за 10-15%. Ангажманот на германски фудбалер значително ќе ја искомплицира оваа задача. Да потсетиме, договорот на Шкрињар со Интер е со важност до летото 2023 година, неговата пазарна вредност, според Трансфермаркт, е 65 милиони евра. Минатата сезона за Интер тој одигра 48 натпревари во сите натпреварувања, на кои постигна четири гола.

Иднината на голгетерот на Баерн, Роберт Левандовски останува нејасна. Тој има уште една година договор со германскиот шампион, но ја повика управата да го ослободи порано.

Баерн веќе е подготвен да се раздели со полскиот напаѓач, по привлекувањето на Садио Мане, но сака 60 милиони евра за правата на 33-годишниот фудбалер. Барселона има најсериозен интерес за Левандовски, но шпанскиот гигант е во тешка финансиска ситуација.

Поранешниот агент на Полјакот, Чезари Кухарски пред шпанското радио „Кадена Сер“ проговори за плановите на играчот.

„Тој сака да покаже дека е подобар од Бензема, па ова е уште една причина да замине во Барселона. Левандовски нема соништа. За него фудбалот е работа и тој е исклучителен професионалец. Реал Мадрид и Барселона се на исто ниво“, изјави полскиот менаџер.

„И Барса и Левандовски ќе се борат за овој трансфер. Мислам дека тоа е сосема можно, го гледам тоа. Тој мора да го притисне Баерн да го пушти побрзо. Шефовите на Баерн знаат дека сака да оди во Шпанија. Неговиот план беше Германија, потоа Шпанија и кариерата да ја заврши во САД“, откри Кухарски.