Трки од Мото ГП шампионатот од следната сезона ќе се возат во Казахстан, откако промоторот на натпреварувањето „Дорна“ потпиша петгодишен договор со организаторите.     

Трките ќе бидат организирани на новоизградената патека „Сокол“ на влезот во најголемиот казахстански фрад Алмати. Од премиерното издание на Мото ГП шампионатот во 1949 година, Казахстан ќе биде 30. земја која ќе организира трки во ова натпреварување, додека патеката „Сокол“ ќе биде 74. домаќин во „кралската“ класа. 

Датумот за премиерната трка во Казахстан ќе биде дополнително соопштен.

Поранешниот шампион на ВБА, ИБФ и ВБО во тешка категорија, Ентони Џошуа (26-3 победи-порази) одговори на предизвикот на шампионот на ВБЦ во тешка категорија, Тајсон Фјури (32-0), кој го повика Џошуа да потпише договор за борба до 26 септември.    

Потпишувам договори многу години. Ова одложување не зависи од мене, туку од адвокатите. Ако сте ја проучувале историјата на боксот, треба да знаете дека од правна страна се треба да биде совршено. За тоа е доброто управување и добрите адвокати. Секако дека ќе го потпишам договорот, рече Џошуа во видеото објавено на каналот „Boxing Social YouTube“. 

Фјури во последната борба го нокаутираше Дилијан Вајт (28-3) во шестата рунда. Мечот се одржа на 24 април во Лондон, Велика Британија. Џошуа загуби од Олександр Усик (20-0) на 20 август во Џеда, Саудиска Арабија.

Двократниот олимписки шампион, Елид Кипчоге, постави нов светски рекорд на маратонската трка во Берлин.

Триесет и седумгодишниот Кениец оствари време од два часа, една минута и девет секунди и за 30 секунди го подобри неговиот рекорд поставен на истата патека пред две години. Кипчоге на седумнаесет маратони има 15 победи од кои четири во Германија.

Тигист Асефа од Етиопија беше најбрза кај атлетичарките. Таа оствари време од 2 часа 15 минути и 37 секунди. Тоа е третиот најдобар резултат во историјата на трката.

На радост на бројните љубители на Формула 1, во објавениот нов календар на трки за 2023 година ќе бидат вклучени вкупно 24.

Од Ф1 потврдуваат дека во календарот остануваат легендарните стази во Монте Карло и Спа-Франкошамп.

Нова трка ќе се одржува во Лас Вегас, а во календарот се враќаат и трките во Катар и Кина. Новата сезона започнува во Бахреин на 5.март, а се завршува во Абу Даби на 26.ноември.

Според последните гласини, шефот на Дорна Спорт, сопственикот на комерцијалните права во Мото ГП, Кармело Еспалета, следната недела ќе ја посети Индија за официјално да го објави вклучувањето на земјата во календарот на шампионатот.

Најверојатно 2024 година е реално Индија да влезе во Мото ГП, иако некои информации велат дека тоа може да се случи и следнат година. Шампионатот ќе ја користи патеката Буд надвор од Њу Делхи, која помеѓу 2011 и 2013 година беше домаќин на единствените три изданија на Индиското ГП во Формула 1.

Пет кандидати се номинирани за наградата за најдобар млад спортист

„Пјотр Нуровски“, што ја доделува Европскиот олимписки комитет. За најдобар млад спортист во Европа за 2022 година конкурираат Ангелина Топиќ (атлетика – Србија), Дарија Атманов (гимнастика – Израел), Софија Далиду (веслање – Грција), Андреа Спендолини Сириекс (скокови во вода – Велика Британија) и Филипо Бертони (пливање – Италија).

Најдобриот млад спортист го избираат претставници на сите национални олимписки комитети од Европа. Наградата за најдобар млад спортист во Европа, „Пјотр Нуровски“ се доделува од 2010 година, кога беше востановена и именувана по трагично загинатиот претседател на Олимпискиот комитет на Полска, кој го загуби животот во авионска несреќа.

Филип Даглас Џексон (роден на 17 септември 1945 година) е американски поранешен професионален кошаркар, тренер и извршен директор. Како моќен напаѓач, Џексон играше 12 сезони во НБА, освојувајќи НБА шампионати со Њујорк Никс во 1970 и 1973 година.

Џексон беше главен тренер на Чикаго Булс од 1989 до 1998 година, што ги доведе до шест шампионски титули во НБА.

На 16 Септември 1953 година е роден Мануел Пелегрини, професионален фудбалски менаџер од Чиле кој моментално е менаџер на Реал Бетис. Во неговата кариера како тренер раководел со екипи во Шпанија, Англија, Аргентина, Чиле, Кина и Еквадор. Пелегрини има освоено национални лиги во четири земји.

На 15 Септември 1978 година Мухамед Али по трет пат го освои светскиот шампионат во бокс во тешка категорија со победата над Леон Спинс.

Каква легенда!