Луис Хамилтон, кој предизвика огромна бура во текот на летото со преминувањето од Мерцедес во Ферари, нема да добие понуда за продолжување на тековниот договор, според информациите од италијанските медиуми.

Иако се очекуваше седумкратниот светски шампион да донесе искуство, стабилност и победнички менталитет, се чини дека Ферари размислува за иднината и за долгорочната стратегија.

Во овој контекст, најсериозен кандидат за замена на Хамилтон е младиот Оливер Берман, талентиран британски возач и член на академијата на Ферари. Берман бележи импресивни настапи оваа сезона, особено кога имаше можност да ја покаже својата вредност против поискусните колеги.

Неговата форма во квалификациите и трките го привлече вниманието на шефот на тимот, Фред Васер, кој не го криеше своето задоволство од она што го виде.

Актуелниот шампион во најсилната машка одбојкарска лига, Струмица 47&72 имаше сигурен старт на новата сезона, со победа од 3-0 на гостувањето кај Лирија, во рамките од второто коло. Поради обврските во ЦЕВ Лигата на шампионите струмичани беа принудени да го одложат првиот натпревар од домашното првенство против Јанта Волеј, па во одбрана на титулата тргнаа една недела подоцна и тоа без посериозни проблеми.

Вториот викенд кај мажите не донесе изненадувања, односно Штип УГД ја потврди фаворитската улога против дебитантот Скопје. Сушево со максимален резултат ја совлада Македонија Џио во регионалното дерби, додека Шкендија во три сета се радуваше над Весна Пробиштип пред својата публика. Дуелот од ова коло кој го носеше епитетот дерби се одигра уште во четвртокот и заврши со 3-0 победа на Работнички 71&22 над Борец. Последниот дуел од втората рунда меѓу Јанта Волеј и Универзитет во Тетово е одложен и ќе добие дополнителен термин за одигрување.

Прва лига (м)
Второ коло:
Рабоитнички 71&22 – ГОК Борец 3-0 (25-13, 25-22, 25-20)
Скопје – Штип УГД 0-3 (7-25, 9-25, 14-25)
Македонија Џио – Сушево 0-3 (21-25, 15-25, 22-25)
Шкендија – Весна Пробиштип 3-0 (25-21, 25-13, 28-26)
Лирија – Струмица 47&72 0-3 (22-25, 23-25, 16-25)
Јанта волеј – Универзитет во Тетово одложена

Одбојкарките на Младост УГД ја запишаа третата победа во четвртото коло во Првата лига жени, откако во натпревар во пет сета се радуваа на гостувањето во „Боро Чурлевски“ во Битола, кај Пелистер Волеј. Натпреварот кој имаше хуманитарен предзнак во чест на прерано починатата спортска битолска легенда, Зоран Петковски, понуди одлична одбојка пред околу 1.500 гледачи. Битолскиот состав иако има епитет на дебитант во најсилното женско одбојкарско друштво втор викенд во низа игра натпревар во пет сета, потврдувајќи ги неговите сериозни амбиции. Младост УГД одигра на искуство и успеја да си замине како победник. 

Нашиот претставник во ЦЕВ Челинџ Купот, Работнички Скопје имаше успешна последна проверка на силата со максимална победа над Вардар ЕМ во пресрет на двомечот во естонски РАЕ Спордикол, кој го игра на 4 и 5 ноември на гостински терен.

Два натпревари беа одложени, Јанта Волеј КВ и Фит Фан Волеј поради настап на шампионот во квалификациите за ЦЕВ Лигата на шампионите, додека средбата Наковски Волеј против Ускана беше предвидено да се игра викендов, но е одложена. 

Прва лига (ж)
Четврто коло::
Вардар ЕМ – Работнички Скопје    0-3 (20-25, 16-25, 22-25)
Пелистер – Младост УГД    2-3 (25-22, 22-25, 19-25, 25-20, 12-15)
Газели – Струмица жени    02.11.2025
Јанта Волеј КВ – Фит Фан Волеј     одложена
Наковски Волеј – Ускана    одложена

В понеделник во СЦ „Форца“ од 20:15 часот се игра дуелот меѓу Газели и Струмица жени.

Управниот одбор на Македонскиот Олимписки комитет ја одржа својата редовна седница на која едногласно беа донесени низа клучни одлуки за успешното работење и идниот развој на олимпизмот. Во главните точки спаѓаа усвојувањето на извештајот за ЕМОФ, именувањето на нов менаџерски тим и одобрувањето на новите олимписки стипендии за Олимписките игри во Лос Анџелес во 2028 година, по што беа свечено потпишани и договорите со стипендистите.

Одобрени се девет стипендии, со вкупен месечен износ од 9.000 американски долари, кои ќе се исплаќаат директно на спортистите. По завршувањето на седницата, беа и свечено потпишани договорите со стипендистите.

Стипендисти за Олимписките игрри во Лос Анџелес во 2028 година:
•    Дејан Георгиевски (1.600 УСД) – Теквондо
•    Мила Рељиќ (1.600 УСД) – Теквондо
•    Дарио Ивановски (1.200 УСД) – Атлетика
•    Ангел Петрушев (1.200 УСД) – Кајак
•    Анастасија Мојсовска (800 УСД) – Спортско стрелаштво
•    Магомедгаџи Нуров (800 УСД) – Борење
•    Владимир Егоров (800 УСД) – Борење
•    Душица Бреслиева (600 УСД) – Таеквондо
•    Никола Ѓуретановиќ (400 УСД) – Пливање

Седницата ги потврди успешните резултати од изминатиот период и постави јасни насоки за иден раст и модернизација на Олимпискиот комитет.

Овогодишниот вицешампион во Супербајк, Николо Булега ќе го замени Марк Маркез на последните две трки од сезоната, во Портимао и Валенсија.

Маркез, деветкраен светски шампион ја заврши сезоната по инцидентот на Големата награда на Индонезија, во кој се здоби со фрактура на клучната коска и оштетување на лигаментите.

Дукати минатата недела потврди дека Маркез ќе го пропушти не само финалето на сезоната, туку и предсезонските тестови во Валенсија два дена по последната трка од сезоната.

Шпанецот беше заменет од тест возачот Микеле Пиро на трките во Австралија и Малезија, а одлуката да му се даде можност на Булега да дебитира беше донесена откако ги заврши тестовите во Херез оваа недела.

Македонскиот женски првак Јанта Волеј КВ откако испиша историја успешно минувајќи ја првата пречка, европската приказна во ЦЕВ Лигата на шампионите ја продолжува на почетокот на следниот месец.

Клубот објави дека во рамките од третото коло од квалификациите за елитното клупско натпреварување на 4 ноември во СЦ „Јане Сандански“ во Скопје, во 18 часот ќе го пречека следниот предизвик – францускиот претставник Волеро Ле Кане.

Како и за првиот меч пред домашната публика, така и во овој дуел влезот во салата „Јане Сандански“ ќе биде слободен за сите симпатизери на клубот и љубители на одбојката.

Реванш дуелот од оваа фаза Јанта Волеј КВ ќе го игра на 13 ноември на гостински терен.

Одбојкарскиот женски прволигаш Пелистер Волеј објави дека натпреварот против Младост УГД од 4. коло од Првата лига жени, кој се игра на 1 ноември (сабота) во салата „Боро Чурлевски“ во Битола, со почеток од 17:00 часот ќе биде од хуманитарен карактер.

Во знак на сеќавање и почит кон прерано починатата кошаркарска и спортска легенда на Битола, Зоран Петковски – Петкото, клубот одлучи сите сретства од продажбата на билетите за овој натпревар да бидат донирани на семејството Петковски како симболичен чин на солидарност.

Билетите се по симболична цена од 100 денари, а клубот ќе постави и два пункта за донации во салата „Боро Чурлевски“.

„Хуманоста нема цена! Дојди, донирај – помогни“ – е пораката која ОК Пелистер Волеј ја испраќа до своите поддржувачи и сограѓани.

Шампионот во Формула 1 од 2009 година, Џенсон Батон, објави дека се повлекува од трките, јави „Би-би-си“.

На 8 ноември, 45-годишниот Батон ќе се натпреварува во трката „8 часа Бахреин“, што ќе биде неговата последна професионална трка.

Батон се натпреваруваше во 306 трки во Формула 1, од кои победи во 15. Тој го освои шампионатот во 2009 година со тимот Браун. Возеше и за Вилијамс, Бенетон, Рено, БАР, Хонда и Мекларен.

По пензионирањето од Формула 1 во 2016 година, Британецот продолжи да се натпреварува во разни трки на издржливост.

Луис Хамилтон најверојатно нема да добие продолжување на соработката со Ферари. Според ESPN, Британецот има недоразбирања за раководството на италијанскиот Формула 1 тим.

Хамилтон и Шарл Леклер ќе продолжат да се тркаат за Скудерија во 2026 година, но ситуацијата во врска со сезоната 2027 останува нејасна.

Договорот на седумкратниот светски шампион важи до крајот на следната година.

Неколку „инфлуенсери“ од Ф1 сугерираа дека на Хамилтон нема да му биде понуден нов договор со оглед на неговите моментални резултати. Самиот медиум забележува дека таков заклучок изгледа преран во овој момент, иако признава дека формата на Британецот е загрижувачка.

Македонскиот олимписки вицешампион Дејан Георгиевски силниот турнир Г1 во Романија го заврши со освоено второ место. Тој на овој турнир успеа да стигне до потребни бодови кои у се потребни за норма за ЛОИ во Лос Анџелес 2028 година.

Во првото коло Георгиевски беше слободен, додека во четвртфиналето оствари победа над Унгарецот Марсел Хотак, а потоа во полуфиналето го совлада и Тудор Карагеа од Романија. Во финалето поуспешен од Георгиевски беше репрезентативецот на Турција, Хусеин Демирчиоглу.

Дејан Георгиевски на турнирот беше под водство на помошник селекторот Викторија Спасовска.