Почесниот претседател на Баерн Минхен, Ули Хенес (73), бил итно пренесен во болница откако му е станало нагло лошо на хуманитарниот голф турнир “Green of 18” кој се одржал во замокот Мил, во близина на Бон. Според германските медиуми, Хенес имал пукантена вена. Итно бил префрлен во болница.

Иако се работи за сериозна, но стабилна состојба, истиот ден бил пуштен дома и го продолжил закрепнувањето во својот дом. Турнирот бил организиран од страна на извршниот директор на Телеком Тимоетеус Хетгес, кој е главниот спонзор на Баерн, а покрај Хенес, присуствувал и актуелниот претседател на Баерн Херберт Хајнер.

Ули Хенес беше значаен играч на Баерн од 1970 до 1978 година, каде освои три титули во Бундеслигата и три Купа на шампиони, исто така бил член на тимот на Западна Германија кој триумфираше на Светското првенство 1974 и Европското првенство 1972. По завршувањето на играчката кариера, се посветил на управување со клубот – најпрво како спортски директор, потоа 10 години како претседател (2009–2014, 2016–2019), а денес е почесен претседател.

Тој е еден од клучните архитекти на успехот и стабилноста на Баерн изминатите децении. Иако повеќе не е вклучен во оперативното работење на клубот, неговото советодавно и симболично влијание останува силно. Навивачите, поранешните соработници и спортската јавност веќе му испратија пораки за поддршка и желби за брзо закрепнување, потсетувајќи на неговата немерлива улога во германскиот фудбал.

Елиф Елмас се врати во Лајпциг по позајмицата во Торино, но неговата иднина останува неизвесна. Германскиот бундеслигаш, според последните информации, не планира да смета на неговите услуги, а интерес за Елмас сега покажува турскиот Трабзонспор.

Во последниот период Елмас беше поврзуван со неколку европски клубови, меѓу кои и шпанскиот Реал Сосиедад, но како нова и реална опција сега се појавува Турција, земја во која Елмас веќе остави силен впечаток настапувајќи за Фенербахче пред трансферот во Наполи.

Турските медиуми пренесуваат дека Трабзонспор е сериозно заинтересиран за услугите на Елмас, но потенцијална пречка може да биде отштетата. Лајпциг, наводно, бара околу 20 милиони евра за неговата слобода.

Да потсетиме, Елмас минатата сезона ја мина во италијанскиот Торино, каде што имаше солидна улога, но клубот не успеа да постигне договор со Лајпциг за откуп на неговиот договор, па македонскиот интернационалец летово повторно е во потрага по нова средина.

Интер Мајами, по драматичната серија пенали, извојува победа против мексиканската Некакса во второто коло од Купот на лигата на Централна и Северна Америка, но овој успех беше засенет од повредата на Лео Меси, кој мораше да ја напушти играта по само десет минути.

Најглавно прашање сега во Интер е колку е сериозна повредата на славниот Аргентинец. По завршувањето на мечот, првите информации пристигнаа и од новинари, и од неговите соиграчи и од тренерот.

Сѐ се случи по судар со неколку фудбалери на противникот пред шестнаесетметарскиот простор на Некакса. Му беше пружена помош на теренот, но потоа беше донесена одлука дека не може да продолжи со игра.

Новинарот на ЕСПН Аргентина, Клаудио, откри дека повредата изгледа како „чувствителност во тетивите”.

”Многу е тажно за целиот тим што најдобриот играч во светот, во историјата, се повреди. Тој е важен играч. Штета. Се надевам дека не е сериозно бидејќи ни е потребен…”

Швајцарскиот репрезентативец со потекло од Куманово, Ардон Јашари во текот на викендот ќе има состанок со сопствениците на Клуб Бриж на кој ќе се разговара за неговата иднина.

Јашари ќе им каже дека нема немера веќе да игра за клубот бидејќи тие не го исполниле џентлменското ветување кое му го дале.

Фудбалерот добил ветување од Бриж дека ќе прифатат понуда за него во висина од 32,5 милиони евра, но тоа не се случува.

Милан, каде што сака да се пресели Јашари понуди милион повеќе од тоа како загарантирана сума плус бонуси, но Клуб Бриж ја одби таа понуда.

Белгискиот клуб сака повеќе пари бидејќи други клубови нудат повеќе. Клуб од Премиер лигата понудил 40 милиони евра, НЕОМ од Саудиска Арабија понудил 45 милиони евра, а интерес има и од Баер Леверкузен.

Јашари е на листата на Бриж за Лигата на шампионите, но нема немра да игра во среда против Салцбург.

Тој сака трансфер само во Милан. Засега нема договор.

Барселона размислува за продажба на Марк Касадо со цел да прибере средства со кои ќе влезе во правилото 1-1, и да отвори престор за регистрација на Жоан Гарсија и Маркус Рашфорд.

Марк андре тер Штеген одби да замине, купец за Роналд Араухо не се најде па „каталонците“ се подготвени да жртвуваат дете од школата за да го регистрираат Маркус Рашфорд и Жоан Гарсија.

Неколку извори објавија дека на продажба е ставен Марк Касадо, кој минатата сезона сериозно се наметна по укажаната шанса од Ханси Флик.

Но Барса верува дека е добро покриена во средниот ред, па може да си дозволи трансфер на Марк Касадо за да влезе во правилото 1-1.

Се шпекулира дека е поставена цена од 30 милиони евра, а Баерн Минхен и Атлетико Мадрид се посочуваат како клубовите кои пројавуваат интерес.

Останува да се види дали Марк Касадо ќе сака да замине, тој од мали нози е навивач на Барселона и во една изјава рече дека посакува целата своја кариера да ја помине на Камп Ноу.

Напаѓачот на Ливерпул, Дарвин Нуњез подолго време се поврзуваше со трансфер во Саудиска Арабија, но последните гласини велат дека сепак може да остане во Европа и да се пресели во Италија.

Наводно, Милан е сериозно заинтересиран за Нуњез. Росонерите се во потрага по напаѓач, го посакуваа Влаховиќ, но Нуњез би можел да биде полесна цел затоа што Ливерпул очајно посакува да го продаде и да собере финансии за ангажман на Исак.

Нуњез за три сезони во Ливерпул одигра 143 натпреварри во кои постигна 40 голови и запиша 26 асистенции. Најдобриот учинок го имаше во сезоната 2023/2024 кога оствари учинок од 23 гола и додаде 13 асистенции.

Реал Мадрид во новата сезона ќе има комплетно нов медицински тим, Флорентино Перез ги отпушти сите кои работеа претходно во овој сегмент од клубот.

Поради големиот број на повреди кои Реал Мадрид ги имаше во минатата сезона, но и некои интерни конфликти во медицинскиот тим, Перез ги отпушти сите доктори и физиотерапевти.

Ангажирани се комплетно нов медицински тим, нови физиотерапевти доаѓаат од Барса, Бетис, Гранада и Малага.

Како главен доктор треба да биде Мануел Аројо кој е многу високо ценет.

Македонскиот фудбалски шампион во женска конкуренција, ЖФК Љуботен, испиша историски успех со пласман во втората рунда од квалификациите во Лигата на шампионите на УЕФА.

Фудбалерките на Љуботен денеска славеа против екипата на Пјуник со 4-0 во финалето на претквалификацискиот турнир во Скопје и со тоа се изборија за пласман во следната квалификациска рунда во најквалитетното женско клупско натпреварување во Европа.

Хава Мустафа беше автор сите четири гола за Љуботен во денешната убедлива победа. Оваа победа му носи на Љуботен пласман во втората квалификациска рунда, каде сигурно ќе добие потежок противник, но нашиот шампион ќе има нова шанса за уште поголем прогрес во елитното натпреварување на УЕФА.

Искусниот англиски фудбалер Џејмс Милнер ќе го носи дресот со број 20 за Брајтон во текот на претстојната сезона во Премиер лигата, во чест на неговиот покоен поранешен соиграч од Ливерпул, Диого Жота, објави „Скај Спортс“.

Португалскиот напаѓач Жота трагично загина минатиот месец во сообраќајна несреќа во која загина и неговиот брат Андре Силва. Имаше 28 години. Само неколку недели претходно, тој му помогна на Ливерпул да ја освои англиската титула.

Ливерпул го повлече дресот со број 20, кој Жота го носеше во текот на пет сезони на „Енфилд“, од кои три ги помина со Милнер.

Откако играчот од средниот ред Карлос Балеба одлучи да го земе бројот 17 пред сезоната 2025/26, Милнер ја искористи можноста симболично да му се заблагодари на Жота.

„Штом слушнав дека Карлос го менува својот број и дека 20 е достапен, сакав да го сфатам тоа како знак на почит и почит кон Жота“, изјави Милнер за клупскиот профил на социјалната мрежа „X“.

-„Тој беше одличен играч и имав среќа да играм со него, но и одличен пријател. Ќе биде голема чест да го носам неговиот број во Премиер лигата оваа година“.

Деле Али ќе го напушти Комо ова лето, а се повеќе се шпекулира дека би можел да се пензионира.

Поранешниот англиски репрезентативец имаше големи проблеми во изминатите неколку години со повредите. Во минатото, кога со Тотенхем играше и финале во Лигата на шампионите, беше еден од најдобрите, а неговата вредност се проценуваше на 80 милиони евра.

Минатата сезона беше во Комо, но не успеа да се докаже пред Сеск Фабрегас и ќе го заврши својот краток престој во Серија А. Според медиумите тој би можел да се пензионира иако има само 29 години.

Во Евертон и Бешикташ, Али се обиде да се врати на старите патеки и да го покаже талентот, но повредите не му го дозволија тоа. Одигра само десет минути за Комо, во кои успеа да добие црвен картон. Од тој момент па натаму, тој не се врати на теренот, а тоа се случи на 15 март оваа година.

Деле Али нема да биде првиот што ќе се пензионира пред својот 30-ти роденден. Тоа го направија Андре Ширле, освојувач на Светското првенство со Германија во 2014 година, Патрик Клајверт и Марко Ван Бастен, кои исто така се пензионираа на 29 години.