Српскиот репрезентативец Дарко Ѓукиќ е најновото име во составот на „гладијаторите“ кои за следната сезона подготвуваат сериозен проект кој треба да влезе во битка со Е. Пелистер, Вардар и Алкалоид за домашните трофеи.

Ѓукиќ се враќа во Македонија по една година, со договор со охриѓани на две години. Ѓукиќ минатата сезона ја помина во Динамо Букурешт, а сега треба да биде одлично засилување за Охрид во походот кон врвот на македонскиот ракомет.

Шампионот на Македонија, Еурофарм Пелистер, утре ќе ги дознае своите седум противници во групната фаза на Лигата на шампионите. Ждрепката е закажана за в петок (27 јуни) во 15:00 часот во Виена, а нашиот клуб ќе биде достојно репрезентиран на ЕХФ гала-свеченоста.

Шешири пред ждрепката во Лигата на шампионите:
• Шешир 1:
Фуксе Берлин, Барса, ПСЖ, Алборг, Висла Плоцк, Веспрем
• Шешир 2:
Магдебург, Нант, ГОГ Гудме, Киелце, ПИК Сегед
• Шешир 3:
Еурофарм Пелистер, Спортинг Лисабон, Загреб, Колстад, Динамо Букурешт

Веднаш по ждрепката ќе биде одреден и календарот за групната фаза, а ќе биде прогласен и најкорисниот ракометар за сезоната 2024/25.

Новиот суперлигаш, Еурофарм Пелистер 2, го потврди учеството на турнирот „Миле Нешкоски“; кој годинава ќе го има своето десетто издание. Познати се групите и агендата на традиционалниот турнир во Прилеп. Сезонава ќе настапат пет македонски клуба и српскиот гигант Црвена Звезда, Во првата група се Прилеп, Бутел Скопје и Тиквеш, а во втопрата Еурофарм Пелистер 2, Пролет и Црвена Звезда.

Турнирот ќе се одржи од 21 до 24 август и претставува добра подготовка за новата сезона.

21 август:
15:30 – Положување на цвеќе пред споменикот на Миле Нешкоски
18:00 – Пролет- Еурофарм Пелистер 2
20;00 – Прилеп – Бутел

22 август:
18:00 – Црвена Звезда – Еурофарм Пелистер 2
20:00 – Прилеп – Тиквеш

23 август:
18:00 – Црвена Звезда – Пролет
20:00 – Тиквеш – Бутел

24 август
15:00 – Меч за петто место
17:00 – Меч за трето место
19:00 – Финале
20:30 – Доделување награди и свечено затворање на турнирот

Scarica tutti gli allegati come un file zip

turnir prilep
.jpg
230.9 kB

Европската ракометна федерација (ЕХФ), на своите официјални профили на социјалните мрежи го објави тимот на сезоната 2024/25 во Лигата на шампионите. Во гласањето учествуваа тренерите, играчите, новинарите и ракометните фанови.

Четворица дански репрезентативци се најдоа во идеалниот тим: голманот Емил Нилсен (Барселона), левото крило Емил Јакобсен (Фленсбург), десниот бек Матијас Гидсел (Фуксе Берлин) и Магнус Саугструп (Магдебург) кој е избран за најдобар дефанзивен играч.

Освен нив, во најдобриот состав се и шведскиот лево крило Феликс Клар (Магдебург), десното крило на Пик Сегед, Марио Шоштариќ, исландскиот централен бек Гисли Кристјансон (Магдебург) и францускиот пивот Лудовик Фабрегас (Веспрем).

Минатата сезона, Магдебург ја освои Лигата на шампионите откако го победи Фуксе Берлин, додека Нант ја победи Барселона во натпреварот за третото место.

ЕХФ ќе ги објави имињата на најкорисен играч (MВП) и најперспективен млад играч од минатата сезона во петок, 27 јуни.

Египетската ракометна федерација официјално потврди дека Чави Пасквал ќе биде нов селектор на сениорската репрезентација.

Шпанскиот стратег на клупата го менува сонародникот Хуан Карлос Пастор. Од новиот селектор се очекуваат добри резултати на Олимписките игри во Соединетите Американски Држави.

Македонија следната натпреварувачка сезона во Европската лига на ЕХФ ќе има најмалку еден претставник, затоа што Вардар 1961 профитираше од „вајлд-картата“ на Еурофарм Пелистер во Лигата на шампионите и доби директно место во групите.

„Црвено-црните“ со второто место на табелата чекаа епилог што ќе биде со шампионот на Македонија, а откако тој е позитивен, тоа ги израдува и „црвено-црните“.

Вардар 1961 ќе биде директно во групите на Европската лига на ЕХФ.

Се чека на статусот со Алкалоид, кој како освојувач на Европскиот Куп на ЕХФ може да игра исто така директно во Европската лига на ЕХФ. Тимот од Автокоманда побара место во Европската лига и го чека одговорот на ЕХФ.

Ситуацијата со учесниците во групната фаза и во квалификациите на Европската лига ќе се знаат на почетокот на јули.

Тимовите со потврдено барање за надградба се: ГОГ Гудме, Нант, ПИК Сегед, Еурофарм Пелистер, Колстад и Киелце.

Директни учесници во Лигата на шампионите:
Магдебург, Фуксе Берлин, Барселона, Спортинг Лисабон, ПСЖ,, Веспрем, Алборг, Загреб, Висла Плоцк и Динамо Букурешт

Добитници на „вајлд-карта“:
Еурофарм Пелистер, ПИК Сегед, Нант, Киелце, ГОГ Гудме, Колштад

Барањата за надградба на лиценцата од страна на Порто, Шафхаузен и Слован не беа одобрени, што значи дека овие екипи нема да учествуваат во Лигата на шампионите, но ќе имаат право на настап во Европската лига или Европскиот Куп. Ждрепката за групната фаза на Лигата на шампионите за сезоната 2025/26 ќе се одржи во петок, 27 јуни, со почеток од 15:00 часот во Виена.

Ракометната федерација на Македонија денеска со жрепка ги извлече натпреарувачките броеви за сезона 2025/26. Новата ракометна сезона почнува на крајот на авгист, а на стартот дербито е дуелот на Алкалоид и Охрид

Новата сезона во македонски клупски ракомет ќе стартува на 6 и 7 септември.

Воведното коло ќе донесе дерби пресметка меѓу Алкалоид и Охрид.

Еурофарм Пелистер ќе му гостува на Бутел, Струга ќе го пречека Вардар 1961, а преостанатите двојки се Прилеп – Еурофарм Пелистер 2, Куманово – Радовиш и Пролет 62 – Тиквеш 2014.

Легендарниот ракометар на Вардар, Иван Чупиќ, ја доби довербата од управата и ја презеде тренерската функција во поранешниот европски шампион. 39-годишниот Хрват денеска на официјалната прес-конференција ги изнесе неговите размислувања.

„Многу сум среќен но, и благодарен до мојот клуб Метковиќ бидејќи веднаш кога дојде повикот од Вардар ми дозволи да заминам. Сите знаете колку ми значи Вардар, Скопје и Македонија како и „Комити“. Сакам да ветам дека јас и целата моја екипа мора да понесеме одговорност, да бидеме почестени што претставуваме еден голем клуб како Вардар“ – рече Чупиќ.

„Сакам овој град повторно да заживее за Вардар. Со огромен ентузијазам и желба сакам да ги исполниме целите. Јас сум многу задоволен од тимот со кој ќе располагам. Не барам играчи, задоволен сум“ – рече Чупиќ кој работеше во Загреб и Метковиќ.

Вицешампионот Вардар 1961 денеска потврди дека со црногорскиот репрезентативец Вуко Борозан постигна договор за продолжување на соработката.

Моќниот лев бек ќе го носи дресот на „црвено-црните“ и во сезоната 2025/2026, што претставува големо засилување за амбициите на клубот во домашните и европските натпреварувања.

Борозан, кој повторно се приклучи на Вардар во 2024 година, со своето искуство беше еден од клучните играчи во освојувањето на Куп титулата оваа сезона