Муса Дембеле е трансфер цел на Манчестер Јунајтед

Екипата на Манчестер Јунајтед како можна трансфер цел го означи напаѓачот на Олимпик Лион Муса Дембеле.

Клубот од „Олд Трафорд“ многу веројатно ќе направи промени во офанзивната линија на крајот од сезоната, а Единсон Кавани и Џеси Лингард имаат договори до крајот на сезоната и се очекува да заминат како слободни играчи.

Дембеле е на радарот на „црвените ѓаволи“ од сезоната 2015/2016, кога играчот направи трансфер во Селтик. 25-годишниот фудбалер го напушти шкотскиот гигант во 2018 година за да премине во Лион, а актуелниот договор со францускиот тим му истекува во 2023 година. Тоа значи дека Дембеле ова лето може да биде достапен за околу 25 милиони фунти, сума што е повеќе од прифатлива за гигант како Манчестер Јунајтед.