Фудбалерот на Леванте и наш репрезентативец, Енис Барди добро ја почна сезоната за својата екипа, играше на сите контролни и официјални натпревари, а против Ерменија, Исланд и Романија треба да биде главен оргханизатор на играта во средниот ред на нашата репрезентација.

„Чест ми е што сум дел од оваа репрезентација и за другарството кое го имаме тука. Секогаш кога ќе добиеме повик, едвај чекаме да дојдеме тука. Дел од нас доста години се заедно, 90% сме истите играчи. Добро се познаваме и знаеме што направивме низ изминатите години додека сме тука. Клучните играчи сме сите, нема тука поединци. Ова е едно семејство во кое сите сме важни. Така треба да мислиме и понатаму. Се што помина мора да оставиме зад нас и да живееме во моментов. Ерменија има многу добра репрезентација, со овој селектор променија доста работи во тимот. Но, ние ќе се фокусираме на нашата работа и што треба ние да правиме како и секогаш. Секој меч е многу важен и тежок да се победи, поразлично ништо не треба да дадеме, ние го знаеме нашиот квалитет и кои сме, само тоа да го покажеме на терен и да ги исполниме задачите на селекторот“, изјави Енис Барди.

Никола Влашиќ го комплетираше трансферот во Вест Хем. Влашиќ стана четвртиот најскап хрватски фудбалер во историјата и за 27 милиони евра се пресели во Премиер лигата.

Влашиќ одигра фантастична сезона во ЦСКА Москва и беше избран за најдобар фудбалер во руската лига.

Долго се поврзуваше со трансфер во Милан, но „росонерите“ не беа спремни да ја платат сумата која ја бараше рускиот клуб.

На крајот Вест Хем се согласи да плати 27 милиони евра и Власиќ кариерата ќе ја продолжи во Премиер лигата.

Фудбалерот на Арсенал, Ејнсли Мејтланд-Најлс договори останување во клубот, иако претходно на својот Инстаграм профил јавно порача дека сака да ја промени средината.

Десниот бек беше желба на Евертон да биде доведен на позајмица, но Арсенал тоа го одби, иако Артета се помалку смета на 24-годишникот.

„Само сакам да отидам некаде каде што ме сакаат и каде ќе играм.“ – напиша Мејтланд-Најлс на Инстаграм, означувајќи го официјалниот профил на Арсенал.

Скај Спортс објави дека 24-годишниот фудбалер одржа состанок со клубот и договори дека ќе остане барем до јануари. Тој разговараше и со тренерот Микел Артета, а тема на истиот беше објавата на социјалните мрежи.

Во клубот се разочарани од ваквиот потег на играчот, но проблемот беше решен, по што се договорија заедно да се фокусираат на она што ги очекува.

Арсенал беше подготвен да го ослободи ова лето, но понудата од Евертон беше прениска.

Џек Вилшер пред нешто помалку од десет години беше еден од најперспективните играчи за врска на светот. Беше клучен играч на Венгеровиот Арсенал и иднината на англиската репрезентација, а колку беше добар фудбалер, говори и тоа што Пеп Гвардиола сакаше да го доведе во Барселона.

Сепак, Вилшер не успеа да реализира ниту половина од својот потенцијал, воглавно поради повреди, а сега од Италија пристигнуваат уште бизарни вести поврзани со него.

Имено, Вилшер во моментот тренира со второлигашот Комо, кој минатата сезона играше во трета лига. Сепак, тој нема да може да заигра за клубот поради политичката одлука на Велика Британија. Со излегувањето на неговата држава од Европската унија, тој се води како играч надвор од ЕУ, па италијанските второлигаши не можат да го регистрираат ако нема работно искуство во Италија.

Екипата на Лајпциг официјално го промовираше засилувањето од Барселона, Илаиш Мориба кој доаѓа во германскиот тим откако штрајкуваше и одлучи да не го продолжи договорот со Барса, па каталонците беа приморани да продаваат.

Во Лајпциг тој се очекува да биде замена за Сабицер, кој претходно потпиша за Баерн Минхен.

Барселона велеше дека за Илаиш Мориба на кој му истекуваше договорот по крајот на сезоната бара меѓу 15 и 20 милиони евра.

Но, Тотненхем и Лајпциг наддаваа, па на крајот Барса доби и повеќе од што очекуваше.

Германскиот клуб ќе плати 16 милиони евра, плус 6 милиони евра во бонуси, а ќе добие и 10 проценти од евентуалниот следен трансфер на Илаиш.

Пред само две години, Антоан Гризман во контроверзен трансфер за огромни 120 милиони евра го замени дресот на Атлетико со оној на Барселона.

Се очекуваше таму да биде еден од клучните играчи, но тоа не се случи. Французинот во Каталонија не успеа да ја фати формата која ја имаше во Атлетико и беше на мета на критиките на навивачите. Барселона во финансискиот колапс откако остана без Меси, одлучи да го врати и Гризман во Атлетико.

Барса прифати понуда за позајмица вредна 10 милиони евра и 50 милиони евра задолжителен откуп наредното лето.

Платата која Французинот ќе ја заработува во Мадрид не е позната, но малку е веројатно дека ќе добие 21 милион годишно, колку што заработуваше во Барселона.

Негова замена на „Камп Ноу“ ќе биде Лук де Јонг. 31-годишниот напаѓач на Севиља се сели во Барселона, откако пристигна во Шпанија во летото 2019. година.

Репрезентативецот Стефан Спировски повеќе не е дел од АЕК Ларнака. Двете страни се договориле за прекин на соработката, па Спировски ќе треба да бара нова средина.

Раскинот го објави неговиот клуб, а Спировски се наоѓа со националниот тим на подготовки за дуелите со Ерменија, Исланд и Романија.

Спировски дојде во АЕК Ларнака од тимот на Хапоел Тел Авив, а претходно беше дел од Ференцварош. Играше и за Вардар, Пелистер, Работнички, Берое и Борец Чачак.

Реал Мадрид  потврди дека Едуардо Камавинга се приклучил на неговите редови, 18-годишното чудо од дете, кој играше за Рен и француската репрезентација.

Кралскиот клуб плати околу 31 милиони евра како компензација, покрај бонусите. Фабрицио Романо напиша дека младиот фудбалер го избрал Реал пред Манчестер Јунајтед и ПСЖ.

Камавинга е најмладиот дебитант во историјата на Рен, дебитирајќи на 16 години и еден месец. За Рен одигра 100 натпревари и постигна шест гола.

Според Трансфермаркт, тој вреди 55 милиони евра. Тој дебитираше за француската репрезентација на 8 септември минатата година на натпреварот од Лигата на нации против Хрватска.

Тиаго Мота ја презеде Специја по крајот на минатата натпреварувачка сезона и во првите две рунди освои еден бод во новата натпреварувачка кампања, за која сега си обезбеди едно засилување од клубот чии бои ги бранеше во играчката кариера.

Роналд Куман изминатиов викенд се пожали дека во тренерскиот курс не го научиле да се справува со 32-ца играчи во еден тим и испрати јасна порака дека сака ослободување на ростерот од играчи на кои не смета за новата сезона, а во последниот ден од летниот преоден рок, Реј Манај го режираше првиот трансфер од „Камп Ноу“.

Албанскиот фудбалер добиваше минутажа во пресезоната, но на стартот на сезоната во Примера веднаш му беше ставено до знаење дека нема место за него во тимот на Куман, ситуација која сега ја искористи поранешниот играч за врска на каталонскиот гигант.

Александар Трајковски си заминува од Мајорка и се сели во најсилниот дански фудбалски шампионат.

Нашиот напаѓач не беше во плановите на тренерот на шпанскиот прволигаш Луис Гарсија Плаза, па тоа беше јасен знак дека треба да си побара нова средина.

Според информациите до кои дојде „Дерби“ , вториот најефикасен играч во историјата на македонската репрезентација ќе потпише за четирикратниот дански шампион Алборг.

Станува збор за позајмица до крајот на актуелнава сезона при што поголемиот дел од неговата плата ќе ја покрива Мајорка.