Познати се скоро сите учесниците на Зимските Олимписки Игри во Пекинг. Јамајка за првпат во својата историја ќе биде претставена со дури три екипажи во боб, потврди Олимпискиот комитет на Јамајка.

Потврден е настапот на трите екипажи во машка и женска конкуренција. Јамајка за првпат настапи во боб санкање на олимпискиот турнир во 1998 година во Калгари, а нивниот подвиг подоцна беше инспирација за филмот „Rasta Rockett-Cool Running“, кој доживеа голем успех. 

Еден од членовите на тој легендарен екипаж, Крис Стоукс, е актуелен претседател на федерацијата во боб-санкање на Јамајка.

Во пријателскиот натпревар кој се одигра вчера вечер футсал репрезентацијата на светскиот шампион Португалија ја победи Македонија со 3-1 во Лисабон.

Македонија одиграла еден одличен натпревар и после првото полувреме резултатот беше 1-1. Коељо погоди за водство на Португалија во 19. минута, а Македонија изедначи преку Рамадани две минути подоцна.

Тој резултатот беше се до 30. Минута кога Ерик погоди за 2-1 за во последната минута од натпреварот Матос да стрела за конечни 3-1. Денес Португалија и Македонија ќе одиграат уште еден натпревар.

Двата дуели се во рамките на подготовките на Португалија за Европското првенство кое започнува на 16 јануари.

Како што пренесува угледниот „BBC“, Луис Хамилтон сеуште нема донесено конечна одлука дали повторно ќе биде дел од Формула 1 во наредната сезона, поради скандалот со победата на Макс Ферстапен во одлучувачката трка во Абу Даби.

Хамилтон пред да одлучи дали ќе се врати во болидот на Мерцедес, сака да добие објаснување од ФИА, што се случи во последниот круг од трката и зошто било променето правилото  околу безбедносното возило на патеката.

По добиениот одговор ќе биде позната судбината на Англичанецот во Ф1 и дали повторно ќе биде дел од најбрзиот циркус на светот.

Извршниот директор на Формула 1 тимот Ферари, Матија Биното, изјави дека ниту Шарл Леклер ниту Карлос Саинц нема да добијат приоритет на почетокот на сезоната 2022 година.

Многу пати кажавме дека тоа ќе се решава на патеката. Тимот секогаш е на прво место. Ако возачите се борат за важна позиција во шампионатот, на патеката ќе стане јасно кој е подобра. Тука не одлучуваат само талентот или способноста на пилотот. Има и други фактори: лоша среќа, дефекти, проблеми со проценка во даден момент, несреќи, исто така, може да го попречат балансот на силите. Така што засега нема потреба да се определува кој ќе биде прв, а кој втор возач во тимот. Кога ќе дојде време, ќе разговараме за ова прашање во зависност од резултатите на патеката, изјави Биното.

Ферари имаа амбиции во новата сезона да се вмеша во трката за шампионскиот трофеј конкурирајќи им на Мерцедес и на Ред Бул.

Светското првенство во хокеј за млади репрезентации кое требаше да се реализира во Канада е одложено поради ковид-19 откако во три селекции беа откриени заразени играчи.

Во исто време, раководството на Меѓународната федерација (IIHF) имаше итен состанок и одлучи целосно да го откаже Светското првенство, како и да ги започне подготовките за организација на нов турнир во 2022 година.

„Од јануари започнуваме да работиме на организација на новото првенство. Нема да се откажеме. Можно е да се одржи во јуни или во некое друго време во летото“, коментираше шефот на ИИХФ, Лук Тардиф.

Францускиот медиум „Л’Екип“ го прогласи српскиот тенисер Новак Ѓоковиќ за спортист на годината, откако тој освои три гренслем-турнири годинава и играше финале во четвртиот.

Имаше моменти кога „Л’Екип“ го критикуваше најдобриот тенисер во светот, меѓутоа сега призна дека е спортист на годината.

Зад себе го остави Кејлеб Дрекслер, пливачот кој освои пет златни медали на Олимписките игри во Токио и го урна светскиот рекорд на 100 метри делфин.

Шампионот на „Тур Д’Франс“, Тадеј Погачар го освои третото место, а во топ-10 се наоѓаат уште и Јанис Антетокумпо, Макс Ферстапен, Роберт Левандовски…

Јапонија нема да испрати владина делегација на Олимпијадата во Пекинг во 2022 година, но тоа не е дипломатски бојкот предводен од САД за Токио. Ваквиот потег е разбирлив, поради силните економски односи меѓу Земјата на изгрејсонцето и Кина.

Генералниот секретар на владиниот кабинет изјави дека на Зимските олимписки игри ќе испрати луѓе директно поврзани со Олимписките игри, како Сеико Хашимото, шефот на организацискиот комитет на Олимписките игри во Токио и лидерите на олимпискиот и параолимпискиот комитет во Јапонија.

„Јапонија верува дека е важно Кина да обезбеди слобода, почитување на основните човекови права и владеење на правото, кои се заеднички вредности на меѓународната заедница. Јапонија разговара за ова со Кина директно и на различни нивоа. Олимписките и Параолимписките игри се прослава на мирот и спортот и му даваат на светот храброст. Јапонската влада ја засноваше својата одлука на тие фактори и ја донесе самата“, рече Хироказу Мацуно, главен секретар на владиниот кабинет.

Кристијан Хорнер постигна договор за продолжување на договорот со тимот на Ред Бул кој ќе го води до 2026 година.

Австриецот Хорнер, пристигна на чело на екипата во 2005 година, и во периодот до сега , тимот освои пет титули во поединечна конкуренција во Формула 1 шампионатот, како и четири титули во конкуренција на конструктори.

Во изминатава сезона, шампионскиот наслов во Ф1 му припадна на Макс Ферстапен од Ред Бул во една од највозбудливите трки во историјата на натпреварувањето. После оваа победа очекувано беше продолжувањето на соработката помеѓу тимот и Хорнер.

Поранешниот Формула 1 возач Жан Алези е приведен вчера, објавија француските медиуми.

Причина за апсењето е експлозија во архитектонска работилница во Авињон, родниот град на Алези. Истрагата утврдила дека експлозивната направа ја поставило непознато лице, чиј автомобил бил снимен од надворешна надзорна камера. По проверка на бројките, стана јасно дека сопственик на автомобилот е Хозе Алези, братот на Жан. Прво бил повикан на распит, по што самиот Жан пристигнал во полициската станица за да објасни дека го користел автомобилот.

За одбележување е дека работилницата во која се случила експлозијата е во сопственост на сопругот на сестрата на Алези, кој сега е во процес на развод.

Според поранешен Ф1 пилот, инцидентот бил резултат на неумесна шега.

Финскиот возач, Кими Раиконен, ќе ја заврши својата кариера во Формула 1 со трката која се вози во Абу Даби.

Раиконен беше дел од Ф1 „циркусот“ точно 20 години. Во 2007 година ја освојува шампионската титула како возач на Ферари. Во својата досегашна кариера има остварено вкупно 21 победа, 103 пати се искачил на победничкиот подиум а 18 трки ги започна од пол позицијата.

42-годишниот Раиконен последната трка ќе ја вози во болидот на Алфа Ромео истакнува дека нема планови за иднината.

„Во моментот не размислувам за  ништо, ќе видам дали ќе се појават некои интересни понуди, но во моментот немам никакви идни планови. Радосен сум што ќе имам многу слободно време“, изјави популарниот „Ајсмен“.