Иако управата на РК Вардар 1961 направи максимум да го продолжи договорот со Дмитро Хориха, сепак левиот бек од следната сезона нема да игра во Македонија.

Украинецот со македонски пасош постигнал договор со унгарскиот гигант ПИК Сегед, информација која ја потврди и тренерот Иван Чупиќ во интервју за „Спортске новости“.

Во следните неколку сезони Хориха ќе ги брани боите на тимот од Сегедин.

„Вардар четири години не игра во Лигата на шампионите, три не е на тронот во Македонија. Имаме наши цели. Бараме две засилувања. Ако успееме, верувам дека тоа ќе биде тоа. Следната сезона Хориха оди во Сегед, доаѓа Љевар. Дојдоа Воркапиќ и Силва, побрзо од планираното затоа што останавме без Талески и Борозан. Доаѓа и Бомоштар, а ќе видиме уште кој друг“, изјави Чупиќ.

Македонската ракометна репрезентација ја очекува пријателски натпревар против Австрија на гостински терен во Брегенц на 21. март од 18:00 часот. Ова ќе биде „филтер“ пред баражот за пласман на Светското првенство идната година со победникот од дуелот помеѓу Украина и Словачка.

Селекторот Кирил Лазаров напомена дека тестот со Австрија ќе биде добра подготвка за неговите избраници, и на овој натпревар ќе се пробуваат некои нови ракометари и нови варијанти, а исто така и резултатот ќе биде важен.

„Треба да бидеме задоволни затоа што со настапот на Европското првенство го избегнавме првиот бараж, така ќе имаме шанса порекалсирано да пробаме нешто и некои нови играчи кои во иднина би можеле да придонесат. Австрија е квалитетен противник, секако дека нема да одиме да изгубиме, сакаме да победиме, но резултатот нема да е во прв план, ќе пробаме работи што можеби би ги користеле во баражот.

Во баражот Македонија ќе игра против подобриот од дуелот помеѓу Украина и Словачка.

„Го чекаме тој двобој да видиме како ќе заврши за да можеме квалитетно да се подготвиме. Кога е репрезентацијата во прашање во секој момент треба да се искористи да се даде шанса на некој нов играч да видиме дали би можеле да го користиме на големи натпреварувања со силни противници. Избравме силен тим на гостински терен затоа што првиот натпревар го играме на гости и тоа ќе биде една добра и ментална подготвка. Австрија правеше проблеми и на многу посилни репрезентации од нас како на Европското првенство, така и на минатиот Мундијал“, истакна Лазаров.

За Лазаров не е премногу важно кој ќе биде нашиот противник, а очекува неизвесна битка помеѓу нашите потенцијални противници.

„Од материјалите што гимаме на хартија Украина е фаворит, но до последен момент мислам дека нема да го знаеме противникот, двете репрезентации играат различен ракомет. Наше е да се подготвиме, нема да биде лесно, ќе бидеме во улога на фаворити, не сме навикнати да имаме една таква улога. Најважно е да посакаме да бидеме здрави, има многу време и многу натпревари за ракометарите во клубовите, па затоа сакаме пред се сакам сите да сме здрави“, заврши селекторот.

Ова ќе биде единствениот тест на нашата селекција пред мундијалскиот бараж во мај против подобриот од двомечот на Украинците и Словаците.

По Европското првенство во Данска повторно е време за репрезентативниот ракомет. Репрезентацијата на Македонија ќе го искористи празниот ЕХФ прозорец во март за да тестира против селекцијата на Австрија. Пред нашите момци е тест на силите за претстојниот бараж за Светското првенство кое се игра следниот јануари.

По завршувањето на клупските обврски овој викенд, репрезентацијата се собра во хотелот „Александар Палас“ во Скопје.

Селекторот Кирил Лазаров иако е пријателски меч повика силен ростер на играчи, но ќе недостигаат неколку важни имиња. Поискусните Митревски, Пешевски и Маркоски се отсутни, повреден е Ѓорѓиев, додека отпадна и Марко Стојковиќ. На неговото место пред собирот беше повикан Кристијан Анастасовски од Вардар.

Македонија ќе одржи неколку тренинзи во Скопје, а потоа ќе отпатува за Брегенц каде што на 21 март во 18:00 часот е закажан дуелот со Австријците.

Еурофарм Пелистер и Вардар одиграа уште едно квалитетно македонско ракометно дерби, а поуспешни на крајот беа гостите од Скопје, кои подобро се снајдоа во завршниот период и заслужено стигнаа до победа со резултат 22-27.

Битолчани го контролираа резултатот во првиот дел и на одмор заминаа со гол предност (12-11), а двете екипи долго не дозволуваа одлепување на противникот, барем се додека Вардар не дојде до 19-22.

Еурофарм Пелистер не успеа целосно да се врати во натпреварот, а во обидот да ја стопи негативата беа исфорсирани неколку завршници кои не завршија со реализација, а Вардар казнуваше на спротивната страна и стигна до убедлив триумф.

Малус со осум и Лазаревски со седум голови беа најдобри поединци во победничкиот состав, додека кај Еурофарм Пелистер, Кузмановски и Манасков беа дел од групата ракометари со по три погодоци.

Во следното трето коло Еурофарм Пелистер гостува кај Бутел Скопје.

Македонскиот репрезентативен голман Мартин Томовски продолжува со извонредните партии во дресот на Битигхајм.

Во рамките на германската Втора лига, Томовски брилјираше на голот на својот клуб на мечот со Ферндорф со 12 успешни интервенции.

Битигхајм славеше со 39-28, а нашиот репрезентативец имаше извонредна вечер со над 30% одбранети удари.

Тимот на Томовски е лидер во Втората лига.

Дерби натпреварот од второто коло ракометниот плеј оф од Супер лигата во ракомет меѓу првакот Еурофарм Пелистер и лидерот Вардар ќе се игра пред полна сала во Битола.

Домаќинот на натпреварот објави дека салата „Боро Чурлевски“ е распродадена, а најавено е присуство на гостински навивачи.

Почетокот на дуелот што се игра во недела е во 19 часот, а натпреварот ќе го судат Исмаил Металари и Ненад Николовски, додека делегати се Марјан Начевски и Лери Мирчески.

Вардар е лидер на табелата со 44 бодови, додека Еурофарм Пелистер е втор со 40.

Селекторот на македонската ракометна репрезентација, Кирил Лазаров, го објави списокот на ракометари за претстојниот натпревар против Австрија, при што во составот има неколку промени во однос на претходните собири.

Лазаров се одлучи за состав со неколку нови имиња. Македонската селекција ќе се подготвува за дуелот со Австрија, кој се очекува да биде важен тест за формата на тимот и можност за проверка на новите ракометари во составот.

Селекторот Кирил Лазаров ја предводи репрезентацијата од 2021 година и продолжува да гради нова генерација на националниот тим.

Вардар 1961 одигра уште еден одличен европски меч, овој пат за директен пласман во четвртфиналето во Европската лига. Македонскиот тим на гостувањето кај Мелсунген славеше со 25-34 и заврши на првото место во својата група 3 во главната рунда.

За место на завршницата „црвено-црните“ ќе играат со подобриот од мечот меѓу Монеплје и Елверум.

Да Силва постигна шест гола, исто колку и Воркапиќ, додека стрелец на пет гола беше Боно.

Во првите десет минути Вардарци отворија со 1-6, но потоа застанаа, пад во играта беше доволен знак за да домашниот тим врати со серија од 5-1 и израмни на 7-7 на средината на првото полувреме.

Иван Чупиќ повика тајм-аут, а неговите момци одговорија на ист начин, со серија од 5-1 поведоа со 8-12 во 23 минута. На одморот резултатот беше 12-17.

Со головите на Лазаревски и Тузолана, и една одбрана на Валах, Вардар за само три минути игра поведе со 12-20.

Од овој момент, неколку судиски одлуки и исклучувања, Мелсунген со 7-3 дојде на 19-23.

На стартот на 50. минута, Вардар со головите на Гоце Георгиевски и Воркапиќ зголеми на 20-28. Оваа позитива се покажа како повеќе од доволна за победа за „црвено-црните“.

Поранешниот македонски селектор и тренер на Вардар, Раул Гонзалез седнува на клупата на РК Партизан од Белград.

Шпанецот моментално е селектор на Србите, а од од јуни седнува и на клупата на Партизан.

Веќе претходно клубот соопшти дека сегашниот тренер Ѓорѓе Чирковиќ ќе замине по крајот на тековната сезона, а за нов тренер беше официјално промовиран Раул Гонзалез.

Екипите на Вардар, Еурофарм пелистер, Алкалоид и Охрид ќе бидат учесници на завршниот турнир од Купот на Македонија во ракомет. Денеска со одигрувањето на последниот финален меч од групната фаза, екипата на Охрид го комплетираше составот на завршниот турнир. Охриѓани денеска беа подобри од МРК Куманово со 35-18.

Вчера во преостанатите три финални дуели во четирите групи победи обезбедија и Вардар, Еурофарм Пелистер и Алкалоид. Останува да го очекуваме финалниот турнир на кој ќе се појават четирите најдобри состави и од домашниот шампионат.