Селекторот на германската фудбалска репрезентација Јулијан Нагелсман го продолжи договорот со Фудбалскиот сојуз до крајот на Европското првенство во 2028 година.

Нагелсман имаше договор до крајот на Светското првенство кое следната година ќе се одржи во САД, Канада и Мексико.

„Сите ние, навивачите, тимот и стручниот штаб, создадовме нешто што сега сакам заедно успешно да го развиваме. Сакаме заедно да освојуваме титули“, рече Нагелсман.

Поранешниот тренер на Хофенхајм и Баерн Минхен ја презеде германската репрезентација во септември 2023 година и тогаш се наведуваше дека ќе го води тимот само на Европското првенство во Германија минатото лето, но набрзо соработката беше продолжена.

Со Германија стигна до четвртфиналето на Европското првенство, во кое селекцијата загуби со 1-2 по продолженијата од Шпанија, која подоцна ја освои титулата.

Германскиот новинар Флоријан Платенберг синоќа објави дека прашање на време е кога ќе се затвори позајмицата на Елиф Елмас од РБ Лајпциг во екипата на Валенсија. Нашиот репрезентативец кој не успеа да се наметне во бундеслигашот, по се изгледа ќе оди на 6-месечна позајмица во Ла Лига, тимот во чии редови настапува и нашиот голман Столе Димитриевски.

Утрово од локалните медиуми од Валенсија пишуваат дека откако пред 48 часа стана јасно дека Енцисо од Брајтон нема да пристигне на „Местаља“, управата на Валенсија ја продолжува потрагата по Андре Алмеида, кој сега е прв „пик“ на тренерот Карлос Корберан. Ако Валенсија не успее и со него, трета опција е нашиот Елмас.

Како што велат во Шпанија, Валенсија е навикната да ги затвора зделките на крајот од зимските пазари, а договорот на Елмас исто така може да трае до крај.

Тренерот на Тотенхем, Ангелос Постекоглу, по победата на неговиот тим кај Хофенхајм со 2-3 во Лига Европа, објави колкава пауза го чека првиот напаѓач Доминик Солеанке.

Поради повредата што ја заработи на натпреварот против Арсенал, Соланке ќе отсуствува шест недели. Во дербито на северен Лондон, Соланке го повреди коленото.

Соланке летово им се приклучи на Спарс од Бурнмут, постигна седум гола во Премиер лигата, а додаде и три асистенции на 18 настапи. Постекоглу нема да може да смета на него во важен период, а неговото враќање се очекува на почетокот на март.

Тотенхем има огромни проблеми со повреди. Надвор од тимот се Бисума, Џонсон, Одобер, Регуилон, Ромеро, Сар, Удоги, Ван де Вен, Викарио и Вернер.

Челниците на Вулверхемптон немаат намера да го продадат Матеус Куња во зимскиот преоден рок.

За 25-годишниот фудбалер се заинтересирани Арсенал и Нотингем Форест но, „волците“ се решени да ги одбијат сите понуди. Куња во сезонава одигра 21 натпревар во Премиер лигата со ефект од 10 голови и 4 асистенци.

Неговиот состав се наоѓа на 17-то место на табелата и до крајот ќе води жестока битка за опстанок.

Јувентус веќе го обезбедил и трансферот на португалскиот фудбалер од екипата на Челзи, Ренато Веига, објави Фабрицио Романо. Според изворот, „Старата Дама“ платила 5 милиони евра за шестмесечна позајмица на Вегига, без право на откуп.

Тренерот на Јувентус, Тиаго Мота има намера да го користи Веига како централен дефанзивец.

21-годишниот Португалец игра за Челзи од минатото лето. За тоа време, фудбалерот одигра 18 натпревари на сите турнири, на кои постигна два гола и даде една асистенција Договорот на играчот со Челзи е до летото 2031 година со можност за продолжување на уште една сезона.

Менаџерот на Манчестер Ј. Рубен Аморим ја потврди веројатноста Алехандро Гарначо да го напушти Манчестер Јунајтед до крајот на месецот. Деновиве беше објавено дека крилниот напаѓач би можел да се пресели во Челзи или Наполи пред да се затвори зимскиот преоден рок.

„Ќе видиме што ќе се случи во наредните денови. Тој е играч на Манчестер Јунајтед и беше многу важен за нас денес. Мислам дека тој се подобрува во сите аспекти на играта. Денеска делуваше подобро во центарот, играше и крило, ги менуваше позициите, почна подобро да работи во одбраната. Понекогаш покажува незадоволство, а тоа е добро – тоа значи дека сака повеќе. Тој има потенцијал да стане многу подобар во сите аспекти“, рече менаџерот на Манчестер Јунајтед. Останува клубот да одлучи за неговата судбина, но голема е веројатноста да му дозволи да замине барем на 6-месечна позајмица.

Францускиот стручњак Руди Гарсија е нов селектор на фудбалската репрезентација на Белгија. Како што денеска потврдија од Белгиската федерација, тој ќе биде наследникот на Доменико Тедеско кој доби отказ на селекторското место.

60-годишниот Руди Гарсија ќе ги предводи Белгијанците на мечевите со Македонија во рамките на квалификациите за СП 2026. Претходно, Французинот беше тренер на Наполи, Ал-Наср, Лион, Марсеј, Рома и Лил.

По одигрувањето на натпреварите од 7. коло од фудбалската Лига на шампиони, познати се девет екипи кои нема да можат да влезат во плејофот.

Без шанси за следната фаза во елитното фудбалско натпреварување се: Болоња, Спарта, Лајпциг, Жирона, Црвена ѕвезда, Штурм, Салцбург, Славија и Јанг Бојс.

Моментално се во зоната на плејофот, се ПСВ, Клуб Бриж, Бенфика, ПСЖ, Спортинг и Штутгарт, но три од нив можат да бидат елиминирани.

Што се однесува до пласман во Топ 24, имаат и Манчестер сити, односно Динамо Загреб кои се на 25. односно 26. место.

Последното коло од првата фаза од ЛШ ќе се одигра следната недела, на 29 јануари.

Првиот кој ќе го продолжи договорот со Барселона до 2030 година е Уругваецот и дефанзивец Роналд Араухо.

„Мундо Депортиво“ пишува дека се чека еден од агентите на фудбалерот да дојде во Барселона и да почне финалниот дел од преговорите. Инаку, Араухо има договор до летото 2026 година и беше на мета на екипата на Јувентус.

Освен со Араухо, Барса е блиску до постигнување договор за нова соработка и со младиот Педри.

Тренерот на Манчестер сити, Хосеп Гвардиола, ги оцени шансите на тимот за пласман во плејофот по синоќешниот пораз од ПСЖ (2:4) во 7. коло од Лигата на шампионите.

„Елиминација од Лигата на шампионите? Ова може да се случи. Ако не го победиме Клуб Бриж во последното коло, не заслужуваме да одиме во плејофот. Спортинг е тежок, ПСЖ е тежок, Јувентус исто така, сите наши гостувања беа тешки. Ова е реалност. Не освоивме доволно поени. Последниот натпревар против Бриж ќе ни покаже до каде сме“, изјави Гвардиола.

На едно коло до крајот на првата фаза, Манчестер Сити се наоѓа на 25. место на првенствената табела со 8 бодови. Два бода повеќе има Штутгарт кој е на 24. место.

Последното коло во елитното фудбалско натпреварување ќе се игра на 29 јануари.