Тимовите со потврдено барање за надградба се: ГОГ Гудме, Нант, ПИК Сегед, Еурофарм Пелистер, Колстад и Киелце.

Директни учесници во Лигата на шампионите:
Магдебург, Фуксе Берлин, Барселона, Спортинг Лисабон, ПСЖ,, Веспрем, Алборг, Загреб, Висла Плоцк и Динамо Букурешт

Добитници на „вајлд-карта“:
Еурофарм Пелистер, ПИК Сегед, Нант, Киелце, ГОГ Гудме, Колштад

Барањата за надградба на лиценцата од страна на Порто, Шафхаузен и Слован не беа одобрени, што значи дека овие екипи нема да учествуваат во Лигата на шампионите, но ќе имаат право на настап во Европската лига или Европскиот Куп. Ждрепката за групната фаза на Лигата на шампионите за сезоната 2025/26 ќе се одржи во петок, 27 јуни, со почеток од 15:00 часот во Виена.

Ракометната федерација на Македонија денеска со жрепка ги извлече натпреарувачките броеви за сезона 2025/26. Новата ракометна сезона почнува на крајот на авгист, а на стартот дербито е дуелот на Алкалоид и Охрид

Новата сезона во македонски клупски ракомет ќе стартува на 6 и 7 септември.

Воведното коло ќе донесе дерби пресметка меѓу Алкалоид и Охрид.

Еурофарм Пелистер ќе му гостува на Бутел, Струга ќе го пречека Вардар 1961, а преостанатите двојки се Прилеп – Еурофарм Пелистер 2, Куманово – Радовиш и Пролет 62 – Тиквеш 2014.

Легендарниот ракометар на Вардар, Иван Чупиќ, ја доби довербата од управата и ја презеде тренерската функција во поранешниот европски шампион. 39-годишниот Хрват денеска на официјалната прес-конференција ги изнесе неговите размислувања.

„Многу сум среќен но, и благодарен до мојот клуб Метковиќ бидејќи веднаш кога дојде повикот од Вардар ми дозволи да заминам. Сите знаете колку ми значи Вардар, Скопје и Македонија како и „Комити“. Сакам да ветам дека јас и целата моја екипа мора да понесеме одговорност, да бидеме почестени што претставуваме еден голем клуб како Вардар“ – рече Чупиќ.

„Сакам овој град повторно да заживее за Вардар. Со огромен ентузијазам и желба сакам да ги исполниме целите. Јас сум многу задоволен од тимот со кој ќе располагам. Не барам играчи, задоволен сум“ – рече Чупиќ кој работеше во Загреб и Метковиќ.

Вицешампионот Вардар 1961 денеска потврди дека со црногорскиот репрезентативец Вуко Борозан постигна договор за продолжување на соработката.

Моќниот лев бек ќе го носи дресот на „црвено-црните“ и во сезоната 2025/2026, што претставува големо засилување за амбициите на клубот во домашните и европските натпреварувања.

Борозан, кој повторно се приклучи на Вардар во 2024 година, со своето искуство беше еден од клучните играчи во освојувањето на Куп титулата оваа сезона

Ракометниот голманот Благојче Трајковски следните две сезони ќе биде член на Бутел. Трајковски е поранешен репрезентативец кој во Бутел доаѓа од Алкалоид.

Триесет и осумгодишниот Трајкоски потекнува од Прилеп, бранеше во Куманово и Радовиш, потоа две сезони во МАКС Струмица, па две во Охрид, пред да се пресели во Битола, каде четири сезони беше на голот на Еурофарм Пелистер. Од 2022 година беше дел од Алкалоид.

РК Бутел претходно ја продолжи соработката со тренерот Горан Кузманоски и средниот бек Димитар Ѓеоргиевски, а се раздели со Бојан Блажески, Антонио Николоски, Драган Шољиќ, Христијан Милошески и Кристијан Давитковски.

Македонскиот ракометен суперлигаш Вардар во петок треба да го промовира Иван Чупиќ за нов тренер на тимот. Денеска од клубот се пофалија со ново име во стручниот штаб, легендарниот хрватски голман Марио Келентриќ, кој ќе биде новиот тренер на голманите на сениорскиот тим. Вардаровите фанови се во исчекување на промоцијата на наследникот на Милано, како и на назначување на нов спортски директор.

Македонскиот шампион, Еурофарм Пелистер, преку Ракометната федерација на Македонија (РФМ) достави апликација до Европската федерација на Македонија (ЕХФ) за учество на нашиот клуб во Лигата на шампионите за сезоната 2025/26.

Директни места во Лигата на шампионите имаат: Магдебург, Фуксе Берлин, Барселона, Спортинг Лисабон, ПСЖ, Динамо Букурешт, Веспрем, Алборг, Загреб, Висла Плоцк и Динамо Букурешт.

За „вајлд-карта“ аплицираат: Еурофарм Пелистер, ПИК Сегед, Нант, Киелце, ГОГ Гудме, Колштадт, Кадетен Шафхаузен, Порто, Слован Љубљана.

Одлуката за сите шеснаесет учесници се очекува на 24 јуни, а ждрепката за групната фаза е следниот петок на 27 јуни.

Со официјална вечера на младинската екипа која го претставуваше клубот, градот и Македонија во ЕХФ Лигата на шампиони за млади, шампионот Еурофарм Пелистер, означи крај на уште една успешна сезона.

По повод големиот успех и пласманот на завршниот турнир на ЕХФ Лигата на шампиони за млади, сите ракометари, членови на стручниот штаб и организацијата на клубот добија златници со логото на клубот и на натпреварувањето.

Овој златник претставува уникатен спомен и награда за импресивниот успех. На ракометарите им се обрати спортскиот директор Звонко Шундовски и техничкиот директор Горан Петровски.

Младинците на битолскиот тим со победите над Динамо Букурешт и Киелце обезбедија пласман меѓу четирите најдобри во Лигата на шампионите, каде забележаа порази од ГОГ Гудме и Барселона.

Како и претходните години и ова лето најдобрите млади ракометари од развојната екипа ќе бидат прекомандувани во шампионскиот тим на Еурофарм Пелистер. „Мозокот“ на Еурофарм Пелистер 2, екипа која без пораз се промовира во суперлигаш, Мирче Калајџиевски е нов член на Еурофарм Пелистер.

Мирче Калајџиески има 21 години, роден во Струга, а во Битола дојде од словенечкиот клуб Слован Гросист. Висок 180 сантиметри, а тежок 80 килограми.

Калајџиевски на крајот од јуни ќе му се стави на располагање на стручниот штаб на Еурофарм Пелистер за подготовките за сезоната 2025/26.

Еурофарм Пелистер има нов кружен напаѓач за следната сезона. Египетскиот репрезентативец Ибрахим Калес Валид е нов член на македонскиот првак. 26-годишниот пивотмен се наметна во дресот на репрезентацијата на Египет, а во Македонија доаѓа од првакот на Турција, Бешикташ.

Корпулетниот Калес Валид е висок 195 сантиметри и сезонава беше еден од најдобрите ракометари на турскиот тим во ЕХФ Европскиот Куп. Со најдобрата африканска репрезентација има постојан раст, откако влезе во кругот на националниот тим пред неколку години.

Официјалното претставување на Калес Валид се очекува на почетокот од подготовките за сезоната 2025/26 следниот месец во Битола.