Лука Миливојевиќ заминува од Кристал Палас и се сели во Олимпијакос

Фудбалерот на Кристал Палас, Лука Миливојевиќ, ова лето ќе ја напушти Премиер лигата и ќе се врати во редовите на грчки Олимпијакос.

31-годишниот бивш репрезентативец на Србија, договорил тригодишна соработка со црвено-белите од Пиреја. Ова значи дека Миливојевиќ ќе се врати во клубот за кој настапуваше до 2017, и од каде замина за Англија и Кристал Палас.