Солскјер потврди кога ќе дебитира Роналдо

Кристијано Роналдо ќе дебитира викендов во дресот на Манчестер Јунајтед, потврди тренерот Оле Гунар Солскјер.

Португалецот по 12 години се врати во Манчестер Јунајтед, откако играше и за Реал Мадрид и Јувентус. По враќањето на Олд Трафорд, тој потпиша двегодишен договор со опција да биде продолжен на дополнителна година.

Тој постигна 118 погодоци во 292 натпревари за Јунајтед во шесте години кои ги помина во клубот, а нов настап и шанса за погодоци ќе има веќе против Њукасл.

„Имаше добри подготовки со Јувентус, играше и за репрезентацијата. Со нас имаше добра недела и сигурно на теренот ќе помине некое време. Знаеме што се оствари во кариерата, но тука доаѓа да направи уште повеќе. Тој ни носи нешто дополнително, таков сет од способности не сме имале во екипата. Никој од нас тоа го немаше, бидејќи тој е еден од најдобрите играчи на сите времиња, ако не и најдобар.“ – вели Солскјер.