Возачот на Дукати, Франческо Бањаја, стигна на чекор до титулата шампион во кралската класа од Мото ГП натпреварувањето, после победата на трката за Големата награда на Малезија.

Бањаја на стазата Сепанг ја оствари седмата победа во сезоната, и сега има 23 бода предност пред бранителот на титулата Фабио Квартараро, кој на целта пристигна како трет. Второто место на трката го освои Енеа Бастианини. Бањаја сега го делат само два бода од најголемиот успех во кариерата кој може да го оствари на 6.ноември на трката во Валенсија.

Треба да се биде вистински мајстор на прогнозите за да се комплетира викендот со ДВАЕСЕТ погодени парови од елитниот европски фудбал. Наш редовен типувач од Валандово со влог од само 20 денари доби 2.725.692 денари! Секоја чест!
Бонусот од 107% изнесува 1.657.566 денари. Среќниот добитник погоди коефициент од 77 456.36. Максимално е искористена играта вкупно голови, па сите дваесет пара завршија со 3+ повеќе голови.
Честитки и порака до сите играчи како до милионска добивка!

Победничката на минатогодшното издание на маратонот во Бостон, Дајана Кипјокеи, е суспендирана поради позитивен допинг тест, соопшти Единицата за атлетски интегритет (AIU).     

Атлетичарката од Кенија, исто така, е обвинета и за попречување на истрагата. Во соопштенмието на AIU се прецизира дека при допинг тестот на Кипјокеи е пронајдена забранетата сусптанца тримцинолон ацетонид. Вкупно десет кениски атлетичари и атлетичарки биле позитивни на оваа супстанца, додека од почеток на оваа година бројот на позитивни случаи во остатокот на светот изнесувал само два.

Кипјокеи се соочува со четиригодишна суспензија и одземање на победата на Бостонскиот маратон.

Француската екипа Алпин, чиј сопственик е Рено, објави дека во следната сезона во Форммула 1 нејзини возачи ќе бидат двајца Французи, Пјер Гасли и Естебан Окон.     

Гасли доаѓа во екипата како замена за поранешниот светски првак, Шпанецот Фернандо Алонсо, кој кариерата ќе ја продолжи во Астон Мартин. 

Досега Гасли беше член на Алфа Таури, а неговото место во таа екипа ќе го пополни холандскиот возач Ник де Врис од Мерцедес.

Возачот на Ред Бул, Макс Верстапен, стана двократен светски шампион во Формула 1 после победата на трката за Големата награда на Јапонија во Сузука.

Второто место на патеката Сузука му припадна на Серхио Перез од Ред Бул, додека трет беше Шарл Леклер од Ферари.

Холанѓанецот Верстапен титулата ја освои на четири трки до крајот на сезоната од овогодинешниот шампионат во Формула 1, кој продолжува на 23.октомври со Големата награда на САД која се вози на патеката во Остин.

Српската атлетичарка Ангелина Топиќ ја освои наградата за најдобар млад спортист „Пјотр Нуровски“, која ја доделува Европскиот олимписки комитет.     

Топиќ годинава го освои бронзениот медал во скок во височина на Европското сениорско првенство, а го освои златниот медал на Европското јуниорско првенство. За наградата најдобар млад спортист во Европа за 2022 година конкурираа и Дарија Атманов (гимнастика – Израел), Софија Далиду (веслање – Грција), Андреа Спендолини Сириекс (скокови во вода – Велика Британија) и Филипо Бертони (пливање – Италија). 

Најдобриот млад спортист го избираат претставници на сите национални олимписки комитети од Европа. Наградата за најдобар млад спортист во Европа, „Пјотр Нуровски“ се доделува од 2010 година, кога беше востановена и именувана по трагично загинатиот претседател на Олимпискиот комитет на Полска, кој го загуби животот во авионска несреќа.

Возачот на Ред Бул Серхио Перез стигна прв на целта на трката за Големата награда на Сингапур во Формула 1.

Перез со победата на патеката во Сингапур ја прекина низата од пет последователни победи на својот клупски колега и актуелен Ф1 шампион Макс Верстапен, кој трката ја заврши на седмата позиција.

За мексиканскиот возач ова е втора победа во сезоната после онаа во Монако, а вкупно четврта во кариерата.

Шампионатот во Формула 1 продолжува наредната недела со трката за Големата награда на Јапонија на патеката Сузука.

Трки од Мото ГП шампионатот од следната сезона ќе се возат во Казахстан, откако промоторот на натпреварувањето „Дорна“ потпиша петгодишен договор со организаторите.     

Трките ќе бидат организирани на новоизградената патека „Сокол“ на влезот во најголемиот казахстански фрад Алмати. Од премиерното издание на Мото ГП шампионатот во 1949 година, Казахстан ќе биде 30. земја која ќе организира трки во ова натпреварување, додека патеката „Сокол“ ќе биде 74. домаќин во „кралската“ класа. 

Датумот за премиерната трка во Казахстан ќе биде дополнително соопштен.

Поранешниот шампион на ВБА, ИБФ и ВБО во тешка категорија, Ентони Џошуа (26-3 победи-порази) одговори на предизвикот на шампионот на ВБЦ во тешка категорија, Тајсон Фјури (32-0), кој го повика Џошуа да потпише договор за борба до 26 септември.    

Потпишувам договори многу години. Ова одложување не зависи од мене, туку од адвокатите. Ако сте ја проучувале историјата на боксот, треба да знаете дека од правна страна се треба да биде совршено. За тоа е доброто управување и добрите адвокати. Секако дека ќе го потпишам договорот, рече Џошуа во видеото објавено на каналот „Boxing Social YouTube“. 

Фјури во последната борба го нокаутираше Дилијан Вајт (28-3) во шестата рунда. Мечот се одржа на 24 април во Лондон, Велика Британија. Џошуа загуби од Олександр Усик (20-0) на 20 август во Џеда, Саудиска Арабија.

Двократниот олимписки шампион, Елид Кипчоге, постави нов светски рекорд на маратонската трка во Берлин.

Триесет и седумгодишниот Кениец оствари време од два часа, една минута и девет секунди и за 30 секунди го подобри неговиот рекорд поставен на истата патека пред две години. Кипчоге на седумнаесет маратони има 15 победи од кои четири во Германија.

Тигист Асефа од Етиопија беше најбрза кај атлетичарките. Таа оствари време од 2 часа 15 минути и 37 секунди. Тоа е третиот најдобар резултат во историјата на трката.