Македонската женската ракометна репрезентација на 19 .октомври го игра натпреварот против Словенија од квалификациите за ЕП 2026. Дуелот ќе се игра во спортската сала „Боро Чурлевски“ во Битола со почеток во 18:00 часот.
РФМ ја одреди цената за дуелот на ракометарките со Словенија во Битола

Федерацијата објави дека денеска почна продажбата на влезници за натпреварот и тоа online на интернет-страницата на МК Тикетс (https://mktickets.mk). Влезници можат да се купат и на сите продажни места на МК Тикетс низ државата. Продажната цена на влезниците за натпреварот е 100 денари.

Националниот тим подготовките ги почнува во понеделник 12.октомври, а на 16.октомври (четврток) избраничките на селекторот Кристијан Грчевски ќе играат против Германија на гостински терен.

Ракометната федерација на Македонија сака да го доближи овој спорт до најмладите. Затоа организир Ракометниот караван кој се очекува да ја обиколи земјата. Првиот настан беше во Охрид, а следниот (14 октомври) е во Прилеп.

Сега од ракометната централа информираа дека третата дестинација ќе биде Битола. Градот на актуелниот македонски првак и претставник на Македонија во Лигата на шампионите ќе биде домаќин на караванот на 18 октомври (сабота). Централниот настан кој ќе започне во 14:30 часот ќе биде закажан за во салата „Боро Чурлевски“.

Како главни гости на караванот ќе бидат актуелните лидери на Еурофарм Пелистер, капитенот Филип Кузмановски и искусниот голман Николче Митревски, како и голманската легенда Гордана Нацева.

Нашата федерација најави дека во следниот период ќе ги открие следните дестинации на караванот.

Српскиот ракометар Огњен Радојичиќ е нов ракометар на македонскиот суперлигаш МРК Куманово.

Интернационалецот од Србија е повратник во редовите на кумановчани откако ги бранеше боите овој клуб пред две сезони.

Радојичиќ кој е роден 2000 година и е висок 198 сантиметри, игра на позиција лев бек и ќе биде вистинско освежување за тимот на тренерот Љубиша Димковски во продолжение од сезоната во машката ракометна Супер Лига.

„Искрено не се двоумев откако повторно се јавија од МРК Куманово и без размислување се вратив во екипата каде пред две години поминав еден убав период од мојата кариера. Ќе направам се овој лош период резултатски тимот да го надмине и да се вратиме на победничките патеки“, истакна српскиот ракометар по потпишување на договорот со МРК Куманово.

По двата порази по ред против ПСЖ и ГОГ Гудме, македонскиот шампион Еурофарм Пелистер го чека непредвидливо гостување кај првакот на Полска, Висла Плоцк. Дуелот кој се игра в среда од 20:45 часот на теренот на Висла го најавија тренерот Гарабаја и бекот Павле Атанасијевиќ.

Рубен Гарабаја
(тренер на Еурофарм Пелистер)

Играме со Висла Плок, тим кој постојано расте и станува многу посилен. Имаат одлична атмосфера во салата и претставуваат сериозна закана за сите ривали. Играат со висок притисок и неверојатно цврста одбрана која е добро синхронизирана и разноврсна. Мораме да бидеме фокусирани и да не правиме грешки, зашто тие веднаш ќе ја искористат таквата ситуација. Брзи се во нападот и ги казнуваат сите грешки на ривалите. Ова е Лига на шампиони, тука нема простор за импровизации. Играме против најдобрите тимови во Европа и сакаме да освојуваме бодови. Се надевам дека нема да имаме кризен период во играта, како што беше случај на натпреварот со ГОГ Гудме, кога немавме добри солуции цели 15-20 минути. Мораме да одиграме перфектно во текот на целиот натпревар, само така може да се надеваме на позитивен епилог.

Павле Атанасијевиќ
(РК Еурофарм Пелистер)

Се подготвуваме колку што можеме, имаме напорен распоред и три натпревари во само седум дена. Висла е силен противник, кој летово доведе уште подобри играчи во својот ростер, но и минатата година се претставија во одлично светло. Нивното ниво сега е уште повисоко, затоа мораме добро да ги анализираме и да се спремиме соодветно. Малку ја вративме самодовербата после победата над Охрид, таму го прикажавме нашето вистинско лице. Мечот со Вардар е во минатото, сега се фокусираме само на идните предизвици.

Мадс Хансен и Јеспер Мадсен од Данска ќе му судат на шампионот Еурофарм Пелистер во Лигата на шампионите на гостувањето во Плоцк.

Македонскиот шампион Еурофарм Пелистер им се врати на победите. Во дербито од 6.коло на Супер лигата, пелистерци славеа против Охрид 33-27.

Освен почетните 0-1 за охриѓани, се останато мина во знакот на Еурофарм Пелистер.

Зелено-белите одржуваа предност два до три гола, на полувремето го завршија со +4 (18-14). Во вториот дел, пелистерци ја зацврстија играта во одбраната, заиграа побрзо во нападот и постепено ја зголемуваа разликата.

Веќе во 40.минута ја одвоија разликата и поведоа со +8 (24-16). Тука веќе беше јасно дека, Охрид неможе да се надева на изненадување, па Е.Пелистер ја впиша четвртата победа.

Најефикасен во тимот на Пелистер беше Богдан Радивојевиќ со 9, додека Дејан Манасков постигна 7 голови.

Ракометарите на Еурофарм Пелистер 2 го претрпеа четвртиот пораз во Суерлигата, откако пред своите гледачи загубија од Тиквеш со 17-23 (12-15(. Неиграњто на повредените Баптист Одифрен, Христијан Митревски и веднаш по почетокот на натпреварот и Стефан Дрогришки драстично им ја олеснија работата на кавадарчани.

Домаќините тргнаа добро во натпреварот и поведоа со 4-2, но во продолжение гостите од Кавадрци беа подобар противник и брзо го свртија резултатот во своја корист. Веќе до паузата ја најавија победата со водството од 8-13. На стартот од вториот дел Тиквеш за првпат се искачи на шест гола разлика, но пелистерци конечно врзаа неколку гола во серија и се вратија на подносливи три негатива (12-15). Сепак, неискуството на младите момци на Александар Зарков беше пресудно во клучните моменти, кога се кршеше резултатот. Гостите во финишот го подигнаа нивото на игра и заслужено ја впишаа само втората овосезонска победа и тоа одново на гостински терен.

Најдобри со по четири гола беа Димитар Коцев од Тиквеш и Ненад Белистојановски од редовите на Пелистер.

Во следното сдмо коло Еурофарм Пелистер 2 гостува кај пролет.

Македонската репрезентација ќе игра во квалификациската група 3 во која за противници ќе ги има Германија, Словенија и Белгија.

Избраничките на Грчевски евроквалификациите ќе ги почнат против селекцијата на Германија, на гостински терен во Гумерсбах, на 16 октомври, по што ќе ја пречекаат Словенија во Битола на 19. овој месец.

Стартот на подготовките е закажан за 12 октомври во Скопје.

На списокот на Грчевски се најдоа 20 ракометарки: Андреа Илиќ, Матеа Чурлиноска, Драгана Петковска, Сара Ристовска, Ивана Џатевска, Моника Анеска, Ангела Јанколовска, Ивана Арсениевска, Марија Јанкуловска, Ива Младеновска, Ана Марија Коларовска, Марија Гугуњанова, Бојана Коцева, Катерина Дамјаноска, Леона Миленкоска, Јована Кипријановска, Андреа Седлоска, Борјана Коцева, Емилијана Ризоска и Ивана Гакидова.

Аце Станковски поднесе оставка и повеќе не е тренер на МРК Куманово

Управата на македонскиот суперлигаш МРК Куманово ја информира јавноста дека Аце Станковски повеќе не е тренер на првиот тим.

Стратегот реши да поднесе оставка, а неговото место ќе го преземе Љубиша Димковски, кој минатата сезона го обезбеди опстанокот во најсилната ракометна конкуренција.

Од МРК Куманово му се заблагодаруваат на Аце Станковски на досегашната соработка и неговиот ангажман, со желби за среќа и успех во неговата понатамошна професионална кариера и работа.

Ракометниот клуб Охрид се соочува со голем проблем пред серијата тешки натпревари.

Средниот бек Ловро Јотиќ, искусниот 31-годишен хрватски ракометар, заработи повреда на коленото во последниот момент од дуелот со Тиквеш во рамките на петтото коло од домашниот шампионат и го чека пауза.

Повредата на Јотиќ доаѓа во лош момент за охриѓани. Тимот овој викенд гостува кај еден од најсилните состави во македонската лига Е.Пелистер клуб во кој Јотиќ настапуваше во минатото.

Само неколку дена подоцна Охрид го очекува двомечот против азербејџанскиот Баки во рамките на стартот на ЕХФ Купот, натпреварување во кое клубот има високи амбиции.

Ракометарите на Барселона успеаја да го победат Веспрем со 31-30 (21-21, 13-12) по продолженија, ја освоија титулата клупски светски шампион, од тронот го симнаа токму тимот на Веспрем. Финалниот турнир беше организиран во Египет.

Најефикасни во тимот на Барселона беа Гомез Абељо со шест, Јан Баруфет со пет, Тимоти Н’Гусен и Дика Мем со по четири, Блаж Јанц и Лудивик Фабрегас со по три гола. Кај Веспрем, Уго Деска постигна осум гола, Недим Ремили и Иван Мартиновиќ по шест, Гаспер Маргуч четири гола.

Третото место го освои актуелниот шампион на Европа, екипата на Магдебург, која го победи Ал Ахли со 32-23 (19-11).