Амброш Мартин е нов тренер на словенечкиот Крим Меркатор, јавија регионалните медиуми. Соработката со Мартин доаѓа откако оставка поднесе Драган Аџиќ, а договорот со новиот стратег е со важност до крајот на тековната сезона.

Се работи за одличен стручњак со богато резиме, дури четири пати ја освои Лигата на шамионите со унгарскиот Ѓер и петпати беше избран за најдобар тренер во елитното натпреварување.

Беше селектор на Русија и Романија и Шпанија, а на клупски план го предводеше и тимот на Ростов. 56-годишниот Шпанец пристигна во Словенија и веднаш започна со подготовки за следните предизвици во Лигата на шампионите.

Данскиот ракометар Хенрик Мелгард ја игра последната сезона во неговата играчка кариера.

39-годишниот ракометар на Алборг одлучи дека е време да се пензионира, но и понатаму ќе остане во ракометните води.

Како што е познато, Мелгард ќе се врати во таборот на ,,светците” и ќе биде асистент на неговиот сонародник Стефан Мадсен.

Мелгард и Мадсен со францускиот клуб се договорија на соработка, која ќе биде со важност од две сезони.

Ракометарот на Магдебург и репрезентативец на Шведска Оскар Бергендал, се повреди на натпреварот со Гумерсбах од Бундес лигата и го чека подолга пауза од ракомеатните терени.

Според информациите што ги објави бундеслигашот, станува збор за повреда на скочниот зглоб што ќе го оддалечи Бергендал три месеци од терените.

Тоа значи дека кружниот напаѓач нема да настапи на претостниот Мундијал во Данска, Хрватска и Норвешка.

Ракометарките на Норвешка ја одбранија титулата на Европскоот првенство. Во реприза на финалето од 2022 година, Норвежанките ја победија Данска со 31-23 (13-12). Во мечот за бронзениот медал, Унгарија ја победи против Франција со 25-24 (13-12).

Според очекувањата, финалниот меч донесе експлозивен ракомет, исклучително брза игра, многу одлични одбрани, многу убави акции. и голови. Данска имаше предност во поголемиот дел во првото полувреме, највисока од два гола, но на полувремето Норвешка водеше со 13-12.

На почетокот на вториот дел Данска удри во норвешкиот одбранбен ѕид. Од друга страна, следеше серија лесни голови од транзиција за 16-12. Тука беше јасно дека Данска не може да им парира на Норвежанките.

Кога Норвешка стигна до 21-14, јасно беше дека ќе ја одбрани титулата. Норвежанките јубилеен 10 пат станаа европски шампионки, претходно најдобри беа во 1998, 2004, 2006, 2008, 2010, 2014, 2016, 2020 и 2022 година.

Норвешка ја предводеше Ела Рајстад со осум голови. Шест постигна Емили Ходвен, а Камила Херем четири. За Данска, Мие Хојлунд и Ен Мете Хансен постигнаа по пет гола.

Македонската женска ракометна репрезентација го доби противникот во бараж натпреварот за пласман на Светското првенство 2025 година. „Црвено-жолтите“ ќе ги одмерат силите против .

Првиот натпревар ќе се одигра на 9/10 април 2025 година, а потоа и реваншот неколку дена подоцна на 12/13 април. Полска ќе биде на домаќин на првата средба, додека вториот меч ќе се игра во Скопје.

Репрезентациите на Норвешка, Данска и Унгарија ќе се пласираат директно на СП 2025, а истото важи и за Франција, Германија и Холандија.

Македонија има пет учества на Светските првенства, последното е во 2007 година.

Местото на Кастратовиќ меѓу ракометните легенди беше од претходно најавено, а се одржа свечената церемонија на која ЕХФ и официјално ги претстави новите членови.

Од поодамна Кире Лазаров е член на „Куќата на славните“, па и тој беше дел од церемонијата.

Mеѓу одбраното друштво влегоа следните ракометари и ракометарки:

ГОЛМАНИ
• Андреас Тиел / Германија
• Матс Олсон / Шведска
• Дејан Периќ / Србија
• Луминица Хуцупан Дину / Романија

ЛЕВО КРИЛО
• Герго Иванчик / Унгарија

ЛЕВИ БЕКОВИ
• Никола Карабатиќ / Франција
• Микел Хансен / Данска
• Кармен Амариеи / Романија
• Ања Андерсен / Данска

ЦЕНТРАЛНИ БЕКОВИ
• Љубомир Врањеш / Шведска
• Енди Шмид / Швајцарија
• Миа Хермансон-Хогдал / Шведска
• Стине Офтедал Дамке / Норвешка

ДЕСНИ БЕКОВИ
• Фолкер Цербе / Германија
• Стафан Олсон / Шведска
• Индира Кастратовиќ / Македонија
• Марта Манге / Шпанија

ДЕСНИ КРИЛА
• Лук Абало / Франција
• Иван Чупиќ / Хрватска

ПИКЕРИ
• Игор Вори / Хрватска

ДЕФАНЗИВЦИ

• Виран Морос / Шпанија

Европската ракометна федерација (ЕХФ) објави дека Франција и Германија ќе бидат домаќини на Европското првенство за мажи во 2032 година.

Тоа натпреварување ќе се игра од 15 јануари до 1 февруари на четири локации во Германија и две во Франција.

„Франција ќе биде домаќин на две групи во прелиминарната рунда, како и на репрезентативната група на Франција во текот на главната рунда“, соопшти Француската ракометна федерација (ФФХБ).

Полуфиналните и финалните натпревари ќе се играат исклучиво во Германија.Една од салите на овој шампионат ќе биде Дефанзивната арена во Париз, која беше домаќин на пливачкиот турнир на годинешните Олимписки игри.

Германија, Данска и Полска ќе бидат домаќини на Европското првенство за жени во 2032 година, додека Данска, Полска и Чешка ќе бидат домаќини на Европското првенство за мажи во 2030 година.

Не е објавено кој ќе биде домаќин на Европското првенство за жени во 2030 година, додека ФФХБ изјави дека Франција „би можела да се пријави заедно со друга земја, доколку ЕХФ повторно ги отвори апликациите“.

Германија беше домаќин на овогодинешното Европско првенство во ракомет за мажи, додека Франција веќе беше домаќин на Европското првенство за жени во 2018 година.

Хесус Навас ги одигра последните 70 минути во кариерата на „Рамон Санчез Писхуан“. Соиграчите го почестија со триумф над Селта 1-0. Голот за победа го постигна Хави Буено во 65.минута. Буено, прв пат беше стартер оваа сезона во Примера, а го одигра дветтиот меч за сениорскиот тим.

Натпреварот во Севилја имаше емотивен почеток и крај. Хесус Навас реши да стави крај на кариерата. Официјално во пензија ќе замине наредниот викенд кога Севилја ќе му гостува на Реал.

Вечерва Навас го одигра последниот меч во кариерата пред домашната публика.

Пред почетокот на натпреварот Навас, придружуван од синовите, излезе на теренот, фудбалерите на двата тима му направија шпалир.

На центарот го чекаа сите трофеи што ги освои со Севиља за време на 18-те години во првиот тим (од 2013 до 2017 година играше за Манчестер сити). Навас со Севилај освои четири трофеи во Лига Европа, два трофеи во Копа дел Реј, еден Суперкуп на Шпанија и еден Суперкуп на Европа. Тој е најтрофејниот фудбалер на клубот од Андалузија.

Во кариерата со Шпанија два пати бил европски и еднаш светски првак.

Навас теренот во солзи го напушти во 70.минута, а не можеше да ги задржи емоциите и по завршувањето на натпреварот.

Ракометарите на Еурофарм Пелистер го совладаа Вардар со 35-33 во дербито на колото во домашниот ракометен шампионат.

\Вечерва во Битола домашните на полувреме имаа големи +9, но во вториот дел целосно потфрлија, па Вардар во финишот се приближи и на еден гол разлика, но не успеа да направи целосен пресврт.

Радивојевиќ постигна 13 гола, Кузмановски осум, а Митревски имаше 12 одбрани. Кај Вардар Крсманчиќ постигна девет гола.

Лидерот Алкалоид ја запиша тринаесеттата првенствена победа во Суперлигата и ќе го одбрани првото место на табелата и по актуелното претпоследно коло во 2024 година.

Алкалоид вечерва гостуваше кај екипата на Прилеп и запиша убедлива победа од десет гола разлика, на ефикасен натпревар на кој беа постигнати вкупно седумдесет погодоци (30-40).

Фаворитската улога беше доделена на Алкалоид пред натпреварот, а Кирил Лазаров и неговите избрани ракометари целосно ја оправдаа и го контролираа натпреварот уште од почетокот.

Александар Петковски, одигра уште еден одличен натпревар и постигна девет гола, следен од Игор Ѓоргиев кој постигна пет.

Во следното, последно коло во 2024 година, Алкалоид на домашен терен го пречекува тимот на ГРК Тиквеш од Кавадарци. Тој меч ќе се игра на 18 декември во Автокоманда со почеток од 17:00 часот.