Според пишувањата во шпанските медиуми, играчот од средниот ред на Челзи, Нголо Канте, би можел да биде подготвен за четвртфиналниот дуел од Лигата на шампиони против Реал Мадрид.

Канте поради повреда го пропушти поголемиот дел од сезоната, но се очекува тренерот на лондончани, Греам Потер, да го вклучи фудбалерот во тимот кој ќе игра со Реал на гостувањето во Мадрид на 12.април.

Францускиот фудбалер беше надвор од фудбалскиот терен од август, а својот кам бек го имаше пред неколку денови кога одигра натпревар за екипата на Челзи до 21 година.

Фудбалерот на Париз Сен Жермен, Мауро Икарди, кој во моментот е на позајмица во Галатасарај, сака својата кариера да ја продолжи во италијанската Серија А.

Според италијанските медиуми, интерес за 30-годишниот Икарди покажале екипите на Милан и Рома.

Италијанскиот напаѓач стигна во Галатасарај во септември минатата година, и за клубот постигна девет гола на 15 натпревари. Тој има актуелен договор со ПСЖ кој истекува на 30.јуни 2024.година.

Икарди претходно во Серија А има настапувано за Сампдорија и Интер.

Букајо Сака наскоро би можел да стане најплатениот играч на Арсенал, пишува весникот „Сан“. Очекувањата се дека ќе потпише нов петгодишен договор кој ќе му носи 300 000 фунти неделно.

21-годишниот играч преговара со раководството на „топчиите“ повеќе од една година, но двете страни се во завршна фаза и се очекува наскоро да го објават договорот. Тоа би било прилично сериозно зголемување на платата за Сака, кој моментално заработува околу 70.000 фунти неделно.

Се очекува крилниот напаѓач да го надмине Габриел Жесус, кој моментално е на врвот на листата по неговиот трансфер од Манчестер Сити за 45 милиони фунти минатото лето. Габриел Мартинели неодамна го обнови договорот до 2027 година, а преговорите со Вилијам Салиба исто така напредуваат и се очекува успешно да завршат.

Арсенал моментално има 8 бода предност на врвот на табелата во однос на Манчестер Сити, но има и натпревар повеќе од „граѓаните“.

Интер ќе потпише нов договор со играчот од средниот ред Хакан Чалханоглу, пренесува новинарот  Фабрицио Романо.

Новиот договор на 29-годишниот фудбалер со Интер ќе биде до крајот на сезоната 2026/27. Актуелниот договор на Чалханоглу со Интер истекува следната година. За тимот тој настапува од 2021 година кога дојде од големиот градски ривал Милан.

Во актуелната сезона, Хакан Чалханоглу има 36 настапи за Интер во сите натпреварувања, постигнувајќи 3 гола и 6 асистенции. Клубот моментално преговара со дефанзивецот Алесандро Бастони, чиј договор со „нероаѕурите“ истекува во јуни 2024 година.

Германските медиуми објавуваат дека челниците на Борусија Дортмунд му понудиле на Џуд Белингем продолжување на неговиот договор до 30.јуни 2026.година со годишна плата од 15 милиони евра.

Во објавите се вели дека раководството на германскиот клуб во наредните неколку денови ќе разговара со англискиот фудбалер и дека Борусија сака да го задржи во своите редови. Новата понуда е со износ кој е четири пати повисок од сумата која Белингем ја добива во моментот.

Доколку фудбалерот ја одбие понудата од Борусија Дортмунд, тогаш клубот одлучил дека висината на обештетувањето за него ќе изнесува 150 милиони евра.

19-годишниот Белингем има договор со бундеслигашот до 30.јуни 2025.година. Во редовите на клубот од Дортмунд пристигна во 2020.година од Бирмингем.

Антонио Конте ќе добие обештетување од 4 милиони фунти откако беше отпуштен од Тотенхем пред да му истече договорот на крајот на сезоната, пренесува весникот „Мирор“.

Двете страни решија да се разделат по променливите резултати на Тотенхем во последно време и особено по изјавите на Италијанецот по последното реми против Саутемптон, кога ги обвини играчите за недостаток на желба за победа, но и големи критики за раководството на лондончани и особено за претседателот Даниел Леви. Тотенхем моментално е четврти на табелата со 49 бодови, но Њукасл е петти со само два бода помалку, но и со два меча помалку.

Клубот до крајот на сезоната ќе го водат помошниците на Конте, Кристијан Стелини и Рајан Мејсон. Интересно е и тоа што Конте само по отказите од Челзи, Интер и Тотенхем  доби отштета од 37 милиони фунти.

Стефан де Врај е блиску до потпишување на нов договор со „нероаѕурите“.

Договорот на Де Вриј со Интер истекува, па иако се очекуваше да си замине како слободен агент, сепак ќе остане на „Џузепе Меаца“.

После сигурното заминување на Скриниар, Интер не сакаше да остане без уште еден стандарден дефанзивец, па почна преговори со Де Врај.

Италијанските медиуми пренесуваат дека двете страни постигнале договор и наскоро Холанѓанецот ќе стави потпис на нов договор. Де Врај ќе потпише двегодишен договор според кој ќе заработува 4 милиони евра по сезона.

Бразилскиот голман, Нето, го продолжи договорот со англискиот клуб. „Црешите“ ќе го задржат капитенот до летото во 2026 година.

Тој во сезонава одигра 18 мечеви а на четири од нив не прими гол. 33-годишниот искусен голман играше и за Валенсија, Јувентус и Фиорентина.

Неговиот тим се наоѓа на претпоследното место на табелата и до крајот на сезоната ќе се бори да обезбеди опстанок во Премиер лигата.

Англиските медиуми пренесуваат дека фудбалерот на Челзи и поранешниот репрезентативец на Габон, Пјер Емерик Обамејанг, е подготвен да се врати во Барселона.

33-годишниот Обамејанг им порачал на челниците на каталонскиот клуб дека бил подготвен на максимално намалување на својата плата за повторно да заигра на „Камп Ноу“.

Претседателот на Челзи, Тод Боели не е задоволен од однесувањето на Обамејанг, кој е доста приврзан за Барселона. Тој неодамна беше забележан како ја прославува победата со играчите на Барса после дербито со Реал Мадрид.

Обамејанг пристигна во Челзи минатата година од Барселона, а претходно меѓу другите играше за Арсенал, Дортмунд, Сент Етјен. Оваа сезона одигра 18 натпревари и постигна три гола.

Шпанските медиуми пренесуваат дека Реал Мадрид ќе се раздели со Карло Анчелоти на крајот на сезоната и веќе ја започнал потрагата по негов наследник.

Прв избор е Маурисио Почетино, кој е слободен после отказот кој го доби во ПСЖ и преферира да седне на кормилото на „кралскиот“ клуб.

Реал сака да побрза да постигне договор со Аргентинецот, бидејќи интерес за него покажуваат и други клубови, особено од Премиер лигата.

Покетино во Шпанија со голем успех го предводеше Еспањол од 2009 до 2012 година после што се пресели во Премиер лигата каде што беше дел од Саутемптон и Тотенхем.