Премиер лигата е идната дестинација на Ленгле

Фудбалерот, Клемент Ленгле, кој доби многу критики во Барселона, можеби нема да остане во тимот за наредната сезона.

Шпанските медиуми открија дека Евертон и Вест Хем започнале преговори за трансфер на дефанзивецот. Двата клуба од Премиер-лигата сакаат да го ангажираат како позајмен играч.

Ленгле во претходната сезона одигра 48 натпревари за Барса. Каталонците пред три години го купија Французинот од Севилја за 36 милиони евра.