Промени во Брегалница: Нов договор за Силјановски и четири заминувања

Штипска Брегалница ја заврши соработката со четворица досегашни фудбалери. Со завршувањето на договорните обврски кон клубот, од Штип заминуваат офанзивецот Милан Ѓокиќ, дефанзивците Александар Борха Кордоба, Адис Хадановиќ и Даниел Мојсов.

За разлика од нив, еден од најдобрите фудбалери на Брегалница од минатата сезона, Горан Силјановски ја продолжи соработката со „сините“ и за следната прволигашка сезона. Силјановски денеска потпиша нов договор со Брегалница во желбата за нови успешни настапи во синиот дрес во елитното друштво.