Арсенал постигна договор за трансфер на јапонскиот дефанзивец од Болоња, Томиасу.

22-годишниот Јапонец покажа одлични игри во Серија А, а може да игра како централен дефанзивец и како десен бек.

Болоња за неговата слобода бараше 25 милиони евра, а интерес за Томиасу покажаа неколку европски гиганти.

Арсенал успеа да ја победи конкуренцијата и го договори трансферот за 20 милиони евра плус 3 милиони како бонуси.

Англискиот фудбалер Џордан Хендерсон до лето 2025 година го продолжи договорот со премиерлигашот Ливерпул за кој настапува уште од 2011 година.

Со текот на годините минати во овој клуб научив многу работи и станав подобра личност. Благодарен сум поради тоа на голем број луѓе, изјави Хендерсон по потпишувањето на новиот договор.

За Ливерпул досега одигра 394 натпревари на кои постигна 30 голови, а играчот за врска со својот долгогодишен клуб освои и пет трофеи, вклучувајќи ја Лигата на шампиони и Премиер лигата.

Претходно во кариерата, Хендерсон настапуваше за Сандерленд и Ковентри.

Македонската фудбалска репрезентација синоќа почна со првите тренинзи во пресрет на трите квалификациски меча кои не очекуваат во наредните денови. Под водство на новиот селектор Благоја Милевски, репрезентативците почнаа со подготовка на стратегијата за првиот ривал, селекцијата на Ерменија.

Еден од столбовите во нашата одбраа, Висар Муслиу, во очекувањ ена дуелот со Ерменците изјави:

„Среќен сум што сум дел од оваа репрезентација. Првите три натпревари во квалификациите за СП 2022 беа според планот со бодовите, но треба уште да се подобриме во следните средби. Мора да се прилагодиме на плановите и на идеите на новиот стручен штаб, но тоа мислам дека многумина од нас го знаат, затоа што сме работеле со Милевски и за брзо време ќе биде се како што треба. Прв натпревар ќе ни биде Ерменија, секоја година играме со овој ривал во изминатиот период. Ги имаме анализирано повеќе пати, но мора да покажеме на терен што и како умееме“, изјави Муслиу.

Tимот на Милан во самиот финиш од преодниот рок го доведе Жуниор Месиас од италијанскиот второлигаш Кротоне.

Оваа одлука е изненадување затоа што Месиас не е играч познат во Италија, а не па во светскиот фудбал. Станува збор за играч кој игра како напаѓач и во Серија А минатата сезона постигна девет голови на 36 натпревари. Тоа е негова единствена сезона во најелитната италијанска лига затоа што сезонава со Кротоне ќе игра во Серија Б.

Пред две сезони тој играше и во Серија Ц каде го носеше дресот на Гозано и Чиери Калчо.

Дефинитивно ова е еден од најчудните трансфери ова лето.

Барселона и Тотенхем постигнаа договор за трансфер на десниот бек Емерсон.

Откако Барса ја одби првата понуда, Тотенхем испрати нова понуда и се доближи до сумата од 30 милиони евра, па каталонскиот клуб ја прифати.

Барселона го купи Емерсон пред речиси три години од Атлетико Минеиро, но тој играше на позајмица во Бетис претходните две сезони, каде што остави многу добар впечаток.

Тој досега одигра три настапи за Барселона оваа сезона, но Барселона поради финансиската состојба реши да го продаде.

Најдобриот играч на Манчестер Сити минатата сезона, Рубен Диас денес стави потпис на нов договор.

Според новиот договор Диас со обврза на верност со „граѓаните“ до 2027 година и ќе добие значително зголемување на платата.

„Диас доби двојно повисока плата и во наредните шест години ќе добива 165.000 фунти неделно.

Португалецот пристигна од Бенфика минатото лето и се етаблираше во еден од клучните играчи во тимот на Гвардиола.

Ханси Флик, потврди дека голманот на Баерн(Минхен, Мануел Нојер, ќе продолжи да ја носи капитенската лента кај „панцирите“.

„Да, Нојер ќе остане капитен на Германија. Нојер за мене е играч од светска класа и човек кој може да го води тимот“,  изјави Флик кој ќе дебитира на клупата в четврток на мечот со Лихтенштајн во квалификациите за Мундијалот.

Актуелниот англиски шампион Манчестер Сити го декласираше во саботата Арсенал со 5-0 (3-0) во рамки на првиот натпревар од 3. коло во Премиер лигата.

Стрелци за Сити беа Гундоган (7 минута), Торес (12, 84), Жезус (43) и Родри (53).

Арсенал, кој дербито во Манчестер го играше 55 минути со фудбалер помалку поради исклучувањето на Џака, го претрпе третиот пораз во новата сезона што за лондонскиот премиерлигаш е најлош старт од 1954 година.

Арсенал е последно пласиран на табелата со гол-разлика 0-9.

Напаѓачот Моис Кин е блиску до враќање во Јувентус. Торинскиот клуб се договори за закуп на фудбалерот со обврска да го откупи под одредени услови. Утре, 21-годишниот фудбалер ќе помине лекарски преглед за да го комплетира трансферот. Вкупниот износ на зделката ќе биде околу 20 милиони евра.

Кин се пресели од Јуве во Евертон пред две години за 25 милиони фунти. Неговиот актуелен договор со англискиот клуб истекува во 2024 година.

Италијанецот дебитираше за Јувентус во 2016 година, кога тимот го предводеше Масимилијано Алегри кој се врати во Торино ова лето. Минатата сезона, Кин играше за ПСЖ на позајмица.

Македонската репрезентација до 21 година ги започна подготовките за квалификациските натпревари против Франција во Ле Ман на 2. септември и против Србија на 7 септември во Охрид на стадионот „Билјанини Извори“.

Селекторот Драги Канатларовски се соочува со проблеми поради отсуството на Марио Младеновски (Ботев Пловдив), Адриан Хајдари (Рапид Виена) и Димитар Тодоровски (Работнички). Тројцата поради позитивен Ковид-19 тест ќе ги пропуштат двата воведни натпревари од квалификациите за ЕП 2023. Амел Рустемоски од швајцарски Вил поради повреда заработена на клупскиот тренинг не е во можност да се стави на располагање за првиот меч против Франција.