Милан е силно заинтересиран за младиот напаѓач на Челзи, Армандо Броја, пренесуваат италијанските медиуми.

„Росонерите“ имаат одлична соработка со Челзи и минатото лето ги доведоа Лофтус Чик и Пулишиќ, а сега сакаат уште еден фудбалер на „сините“.

Милан е во завршни преговори за ангажман на Зиркзе, но сака да го ангажира и Броја бидејќи е напаѓач со различни карактеристики. 22-годишниот напаѓач минатата сезона запиша неколку настапи за Челзи и самиот сака да ја промени средината.

Двата клуба преговараат за едногодишна позајмица со право на откуп.

Шпанските медиуми пренесуваат дека Реал Мадрид е заинтересиран за ѕвездата на Интер, Николо Барела.

Барела веќе неколку сезони е еден од најдобрите играчи за врска во Серија А и го привлече вниманието на многу европски клубови.

Реал е во потрага по играч за врска кој ќе биде наследик на Тони Крос, а Анчелоти го сака својот сонародник.

Реал спрема понуда од 80 милиони евра, но Интер ќе направи се, за да ја задржи својата ѕвезда.

Единствениот играч кој во последните 15 години успеа да го освои „Трофејот Пичичи“, трофеј наменет за најдобриот стрелец во Ла Лига, без да биде играч на Реал или Барселона, е Артем Довбик кој тоа го направи во изминатата сезона.

Напаѓачот на Жирона ја прекина таа серија со 24 постигнати гола во најсилното шпанско првенство. Во таква ситуација очекувано е за него да има интерес. Од Шпанија интерес за Довбик покажал Атлетико Мадрид, меѓутоа како најсериозни изгледа се италијанските клубови.

Украинецот има договор до 2028 година, па така Жирона не брза и не сака да го продаде за сума под 35 милиони евра. Дека може да го гледаме во Италија потврдува и неговата изјава дадена за шпански „АС“.

„Да, точно е, мојот агент води преговори со италијански клубови“, изјави Довбик.

Секако, Довбик ќе биде дел од репрезентацијата на Украина на Европското првенство и неговата иднина сигурно ќе се решава настапот на собирот на најдобрите континентални репрезентации.

Фудбалерот од средниот ред на Германија, Тони Крос ги верува дека неговата репрезентација ќе триумфира на претстојното Европското првенство.

„Кој ќе стане европски шампион? Германија! Можеме да се спротивставиме на нашите противници. Одбројувањето веќе започна, сакам да ги одиграм овие последни натпревари во мојата кариера на ист начин како што ги одиграв последните натпревари за Реал“, го цитира „Кикер“ Крос.

Германската репрезентација ќе игра во иста група со Шкотска, Унгарија и Швајцарија. Турнирот ќе се одржи во Германија од 14 јуни до 14 јули. Претходно, фудбалерот проговори за плановите по завршувањето на професионалната кариера.

Еден од најискусните фудбалери од репрезентацијата на Чешка, Михал Садилек ќе го пропушти Европското првенство во Германија.

Сандилек се повредил возејќи велосипед од кој паднал и си ја скршил ногата.

„За жал Садилек падна додека возеше со својот велосипед и се здоби со расекотина на ногата. За нас ова е сериозен удар бидејќи станува збор за еден од нашите најискусни играчи. Против Малта затоа и беше наш капитен“, изјави селекторот на Чешка Иван Хашек.

Во тој натпревар против Малта, Садилек ги одигра комплетните 90 минути, а неговата репрезентација славеше победа од 7:1. Изминатата сезона прикажуваше солидни настапи во холандски Твенте.

Ќе потсетиме, Чешка утре 18:00 часот ќе игра против Македонија и тоа за нив ќе биде последна контролка пред Европското првенство кое стартува на 14-ти јуни.

Давиде Анчелоти е асистент на неговиот татко осум години, со него беше во Баерн, Наполи, Евертон и Реал Мадрид, но сега има желба да продолжи да работи на друго место како главен тренер.

Според последните информации од Шпанија тој смета дека е вистинско време да направи нов чекор во кариерата.

Во текот на летото помладиот Анчелоти ќе ги одбие понудите и ќе остане во Мадрид, меѓутоа има најавил дека од наредната веќе може да му доставуваат понуди каде што би работел како тренер.

Засега се наведува дека најголем интерес за неговите услуги има од Италија, меѓутоа се споменуваше и Севиља. Како и да има време во текот на сезоната која следи да размисли и да ја избере понудата која најмногу му одговара.

Легендата на Манчестер Јунајтед, Оле Гунар Солскјер е на прагот на враќање во Премиер лигата. Тој е главниот фаворит за водење на Лестер Сити, кој минатата сезона освои промоција во Премиер лигата.

„Лисиците“ бараат замена за нивниот досегашен менаџер Енцо Мареска, кој пред неколку дена го презеде Челзи. Во последниот месец се шпекулираше дека Солскјер ќе биде селектор на канадската репрезентација и тренер на Бешикташ. Канада  се определи за Џеси Марч, а турските гигант го назначи Џовани ван Бронкхорст.

51-годишниот Норвежанец не е на чело на некоја екипа од 21 ноември 2021 година, кога се повлече од менаџерската функција во Манчестер Јунајтед.

Во текот на својата тренерска кариера, поранешниот напаѓач ги водеше и норвешкиот Молде и велшкиот Кардиф.

Селекторот на Франција, Дидие Дешамп се одлучи кои играчи ќе ги има на располагање за натпреварите кои ќе ги играат на Европското првенство во Германија во 2024 година.

Составот на Франција:

Голмани: Алфонс Ареола (Вест Хем), Мик Мењан (Милан), Брис Самба (Ленс)

Одбрана: Жил Кунде (Барселона), Џонатан Клос (Марсеј), Бенжамин Павард (Интер), Ибрахим Конате (Ливерпул), Вилијам Салиба (Арсенал), Дајот Упамекано (Баерн), Тео Ернандез (Милан), Ферланд Менди (Реал Мадрид)

Играчи од средниот ред: Јусеф Фофана (Монако), Адриен Рабиот (Јувентус), Ворен Заир-Емери (ПСЖ), Аурелиен Чуамени (Реал Мадрид), Антоан Гризман (Атлетико), Н’Голо Канте (Ал-Итихад), Едуардо Камавинга (Реал) Мадрид)

Напаѓачи: Бредли Баркола (ПСЖ), Осман Дембеле (ПСЖ), Кингсли Коман (Баерн), Оливие Жиру (Лос Анџелес), Рандал Коло Муани (ПСЖ), Килијан Мбапе (Реал Мадрид), Маркус Турам (Интер)

Франција е во групата Д заедно со селекциите на Полска, Австрија и Холандија. Првиот натпревар избраниците на Дешамп го имаат на 17 јуни против Австрија во Дизелдорф.

Фабио Канаваро нема да го води Удинезе следната сезона. Тренерот го задржа местото на тимот во Серија А, но и покрај тоа не доби понуда за нов договор. Веста ја објави самиот Канаваро на социјалните мрежи.

„Претседателот Поцо денеска ме информираше за неговата одлука да се разделиме. Му благодарам за можноста што ми ја даде. Жал ми е што не можам да го продолжам ова патување. Сакам да појаснам дека имаше желба од моја страна да го продолжам договорот. Среќно за клубот, играчите и прекрасните навивачи на Удинезе“, напиша Канаваро.

Италијанскиот стручњак го презеде тимот во април кога беа на 17. место, веднаш над зоната за испаѓање. Под водство на Канаваро, тимот од Удине ја заврши сезоната на 15-то место.

Управата и новиот стручен штаб на Челзи веќе ги започнаа подготовките за следната сезона и ја објавија својата прва активност на трансфер-пазарот.

„Сините“ од Лондон добија бесплатно засилување кое доаѓа од редовите на Фулам, а се работи за стоперот Тосин Адарабиојо, кој добива четиригодишен договор.

Ова е прво бесплатно засилување за Челзи откако претседател на клубот е Тод Боели, а навивачите веќе му посакаа добредојде на новиот играч.