ФИФА соопшти дека фудбалските клубови годинава потрошиле 500,8 милиони долари за такси за агенти или повеќе од претходната и покрај намалените трошоци за трансфери.

Европските клубови учествуваат со 95,8 отсто од вкупната сума. Англичаните се лидери со 133,3 милиони долари, Германија е втора со (84,3),  Италија (73,5 милиони долари) а Шпанија, (8 милиони долари). Тука се и Франција (30,3 милиони долари) и Португалија (29,3 милиони американски долари).

Светската фудбалска федерација се обидува да ги промени правилата за фудбалските агенти. Надоместоците за нив ќе бидат ограничени на 10% од сите исплати и 3% од платата на играчот.

Иднината на Кингсли Коман во Баерн Минхен е неизвесна откако играчот не може да се договори со клубот за продолжување на соработката. Договорот на Коман истекува 2023 година. Тој нема намера да ја продолжи соработката ако не му биде понудена двојно поголема плата.

Преговорите се во застој, па се поизвесно е дека на лето ќе биде продаден, бидејќи влегува во последната година од договорот.

Германските медиуми пренесуваат дека Французинот преку својот агент Пини Захави ми се понидил на Реал Мадрид.

„Кралевите“ сакаат да го ангажираат Мбапе, па не дале позитивен одговор, иако не ја исклучиле во целост можноста да го ангажираат и Коман.

Претставници на фудбалските Асоцијации на Македонија, Италија, Португалија и Турција, учесници во бараж натпреварите за пласман на Светското првенство 2022 одржаа онлајн состанок на кој беше разговарано за организациските планови за дуелите во март догодина, стои во објавата на сајтот на ФФМ.

Македонија во Палермо на 24 март против Италија ќе го одигра првиот натпревар за место во финалето за пласман на Мундијалот во Катар 2022 година. Според правилникот, нашата федерација ќе може да смета на близу 1300 влезници (пет проценти од вкупниот капацитет на стадионот – „Ренцо Барбера“. Нашата репрезентација ќе биде гостин и на евентуалниот финален натпревар.

Вториот бараж меѓу Португалија и Турција ќе се одигра на „Драгоа“ во Порто а доколку португалците обезбедат финале, мечот ќе го одиграат на истиот терен. Во случај Турција да ја совлада Португалија, Турската фудбалска Федерација го одреди стадионот на Коњаспор за домаќин на финалето.

Тренерот на Брентфорд, Томас Франк, побарал од челниците на Премиер лигата, да ги одложат сите натпревари кои се закажани за овој викенд.

Франк е со мислење дека на тој начин ќе се прекине кризата кај клубовите предизвикани од се поголемиот број на заразени со Ковид 19. Тој веќе разговарал со тренери и на други екипи од лигата и добил поддршка за неговата идеја.

Од раководните лица на најдобрата англиска лига, сеуште нема одговор на оваа тема но мали се шансите да биде прифатено барањето на тренерот Томас Франк.

Следен натпревар на Брентфорд во Премиер лигата е во сабота против екипата на Саутемптон.

Пари Сен Жермен е блиску до доведување на дефанзивецот на Челзи, Антонио Рудигер. 

Германскиот весник Билд пренесува дека пред неколку недели била одржана средба помеѓу спортскиот директор на ПСЖ, Леонардо, и братот на Рудигер кој воедно е и негов менаџер.

На средбата се разговарало за евентуален трансфер на Рудигер во Париз кој би се случил во јануари. Репрезентативецот на Германија веќе од порано најави дека мали се шансите тој да остане во сегашниот негов клуб, Челзи.

Главен конкурент на ПСЖ во битката за доведување на Рудигер се очекува да биде Реал Мадрид кој сака да го види играчот во своите редови претстојното лето.

Германскиот дефанзивец во дресот на Челзи оваа сезона одигра 21 натпревар на кои постигна 2 гола и оствари 4 асистенции.

Францускиот фудбалски тренер, Арен Венгер, кој најголемиот дел од кариерата го помина на клупата на Арсенал, се осврна на шпекулациите дека може да биде промовиран како спортски директор на ПСЖ.

„Очигледно е дека новинарите ја пуштаат фантазијата пред Божиќ. Нема ништо точно во тоа. Апсолутно ништо“, потенцираше Венгер кој работи за ФИФА како шеф на секторот за глобален фудбалски развој.

72-годишниот Французин е најуспешниот менаџер во историјата на Арсенал според бројот на трофеи како и менаџер со најголем стаж во клубот според бројот на натпревари (755 заклучно со 7 март 2010). Венгер е единствениот странски тренер кој освоил двојна круна во Англија, во 1998 и 2002.

Напаѓачот на фудбалскиот состав Базел, Артур Кабрал, може да добие понуда да се пресели во редовите на рускиот шампион Зенит.

Клубот од Санкт Петербург планира да понуди 11 милиони евра иако Швајцарците најавија дека очекуваат да добијат околу 15 милиони. Во претходната сезона Кабрал постигна 18 гола во домашниот шампионат а од почетокот на тековната кампања реализираше 14 пати. Бразилецот со 13 гола е водечки стрелец во Лигата на конференциите.

Кабрал кратко го носеше дресот на  Палмеирас пред да потпише со Базел во 2109 година. Тој е поранешен младински репрезентативец на Бразил a неодамна го доби и првиот повик во сениорскиот состав на  „картиоките“. Договорот на Кабрал со Базел е до 30 јуни во 2023 година.

Напаѓачот на Интер, Алексис Санчез е пред трансфер во Барселона. Тимот од Каталонија бара засилување во нападот, каде во моментов Чави на располагање ги има само Депај и Лук де Јонг.

Шпанските медиуми пренесуваат дека претседателот Лапорта е во завршни преговори со Интер за позајмица на Санчез до крајот на сезоната.

Чилеанецот не добива голема минутажа на „Џузепе Меаца“, а има висока плата, па Интер е спремен да се ослободи од него. Чави одлично го познава Санчез бидејќи играа заедно во Барселона, а напаѓачот нема ништо против да се врати на „Камп Ноу“.

Напаѓачот на Арсенал, Пјер-Емерик Обамејанг, изрази огорченост од одлуката да му биде одземена капитенската лента во тимот на Арсенал.

Обамејанг е лут на тренерот Артета кој го обвини фудбалерот за недисциплина и непочитување на клубските правила. 

Репрезентативецот на Габон веќе два натпревари не е во составот на екипата и се чини дека нетрпеливоста помеѓу него и Артета доживува кулминација.

Обамејанг минатата сезона потпиша нов тригодишен договор со Арсенал со што стана најплатениот играч во еипата, меѓутоа после овој конфликт со тренерот големи се шансите тој да побара предвремен раскин на договорот.

Целата ситуација со играчот будно е следена од екипата на Барселона која се очекува да испрати понуда за негов премин на „Ноу Камп“ во јануари. Тој би пристигнал како замена за Серхио Агуеро кој ја прекина својата фудбалска кариера.

Центарфорот на Борусија Дортмунд, Ерлинг Халанд, продолжува со рушење рекорди за својот клуб.

Младиот Норвежанец беше стрелец на два гола на натпреварот против Гројтер Фурт во Бундеслигата, со што го подобри рекордот за најмногу постигнати голови во една календарска година на играч од Борусија Дортмунд. 

Халанд засега има постигнато вкупно 30 гола за својот клуб, еден повеќе од Пјер-Емерик Обамејанг во 2015 година.

Екипата на Борусија Дортмунд останува на минус шест бода во однос на Баерн Минхен на првенствената табела во Бундеслигата.