Женската ракометната репрезентација на Македонија успеа да ја победи Белгија со 33-28 во последниот меч од квалификациите за Европското првенство (ЕП) 2026 кој се одигра во Куманово. Ракометарките така им се реваншираа на Белгијките за поразот во првиот меѓусебен дуел во Хаселт и квалификациите ги завршуваат на третото место на табелата.

Натпреварот започна ефикасно исто како и во Белгија а на полувреме Македонија замина со предност од 17-14. На стартот на вториот дел повторно Макеоднија и дозволи на Белгија да се закани, но овој пат одличната голманка Андреа Илиќ беше на голот на нашата репрезентација. Во 45. минута дојде до бројката од 11 одбрани, нападот тоа го награди и Македонија ја врати највисоката предност од четири гола, 26-22.

Марија Јанкуловска имаше одличен меч со осум гола, додека Сара Стефаноска, Ива Младеновска и Јована Кипријановска постигнаа по шест гола. Учинокот на голманката Андреа Илиќ со 12 одбрани беше многу важен на овој натпревар. Кај Белгија, Неле Антонисен беше најдобра со 13 гола.

Македонија сега го чека расплетот во другите групи, за да види дали на крајот ќе биде меѓу најдобрите третопласирани селекции за место на ЕП 2026. Четири најдобри од шесте трети селекции одат на ЕП.

Екипата на Алкалоид забележа две победи во ист ден. По Радовиш во полуфиналето, тимот на Лазаров го совлада и Пролет 62 (34-18) и обезбеди место на Ф4-турнирот од Купот на Македонија.

Покрај Алкалоид, на завршницата од Купот на Македонија ќе играат уште Вардар 1961 и РК Е.Пелистер се чека на уште еден учесник по крајот на турнирот во Охрид.

Женската македонска ракометна репрезентација денес ја очекува дуелот од квалификациите за Европското првенство 2026 против Белгија.

Селекторот Кристијан Грчевски беше принуден да повика нова ракометарка.На националниот тим се приклучи Сара Стефановска, членка на романскиот тим Залау. Таа доаѓа на местото на Ивана Арсениевска, која се повреди. На првиот натпревар одигран во саботата македонските ракометарки загубија со 26-25.

Денешниот дуел се игра во Куманово, а почетокот е во 17;00 часот

Ракометарите на Еуроафрм Пелистер се пласираа на „фајнл-фор“ турнирот во Купот на Македонија, откако го совладаа составот на Прилеп со 30-28 (14-14) и се изборија за место меѓу најдобрите четири во завршницата на Купот, која ќе се игра во април. Прилепчани одлично парираа, дури во неколку наврати и водеа, но на крајот искусните пелистерци успеаја да се пласираат на завршниот турнир. Иако настапи без Кузмановски, Хаидарирад, Манасков, Граховац и Павле Атанасијевиќ, тимот на Стевче Алушовски дојде до победата.

Во првиот дел гостите играа рамо до рамо со шампионот и се изборија за егал резултат на пауза. Сепак, на стартот од вториот дел влегоа во мини-криза, која пелистерци ја искористија со серија од 4-0 и резултатски побегнаа на 25-21. Еурофарм Пелистер искусно го сочува водството и покрај тоа што повторно настапи со комбиниран состав и на крај славеше со минимални 30-28. Во 48. минута заради три исклучувања црвен картон доби Ник Хенигман.

Кај победникот се истакнаа Анџеј Видомски со седум и Петар Атанасијевиќ со шест гола. Кај поразениот тим најпрецизен беше Денис Шабановиќ со седум погодоци.

Неверојатен натпревар денеска одиграа младинците на РК Мулти Есенс, кои со 86-17 (42-8) славеа во мечот со РК Вардар Неготино во рамки на шампионатот на Македонија.

Покрај неверојатно убедливата победа за домашните, мечот ќе остане во историјата како натпревар на кој еден ракометар постигна рекордни 37 гола.

Станува збор за кадетскиот репрезентативец на Македонија, Бобан Поповски, кој имаше рекордна вечер за паметење.

Македонија и градот Скопје ќе бидат домаќини на големо светско ракометно натпреварување. На Ракометната федерација на Македонија ѝ е доверена организацијата на младинското Светско првенство, кое ќе се одржи во периодот 23 јуни до 4 јули 2027 година.

На ова престижно натпреварување ќе настапат најдобрите млади ракометари до 21 година од целиот свет, а Македонија и градот Скопје повторно ќе бидат во фокусот на светската ракометна сцена.

„Ракометната федерација на Македонија продолжува посветено да работи на развојот и популаризацијата на ракометот, како и на промоцијата на Македонија како домаќин на големи меѓународни спортски настани.

Воедно, изразуваме благодарност до Меѓународната ракометна федерација (IHF) за укажаната доверба и можноста Македонија повторно да биде организатор на едно вакво значајно светско натпреварување“, стои во објавата на Ракометната федерација на Македонија.

Ракометарите на Еурофарм Пелистер на најдобар можен начин се дојавија од Европа пред битолската публика, бидејќи на последниот меч пред своја публика режираа вистински спектакл.

Македонскиот првак во последната рунда ќе има гостување кај Барселона, но пред да мисли на тоа, на последниот меч на домашен терен одигра фајтерски против моќниот ПСЖ и на крајот се избори за бод на херојски начин (34-34).

ПСЖ диктираше цел натпревар, се чинеше дека е за нијанса подобар тим од оној кој го предводи Алушовски, но непоколебливите домаќините во последната минута постигнаа два гола и избегнаа пораз. При резултат 32-34 се доби впечаток дека Еурофарм Пелистер ќе доживее уште еден тесен пораз, но во финишот следеше рапсодија на теренот, во која Дејан Манасков постигна гол во завршните секунди за 34:34 и ерупција на трибините.

Јунакот Манасков го заврши мечот со пет гола зад своето име, додека прво име во претходниот дел од мечот беше капитенот Филип Кузмановски кој запиша дури десет реализации.

Ракомет
Лига на шампиони 2025/26
Б група

1. коло:

Еурофарм Пелистер – ПСЖ 34-34 (15-18)

Спортска сала „Боро Чурлевски“ – Битола
Гледачи: 3.300
Судии: Денис Болиќ и Христоф Хулич

Еурофарм Пелистер:
Митревски, Хаидарирад, Кузмановски 10, Манасков 5, Видовски 4, Тајник 4, Хенигман 4, Хосни 3, Граховац 1, Радивојевиќ 1, Пешевски 1, Пав. Атанасијевиќ 1, Ристевски, Хакбарт, Абутовиќ, Пет. Атанасијевиќ
Седмерци: 6/5
Исклучувања: 6 минути

ПСЖ:
Грин. Ловквист, Омар Јахија 10, Сипжак 6, Пранди 5, Карлсон 3, Гребиј 3, Стеинс 2, Соле 2, Мараш 1, Хелдал 1, Пелека 1, Конан, Карабатиќ, Годин, Лоредон
Седмерци: 4/3
Исклучувања: 8 минути

Во последното 14. коло Еурофарм Пелистер в среда гостува во Барселона.

Наредната година Македонија ќе биде домаќин на еден голем ракометен настан каде ќе се соберат најголемите таленти од светот. Имено, Скопје и Македонија ќе бидат организатори на Светското машко младинско ракометно првенство во 2027 година, шампионат кој се одржи од 23 јуни до 4 јули.

-На ова престижно натпреварување ќе настапат најдобрите млади ракометари до 21 година од целиот свет, а Македонија и градот Скопје повторно ќе бидат во фокусот на светската ракометна сцена.

-Ракометната федерација на Македонија продолжува посветено да работи на развојот и популаризацијата на ракометот, како и на промоцијата на Македонија како домаќин на големи меѓународни спортски настани.

-Воедно, изразуваме благодарност до Меѓународната ракометна федерација (IHF) за укажаната доверба и можноста Македонија повторно да биде организатор на едно вакво значајно светско натпреварување, -порачаа од РФМ.

Ракометарите на Вардар 1961 обезбедија пласман во плејофот во Лига Европа, откако вечерва на домашен терен ја совладаа Бенфика со 33-27 и ја забележаа третата победа во четвртиот натпревар во рамки на групата 3.

Со вечерашниот триумф „црвено – црните“ го обезбедија второто место во групата пред завршниот натпревар против Мелсунген на 10 март на кој со евентуално победа или реми ќе завршат првопласирани и ќе обезбедат директен пласман во четвртфиналето

Силно мотивиран и помогнат од бучната публика во салата „Јане Сандански“ ракометарите на Вардар добро го отворија натпреварот и на средината од првото полувреме имаа предност од 10-6.

Бенфика до крајот на полувремето успеа да намали на гол негатива (14-15), но Вардар го одби нападот на португалскиот тим и со серија од 6-1 дојде до највисока предност од седум голови (27-20) во 48 минута.

Уследи серија на Бенфика од 4-1, но по тајмаутот на тренерот Чупиќ, „црвено – црните“ ги консолидираа редовите и со голот на Малус во завршниот напад дојдоа до победа од шест голови разлика со која му се реваншираа на португалскиот тим за поразот од 40-35 во Лисабон.

Малус беше најефикасен во редовите на Вардар со девет голови, еден повеќе од Воркапиќ, додека Валах запиша шест, а Еспиња три интервенции на голот.

Пред завршното коло, Вардар е лидер во групата со шест бодови, колку што има и второпласираниот Мелсунген, додека Бенфика на третото и Кристијанштад на четвртото место имаат по четири бодови.

Ракометната федерација на Македонија (РФМ) денеска ги извлече групите за втората фаза од ракометниот Куп на Македонија, по која следи завршиот Ф4-турнир.

Фаворитите имаа статус на носители и не се во иста група, а РФМ воедно ги покани сите заинтересирани страни кои сакаат да бидат организатори, да достават барање до канцеларијата на РФМ.

Група А:
Бутел Скопје – Вардар 1961
Мулти Есенс – Еурофарм Пелистер 2

Група Б:
Пролет 62 – Македонија ЃП
Радовиш – Алкалоид

Група В:
Тиквеш – ГРК Охрид
Куманово – Младост Богданци

Група Г:
Струга – Еурофарм Пелистер
Прилеп – Драчево

Натпреварите од Купот на Македонија се играат овој викенд.