Макс Верстапен победи на трката за Големата награда на Мексико, пред Луис Хамилтон , но приказната на денот е Андреа Кими Антонели. Италијанецот трката ја заврши на третото место и со 19 години и 68 дена стана најмладиот светски првак во историјата. Мерцедес повторно има шампион по 2020 година, а Италија го доби првиот шампион по 73 години кога шампион беше легендарниот Алберто Аскари.

Што се однесува до трката на автодромот „Ерманос Родригез“, која се одржа како 19-та рунда од сезоната, победата ја однесе Ферстапен, со помалку од секунда предност во однос на Луис Хамилтон во Ферари. Холанѓанецот со тоа го забележа својот трет триумф оваа сезона, а 74-ти во кариерата. Антонели беше две секунди зад Хамилтон на третата позиција.

Гран При на Мексико имаше два дела, бидејќи беше прекината од сериозен инцидент во кој возачот на Кадилак, Валтери Ботас, претрпе оштетување на суспензијата, тркалото се откина и тој се удри во заштитната ограда.

Бидејќи оградата беше многу оштетена, беше истакнато црвеното знаме, а прекинот тр

Шпанскиот мотоциклист Марк Маркез чекори кон 10. титула во кариерата, откако денеска славеше на трката за Големата награда на Малезија, а во прилог му беше и повредата на најголемиот конкурент Хорхе Мартин од Априлија.

Маркез ја запиша 106. победа во професионалната кариера и уште еднаш покажа зошто е еден од најдобрите возачи во историјата на Мото ГП шампионатот.

Возачот на Дукати одлично реагираше на стартот и го презема водството пред неговиот брат Алекс Маркез, по што ја градеше предноста во однос на ривалите. Зад него голема борба водеа Алекс, Педро Акоста и Марко Бецеки.

Марк Маркез во генералниот пласман води со 399 бодови, додека Мартин е на втората позиција со 355 поени, а Бецеки е трет со 332 бода.

Луис Хамилтон ја освои првата пол-позиција за Ферари во тековната сезона, во првенството во Формула 1. Британецот до 105-та пол-позиција во кариерата, дојде пред сонародникот Џорџ Расел од Мерцедес и тимскиот колега Шарл Леклер.

Седумкратниот светски шампион му ја донесе на Ферари првата пол позиција во новата ера на автодромот „Ерманос Родригез“, во Мексико Сити, со круг од 1:16.514 минути.

Најблиску до Хамилтон беше Џорџ Расел во Мерцедес, кој заостануваше само девет илјадити делови од секундата. Двајцата се потрудија да се стават во позиција да триумфираат во Мексико Сити и да останат во конкуренција за титулата.

Сепак, сè зависи од лидерот во генералниот пласман, Кими Антонели, кој беше петти во квалификациите, но ќе стартува четврти благодарение на казната што ја доби Макс Ферстапен.

За младиот Италијанец да биде крунисан утре, четири трки пред крајот на сезоната, доволно е да освои два бода.

Италијанецот, кој триумфираше во Тексас минатиот викенд, има предност од 123 бода во однос на Расел и 124 во однос на Хамилтон.

Актуелниот шампион Ландо Норис имаше шесто време, по него следеше вториот возач на Ред Бул, Исак Хаџар, додека Лијам Лосон беше осми. Новозеланѓанецот, како и Ферстапен, беше казнет со поместување за една позиција назад, што ќе му користи на неговиот тимски колега Арвид Линдблад, додека 10-то место на стартот ќе го заземе Пјер Гасли од Алпин.

Трката за Големата награда на Мексико на програмата е во недела во 21:00 часот.

Денешниот ден донесе две важни сесии во Малезија, каде на патеката во Сепанг најпрво гледавме квалификации за главната трка која се вози утре, како и спринт возбудувања кои донесоа и завршна драма поради дожд на стазата.Алекс Маркез му ја украде пол-позицијата на својот брат Марк во квалификациите, но помалиот од браќата не успеа да стигне до победа во спринтот, иако тргна навистина добро на стартот.Младиот Шпанец успеа да биде побрз за половина секунда пред својот сонародник Марк Маркез, кој во голем дел од трката беше внимателен и возеше зад водечките во услови кога почна да врне.

Британскиот возач Луис Хамилтон ја освои пол-позицијата за Големата награда на Мексико, додека Андреа Кими Антонели може да испише историја и да стане најмладиот светски шампион во Формула 1.

Хамилтон беше најбрз во квалификациите на патеката „Ерманос Родригез“, со време од 1:16.514 минути, а тоа за него е прва пол-позиција со Ферари.

Второто место му припадна на Џорџ Расел од Мерцедес, додека трет заврши Шарл Леклер. Макс Верстапен беше зад најдобрите тројца, а на стартот ќе има и казна од едно место.

Во центарот на вниманието е и Антонели, кој во Мексико има можност математички да ја обезбеди шампионската титула. Италијанецот има голема предност во генералниот пласман, а за да ја потврди титулата ќе треба да ја заврши трката на деветтото место или подобро, под услов да ги исполни и останатите услови во однос на ривалите.

Трката за големата награда на Мексико се вози в недела од 21.00 часот.

Судот за спортска арбитража пресуди дека руските хокеарски репрезентации можат да учествуваат на светските првенства во машка и женска конкуренција следната година, поништувајќи ги со тоа одлуките на Меѓународната федерација во хокеј на мраз (IIHF) за нивно исклучување од меѓународните натпревари.

Судот со седиште во Лозана ги потврди жалбите поднесени од Руската хокеарска федерација против одлуката на IIHF да им забрани на руските екипи да учествуваат во натпреварувачката сезона 2026/2027.

Судот образложи дека IIHF не доставил доволно докази за да ја оправда својата проценка дека безбедносните проблеми бараат континуирано исклучување на Русија од натпреварувањето.

Првиот турнир на кој руските репрезентации ќе се вратат на меѓународната сцена е Светското јуниорско првенство во хокеј на мраз во Канада, кое започнува на 26 декември.

Долгоочекуваната пресметка меѓу Тајсон Фјури и Ентони Џошуа веќе ги предизвикаа првите сериозни прогнози во боксерскиот свет. Поранешниот светски шампион Џорџ Гроувс смета дека Фјури е јасен фаворит и дека би можел да ја заврши борбата уште во почетните рунди.

Двата британски боксери ќе се соочат на 11 декември во „Принсипалити стадионот“ во Кардиф, во спектакл кој се очекува да привлече околу 80.000 гледачи.

Гроувс верува дека физичката предност на Фјури, неговата висина и тежина ќе бидат пресудни во дуелот со Џошуа.

„Мора да го изберете Фјури како убедлив фаворит. Штом го погоди Џошуа, мислам дека ќе го нокаутира. Ова е борба со огромен притисок и не верувам дека ќе има многу тактизирање. Во моментот кога Џошуа ќе прими чист удар, мислам дека ќе заврши на подот“, смета Гроувс.

Министерот за спорт, Борко Ристовски, денеска оствари средба со македонскиот мотоциклист Христијан Бузалковски и му честиташе за освоеното второ место во генералниот пласман во ФИМ Европскиот шампионат во брзински мотоциклизам.

-Со освојувањето на европската вицешампионска титула, Бузалковски ја заокружи извонредната сезона во ова престижно натпреварување, постигнувајќи го најголемиот успех во историјата на македонскиот мотоциклизам, соопшти Министерството за спорт.

Министерот Ристовски му упати честитки за успехот и за одличната сезона и истакна дека Министерството за спорт секогаш ќе го вреднува успехот и ќе биде поддршка за спортистите кои достојно ја претставуваат Македонија.

-Освојувањето на европската вицешампионска титула е голем успех за Христијан, но и за македонскиот мотоспорт. Ваквите резултати заслужуваат почит и поддршка. Како Министерство за спорт, ќе продолжиме да ги вреднуваме спортските достигнувања и да создаваме услови за развој на спортистите кои со својата работа и посветеност достојно ја претставуваат Македонија на меѓународната спортска сцена, истакна Ристовски.

Како што се наведува во соопштението, Бузалковски се заблагодари за приемот и честитките, изразувајќи посебна благодарност за поддршката што ја добива од министерот Ристовски и од Министерството за спорт, која, како што истакна, има значајно место во неговиот натпреварувачки пат и во остварувањето на овој историски резултат.

Министерството за спорт информира дека „ќе продолжи да ги поддржува спортистите и спортските резултати кои придонесуваат за афирмација на македонскиот спорт на европско и на светско ниво“.

Само шест дена по скршеницата на зглобот во Австралија, Мартин доби дозвола да се врати на патеката. По првиот тренинг ќе следува нов лекарски преглед.

Одлични вести за Хорхе Мартин! Возачот на Aprilia Racing доби дозвола да настапи на првиот слободен тренинг (FP1) во петок наутро, откако денеска успешно го помина лекарскиот преглед на патеката „Петронас Сепанг“ во Малезија.

Мартин, кој пред 19-тата рунда од шампионатот заостанува само 10 поени зад лидерот Марк Маркез (Ducati Lenovo Team), доживеа тежок пад за време на спринт трката на Филип Ајленд. При падот заработи скршеница без поместување на долниот дел од палечната коска (радиус) на десната рака, во близина на зглобот.

Повредата сериозно го доведе во прашање неговото учество на Големата награда на Малезија, особено поради краткиот период за закрепнување.

Сепак, помалку од една недела по несреќата во Австралија, светскиот шампион од 2024 година ќе се врати на патеката во Сепанг, во момент кога борбата за титулата во 2026 година станува сè понеизвесна.

Одбојкарите на УГД Штип одиграа многу подобро во реваншот против Орион старс, но тоа не беше доволно за посакуван триумф.

Македонскиот претставник загуби со 2-3 во сетови (25-23, 20-25, 25-21, 10-25, 10-15), по неизвесна пресметка во која имаше и свои моменти.

Штипјани добро го отворија натпреварот и го освоија првиот сет со 25-23, покажувајќи поголема концентрација кога се решаваше исходот.

Гостите возвратија во вториот сет, кој го добија со 25-20 за израмнување на 1-1.

Штип повторно ја презеде предноста со триумф од 25-21 во третиот сет, со што се врати надежта дека може да стигне до победата.

Сепак, четвртиот сет донесе целосен пад во играта на домашниот состав. Орион доминираше на теренот и убедливо го освои со 25-10, па победникот мораше да се решава во тај-брејк.

Во одлучувачкиот петти сет, гостинските одбојкари беа посигурни и со 15-10 го запишаа конечниот триумф од 3-2.

Во редовите на УГД Штип најмногу се истакна Љафтов со 17 поени, додека Стојан Илиев заврши со 15.

На спротивната страна најдобар поединец беше Воутер Тер Мат, кој освои 22 поени и имаше значаен придонес во победата на својот тим.