Ефес го засили нападот со Американецот Брајант

Актуелниот шампион на кошаркарската Евролига  Анадолу Ефес од Истанбул, во своите редови го доведе бекот Елајџа Брајант.

26-годишниот Американец  во екипата на Ефес пристигна од Милвоки Бакс, тимот со кој минатата сезона ја освои НБА лигата. Договорот е потпишан со траење од две години.

Брајант веќе има искуство со играње во Европа кога настапуваше во Израел за екипите на Хапоел Елиат и Макаби Тел Авив.