Квотербекот на Бафало, Џош Ален го доби МВП признанието за најдобар играч во сезоната.

Бафало го доби директниот дуел со Балтимор на Џексон, па веројатно тоа му донесе предност во гласањето. Ова е прва МВП награда за Ален.

Третото место го освоил Секвоул Баркли, кој пак е избран и за најдобар офанзивен играч.

Најдобар тренер сезонава е Кевин О’Конел од Минесота.

Актуелниот светски првак во Формула 1, Макс Верстапен е најплатениот пилот во Формула 1. Според истражувањето на магазинот „Рејсинг365“, платата на Верстапен е проценета на 65 милиони долари.

Убедливо втор и со мало засотанување зад платата на светскиот шампион е Луис Хамилтон. Новиот возач на Ферари ќе има плата од 60 милиони долари. Во ТОП 3 се најде и вториот возач на Ферари, Леклер, кој има плата од 34 милиони долари на годишно ниво.

Четвртото место го делат Фернандо Алонсо од Астон Мартин и Ландо Норис од Мекларен кои годишно заработуваат плата од 20 милиони долари.

Зимските олимписки игри во Милано и Кортина д’Ампецо следната година во својата програма ќе имаат нов спорт – скимо.

Скимо е ски планинарење, а комбинира скијање по угорнини и спуст, како и користење врвни планинарски вештини за искачување на ледените падини.

Има различни должини на трки, од кратки спринтови до оние кои можат да траат до два часа и да вклучуваат повеќе од 1.500 метри качување.

Вкупно 18 мажи и 18 жени ќе се натпреваруваат во поединечни трки и во мешана штафета.

Спринт трките вообичаено траат само три минути за мажи и четири минути за жени и се состојат од скијање на нагорнина, дел за качување и спуштање околу портите на трката. Натпреварувачите можат да се искачат до 250 вертикални стапки.

Скимо натпреварувачите користат специјална „кожа“ што ја ставаат на долниот дел од скиите за да спречат лизгање за време на искачувањата. Нивните скии се слични на оние за нордиско скијање, малку се полесни од скиите за спуст и имаат подвижни врзиви кои овозможуваат правилно движење на зглобовите.

Зимските олимписки игри во Милано и Кортина почнуваат за точно една година, а во текот на нивното времетраење ќе бидат доделени вкупно 116 комплети медали во 16 дисциплини. Свеченото отворање ќе се одржи во Верона, додека скијачките натпревари ќе се одржат во Бормио.

Швајцарецот Марк Одермат, кој стана олимписки шампион во Пекинг во велеслалом во 2022 година, го освои златото на Светското првенство во Залбах, Австрија, во супервелеслалом.

За супериорното возење на 27-годишниот во петокот сведочи резултатот на неговиот врсник и освојувачот на сребрениот медал Рафаел Хазер (Австрија), Швајцарецот беше побрз за една секунда.

Подиумот го пополни 30-годишниот Норвежанец Адријан Смитет Сејерстед, со заостанување од 1,15 секунди од победникот.

Австријката Стефани Вение ги воодушеви домашните фанови на Светското првенство во алпско скијање во Залбах, го освои златниот медал во супер-џи.

Вениер во целта влезе со резултат 1:20.47 минути, десет стотинки пред искусната Италијанка Федерика Брињоне (34), водечката скијачка во Светскиот куп, додека бронзени медали освоија Норвежанката Кајса Викхоф Ли (26) и Американката Лорен Макуга (22), со по 24 стотинки заостанување.

За Вение, која во кариерата оствари три победи во Светскиот куп (две во спуст, една во супер-џи), ова е втор медал од светските првенства, откако пред шест години го освои среброто во спустот во Сент Мориц.

Брињоне, која во текот на целата своја кариера беше позната како специјалист за велеслалом, во оваа дисциплина освои два светски сребра и една бронза на Зимските олимписки игри. Ова е прв медал во брзинските дисциплини во кариерата.

Лај го одбрани бронзениот медал освоен пред две години во Мерибел. Интересно и тогаш ја „подели“ бронзата, со Австријката Корнелија Хутер, а овојпат со младата Американка Макуга, за која ова беше деби настап на големите натпреварување.

Машкиот супер-џи ќе се одржи во петок во Залбах.

Трикратната олимписка шампионка во атлетски спринт-трки Габриела Томас тврди дека ја демне група мажи.

„Ми треба совет во моментов бидејќи се плашам дека ме следат и посматраат. Навистина не знам што да правам или кај кого да одам. Секогаш кога патувам, се плашам да не се појават овие мажи – три до шест, средовечни. Не е важно во кој град одам, тие се појавуваат. Така беше кога летав за Чикаго и назад, тие дојдоа и кога летав за Мајами и назад. Имаат информации за секој мој лет. Се појавуваат или на главниот влез на аеродромот во десната сала, или на мојот излез, што значи дека имаат авионски карти и минуваат низ обезбедувањето. Во неколку наврати ми пријдоа и побараа да потпишам еден куп мои фотографии, околу 40. Не знам што прават со нив, можеби ги продаваат, не ми е гајле“, изјави Томас.

Атлетичарката не може да си објасни кој на „посматрачите“ им дават информации за нејзиното движење.

„Она што ме плаши е тоа што ги имаат моите информации за летот иако понекогаш ниту самата јас не знам во колку часот заминувам. Никому не ги кажувам информациите за моите летови. Ги сменив сите мои лозинки за е-пошта. Не знам дали ме хакираат. Тие стануваат многу агресивни и непријателски настроени ако кажам не, а кога сум сама е навистина страшно. Вчера беа многу непријателски расположени кон моето момче Спенсер МекМејнс“, објави атлетичарката.

Габриел Томас е трикратна олимписка шампионка во спринт. На Олимписките игри во Париз минатата година, таа победи на 200 метри и штафета на 4х100 и 4х400 метри како дел од тимот на САД.

Ноќта меѓу вторникот и средата по средноевропско време се одржа тестирање на малезиската патека „Сепанг“ во пресрет на новата сезона во Мото ГП.

Хорхе Мартин, возачот на Априлија и актуелен шампион во „кралската класа“, падна во вториот свиок и силно удри со главата на патеката, откако се најде високо во воздухот бидејќи изгуби контрола над моторот.

Се известува дека Мартин се наоѓа во болницата Аурелиј во Нилаи (град кој се наоѓа на шест километри од патеката) и чувствува болка во левото стапало и десната рака. Мартин беше подложен на детални лекарски прегледи на главата.

Тоа всушност беше втор пад на овој тренинг за Мартин. Шпанецот падна падна од својот мотоцикл во претходната фаза на тестирањето, мина без последици и успеа веднаш да се врати на патеката.

Алекс Овечкин продолжува да пишува историја во НХЛ лигата. Најдобар стрелец во историјата на хокејот е легендарниот Вејн Грецки со 894 гола и 1.963 асистенции, што го издвојува како јасен лидер на таа позиција.

Втор на листата е Јаромир Јагр, а интересно е што Алекс Овечкин е 12-ти на табелата со 877 голови, 711 асистенции и 1.588 бодови.

На Овечкин му недостасуваат 18 гола да го надмине Грецки и да стане водечки голгетер во историјата на НХЛ, рекорд за кој се сметаше дека е недопирлив.

„Играа двете најдобри екипи во лигата и тоа беше навистина квалитетна и тешка битка. Мислам дека имавме многу шанси во третиот период и отидовме на продолженија и загубивме. Играа две од најдобрите тимови. Беше навистина забавно, а не се оптоварувам со индивидуалните постигнувања“ истакна по мечот Овечкин.

Поврзани теми

Министерот за спорт, Борко Ристовски, заедно со градоначалникот на Кавадарци, Митко Јанчев свечено го отворија новиот спортски центар во Средното општинско училиште „Киро Спанџов – Брко”.

Овој нов спортски комплекс ќе им овозможи на младите подобри услови за спортување, развој на нивните таленти и промоција на здравиот начин на живот. Во склоп на спортски центар во Кавадарци изградено е фудбалско игралиште со вештачка трева, кошаркарско игралиште со полипропиленски под и просторот е опремен со урбана опрема за спорт и рекреација.

„Продолжуваме со реализација на проектите што ни се зацртани како приоритетни цели со инвестиции во спортот и во спортската инфраструктура. Ова е уште еден проект кој Министерството за спорт го реализира со цел да се подобри спортската инфраструктура низ целата држава. Вложувањето во спортот е вложување во иднината на нашите млади генерации. Нашата цел и заложба на младите да им обезбедиме услови за да се посветат на спортот, да го развиваат својот талент и да негуваат вистински спортски вредности“, истакна министерот Ристовски.

Министерството за спорт продолжува со стратегиските инвестиции во спортската инфраструктура со цел создавање современи спортски објекти низ Македонија, достапни за сите граѓани, особено за младата популација како основа за подобри спортски резултати и подигнување на македонскиот спорт на повисоко ниво.

KTM и неговиот сателитски тим Tech3 ги промовираа моделите на нивните мотори за 2025 година на заеднички настан во Малезија.

Фабричкиот тим на KTM Racing оваа година ја задржа својата позната шема на бои во портокалова и темно сина боја, при што логоата на главниот спонзор Red Bull повторно доминираат на мотоциклот.

Во меѓувреме, Tech3 ќе го прифати истиот стил како и фабричкиот тим, откако претходно имаше целосно црвени мотори во 2023-2024 година за да го промовира брендот GasGas.

И KTM и Tech3 ја освежија својата постава на возачи оваа година, при што сензацијата дебитант Педро Акоста беше промовиран во фабричкиот тим заедно со Бред Биндер, а Tech3 ги донесе Маверик Вињалес и Енеа Бастианини од Апилија и Дукати.

Џек Милер и Аугусто Фернандез, кои се тркаа за тимот на Tech3 со брендот GasGas минатата година, веќе не се на списокот на KTM.