Фудбалерот на Реал Мадрид, Родриго, одбива трансфер во Тотенхем. Тој претпочита попрестижен клуб во случај да го напушти Реал.

Деновиве се појавија информации дека лондонскиот клуб е заинтересиран за крилниот фудбалер и се надева дека ќе го добие за помалку од 90 милиони евра.

Според шпанските медиуми, Тотенхем се распрашал за Родриго, но преговорите во моментов не се во тек.

Минатата сезона, Родриго одигра 30 натпревари во Ла Лига, постигнувајќи шест гола и пет асистенции.

Јувентус сериозно размислува да испрати атрактивна понуда до Њукасл за Сандро Тонали, објавија во вторникот италијанските медиуми.

Италијанскиот репрезентативец се пресели од Милан на северот од Англија во 2023 година во трансфер вреден 60 милиони евра.

Иако потпиша петгодишен договор со „страчките“, веќе по две сезони во Премиер лигата, Јувентус планира амбициозно враќање на Тонали во Италија.

Како што пишува „Газета дело Спорт“, „Старата дама“ наводно веќе воспоставила контакт со Њукасл. Јуве би платил 40 милиони евра , во замена за играчот што сака да го продаде, Даглас Луиз (27). Бразилецот не ги исполни очекувањата по трансферот од Астон Вила.

Сите детали за овој потенцијален трансфер ќе бидат појасни во наредните денови, но едно е сигурно: Јувентус е подготвен да направи сериозен чекор со цел да го врати Тонали во Серија А.

Фудбалерот од средниот ред на Манчестер сити, Џек Грилиш, може да ја продолжи кариерата во друг клуб.

Според „Ipaper“, Евертон е заинтересиран за 29-годишниот Англичанец, кој сака да го позајми фудбалерот.

Вест Хем и Наполи се исто така заинтересирани за играчот.

Во сезоната 2024/25, Грилиш одигра 32 натпревари за Сити во сите натпреварувања, постигна три гола и направи пет асистенции. Неговиот договор со клубот е важечки до 30 јуни 2027 година.

Порталот „Transfermarkt“ ја проценува вредноста на играчот на 28 милиони евра.

Голманот на Ливерпул, Алисон Бекер, го напушти тренинг кампот на тимот во Токио и нема да учествува на пријателскиот натпревар против Јокохама Маринос во среда. Според „Атлетик“, бразилскиот репрезентативец заминал од лични причини и ќе се врати во тимот на Арне Слот дури откако тимот ќе се врати во Велика Британија.

Се очекува новопотпишаниот грузиски голман, Гиорги Мамардашвили, да започне во тимот за утрешниот пријателски натпревар.

Алисон е третиот играч на Ливерпул кој го напушти кампот порано. Пред него, Џо Гомез се врати на Островот на дополнителни медицински прегледи поради повреда на Ахиловата тетива, а Луис Диаз доби дозвола да патува во Минхен, каде што го финализира трансферот во Баерн.

„Црвените“ пристигнаа во јапонската престолнина во неделата откако загубија со 2:4 од Милан во пријателски натпревар одигран во Хонг Конг.

Баерн Минхен објави на својата официјална веб-страница дека го продолжи договорот со голманот Свен Улрајх . Новиот договор е со важност до летото 2026 година.

„Свен Улрајх е олицетворение на сигурноста: тој ги држи своите ветувања – во вистинската смисла на зборот. Луѓе како него се корисни за секој тим. Среќни сме што тој ќе помине уште една сезона со нас“, изјави спортскиот директор на клубот, Макс Еберл за официјалната веб-страница.

Улрајх се приклучи на Баерн во 2015 година од Штутгарт. До денес, Улрајх одигра 103 натпревари за Баерн. Тој ја освои Бундеслигата девет пати, Купот на Германија три пати, Суперкупот на Германија шест пати, како и Лигата на шампионите и Суперкупот на УЕФА по еднаш.

Играчот од средниот ред на Манчестер Сити, Џек Грилиш, се врати на тренинзите со англискиот клуб, додека играчот продолжува да бара нов клуб, објави „ЕСПН“.

Грилиш беше изоставен од составот на Пеп Гвардиола за Светското клупско првенство на ФИФА откако му беше кажано дека нема да сметаат на него. Тој беше на лична програма за тренинг во текот на летото.

Евертон и Вест Хем Јунајтед се меѓу клубовите за кои се вели дека се заинтересирани да го потпишат Грилиш.

Прецизирано е дека „Граѓаните“ би сакале да се договорат за перманентен трансфер, но ќе ги разгледаат понудите за позајмица како што се приближува рокот за трансфер.

Да потсетиме дека Грилиш игра за Манчестер Сити од август 2021 година. Минатата сезона, играчот од средниот ред учествуваше во 32 натпревари, каде што постигна три гола и имаше пет асистенции.

Саудискиот клуб Ал-Наср испратил запит кон Манчестер Јунајтед за евентуалните услови за привлекување на Антони, информираат различни извори од Островот.

Тимот на Кристијано Роналдо продолжува да бара засилувања во нападот, кои ќе помогнат во зголемување на нивото и конечно за постабилно влегување во битката за титулата во земјата, која им бега на тимот во последните неколку години.

Од „Олд Трафорд“ поставиле сериозна цена од 50 милиони евра за својот бразилски фудбалер на крило, кој не е пожелуван од менаџерот Рубен Аморим и беше оставен да тренира самостојно во Манчестер, додека неговите соиграчи се на летна турнеја во САД. Антони, кој беше привлечен во летото 2022 од Ајакс за неверојатни 95 милиони евра, не успеа да ја оправда оваа сума и постепено кариерата му на „Олд Трафорд“ почна да „дерелира“ под сериозен притисок и критики. Во јануари тој беше даден на заем во Бетис, каде повторно покажа добар фудбал и импресионираше со 9 голови и 5 асистенции во 26 натпревари.

Тренерот на Манчестер Сити, Пеп Гвардиола, објави дека, по престојот во „Етихад“ Сити, ќе направи пауза од фудбалот, потенцијално и до 15 години.

„Знам дека кога ќе ја завршам оваа фаза со Сити, ќе престанам, тоа е сигурно. Одлуката е донесена“, изјави Гвардиола за GQ Spain.

Договорот на Гвардиола со Сити истекува во 2027 година, и иако тој не кажа директно дека ќе замине тогаш, тој нагласи дека неговата одлука да направи пауза не е спорна.

„Не знам колку ќе трае паузата… една година, две, три, пет, десет, петнаесет – не знам. Но, ќе заминам по ова поглавје бидејќи морам да застанам и да се фокусирам на себе, на моето тело“, рече Шпанецот.

Гвардиола, кој пристигна на „Етихад“ во 2016 година, досега освои 18 трофеи со клубот, вклучувајќи шест титули во Премиер лигата и првата Лига на шампиони во историјата на Сити во сезоната 2022/2023.

Сепак, минатата сезона беше многу предизвикувачка бидејќи клубот заврши без трофеј, прв пат откако Гвардиола го презеде тимот.

„Поминав четири или пет месеци оваа сезона слушајќи 60.000 луѓе на гостувања како скандираат: „Ќе бидеш отпуштен наутро“. Нема друга професија каде што толку многу луѓе јавно сакаат да бидеш отпуштен.“

Хато има само 19 години и се смета за еден од најталентираните стопери во Европа, а игра за Ајакс, за кој веќе има вкупно 75 настапи во холандската Ередивизие.

Како што објави Дејвид Орнстин, новинар од The Athletic, Челси веќе се договорил за условите за соработка со Хата, а преговорите се финализираат за обештетувањето што ќе му припадне на тимот од Амстердам.

Покрај позицијата стопер, Хато може да игра и како лев бек, а целта на Челси е да создаде конкуренција за шпанскиот бек и повремено да го ротира.

Трансферот на Хат во Челси треба да чини околу 40 милиони евра, а во текот на оваа недела се очекува сè да биде завршено и момчето од Курасао да потпише договор со „сините“.

Челси е исто така оптимист дека ќе може да го обезбеди потписот на Хави Симонс од РБ Лајпциг, со кого исто така преговараа во последните денови.

„Сините“ се блиску до договор за трансферот на Симонс, кој треба да чини нешто повеќе од 60 милиони евра, па се очекува дека ќе потрошат вкупно повеќе од 100 милиони евра за овие двајца играчи.

Да потсетиме дека ова лето Челси стана светски шампион откако го освои Светското клупско првенство во Америка, каде што го победи ПСЖ со 3:0 во финалето.

Eкипата на Сандерленд го доведе своето деветто засилување ова лето откако го договори трансферот на Гранит Џака за кого ќе плата околу 20 милиони евра.

Џака со Сандерленд потпишал договор на две години, а пристигнува по одличиот период во Леверкузен каде што одигра две одлични сезони и освои двојна круна, но играше и во финалето од Лигата на Европа.

За Џака ова е враќање во Премиер лигата каде што претходно го носеше дреот на Арсенал и во лондонскиот клуб помина седум години.