Сити ја донесе замената за Родри, го купи Енцо Фернандез

Енцо Фернандез се збогуваше со Челси по повеќе од три и пол години поминати во лондонскиот клуб, откако аргентинскиот репрезентативец го комплетираше трансферот во Манчестер Сити.

Фернандез во Челси пристигна во јануари 2023 година од Бенфика за 106,8 милиони фунти, само неколку недели откако со Аргентина ја освои светската титула во Катар. Неговото доаѓање на „Стемфорд Бриџ“ беше проследено со огромни очекувања, а со текот на времето тој стана еден од лидерите на тимот.

Сега, по повеќе од 170 настапи во синиот дрес, Фернандез го напушта Челси и кариерата ќе ја продолжи во Манчестер Сити. Англиските клубови постигнаа договор за трансфер вреден 125 милиони фунти, со што сумата го израмнува британскиот рекорд.