Антонио Ридигер ќе биде еден од искусните фудбалери кои наредното лето ќе имаат слобода да избираат нов клуб како слободен агент.

Иако се шпекулира дека Реал Мадрид сè уште не ги затворил вратите за преговори со него, шансите се мали дека Ридигер ќе го продолжи договорот. Германецот пристигна во 2022 година како слободен агент откако му заврши договорот со Челси, а во јуни ќе има можност повторно да избере клуб.

Некои извори пренесуваат дека Ридигер добил атрактивни понуди од Саудиска Арабија, но истовремено добива и контакти од Премиер лигата. Не е јасно кои клубови се заинтересирани, но се шпекулира дека дури и Челзи покажува интерес да го врати како искусен играч, слично на ангажманот на Тиаго Силва.

Во моментов, Ридигер е концентриран на своето враќање на терените и се очекува повторно да игра од декември откако се оперираше на задната ложа минатата сезона. По неколкумесечна пауза, му треба време за целосно опоравување, но целта му е да се врати во форма и да се наметне кај Јулијан Нагелсман за Светското првенство во 2026 година.

На вчерашниот меч меѓу Рен и Монако кој домаќините го добија со 4-1, Пол Погба влезе во игра во 85. минута за гостинскиот тим, тоа за него беше прв меч по повеќе од две години пауза во кои издржуваше суспензија поради допинг.

Во септември 2023 година Погба беше суспендиран за користење на допинг. Првичната казна беше четиригодини, но подоцна беше намалена на 18 месеци. Во меѓувреме тој го напушти Јувентус, а летото се пресели во Монако.

Вчера за првпат настапи на натпревар. Тој вели дека фудбалот за него не е завршен и има што да покаже.

„Многу сум среќен што му се вратив на фудбалот. Тоа е она што најмногу го сакам во светот. Фудбалот не е завршен за мене.

Работев, чекајќи повеќе од две години да се вратам. И покрај се што се случи, приказните надвор од фудбалот, јас бев тој кој страдаше најмногу“, заврши Погба.

Фудбалерите на Ланус го освоија трофејот во Копа Судамерикана, јужноамриканскиот пандан на Лига Европа. Во финалето, во престолнината на Парагвај, Асуснион, аргентинскиот тим го победи Атлетико Минеиро по изведувањето пенали со 5-4. Во основниот дел и по продолженијата немаше голови.

Финалето беше далеку под просекот, од стартот беше јасна намерата на Ланус да издржи до пенал серијата. Најдобрата шанса во основниот дел ја имаше шанса преку Хулк, но неговиот удар го запре стаивата.

Во продолженијата Биел имаше ситуација „еден на еден“ во 112-та минута, но Лосада го одбрани неговиот удар. Подоцна во пенал серијата, Биел прерасна во најголемиот трагичар на ово финале, бидејќи Лосада гму го одбрани и пеналот.

Боу и Хул промашија во првата серија, Биел во четвртата, а легендата на Ланус Лаутаро Акоста не успеа да му го донесе трофејот на својот тим во петтата серија. Неговиот удар заврши високо над голот.

Конечно во седмата серија Лосада го одбрани и ударт на Витор Уго.

Голманот на Ланус е вистински херој на својот клуб и најзаслужен за вториот осовоен трофеј во ова натпреварување.

Атлетико Минеиро се претворија во лузери, точно пред една година го загубија Купот на Бразил, потоа доживеаја пораз и во Копа Либертадорес.

Легендарниот италијански голман, Џанлуиџи Буфон верува дека Џенаро Гатузо е најдобриот избор за репрезентацијата.

„Сите ја сакаме италијанската репрезентација. Глупавите споредби меѓу сегашните играчи и минатото само ги прават да се чувствуваат инфериорно. Ајде да размислиме кој има корист од ова. Дали Гатузо е вистинскиот тренер?. Секако. Тој е вистинскиот тренер, тој е најдобрата личност што можеше да биде избрана. И вие новинарите го знаете тоа“, рече Буфон.

Под водство на Гатузо „Азурите“ ќе се соочи со плејофот во квалификациите за Светското првенство во 2026 година.

Тренерот на Милан, Масимилијано Алегри, ги сподели своите очекувања пред натпреварот од Серија А против Интер.

„Ќе биде прекрасна вечер. Се соочуваме со многу силен тим, фаворит за Скудетото, заедно со Наполи, кој победи на 11 од последните 12 натпревари и постигна 28 гола, а прими само 7. Тие се искусен тим со физички и технички играчи, но дербито е секогаш поинаков натпревар. Ќе треба да одиграме добро и да бидеме пофокусирани отколку што бевме против Парма. Ваквите големи натпревари даваат адреналин и возбуда во подготовките. Треба да се фокусираме на натпреварот, но да не се плашиме да играме. Во важните натпревари, деталите одлучуваат“, изјави Масимилијано Алегри.

Натпреварот Интер – Милан е закажан за утревечер со почеток во 20:45 часот.

Тренерот на Ливерпул, Арне Слот е разочаран од денешниот убедлив пораз од Нотингем Форест.

„Црвените“ на свој терен загубија со 0-3.

Тешко е да се измери колку е лош овој резултат, но секако е многу лош. Играњето дома и губењето со 3:0 е многу, многу, многу лош резултат. И е неочекувано, со оглед на првиот половина час, кој го одигравме добро. Веројатно никогаш не сме создале толку многу шанси во првиот половина час во еден натпревар оваа сезона како што направивме денес. Но, нивниот прв обид во нашиот шеснаесетник заврши со гол, и тоа е тешко да се проголта. Ги пропуштате вашите шанси, додека противници ги реализираат речиси сите свои, рече Слот.

Ливерпул по 12 натпревари во Премиер лигата има 18 бода и се наоѓа на 11. место.

По 909 дена поминати на алтернативни локации во градот, оваа сабота попладне играчите на Барселона се вратија на новиот, иако недовршен „Камп Ноу“.

Новата ера беше обележана со натпреварот против стариот ривал Атлетик Билбао, а Роберт Левандовски ќе биде запишан како стрелец на првиот гол на стадионот што ќе чини над една и пол милијарда евра.

Се играше петтата минута кога, Полјакот ја искористи неодоговорноста на Алекс Беренгер. Потоа Барселона имаше две шанси да ја зголеми предноста, а во последните 15 минути од првиот дел играчите на Атлетик притиснаа, но Нико Вилијамс и Унаи Гомез два пати не искористија добри шанси.

Во последните секунди, индолентноста на Јури Берчиче, ја казни Феран Торес.

Проблемите на Атлетик се зголемија во 50-та минута кога Ојан Сансет доби црвен каротн. До карјот на мечот Барселона постигна уште два гола преку Фермин и Феран Торес.

Со овие три бода, избраниците на тренерот Ханси Флик ќе ја поминат ноќта делејќи го првото место со Реал, кој утре ќе гостува кај Елче.

Фиорентина и по 12-то коло остана без триумф во Серија А. Тимот од „Артемио Франки“ шест пати ремизираше и забележа исто толку порази. Вечерва Фиорентина одигра 1-1 со Јувентус.

Натпреварот во Фиренца го обележа дивеењето на ултрасите на Фиорентина. Два пати на кратко, судијата Даниеле Довери го прекина мечот во првиот дел, поради расиситичките скандирања упатени на сметка на поранешниот играч на „виолетовите“, Душан Влаховиќ.

Јувентус поведе на крајот од првото полувреме, во шестата минута од судиското продолжение кога Филип Костиќ успеа да постигне гол за водство на тимот од Торино од 1:0. Сепак, по враќањето на теренот, во 48-та минута, Роландо Мандрагора постигна гол за израмнување, на асистенција на Моисеа Кен.

Јувентус напаѓаше до крајот на натпреварот, но не успеа да дојде до ново водство и победа.

Фудбалерите на Њукасл го победија Манчестер Сити со 2:1, во последниот меч од саботната програма во Премиер лигата. Њукасл по пауза од седум години го победи Сити, воедно ова менаџерот Еди Хау дури во 19-то соочување со колегата Пеп Гвардиола ја забележа првата победа, претходно имаше две нерешени и 16 порази. Натпреварот на „Сент Џејмс Парк“ го реши Харви Барнс со два гола.

Брилијантен натпревар одиграа Њукасл и Сити на „Сент Џејмс Парк“, сите голови беа постигнати во второто полувреме. Њукасл беше подобар противник во првото полувреме, а големи шанси пропуштија Волтемаде и Харви Барнс. Казната не ги стигна домашните фудбалери во финишот на првото полувреме кога Фил Фоден го промаши голот од пет метри.

На почетокот на второто полувреме беше релативно мирно, а потоа сè беше решено за само седум минути. Њукасл поведе преку Харви Барнс, кој погоди од 16 метри во 63-та минута.

Радоста на „Сент Џејмс Парк“ не траеше долго. По големата гужва во шеснаесетникот на домашниот тим, Рубен Дијас одлично се снајде и го израмни резултатот на 1:1.

И кога се очекуваше Сити да притисне, во следниот напад, Барнс повторно беше на вистинското место, изворедно се снајде и ја испрати топката во мрежата. Потребно беше долго време да се провери дали на голот му претходеше офсајд, но на крајот беше одлучено дека е гол.

Сити напаѓаше до крајот на натпреварот, но тимот на Пеп Гвардиола не успеа да го избегне четвртиот пораз во сезоната.

Вардар ја зацврсти лидерската улога на врвот на табелата во Првата лига, откако во 14.коло успеа да слави со 0-2 на гости кај АП Брера во Струмица. Тоа е 11.победа за составот на Гоце Седлоски, кој и понатаму е непоразен по 14 првенствени натпревари.

По тежок терен за игра, вардарци покажаа повеќе, постигнаа два гола во второто полувреме, а пропуштија и уште неколку шанси.

Во првиот дел, Едиз Спахиу ја имаше најубавата можност за водство, пред крајот на полувремето, но не реагираше најдобро по нафрлувањето на Маневски.

Вардар сепак успеа да стигне до предност во 53.минута. По една убава акција, Талевски успеа да ја погоди мрежата од непосредна близина.

Во 71.минута, нововлезениот Димитар Тодоровски искористи грешка на одбраната на АП Брера и го совлада Давид Илоски.

Две минути подоцна Јанкулов имаше шанса и за трет погодок, но не беше прецизен.

Вардар сега на врвот има 36 бода, четири повеќе од Струга Трим Лум, но и еден одигран натпревар повеќе.