Шелтон е противникот на Алкараз во четвртфиналето во Њујорк

Деветторангираниот тенисер на АТП листата, Американецот Бен Шелтон, се пласираше во четвртфиналето на УС Опен, откако во синоќешното осминафинале во Њујорк беше поуспешен од Гркот Стефанос Циципас (АТП – 53) со 3-0 во сетови (6-2, 6-3, 6-4).

Во четвртфиналето, Шелтон ќе игра против бранителот на титулата, третиот тенисер во светот, Карлос Алкараз од Шпанија.

Пласман во четвртфиналето на грен слем турнирот во Њујорк обезбеди и 12-от тенисер во светот, Американецот Франсис Тиафо, кој го победи Русин Данило Медведев во осминафиналето по три сета, 7-6, 6-4, 7-6.

Тиафо ќе игра во четвртфиналето против својот сонародник, 46-тиот тенисер на светот, Алекс Микелсен, кој во осминафиналето триумфираше над Аргентинецот Томас Мартин Ечевери (АТП – 32) со 7-6, 6-4, 6-4.