Алегри: Јувентус мора да биде подобар!

Јувентус во супер интересен натпревар ја победи Специја на гости со 3:2. Во натпревар со многу пресврти, Јувентус водеше со 1:0, па губеше со 2:1, за на крај со „блицкриг“ да го реши домашниот тим.

Тренерот Масимилијано Алегри е задоволен од резултаот, иако Јувентус се мачеше да стигне до победа.

„За среќа победивме, се мачевме да стигнеме до победата. Можеби тоа е добро, бидејќи ќе мислевме дека сме одиграле одлично и дека нема ништо што друго да се направи. Има многу работи кои треба да се поправат. Имаме играчи кои мора да бидат подобри при нивните одлуки за завршниот пас и кога да шутираат во целта.“ – изјави Алегри.