Томас Вокап и Олимпијакос ќе завршат на суд

Спорот меѓу Томас Вокап и Олимпијакос доби нова, посериозна димензија.

Искусниот плејмејкер е решен да го напушти клубот од Пиреја и да се пресели во Дубаи, иако неговите претставници го советувале да не влегува во борба со актуелниот европски првак.

Според Михалис Стефану од порталот „Бетарадес“, Вокап во еден момент одлучил да ги заобиколи своите претставници, кои се обиделе да го одвратат од таков потег.

Кошаркарот наводно ангажирал свој адвокат во Италија и не покажува подготвеност да се откаже од својот став.

Според извештаите, Вокап веќе некое време престанал да комуницира со своите соиграчи и луѓето во клубот, а наводно останал цврст во својот став дури и кон тренерот Јоргос Баркокас, кој одигра значајна улога во неговата кариера.

Според овој извор, американскиот плејмејкер дури и добил впечаток дека негативните реакции на навивачите на Олимпијакос на социјалните мрежи биле организирани.