Повредата на Асенсио не е сериозна, наскоро ќе се врати на терените

Дефанзивецот на Реал Мадрид, Раул Асенсио синоќа доживеа хорор повреда поради која веднаш беше пренесен во болница.

По еден судар со својот соиграч Камавинга, Асенсио падна неподвижен на тревата, со носилки и мобилизација на вратот беше изнесен од теренот, па префрлен во болница.

Оттаму информациите велат дека повредата на Асенсио не е страшна како што изгледаше на теренот и тој брзо ќе се врати во игра.

Се работи за повреда на вратот, тоа го потврди и тренерот Алваро Арбелоа.

„Се чини дека повредата на Асенсио не е многу лоша. Станува збор за повреда на вратот“, рече Арбелоа.