Ракометарите на Вардар 1961 забележаа победа во првото вечно дерби и го совладаа Еурофарм .Пелистер во „Јане Сандански“, а големо задоволство од триумфот изрази тренерот Иван Чупиќ, кој смета дека двократниот европски шампион заслужено го совладал македонскиот првак.

„Ова беше мое прво дерби како тренер, но не го победив јас – туку оваа соблекувална, овие играчи. Сакам да им се заблагодарам на желбата, борбата и големото вардаровот срце.

Заслужено победивме пред нашата полна сала. Ова се само два бода на контото, бидејќи за три дена играме нов натпревар. Малку ќе прославиме, ама веќе утре се насочуваме кон следниот предизвик. Како што кажав сто пати досега, ова е маратон и сега игравме само за два бода, ништо повеќе или помалку. Супер е што победивме, имаме „пет од пет“ и сакаме со ваква игра и добри тренинзи да продолжиме да се подобруваме.

Константно водевме, иако имавме проблеми со црвениот картон на Вуко. Во првиот дел имавме проблем со голманите, но од прва до последна минута покажавме повеќе желба. Презентиравме добар ракомет и со трпение ги прескокнавме „црните“ дупки. На крај промашувавме, победата можеби можевме да ја обезбедиме и порано, ама ова е патот по кој треба да одиме“, изјави Чупиќ.

Во натпревар со многу голови и подобри напади од одбрани, Еурофарм Пелистер 2 загуби на гостувањето кај петтопласираната екипа минатата сезона, Бутел Скопје. Дуелот во салата „Антон Димитров“ заврши со победа на момците на Кузманоски со 36-29.

Домашниот состав беше во подобар налет во првото полувреме и покажа дека е расположен за освојување на бодовите, а тоа се потврди и со солидната залиха на паузата (20-15). Стартот на вториот дел донесе малку поангажиран пристап на пелистерци, но Бутел потоа повторно ја презеде иницијативата и постојано беше во позитива од пет до шест голови. Последните десет минути започнаа со резултат (30-24), а на крајот Бутелчани славеа со конечни 36-29.

Голема улога во третиот пораз сезонава на Еурофарм Пелистер 2 играше и неиграњето на десниот бек Баптист Одифрам. Николов кај домаќините и Мохамед Азис Бен Махмуд кај гостите со по единаесет гола беа најефикасни актери на натпреварот.

Во следното шесто коло Еурофарм Пелистер 2 в сабота ќе го пречека Тиквеш.

Првакот на Македонија, Еурофарм Пелистер, го запиша првиот пораз сезонава во Суперлигата. По голема борба и скоро два часа ракомет, битолчани загубија од Вардар 1961 во Скопје со 31-28 (16-14).

Домашниот состав диктираше темпо на почетокот на средбата, но брзо дојденцрвен картон на Вуко Борозан кој беше санкциониран за погруб старт над Филип Кузмановски. Вардар 1961 на полувреме водеше со 16-14, во вториот дел неизвесноста беше целосно вратена на 21-21, но „црвено-црните“ направија нова мини серија и направија солидна залиха која ја зачуваа до крајот

Во рамките на шестото коло, в недела попладне пелистерци го пречекуваат Охрид.

Исландскиот ракометен велемајстор, Јанус Смарасон, доживеа посериозна повреда и ќе мора да биде надвор од терените, а засега уште не е познато колку долго ќе трае процесот на рехабилитација.

Во поразот на унгарскиот вицешампион против Татабања од 30-34, средниот бек на ПИК Сегед заработи повреда на коленото, за која првичните проценки велат дека е од сериозна природа. Доколку се потврди дека сезоната е завршена за Исланѓанецот, тренерот Апелгрин ќе мора сериозно да ја скрати ротацијата и да се потпре на дуото Готфридсон-Кукиќ.

Но, тука има уште еден проблем, затоа што Србинот Лазар Кукиќ сè уште не ја залечил целосно повредата и уште не е во добар натпреварувачки ритам.

ПИК Сегед во моментов е третопласиран тим во групата Б од Лигата на шампионите, каде се натпреварува и македонскиот шампион,Е.Пелистер.

Ракометарите на Еурофарм Пелистер 2 го претрпееа вториот пораз во сезоната во Суперлигата. Иако силно го намачија засилениот Охрид, сепак потклекнаа во драматичниот финиш и загубија со три разлика. Младите пелистерци натпреварот пред својата публика го започнаа во грч, со многу технички грешки во фазата на напад и Охрид замина на +4. Но, благодарение на одбраните на Јовановски и головите на Мохамед Азис и Баптист Одифред до одмор се доближи до само -1.

Двете екипи многу грешеа во вториот дел, а клучен момент беше повредата на Баптист Одифред, кој својот натпревар го заврпи во 47. минута. Сепак, победникот се решаваше во последните три минути. Пред крајот на 57. минута, Еурофарм Пелистер 2 беше на само еден гол негатива (22-23), дури имаше и напад, но до крајот не успеа да постигне гол, па Охрид со два во низа стигна до победата, втора во досегашниот дел од сезоната.

Кај битолскиот тим се истакнаа Мохамед Азиз со девет и Одифред со шест погодоци, а кај Охрид најефикасни беа крилата Ѓукиќ со девет и Ојлески со седум гола.

Во следното петто коло, веќе в среда, Еурофарм Пелистер 2 гостува кај Бутел Скопје.

Екипата на Еурофарм Пелистер лесно се справи фенерџијата Струга и дојде до третата победа во првенството со убедливи 45-24. Стартот беше израмнет, иако битолчани отворија добро и поведоа со 3-1. На тоа стружани со головите на Костов и Вељаноски врзаа серија од 0-3 и првпат поведоа. Пелистерци одговорија и врзаа два гола преку Хенингман и Атанасијевиќ за водство. Уште само еднаш Струга успеа да се врати до егал во натпреварот (6-6), а потоа следуваше пад или подобро кажано консолидација на фаворитот. Со три гола на браќата Атанасијевиќ пелистерци се одлепија на 9-6, а потоа на одмор заминаа со 20-16.

Сепак, во вториот дел дојде до квалитет брзата игра на битолчани, стружани целосно се распаднаа постигнаа само осум гола, а примија уште 25. Најефикасни со по осум гола беа Рудолф Хакбарт и Петар Атанассијевиќ, додека на спротивната страна Наум Костов ја заврши средбата со седум гола.

Во следното петто коло, на први октомври, Еурофарм Пелистер гостува кај Вардар 1961.

Данскиот вицепрвак ГОГ Гудме го надигра македонскиот шампион Еурофарм Пелистер, со аплауз и со два бодови замина од Битола. Конечниот резултат од 28-31 можеби е нереален, бидејќи во првото полувреме постоеше искра надеж дека со помош на осмиот играч – „Чкембарите“, битолчани ќе слават.

По натпреварот своите мислења ги искажаа протагонистите во битолскиот табор.

Рубен Гарабаја
(тренер на Еурофарм Пелистер)
Можевме да видиме три натпревари во само овој еден. Тргнавме многу добро, ги следевме тактичките замисли на почетокот и тоа работеше. Потоа тие ја сменија средбата, тргнаа со нов напад и почнаа да играат директно со многу ситуации „еден на еден“ и кога беа со човек повеќе тоа направи разлика. Долго време ни требаше да се навикнеме на таквата игра. Ги заборавивме нашите тактички движења и потоа доцна се разбудивме и сфативме дека моравме посилно да се браниме. Кога го разбравме тоа, веќе беше доцна. Имаме два натпревари до следниот меч во Лигата на шампионите. Сепак, не можеме да запреме бидејќи имаме два тешки домашни меча. Жалам што имаме неколку врзани многу важни средби во Суперлигата, ама таков е календарот.

Ник Хенигман
(ракометар на Еурофарм Пелистер)
Првото полувреме и стартот до 20 минута бевме навистина добри, водевме 10-5. Потоа не знам, требаше да играме сигурно и да одиме на повисока разлика, а со тоа ќе го затворевме мечот. Се опуштивме и тие ја одиграа својата игра. До крајот на полувремето се вратија до егал, а потоа отворија со водство во второто. Како да не можевме да најдеме одговор на нивната игра „седум на шест“. Сигурно е дека можеме да парираме на секој ривал. Треба овој неуспех да се анализира и да се подготвиме подобро за следниот натпревар.

Во домашниот тим со својата прецизност се истакнаа Манасков со девет и Кузмановски со осум гола

Еурофарм Пелистер тргна максимално мотивирано и без нималку респект против данскиот вицешампион ГОГ Гудме. Избраниците на Рубен Гарабаја доминитаа по 20-тина минути игра, но во продолжение дојде до неочекуван пад во играта. Еурофарм Пелистер во два наврати имаше „плус“ пет на семафорот во првото полувреме и последен пат тоа беше при резултат 10-5. Сепак, ГОГ Гудме направи серија од 2-6 во завршната фаза од првиот дел и на пауза замина со 14:14.

Гостите од Данска продолжија во ист ритам и постигнаа уште три гола во низа на стартот на вториот дел, па многу брзо се одлепија и на „плус четири“, по што стана јасно дека моментумот се префрлува во противничкиот табор. И покрај тоа, Пелистер не се откажа и се врати на минимална негатива од 23-24, но тоа беше последна ваква фаза од мечот, бидејќи домашните ракометари останаа и без енергија во финишот. ремето полека истекуваше и стана јасно дека гостите ќе ги освојат бодовите, па на крајот тоа го направија со резултат 28-31.

Неверојатна партија имаше гостинското крило Фредерик Бјере кој имаше максимални 13 од 13 гола, а Дејан Манасков кај битолчани даде девет. Кај голманите Салах Бутаф од ГОГ забележа осум интервенции, додека дуото на пелистерци Митревски-Хаидаридад забележаа по три.

Во следното четврто коло од групната фаза Еурофарм Пелистер гостува кај Висла Плоцк на 8 октомври.

По неколкудневни тренинзи со екипата, Вардар го ангажираше 30-годишниот Жуниор Тузолана кој игра на позицијата лево крило.

ој доаѓа како замена за Махамаду Кеита кој во следните месеци ќе биде надвор од теренот поради операција на рамото.

Ангажманот на Тузолана е до крајот на полусезоната, со можност соработката да продолжи до крајот на оваа натпреварувачка сезона.

Тој доаѓа од екипата на Сесон во Франција, каде играл последните четири сеозни.

Претходно настапувал за Понто-Комбо, Истр и неколку сезони за Нант. Лани настапи на 24 натпревари во француската лига и постигнал 49 гола.

По победата над Загреб и поразот од Пари Сен Жермен, Еурофарм Пелистер го чека дуел со вицешампионот на Данска, ГОГ Гудме. Пред натпреварот, закажан за в среда од 20:45 во „боро Чурлевски“ во Битола, со новинарите разговараат Петар Атанасијевиќ и Нејц Цехте.

Нејц Цехте
(ракометар на Еурофарм Пелистер)

ГОГ Гудме има многу млад тим. Секоја година тие или ги продаваат или ги менуваат постарите играчи. Доаѓаат играчи од нивната академија и сите играат ист ракомет. Брзо играат, но мислам дека тоа во среда нема да им биде доволно. Нашата одбрана се надевам дека ќе спречи нивни лесни голови, да не дозволиме полуконтри и контри. Сакам да ги повикам навивачите, заедно да го прославиме нивниот роденден и со победа да го потврдиме напредокот.

Петар Атанасијевиќ
(ракометар на Еурофарм Пелистер)

Се подготвуваме максимално. Играме против млада екипа која што игра скандинавски ракомет. Сме се соочиле со такви екипи, и сме минувале и добро и лошо. Ќе го дадеме нашиот максимум, како што беше на натпреварите со Загреб и ПСЖ. Сакаме да извојуваме победа и да ги израдуваме нашите фанови особено „Чкембари“ кои што слават роденден од 40 години. Сите веруваме во чуда и на натпреварите даваме по 200% и секогаш ќе се бориме до крај – до последните минути“, рече левото крило на пелистерци.

Шпанците Андреа Марин и Игнасио Гарсија ќе ја делат правдата на дуелот меѓу македонскиот и данскиот претставник во елитата.

Пред дуелот Еурофарм Пелистер – ГОГ зборуваат Петар Атанасијевикј и Нејц Цехте.