Арсенал моментално се наоѓа на врвот на Премиер лигата со два бода повеќе од Манчестер Сити. Остануваат уште три натпревари до крајот на календарската година.

Потоа следува обезбедување на топ 8 во Лигата на шампионите и продолжување на борбата за титулата. Веднаш на 3 јануари. Како што се зборува, можеби наскоро ќе можат да се ослободат од важен товар од грбот.

Букајо Сака е на пат да го продолжи договорот до 2031 година.

Притоа ќе биде првиот играч во историјата на Арсенал, чија плата ќе биде над 300.000 евра на неделно ниво.

Младиот англиски напаѓач, досега има одиграно 21 натпревар оваа сезона. Има постигнато 7 гола и 3 асистенции.

Како што се ближи крајот на годината, фудбалските клубови ширум светот оценуваат не само спортските успеси, туку и постигнувањата надвор од теренот. Еден од главните индикатори на глобалната популарност е секако продажбата на дресови, а 2025 година донесе досега невидени резултати.

Според најновото истражување на Euromericas Sport Marketing, Реал Мадрид оствари рекорд без преседан и стана најпродаваниот фудбалски клуб во светот – со значителна предност пред конкурентите.

Во последните 12 месеци, врз основа на податоците финализирани во ноември, клубот од Мадрид успеа да продаде дури 3.133.000 дресови на глобално ниво. Со тоа, Реал Мадрид стана првиот клуб кој надминал три милиони продадени дресови во една година, потврдувајќи ја својата непогрешлива глобална досегливост, информира шпанскиот AS.

Барселона заврши на второто место со 2.940.000 продадени дресови, додека ПСЖ ја зазема третата позиција со 2.546.000. Вечното ривалство меѓу Реал и Барса продолжи и надвор од теренот, но овој „комерцијален Класико“ беше убедливо добиен од мадридскиот гигант.

Топ 10 клубови по продажба на дресови во 2025 година
Истражувањето исто така ги истакна десетте клубови со најголема продажба на дресови во текот на годината. Покрај Реал Мадрид, Барселона и ПСЖ, на листата се најдоа уште и:Баерн Минхен, Интер Мајами i Бока Јуниорс.

Иако во последните денови во фокусот на Ливерпул е ситуацијата околу Мохамед Салах, кој изјави дека се чувствува како клубот да го “фрли под автобус”, раководството од Енфилд веќе прави планови за летото 2026 година. Според пишувањето на германскиот TZ, на Црвените им е „понудена“ ѕвездата на Баерн, стоперот Дајот Упамекано.

На францускиот дефанзивец договорот со Баерн му истекува на крајот на сезоната, што значи дека според Босмановото правило веќе од 1 јануари може да преговара со други клубови за премин без надомест. Можноста да се ангажира еден од најдобрите стопери во Бундеслигата како слободен играч привлече, покрај Ливерпул, и великани како Реал Мадрид и Пари Сен-Жермен.

Иако се наведува дека Упамекано е среќен во Минхен, преговорите за новиот контракт запнале на две клучни точки. Првата пречка е барањето на неговиот агент за вклучување откупна клаузула од 65 милиони евра. Баерн начелно се противи на вакви клаузули, иако неодамна попуштија во преговорите со Хари Кејн и Џамал Мусиала.

Вториот проблем е платата. Упамекано бара годишен приход од 18 милиони евра, што изнесува околу 346 илјади евра неделно, а баварскиот гигант не е подготвен да понуди толку голема сума.

Токму тука ја гледа својата шанса Ливерпул, кој наводно внимателно ја следи развојот на ситуацијата и е подготвен да реагира доколку стане јасно дека францускиот репрезентативец ја напушта Баварија. Упамекано е идентификуван како алтернатива во случај да пропадне трансферот на капитенот на Кристал Палас, Марк Гехи.

Фудбалот е тимски спорт и секоја компонента од екипата треба беспогрешно да функционира на секое ниво за да се постигне успех, а клубовите со големи ѕвезди често наидуваат на проблеми.

Ваква е ситуацијата во Борусија Дортмунд во последно време, каде што нивната главна ѕвезда Карим Адјејеми се повеќе станува товар за тимот.

Адјејеми е незадоволен бидејќи клубот не го продал во летниот трансфер период и сега се обидува да изврши притисок врз управата да го направи тоа во јануари, а поради своето однесување ќе биде казнет.

Имено, за време на победата на Дортмунд над Борусија Менхенгладбах во германскиот куп, Адјејеми беше заменет во 60-тата минута и затоа беше видливо фрустриран, па одлучи да не се поздрави со соиграчите и веднаш замина во соблекувалната.

Имајќи го предвид ова, „Милионерите“ одлучија да го казнат, што го потврди и спортскиот директор Себастијан Кел.

“Неговата замена беше целосно оправдана. Тој не одигра добро и ќе биде казнет за своето однесување. Секако, имаме теми за разговор по сето ова. Не ми се допадна неговата реакција, исто како на тренерот и неговите соиграчи”, изјави Кел.

Инаку, Адјејеми сака да замине во англиската Премиер лига, каде неколку клубови се заинтересирани за него, но Дортмунд не дозволи трансфер минатото лето.

Тео Хернандез вели дека не сакал да си замине од Милан, но тоа го направил поради еден човек кој му се заканил дека ќе го исфрлат од составот.

Формата на Хернандез значително падна кога Милан реши да се ослободи од него, тој сега вели дека тоа било еден вид на закана.

„Никогаш не сакав да заминам од Милан. Бев отворен да останам, но кога еден човек од раководството ви се јавува и ви вели: Ако останеш, ќе те тргнеме од составот, тогаш може само да си побарате нов клуб“, вели Тео Ернандез за „Газета дело Спорт“.

Хернандез сега настапува за Ал Хилал.

Македонскиот фудбалер, Стефан Ристовски неодамна ја критикуваше ситуацијата со судењето во Босна и Херцеговина, па поради тоа заработи казна.

Фудбалската федерација на Босна и Херцеговина парично го казни Стефан Ристовски со 1.500 конвертибилни марки, што е нешто помалку од 800 евра.

„Фудбалерот на Сарајево, Стефан Ристовски ќе добие парична казна во износ од 1.500 конвертибилни марки во согласност со член 82. по точка 1. Дисциплинската комисија го казнува поради изјави во меидумите за судењето без аргумент“, стои во краткото соопштение.

Фудбалерите на Арсенал и Лидс забележаа победи во 17-то коло од Премиер лигата, во натпреварите одиграни во саботата навечер.

Арсенал го победи Евертон со 1-0 во Ливерпул и ја забележа својата 17-та победа во последните 21 натпревари во сите натпреварувања.

Првиот и, како што се покажа, единствен гол на натпреварот беше постигнат во 27-та минута, од пенал.

О’Брајан, аматерси реагираше по корнерот на Рајс, играше со двете раце, како да е голман. Судијата досуди пенал откако го гледаше ВАР, а Ѓекереш ја затресе мрежата на домашниот тим.

Тоа беше неговиот прв гол од 1 ноември.

Во вториот дел, ситуација која ќе се анализира, впечаток е дека Евертон беше оштетен за пенал и две стативи на играчите на Арсенал.

„Карамелите“ го заземаат десеттото место на табелата, додека Арсенал се врати на првото место со два бода повеќе од Манчестер Сити.

Во вториот натпревар од вечерта, Лидс неочекувано лесно го победи Кристал Палас со 4-1.

Веќе по првите 45 минути, прашањето за победникот практично беше решено, бидејќи домашниот тим водеше со головите на Доминик Калверт-Луин со 2-0. Напаѓачот стана четвртиот играч на Лидс кој во пет последовни натпревари, во Прмиер лигата постигнал најмалку еден гол.

Во 60-та минута, Ампаду го зголеми резултатот на 3:0, а Девени го постигна почесниот гол за гостите во 92-та минута од пенал.

Натпреварот беше продолжен повеќе од десет минути, а во 11-та минута од судиското продолжение, Стах го постави конечниот резултат од 4-1.

За Лидс, ова е четврти натпревар без пораз, односно втора победа во тој период, а сега е веќе далеку од зоната за испаѓање, додека Палас го претрпе вториот пораз по ред и дополнително се оддалечи од местото што води кон Европа.

Стан Вавринка, еден од најпрепознатливите и најпочитувани тенисери на својата генерација, официјално најави дека ќе ја заврши професионалната кариера по завршувањето на сезоната 2026.

Со тоа, светот на тенисот се подготвува да се прости од еден од последните големи мајстори на еднорачниот бекхенд, удар што стана негов заштитен знак и симбол на еден посебен стил.

Швајцарецот зад себе остава импресивна и уникатна кариера, крунисана со три титули од Грен слем турнирите.

Неговите најсветли моменти се поврзани со победи против најголемите имиња на оваа ера, во мечеви кои одамна се сметаат за класика на модерниот тенис.

Фудбалерот на Манчестер сити, Ерлинг Халанд, го престигна поранешниот напаѓач на Манчестер јунајтед, Кристијано Роналдо, на листата на голови во Премиер лигата.

Норвежанецот постигна два гола во денешната победа од 3:0 над Вест Хем во 17. коло од Премиер лигата. Халанд сега има 104 гола во Премиер лигата, еден повеќе од Роналдо. Норвежанецот ја достигна оваа бројка во 114 лигашки настапи, додека на Португалецот му беа потребни 236 натпревари.

Кристијано Роналдо играше за Манчестер јунајтед од август 2003 до јули 2009 година и од август 2021 до ноември 2022 година. (

Фудбалската федерација на Македонија (ФФМ) и претседателот Масар Омерагиќ, денеска во „Куќа на фудбалот“ беа домаќини на Елкан Мамадов, директор за асоцијации и развој во ФИФА и еден од најблиските соработници на претседателот Џани Инфантино.

Во рамки на посетата, високиот претставник на ФИФА, оствари работна средба со претседателот на ФФМ, Масар Омерагиќ и генералниот секретар, Леонид Јандреоски, на која разговараа за актуелните активности на Федерацијата, стратешките приоритети за развој на нашиот фудбал, како и тековната и идната поддршка од Светската фудбалска Асоцијација.

Разговорите беа фокусирани на унапредување на развојните програми, инфраструктурните проекти и зајакнувањето на системот на националните селекции. Посебен акцент беше ставен на важноста од добро управување, транспарентност и долгорочна визија како основа за одржлив развој на фудбалот.

Претседателот Омерагиќ ја истакна благодарноста за континуираната поддршка од ФИФА и нагласи дека ФФМ останува целосно посветена на реформите и проектите кои придонесуваат за напредок на македонскиот фудбал на сите нивоа.

„Посетата на Елкан Мамадов на нашата федерација, претставува силна потврда за одличната соработка што Фудбалската федерација на Македонија ја има со ФИФА. Поддршката што ја добиваме е исклучително значајна за реализација на нашите стратешки цели, особено во делот на инфраструктурата и зајакнувањето на националните селекции. Во таа насока, во тек се разговори и за организирање посета на претседателот на ФИФА, Џани Инфантино, во првата половина на 2026 година. Остануваме целосно посветени на принципите кои се исклучително битни за ФИФА, транспарентност и долгорочен развој на македонскиот фудбал на сите нивоа“.

Во рамки на посетата на „Куќа на фудбалот“ и средбата со раководството на ФФМ, директорот за асоцијации и развој во ФИФА, Елкан Мамедов, го истакна напредокот што Фудбалската федерација на Македонија го оствари во изминатиот период под водство на Омерагиќ.

„Импресивно е сето она што Фудбалската федерација на Македонија, под водство на претседателот Масар Омерагиќ, го реализираше во период од само една година. Во Доха, на заеднички состанок со претседателот на ФИФА, Џани Инфантино, веќе се разговараше за поддршката од ФИФА за клучни проекти кои имаат суштинско значење за понатамошниот развој на македонскиот фудбал“.

Посетата на Елкан Мамадов претставува уште една потврда за добрата соработка и силното партнерство помеѓу ФИФА и Фудбалската федерација на Македонија.