Францускиот напаѓач во редовите на РБ Лајпциг, Кристофер Нкунку поради повреда е незвесен за настап на вечерашниов осминафинален дуел во Лигата на шампионите против Манчестер Сити.

Нкунку повредата ја доби на тренинг со својата екипа пред натпреварот со шампионот на Англија.

Тренерот на Лајпциг Марко Розе, најави дека Нкунку сигурно нема да биде во стартниот тим, и сеуште не се знае дали ќе биде вклучен во остатокот од екипата. Французинот одработил само дел од последниот тренинг поради реакции на неговата повреда.

Фудбалскиот клуб Манчестер Сити потврди дека Кевин де Брујне и Емерик Лапорт ќе го пропуштат вечерашниот дуел од осминафиналето во Лигата на шампионите против РБ Лајпциг.

Тренерот на Сити, Пеп Гвардиола, информира дека двајцата фудбалери се болни и не се чувствувале добро после натпреварот во Премиер лигата против Нотингем Форест, па поради тоа тие нема да бидат во тимот кој ќе гостува во Германија.

Гвардиола го пренесува својот респект за тимот на РБ Лајпциг потенцирајќи го нивниот дефиниран систем на игра и нивната одлична регрутација на млади играчи. Шпанскиот стручњак очекува тежок двомеч со еден од подобрите тимови од Бундеслигата.

Францускиот весник „Лекип“ пренесува дека Лионел Меси одлучил да не го продолжи договорот со Париз Сен Жермен доколку екипата биде елиминирана од Баерн Минхен во осминафиналето од Лигата на шампиони.

ПСЖ минатата недела доживеа пораз со 1:0 од Баерн во првиот натпревар од нокаут фазата во ЛШ, а следниот дуел меѓу двата тима е на 8. март во Минхен.

Информациите од весникот велат дека Меси не бил баш најсреќен во Париз, бидејќи очекувал екипата да има подобри резултати. Главна цел на фудбалерот со клубот е освојување на трофејот во ова натпреваување. Од Лекип наведуваат дека постои шанса Меси да остане во клубот , меѓутоа тој бил поблиску до заминување отколку до останување во клубот.

Манчестер Јунајтед покажува сериозен интерес за младиот дефанзивец на Милан, Пјер Калулу, пренесуваат англиските медиуми.

21-годишниот Французин буквално „експлодира“ минатата сезона во дресот на Милан и се етаблираше во еден од најдобрите млади дефанзивци. Французинот неодамна стави потпис на нов договор со „росонерите“ до 2027 година, но Јунајтед е спремен да понуди 50 милиони евра за неговиот потпис.

Тен Хаг го сака Калулу бидејќи подеднакво добро може да игра како десен бек и како стопер.

Сепак, тешко е да се поверува дека Милан ќе се согласи со продажба на младата ѕвезда.

Рандал Коло Муани би можел по завршување на сезоната да потпише договор со ПСЖ, објави денеска весникот „Паризиен“.

Муани (24) лани дојде во Ајнтрахт без обесштетување, откако му истече договорот со Нант, а според францускиот весник, ПСЖ е подготвен да го донесе во своите редови и за тоа да му понуди на германскиот клуб 100 милиони евра.

Муани одигра три натпревари за Франција на Мундијалот во Катар и постигна еден гол.

Во финалниот натпревар Муани се најде во стопроцентна шанса за гол во завршните моменти од второто продолжение, но чуварот на мрежата Емилијано Мартинез со нога го одбрани неговиот обид, а Аргентина во пенал серијата која уследи беше поуспешна од Франција и ја освои светската титула. 

Рафиња, според последната изјава е целосно лојален на каталонскиот клуб и за него не постои друг избор во Шпанија.

26-годишниот репрезентативец на Бразил во клубот дојде во јули 2022 година од Лидс и на 21 натпревар во Примера постигна четири гола и додаде уште толку асистенции.

„Никогаш не би играл за Реал Мадрид. Во Шпанија ја сакам Барселона, а од другите држави, ПСЖ и Арсенал“, изјави Рафиња кој кариерата ја започна во Авае, играше уште за Гимараеш, Спортинг Лисабон, Рен и Лидс.

Бразилецот би сакал да биде во ист тим со Лионел Меси.

„Секако да би сакал да се врати и да биде со нас“, истакна Рафиња кој со Барса има договор до летото 2027 година.

Фудбалерот на Борусија Дортмунд, Карим Адејеми ќе отсуствува од терените околу три недели поради повреда на скочниот зглоб, соопштија од бундеслигашот.

Адејеми скина мускулно влакно на зглобот за време на првенствениот натпревар против Херта (4-1) во неделата.

На последните три натпревари Адејеми постигна три гола и имаше асистенција. Ќе ги пропушти првенствените натпревари против Хофенхајм и Лајпциг, мечот во Лондон против Челзи во Лигата на шампионите и дербито против Шалке.

Преговорите помеѓу Челзи и Мејсон Маунт за продолжување на договорот се во застој, а таквата ситуација сака да ја искористи Манчестер Јунајтед.

Двете страни долго време водат преговори, но без особен прогрес, бидејќи никој не сака да отстапи од своите позиции. 24-годишниот играч за врска, кој две години по ред беше избран за најдобар играч на Челзи, е еден од најмалку платените фудбалери на „Стенфорд Бриџ“.

Тој настојува на значително зголемување на платата како неговите колеги од репрезентацијата, односно 200.000 фунти неделно, а Челзи му нуди значително помалку.

Француски „Л“Екип“ потврди дека напаѓачот на Борусија Менхенгладбах, Маркус Турам ќе го напушти германскиот клуб како слободен фудбалер, откако се решил да не го продолжи договорот кој му завршува во јуни.

Спортскиот директор на клубот, Роланд Виркус, го потврди ова во неделата и изјави дека мора „да се помират со фактот дека тој ќе си замине“.

Фабрицио Романо пренесе дека Турам има понуди од Англија, Италија и Шпанија, а пред извесно време се зборуваше дека Турам начелно се договори со Баерн за трансфер на „Алијанц Арена“. Сега во трката за него ќе се вклучи и Челзи, кој веќе контактирал со францускиот репрезентативец.

Тренерот на Ливерпул, Јирген Клоп, изјави дека неговиот тим мора да одигра два супер натпревари ако сака да го елиминира Реал Мадрид и да се пласира во четвртфиналето од Лигата на шампионите.

Ливерпул во последните два меча во Премиер лигата оствари победи над Евертон и Њукасл, па така Клоп мисли дека екипата ја поправи својата форма пред дуелот со Реал.

„ Од неодамнешната историја и прилично добрите резултати на двата клуба во Лигата на шампионите, очекувам одлични натпревари. Среќен сум што со Реал играме сега, бидејќи мислам дека како екипа ја подигнавме формата. Мораме да одиграме два супер натпревари, за да се пласираме во четвртфинале, и немам проблем со тоа бидејќи ако не играш најдобро што можеш тогаш немаш шанси против Реал“.

 Реал Мадрид го совлада Ливерпул со резултат 1:0 во минатогодишното финале од Лигата на шампионите кое се одржа во Париз.